تجمع امهات العالمية الامريكية

[ReeMaN]

حلومه مشرفتنا الحبيبه تقدرين اتشيلين كلام هالدخيل علينا بالتجمع ولكي جزيل الشكر :hjy5jewf:

 

[Fouz]

شلونكم أمهات ان شاءالله بخير

 

[mr000]

السلام عليكم اشلونكم أمهات..

 

[caramella]

قوه صديقاتي
شلونكم
أفا ريمان لالا تحرياتج باطله
الله يسلمكم ولدي كان يوم الخميس تعبان ودقو علي قالولي تعالي إخذيه فا مريته مبجر وخذيته
مبرووك ريمان إنشالله تشوفينه معرس يارب
بيلا حرام لازم تكلمينهم الأبلات العربيات ما يعرفون يعاملون اليهال
ريمان الله فك ولي العهد من هالمس و مثل ما قلت لج الأبلات العربيات ما يعرفون يعاملون اليهال ما عندهم إلا العقاب

 

[bella bambina]

السلام أمهات اشلونكم واشلون عيالكم ؟
هلا والله ملكه
اي والله فوز اشمعنى بتجمعنا ؟؟يمكن قالو هذيلي انجليز عادي
اي والله بعد لازم أطالبهم بفلوس الهدايا اللي أشتريها حق دلول لما ترد البيت زعلانه بالضبط ربع معاشي حقها
المشكله ان دلول ليلحينها تتحجى نفس البيبيات ماناخذ منها لا حق ولا باطل
مرو آنا يوم الخميس عكس الناس ما أطلع ولا أسهر من تعب الأسبوع ساعات أنام من ال 8

 

[ملكة بيتها]

شلونكم حبايبي ..فوز ..ريمان ..مروو ..كارميلا ...بيلا ..وباجي الأمهات ..شكرا على سؤالكم أنا وبنتي الحمد الله بخير
بيلا ..والله كاسره خاطري بنتج يعني هي طفله وصدقيني مافي ياهل بعمرها مو شيطان لو ما كانت شطانته حركيه بتكون عنده هذره ومن تحت لي تحت بيطلع فيها الطاقه يعني هي التيشر المفروض تسيطر على الصف وعلى الطفل الشيطان بطرق تربويه مو إنها تعاقبه وبس بدون ما تعالج الخلل بطريقه تربويه ..وإنتي وايد تقولين ترد البنيه وهي زعلانه من المدرسه والله أنا بنتي الأسبوع اللي طاف الخميس ( مو أمس ) ردت من المدرسه وقالتلي إن مس العربي صرخت علي جدام الأطفال كلهم عاد قتلها ليش تقولي قالت كتبي من على السبوره وأنا كاتبه مثل ما هي كاتبه بس تقولي خطأ ..الله يسلمج هي معطتهم درس جديد وكاتبته لهم على السبوره وقايلتلهم نقلوه ..المهم أنا قلت حق بنتي هي تبيج تصيرين شاطره ومن هالكلام يوم الأحد تكرر نفس الموقف والله يوم الأثنين ما خليت دقيت على رئيس القسم وقلتله الموضوع وعقب التيشر دقت علي وحاولت تقطها براس بنتي تقولي هي متراجعه ومن هالكلام قتلها أوكي بنتي متراجعه دزيلي والحين عندج رقمي كلميني أنا بس لو سمحتي ما تصرخين على بنتي جدام زملائها ...قتلها ما أبي بنتي تكره الدراسه ..يعني بنتي مسكينه تقولي أول مره كانت قاعده جدامها أطول بنت في الصف ومو قادره تشوف اللوحه ..عاد يومها يوم بدرس بنتي تخيلي شنو تقولي أقولها كتب كلمه شهر تقولي هالكلمه فيها مشاكل وايد أنا ما أحب هالدرس .. يعني خلاص الياهل تصير عنده رده فعل سلبيه
ما عليه قرقرت وايد عليج بيلا بس اللي بوصله لج إنج لما تكلمين التيشر طبعا هي بتقط السالفه واللوم كله على بنتج وتربط لسانج بس لازم تبينين لها إنها تربويه والمفروض تلاقي حل حق المشكله بطريقه ثانيه مو بطريقه العقاب ..

 

[ملكة بيتها]

كارميلا ...ما يشوف شر الصغير

 

[Fouz]

شلونكم أمهات ان شاءالله بخير

بيلا عاد دلال اسم الله عليها تدخل القلب يعني حتى لو شيطانة بس تشوفينها والله ما تقدرين تزفينها، ما شاءالله عليها تهبل عسى الله يحفظها

ملكة صاجة ياشين المدرسة اذا ما عرفت تتعامل مع الياهل و لعبت بنفسيته، ما يفهمون ان الياهل بهالعمر يتأثر بسرعة و حتى اذا كبر ما ينسى المواقف اللي صارت له من قبل

كاراميلا سلامته ولدج ما يشوف شر، و ننطرج الأحد ان شاءالله

ريمان كثفي التحريات اذا سمحتي و كلبجي اللي خبرج >>>> يعني شفرة

مرو شلونج، عوضي النومة اليوم و لا تقومين مبجر

 

[Fouz]

صباح الخير أمهات شلونكم
ابي أسأل وين اروح علشان أقظ أذن ريم؟؟ بنتي العودة وديتها عند عفاف الرومي لاني كنت اراجع عندها بس ريم ما عندها ملف هناك، قولولي وين وديتوا بناتكم و اليوم بدق على عيادة عفاف بوف عادي اوديها اذا ما عندها ملف و الا لأ
أستأذن الحين، الناس تقعد من النوم و انا توني بروح انام

 

[caramella]

السلام أمهات
شلونكم
الشر ما إييكم حبيباتي
لا فوز إلا الكلبشات الله يخليج مستعده اقعد عند باب المدرسه ابيع بنك عشان تعرفوني ولا تكلبشوني
ملكه شخبارج ؟؟؟ زين سويتي بالمدرسه الصراحه أغلب الأبلات العربيات ما يعرفون يعاملون اليهال عكس الأجانب مو كلهم بس اغلبهم سمحين مع اليهال ويجذبون الياهل واللي يتشيطن بإسلوبهم يخلونه يستحي و ما يعيد الشغله
وآنا بعد ولدي ما يحب العربي بسبة إن مو حاب أبلته
ريمان وين التحريات يا قلبي ذيك المره صدتيني بسرعه شفيج خقيتي هالمره لا لا محتاجه جرعة طاقه تحريات
فوز بسلم دلبها ريومه ----->(يسلم قلبها) الله يسلمج آنا مره شفت في بووتس الفيحا اللي داخل الجمعيه وحده قاعده تختار تراجي حق بنتها بيقضون أذونها بس الصراحه ما أعرف احد مجرب عندهم بس دوري مكان يخدرون المكان بجل ولا شي عشان لا يعورها هذا إقتراح مني عاد هالشي يطبق ولا لأ ما ادري
بيلا الله يساعدج والله آنا حضرت ولدي كله زعلان و ما ارضى إلا بهديه قبل هداياه بريئه على قده الحين لا آي فون و أمس الطلعه اليديده بلاك بيري حسباله أمه و أبوه من عيال التخ إبن المخ
مرووو شلون النومه اليوم ؟؟؟

 

[Fouz]

السلام عليكم أمهات شخباركم

كاراميلا شلونج، باجر بتحبل لج وبروح مبجر جود أعرفج، سالفة الاذن اقولج وديتها عند عفاف الرومي و ما قظيت اذنها بالصيدلية قولي ليش؟ حسيت الصيدلي يمكن يتدوده خاصة ان المكان يندخل بكل حزة و يمكن احد يكلمه و يخوره ، عاد وديتها عند عيادة الدكتورة و عقب الفحص دخلتني النيرس غرفة بروحي و اخترت الترجية اللي ابيها و عطتني ماركر علشان احدد وين ابي يحطون الرجية بالضبط و مصوره كل هالسيناريو بالفيديو هههه المهم بنتي ما بجت من العوار لأ بجت من الخرعة لما اسمعت الصوت بس السالفة كلها دقيقة بس انا ماني مقتنعة بالصيدليات مادري يمكن قاعدة أوسوس

وسالفة هدايا اليهال شي عجيب، بنتي الله يحفظها طبعها مو حلو، قلت السالفة حق بيلا من قبل، اذا شريت لها شي ما تتمتع فيه لأ أول سؤال تقولي ماما اكو منه بعد؟ انا على بالي اذا قلت ايه بتستانس طلع الموضوع نحاسة ابي حقي بروحي، عيزت بغير هالطبع و ان شاءالله تتغير، و اذا حبت أحد عادي ياخذ نفسها بس اذا الشخص مو هير فافوريت على قولتها يا ويلنا اذا صار عندهم مثلها

 

[mr000]

السلام اشلونكم..كراميلا مايشوف شر ولدج ..اشلونه ألحين..بس كراميلا ألحين أنتهى موسم البنك..ماكو إلا عربانة برد..فوز مبروك التراجي على بنتج..أحححح ..مسكينه افتكت.. بنت ولدي ودتها يدتها أم أمها صيدليه بالجابريه قضت أذونها وطبعا كنت مادري ودوها ماقالولي لأني ماكنت راضيه أول ماانولدت كانت وايد صغيره وأذونها نتفه..غصب نطروا لي شهر ونص وودوها..هو صج وهي صغيره أحسن..بس أذونها نتفه حتى مو مظبوط مكان التراجي مسكينه وايد فوق عند الغضروف من عذر عورها وبجت وايد بعد عمري..ليلحين منبطه جبدي..

 

[mr000]

أي كراميلا..على سالفة النوم..البارحه عال9 ونص خلاص فصلت ماصدقت يت جنتي خذت بنتها وسيده الفراش..حتى ريلي اخترع لما رجع علباله إني مريضه..العاده هو ينام قبلي..ونمت لي 9 ونص الصبح يعني 12 ساعه..والله ارتحت وراحت عني الدوخه وإلا أمس العصر جني سكرانه

 

[ReeMaN]

سلام عليكم

شخباركم ؟ فقدتكم حبايبي مايشوف شر وليدج كاراميلا وانشالله يبيلي محاوله اخري عشان اصيدج

مبروك فوزه الترجيه وه افتكيتى من هالسالفه عاد انا لما كنت برابعه متوسط كنت ميييييييييته على القضوض اللي فوق بعض وحنيت على امي

مارضت فريت الموجه على اختى الكبيره تكفين وتكفين ايااااااااام وانا احن والله ودتنى صيدليه اتذكر بكيفان وانقي ترجيتين قالت شبتهببيين

بعمرج قلت ابي قضيييييييييييين والله سوالي 2 يعنى صارو ثلاث ورا بعض :> الى الحين اتذكر العوار الكبير مو نفس البيبي

ماشالله اليوم واحنا نسبح بالبحر مع ان الجو بااارد تبارك الرحمن مرو علينا الفصول الاربعه كان الجو حار وطبينا وصار برد بعدين غيم

وغبار ومطر ورعد وبرق وماشالله الاوادم كبار وصغار عادي يتسبحون ماجنى سرايه مرت علينا وولدي الاخ اللطيف صار اسممممممر

مع ان غيم بس خوش ساد حق تصوير التخرج :>

 

[Fouz]

شلونكم أمهات شخباركم

أول شي بتشكر من أم عبود على سرعة الاستجابة دزيت لها عن المشاركات اللي تلوع الجبد و الحمدلله سوت اللازم

مرو عليج بالعافية النومة و ان شاءالله دوم مرتاحة

ريمان صيدي كاراميلا و الا ترى بنشيل عند لقب كونان للأبد

و مشكورين انكم باركتولي بس انا لي الحين ما قظيت اذونها ، السالفة اللي قلتها مالت بنتي العودة ، دقيت على عيادتين ما عندهم هالشغلة و دقيت على عيادة عفاف ما ردوا علي، بشوف باجر شيصير، لاني بوديها الاسبوع الياي اذا الله كتب لان يوم الثلاثاء تطعيمها على الاقل تنسى العوار اسبوع تالي أوديها

بيلا و كاراميلا ملكة و ليالي شخباركم

 

[ReeMaN]

سوري للبدليه ساد = سواد

وي فوز حسابلي قضيتي اذنها وافتكيتى والله مادري عن اسن مكان بس انا عندري الريال ايده اخف من المره خاصه بالتخريم ... اتذكر بنت

اخوي لما كانت صغيره امها كانت تخاف اتوديها والله انا وديتها صيدليه بعبدالله السالم كانت في مصريه خرمت اذنها والحمدلله لا لعبت باذنها ولا

شي بس بجت شوي وسكتت ... الله يسهل عليج باختيارج المكان

 

[Fouz]

مشكورة ريمان
انا قاظة اذوني بصيدلية الضاحية من سنتين، شكلي اذا عيادة د عفاف ما ردوا علي بوديها صيدلية زينة و اتوكل على الله

 

[bella bambina]

صباح الخير أمهات
هلا والله ملكه أبوها قااااااال بيروح يكلم المدرسه لأنها اكسرت خاطره آنا عيالي ولا واحد فيهم يحب حصة وواجبات العربي واهم صاجين ولدي بأولى ينسخ الدرس 4 مرات ويكتب كذا كلمه 5 مرات غير ورقة العمل وواجب الانجليزي يحله بسرعه بروحه بدون لا أحن عليه والمدرسات العرب بالهم مو طويل
فوز آنا بناتي قظيت أذونهم بالسلام كان أيامها دكتور زياد قطامش الله يذكره بالخير حسافه على هالدكتور لا لايعلى عليه
ريمان الناس يحطون تان عشان يصيرون برونزيين أحلى آنا عيالي يحطون حوض بالحوش ومسمرين
كراميلا ديري بالج ناوين عليج الجماعه :eh_s(13):

 

[bella bambina]

ريمان آنا قظيت أذوني بصيدلية بدبي أيام الثانويه بس آنا من النوع اللي وايد يتأثر بالألم ورمت أذوني وصارت بنفسجيه فشلت التراجي وبنفس الأسبوع تسكرو

 

[mr000]

السلااااام اشلونكم..ريمان آنا أقرا اللي انتي كاتبته وآنا حاطه إيدي على أذوني ..أحححح.. آنا قبل 12 سنه مره فكرت أقض أذوني قض ثاني وكنت وايد خايفه وعلشان أشجع نفسي رحت شريتلي تراجي ألماس..ورحت صيدليه بالجابريه..أمبي طار قلبي لما قضت أول أذون ألحين الثانيه أشلون ..موقادره..كل ماقربت الصيدلانيه مني مسكت أيدها..والمره عندها شغل الناس تنطر بره..أوف حسيت الثانيه عورتني أكثر من الخوف..وظليت أسبوعين تعورني لاقادره أنام على هالجنب ولاهالجنب..توني أشوف بالجريده..فيه معهد تقويه وتأسيس ومتابعه يوميه للمدارس الحكوميه والبريطانيه والأمريكيه..لجميع المراحل..من السبت لي الأربعا..من ال4 ونص لي ال8 ونص ..اشدعوه وايد..متى يدرس ويسوي واجباته..الظاهر في ناس يعتمدون عالمعهد..يعني يودي كتبه وهناك يساعدونه بالواجبات ويدرسونه..أذكر مره وحده قالتلي أنها تودي بنتها بالإبتدائي تقطها مع جنطتها وهم يدرسونها..