تجمع امهات العالمية الامريكية

[bella bambina]

صباح الخير أمهات
كراميلا اي هذي آنا محد فاضحني الا جريدتي لأ مو قصدي انتي منقبه قصدي متنقبه تنكر عشان لا نصيدج
اي اليوم بجرب سلامو عليكو لأ دلول مو وايد استانست بس عوضنا عليها وديناهم أمس الأكواريوم شافت الشاركس واستانست

 

[mr000]

السلام عليكم ..اشلونكم ..اكسبلورر ذهبي ومو متحجبه وجريده ..خلاص من باجر بقعد أخز باللي بالسيارات..انزين كراميلا بالله عطينا بعد مواصفات فوز وسيارتها..وبالمره بعد ريمان..لي عوده لكم بس خل أريق بنت ولدي.. يعني لي أذان الظهر تقريبا..على كورن فليكس وبسكوت حليب..

 

[ReeMaN]

صباحووو كيفكم شخباركم ؟؟؟

افاااا بييلاااااا افاااااااااااا لالالالالالا مايصير غشششش ... صادتج كاراميلا قبلناااا اى صكري جريدتج وخزي بالاوادم شوفيها وين

منخشه .... خلاص باجر انشالله بنساعدج كل وحده تقضب لها بوابه ونفتش وحده وحده ههههههههههه.... بيلا قضبي باب الباصات وفوز

باب المسيد وانا الباب الرئيسي

 

[caramella]

هيا زين صدت لي وحده بدون ما تعرفني
مروو إكسبلورر ذهبي على بني مو ذهبي فاتح و تقرا الجريده حدها مندمجه ما تتلوفت لا يمين ولا يساربس مروو اتوقع الصبح ما تقرا جريده الصبح يكون معاها سمالله عليهم عيالها تقطهم مع بعض إلا إذا بتمرين الظهر بتصيدينها
واليوم بيلا لما شفتج تركبين بنتج بالسياره قلت عدل إهيا لأن امس قاعده اقول اذا الياهل اللي بتاخذه صبي معناته مو إهي
جاري البحث عن باقي الشله تحت غطاء التنكر قبل لا تفضحني كرشتي و تصيدني صيادة الكروش

 

[Fouz]

السلام عليكم أمهات شخباركم

باجر دريس داون داي و بنتي مشتطة تقول يصير نلبس بيجاما؟؟ حلت لها السالفة لانها ما اطلعت من البيت بالبيجاما الا حق المدرسة

اليوم ما يبت بنتي من المدرسة ذبحني الصداع من قلة النوم ، اختي يابتها فللأسف ما طحت على كاراميلا

بيلا بشري عسى ما سلم عليج الريال هذا اذا خذا عياله اليوم و ما كان عنده :j013: أمس

كاراميلا طلعت مو هينة جكت بيلا وينج يا ريمااااااااااااااااااااااان جنه لقب كونان بينتقل حق ناس ثانين

مرو لو مبجرة 3 شهور جان طحتي علي،،، وحدة تمشي مشية البطريق

اليوم بسيرون علي رفيجاتي و مو قادرة افتح عيني من عوار راسي لاني قادرة انام اخاف تروح علي نومة و لا قادرة اسوي شي، طلبت معجنات وسلطة وورق عنب و حلو مع العصير و الشاي و القهوة لانهم اليمعة خفيفة ياييني 4 بنات اللي اهم كلوز معاي من الجامعة بحكم اني ما سويت استقبال و فشلة كل ما قالولي بنمرج اعتذرت فقلت خلاص خليها الاربعاء لان ناسب الكل

أخليكم الحين و ارجع بالليل كالعادة هذا اذا ما تنحر المنتدى

 

[caramella]

ريمان لا ماله داعي كل البوابات اسهالها عليكم آنا ما ارووح إلا من بوابة السيد و بس

 

[caramella]

فووووووووووووووز نفس سالفة ولدي اليوم قالي بالسياره آنا باجر بلبس باجاما لوووووول ضحكني
قلت له لا لازم بدله قال لا إهما قالو إلبس على كيفك و آنا بلبس باجاما

 

[caramella]

فوز ترى إذا نمتي حتى لو ساعه يروح لج الصداع إنسدحي و سكري الليتات و غطي لج شويي اول ما تقومين تحسين نفسج منرفزه يرووح بسرعه بس الأهم إن الصداع يروووح
إنشالله ياربي تستانسين ييمعة ريفيجاتج

 

[ReeMaN]

سلامات ماتشوفين شر يالغاليه اخذي لج بنادوله ونفس ماقالت كاراميلا صكي الليت لو تاخذين غفوه ربع ساعه بالظلمه انشالله ماكو الا العافيه

واذا الصداع حايشج من هوا بارد ماكو الا الشاي فوحيه وهاتى لج فوطه وتنشقى البخار بسرعه تسحب البروده بس شيلي العدسااااات لان

يلصقون حزتها بعيونج بطلعه الروح ينشالون <--- انا مجربه ههههههه وماتشوفين شر يالغاليه

باجر بحيل الله عيني عليج كاراميلاااا @@ وبييب كلبشات اربطج بحدايد البوابه عشان اتشوفج فوز لاطلعت

 

[mr000]

السلام أشلونكم ..شالسالفه تصيد وكلبجات..أشوه إنكم ماتعرفوني وحدي الصبح ماآخذ ولدي الظهر ولامع حزت طلعة عيالكم..آنا المشكله إني لما أوصل ولدي الصبح دايما أكون قاعده أكلم ولدي العود بالنقال فما أركز كلش ماأنتبه حق الناس اللي ينزلون عيالهم..يعني سوالف من البيت لي حولي ولي أوصل ستاربكس مشرف ونكمل سوالف لما يوصل دوامه بالأميري..وتالي نقول ليش هالكثر فواتيرنا..فوز الله يعينج عالصداع..لحقي نفسج في بنادول وقيلوله شويه علشان تصحصحين حق ييت رفيجاتج...آنا هم خل أروح أنام بديت أدوخ واليوم دوامين عندي ..جنتي بتطلع العصر لي بالليل يعني برد آخذ الصغيره لي بالليل..عسى بس ألحق أنام..

 

[bella bambina]

السلام أمهات
سلامات فوز ما تشوفين شر حبيبتي فقدتج اليوم لا اليوم سلمت على السكيوريتي وآنا أساسر نفسي وضحك علي
سووووووري ريمان تدرين دوامي مو مثل دوامج فما أفضى أقرا الجريده الا هالوقت
كراميلا سيارتي لونها مو ذهبي لونها أجلح أملح وبعدين زين يوم اني ما أنام على هالنطره
سؤال برئ كراميلا شنو سيارتج ؟
مروو الله يعينج احنا عيالنا وما لنا خلقهم

 

[bella bambina]

السلام أمهات
ريمان أبي تسإلين لي أخصائي التغذيه ولدج الله يحفظه أي نوع ككاو ما يمتن ؟؟؟؟؟؟

 

[ReeMaN]

هلا بيلا كيفك؟؟؟ شكلج مضيعه بالشخص :> وهم بجاوبج ...ولدي ماياكل اي نوع من الكاكاو ولا بسكوت لان فيه حساسيه من الحليب

عادي الحلاو والعصاير بس لان يموت على الحيلب كاكاو ومايقاومه اعطيه مرتين بالاسبوع منها عشان يخفف الهايبر ومنها

الحساسيه ماتقب عليه ........

 

[caramella]

بيلا حلوه اجلح املح هذي لووووول
الله يسلمج إن قلت لج نوع السيار بتصيديني على طووووووووول
الله يسلمج حبيبتي آنا الحين الدكاتره مانعيني من السواقه وممارسة اي نشاط فا ما اسوق ايي مع السايق آخذ ولدي و ارجع البيت ما اطلع إلا للضروره :bbbiu:

 

[Fouz]

السلام عليكم أمهات
سويت بنصيحتكم و غفيت شوي صج قعدت مصدعة بس عقب الشور كنت أحسن الحمدلله

كاراميلا شسالفة البيجامات!! تقولين قاصر علينا هدوم ما جنه الكبتات طافحة من الخلاجين

بيلا حبيبتي ما تفقدين غالي و ان شاءالله اليوم أييب بنتي و أشوفج أخاف تسلمين على أحد مني و الا مناك

ريمان لاازم ثم لاازم تصيدين كاراميلا قبل الويك اند والا اخذي كورس تحري يديد، عطتنا خوش هنت انها اتيي مع سايق

مرو شلونج عسى الله يهني جنتج يارب ماشاءالله لا اله الا الله ماكو خالة نفسج عيني عليكم باردة و عسى الله لا يغير عليكم

من شوي نامت ريم و قلت خووش علشان أنام، توني بغط سمعت الاذان و من تيددت تبطلت عيوني و صحصحت

ماشاءالله اليمعة كانت عجيبة و استانسوا رفيجاتي و مشوا الساعة 11 ما حسينا بالوقت صارلي بالضبط 3 شهور ما شفتهم شكثر سوالف متيمعة من ذاك الوقت

 

[أم عبووووود]

:hjy5jewf:موفقين يارب

 

[ReeMaN]

صباح الورد امهات العالمه كيفكم ؟؟؟؟

واي حتى انا اليوم بالذات قمت حق صلاه الفير وبس طارت النومه الله يعينى على الدوام ..... من الحين فينى النومه

:ch12: كاراميلا وفوز عادي في يهال ايون بالبجامات صج ماحب البجاما بس لان ماطلبو شي محدد اخر مره لما كان

عندهم دريس داون دي وايد اللي كانو لابسين بجاما على تريننق ....

بيلااا ان ماصدنا كاراميلا :ceaf32e183: اليوم بندش دوره مغاوير :eh_s(13): :j013: :jumpon: :23_asmilies-com: انا وياج :friends: بالويك اند بس مو هني بالكويت لااا بنروح لندن وهالمره على

حساب مروو ههههه

 

[ReeMaN]

اجمعين ام عبود حياج الله

 

[bella bambina]

صباح الخير أمهات
آمين أم عبود وأجمعين ان شاء الله
ريمان ذاك اليوم تقولين ولدج يقول لج مكدونالدز زين حق الريجيم قلت يمكن يعرف حق أحسن نوع ككاو للريجيم :dddds: مع اني ما أحب لندن بس دام ان على حساب مرو على بركة الله
فوز زين عليكم بالعافيه الله لا يفرقكم ويجمعكم دايما على خير
اليوم درس داون دي لأنه آخر خميس بالشهر
بالشتا كان يمديني أصلي الفير لما أقعد الصبح حق الدوام قبل الشروق الحين ما ينفع لازم نقعد مبجر والله ساعات أصلي وعيوني مغمضه عشان لا تروح النومه بس هم تروح :ch12:

 

[mr000]

السلام اشلونكم شخباركم..وليييييه ريمان دارت علي هالمره..لا جد أنصحكم روحوا على حساب كراميلا لأنها تدل لندن أحسن مني وتعرف حق الأندرجراوند والباصات..آنا ماأدل بقطكم بأكسفورد وأهدكم وأنتوا اللي بتخلص فلوسكم عالسوق ..بعد السوق مو على حسابي..والله فوز شسوي ماأحب أهدها عالخدامه طول ماآنا موجوده بالبيت أو أقدر آخذها معاي وإلا بصراحه قاعده أتعب واليوم قاعده كتفي يعورني لأن أمس لما طلعتها المغرب إلا تبيني أشيلها..اليوم وصلت ولدي المدرسه 7 وثلث فما لحقت حسافه أشوف لا أكسبلورر ولاأحد منكم بس ماشفت يهال لابسين بجامات يمكن واحد والباقي لابسين لبس طلعه عادي..أمس ولدي يقول في صبي بصفهم أمه مطرشتله غدا من فريج صويلح تقريبا 5 وجبات مجبوس دياي ودقوس قعدوا بآخر حصه بالسوشيال كلوه مع المدرس..يقول المدرس طماع أخذ وجبه كامله حقه واحنا كل واحد حطله شويه بصحن..يقول زين كسرت اليوع ..لأنه كان عنده تيوترينج لي ال4..قلتله زين مانمت بالتيوترينج من عقب المجبوس..بس والله زين يرضون..