تجمع امهات العالمية الامريكية

[mr000]

اليوم ولدي ماقال فري دريس داون يمكن مو حق المتوسط والثانوي... زين أشوه ولدي بدى يتشوق حق الهاي سكول لأنه ياخذ حصة التيوترينج فوق عند الهاي سكول فمتعرف على كم واحد من غريد9 يقعد يسولف معاهم علما تيي المدرسه ..يقولي الهاي سكول أحسن الصبيان كبار مو مثل الميدل سكول عندنا يهالوا ماجنهم كل واحد عمره 14 سنه غشمرتهم بايخه ويتطنزون وسوالفهم سوالف يهال..

 

[Fouz]

شلونكم أمهات
اليوم نمت الصبح عقب ما بدلت بنتي حق المدرسة و معتمدة على ساعة الموبال ما وعت الا خدامتي طاقة الباب تقولي الساعة 12 و نص و انا اقولها لأ الساعة 11 و نص اثاري ساعة الموبايل مجدمة ساعة :eh_s(13): عاد طمرت طمرة و ب10 دقايق غسلت و بدلت و عدلت الساعة مالت الموبايل الله لايبارج فيها

بيلا سألت بنتي قالت دلال ما اقعدت بالساد جير بس قالت حمد العنزي طق غازي و كمش شعر بنتي ، بقولج دلال عندها لون مفضل و الا عادي؟؟ الله يسلمج بنتي كل حاتها وردي و ما تبي احد يصير عنده نفس اللون، لي درجة اذا شريت لها شي تسألني اكو منه بالمحل و الا هذا اخر واحد،،، عيزت بغير طبعها ماني قادرة

ريمان للأسف ما عرفت كاراميلا بعدي وصلت حده حده و كنت أتكلم بالتلفون ما انتبهت على السيارات بس ما عليه اليايت أكثر ان شاءالله، و اذا تبون مترجم حق دورة المغاوير حاضرين دام مرو بتتكفل بالمصرف :eh_s(3):

مرو وناسة ماكلين مجبوس بالمدرسة عليهم بالعافية والله يوفقه بالهاي سكول ان شاءالله

كاراميلا المجهولة شخبارج ان شاءالله بخير

 

[Fouz]

مرو على طاري ما تحبين تخلين الياهل عند الخدامة والله ما ألومج، على ايام بنتي يوم كانت صغيرة كانت حياتي مأساااااة كنت كاشتة بكل شي و مجابلتها من كثر ما احاتي و يوميا اوديها مع خدامتها عند امي و اروح الدوام و انا طالعة ارد اخذهم و ارجع البيت لان بيت حمولتي ما فيه احد و عمي الله يشفيه و خالتي وايد سافرون فأغلب السنة البيت ما فيه احد و اخاف اخلي بنتي بروحها، طبعا العروس و الاستقبالات ما قمت اروح لان امي و اختي يكونون معزومين فأخليها عند منو؟؟

أذكر مرة ولد عم أبوي توفى الله يرحمه عاد بروح العزا و ماكو احد بالبيت، المهم رحت انا و اختي و خذيتها معاي، قلت حق اختي نزلي و انا انطر بالسيارة تالي اختي ردت السيارة ويا بنتي و انا نزلت أعزي، بيني و بينج الخدم مو مثل قبل صج ينخاف منهم عسى الله لا يعوزنا لهم

اخر سالفة ولد اخوي خاطب عسى الله يوفقه و ما رحت ويا مرت اخوي و السبة هالسالفة عاد ام البنت مسوية عزيمة حق التعارف و انا من الحين اقول شلون بروح بحكم ان البيت كله بيكون هناك، ودي اعتذر و هم فشلة لاني العمة الكبيرة ووجودي ضروري

 

[bella bambina]

السلام أمهات
فوز لما ييت سألت بنتج عن دلول كانت تقول لي سوري ماما ماراح أقعد مرة ثانيه بالساد سبوت و بالسيارة تقول حق بنت اختي اليوم كان ساد دي وان ودوها كعقاب حق صف ثاني وكانت تبجي وقالت سوري بس ما ردوها صفها وانتي محظوظه انج مو بصفنا وان التيجرز ما يسوون فيج جذي طبعا ما تحملت ورديت المدرسه ولا مس مروى ماشيه ومس تارا بس هناك لما سألتها ليش معاقبين دلول اليوم أنكرت وقالت لأ محد عاقبها ردت عليها بنتي انتو وديتوني حق كلاس مس انجريد وكنت أبجي ردت بكلامها وتذكرت وتقول الأحد سالي مس مروى لأنها ما كانت منتبهه !!!!!!! فقلت لها من أول السنه وانتو تعاقبونها نفس العقاب والبنت مو مستفيده من المدرسه لأنهم يقعدونها بعيد ولا انتو استفدتو من ورا هالشي فخلاص هذا العقاب فشل معاها ما يصير بنتي كل يوم ترد متضايقه والله زين ليلحين لها خلق تروح المدرسه

 

[bella bambina]

فوز دلول كل فترة لها شي تحبه هبت فترة بنفسجي وفترة قطاوة وفترة جلاب وفترة حصن وفترة لولو كاتي وفترة برنسس الحين تبي أي شي فيه ورد والنفنوف اللي عليها اليوم دشت المحل وبروحها تلته وراحت قايسته وكملت على الكاشير لأنه عليه ورده ونفس الشي كل فترة تسمي نفسها اسم مرة لولو كاتي ودوج سبوت والحين باربي الأسبوع اللي طاف اسمها كان برنسس جينفي فأبوها ينسى ويقول لها جنيفر فقالت له نادني يور هاينس ماخذه مقلب بعمرها حسبالها اهيه شخصيه مهمه باجر تكبر وتندقر

 

[bella bambina]

احتريت من فوز وحطيت لي صورة بس هم قطوة أحب القطاوة

 

[ReeMaN]

مساء الخير امهاااات لاتيييييييييييييبون لي سيره الخدم تونى متهاوشه معاها قطيعه تقطعهم خدم هالزمن راس بالراس ماقامو يخافون لا منى ولا من ابونا وا من اهل البييييييييييييت وكنت خلاااااااااااااااااااااص بوديها المكتب طاب خاطري منها اخر شي لما شافت الصجيه ان بوديهاا وكلمت المكتب قامت تتاسف وقالت بكمل باجي السنه واسافر كل كلمه والثانيه بسافر وبسافر اقولها لاتقصصين البصل طوال ابيهم صغار اتسوي العكس وبكل شي العكس وحدها بااااااااااارده سوري صدعت روسكم من الضيم الللي فينى .....

اليوم شفت بيلاااا هم مندمجه بالجريده وصج حدها رافعه الجام لاتطالع لا يمين ولا يسار @@ والله هالقطوه اللي حاطتها احسن من الاوليه اتخرع ... بيلا من سنتين وديت ولد عند بيت رفيجتى وماشالله اهى اتموت على القطاوه عندها 8 بالبيت وشافهم ولدي استخف يبي قطوه مع انى مااواطنهم و شريت له وحده توها نونو عمرها شهر نتفه كل من زاغ عليها بس الله وكيلج لاعت جبدي منها طووول الليل اتون وتوصخ بك مكان اخر شي عطيته حق رفيجتى وكل فتره والثانيه اودي ولدي يقعد عنهم يستانس معاهم ويرد

وجنى اذا مانى غلطانه شفت كاراميلاااااااااا لابسه ابيض في شي احمر وحجاب وردي واهى طالعه من المدرسه ........ فوز مابينت

اليوم الا جان مغيره الباب يمكن ...

مروو تونى اشوف سالفه المجبوس من فوز عليهم ستين عافيه والله زين يرضون بهالسوالف بس اكيد لازم المدرس معاهم والا بيصير ممنوع

بعد هالوافدين وين حاصلهم الاكل الكويتى وببلاش

 

[ReeMaN]

الله يسلمكم اليوم طلبو منا عشرين دينار لزوم اغراض التخرج والاسبوع الياي بيصورونهم صور التخرج ولازم اليونيفورم الكامل والبنات

ممنوع الباند ولا ربطه ذيل الحصان لازم ينسنعون شعورهم واحلاااااتهم هاللي بيتخرجووون عسى الله يوفقهم ويوفق عيالكم يارب ....

مانى مصدقه هالزبوط النقعه بيروح الاليمنتري احسه بعده ياهل جذي الخمس سنوات ونص مرت بلحظه :0bee2e8d89:

 

[bella bambina]

السلا أمهات
آنا بعد أموووووووت على القطاوه بس أخاف عليهم من دلول كل مرة أييب فيها قطوه أخليها مده قصيره وبعدين أسفرها حراااام بيت أهلي قطوتهم توها والده و أمي وصتني ما أقول حق دلول لأنها ما راح تخليهم بحالهم شنو اليوم ريمان لابسه طائية الاخفا تشوفينا وما نشوفج ولا ما خلو شي ال c i a :eh_s(15):

 

[bella bambina]

ريمان الله يخلي لج وليدج وان شاء الله تفرحين بتخرجه من الجامعه والله يخليكم حق بعض

 

[mr000]

شالساااااااااااالفه ..طالت وشمخت..اشهالموضوع... انزين اشمعنا بتجمعنا..اشوه مابينا بنات صغار...

 

[mr000]

والله حتى نسيت أسلم..سووووري انصدمت بالموضوع اللي فوق..بيلا اشحلات القطوه تهبل سكتي بنتي طول عمرها تحن تبي قطوه واحنا موراضين نشتري لها يالله هالسنه أخيرا قلنا ميخالف وشريت لها قطو يهبل عمره شهر ونص..بس مثل ماقالت ريمان كل شوي تكرمون موصخ علينا يعني جني عندي ياهل قاعده أعلمه عالحمام..وهي تروح الجامعه وآنا اللي مبتلشه فيه..قلت لها بعد آنا مو ناقصني ربى..وعقب اسبوعين بعناه على وحده مع ولدي بالدوام..بس والله ضاق خلقنا تالي تحسفنا عليه اشحلاته كان..ريمان الله يوفق وليدج بالألمنتري وتشوفينه متخرج من الجامعه يارب..بيلا كسرت خاطري بنتج..ليش جذي يعاملونها..فوز اشلونج اشلون بناتج

 

[Fouz]

وه وه وه هذا شنو بعد قبل وصفات طبية و قلنا مضيعين بس هذا شي جايد

شخباركم أمهات

بيلا والله عورني قلبي على دلولة حبيبتي ، كلمي مس مروة و هم كلمي مس بورسلي على الاقل يراعونها هالشهر

ريمان غريبة ما شفتج اليوم بس شفت بيلا و طلعنا يميع و كنت اشتري برد حق بنتي

كاراميلا ما شفتها لما الحين

مرو بناتي زينين الله يسلمج ، مشكورة على السؤال

 

[Fouz]

ريمان الله يوفق ولدج و ان شاءالله تشوفينه دكتور و معرس

 

[ملكة بيتها]

سلام مامات
أستغفر الله شنو هذا قامو يدشون التجمعات قبل ينزلون موضوع ..وكان ينحذف من الإداره الحين قامو يدشون التجمعات يعني حدهم قذاره
حبيباتي من زمان عنكم والله المنتدى حده ما يعلق وكل ما كتبت رد طار مني

 

[Fouz]

هلا والله ملكة

اي والله صاجة حتى اختي تقولي اذا على الحجي زين تقول مرات يحطون صور تفشل حسبي الله عليهم

بشرينا عنج ملكة شخبارج ان شاءالله كل امورج طيبة

 

[mr000]

ملكه اشلونج شخبارج..أمبيه بعد لايسوونها ويحطون صور..بعد اشهالسالفه ..مره قلنا بالغلط وصفة دوا ومره مادري عن شنو نسيت بس عاد موجذي..فوز شكلج سهرانه مع الصغيره الله يعينج..

 

[Fouz]

والله مرو قاعدة لي ألحين، ماكان باقي شي على الاذان و الحين طارت نومتي و باجر زوارتنا و لازم انام شوي علشان اقوم شبعانة بس شكلي مطولة

 

[mr000]

السلام اشلونكم! مادري ليش جذي اليوم إجازه مانمت حتى 4 ساعات وقعدت ولو دوام حتى لو نايمه من ال11 غصب أقعد الصبح!

 

[ReeMaN]

مساء الخير حبايبي ؟؟؟

شخباركم عساكم بخير ؟؟ شلونج ملكتنا انشالله بخير شلون العيال ؟؟؟ مشكورين حبايبي على الدعوه ولكم مثله والله يوفق عيالكم اجمعين

ياااارب ..... بيلا صج وايد اشوفج اتقولين عن دلول معاقبينها ومعاقبينها وزين سويتى كلمتى ابلتها وكلمى مس مروى وخلج اشوي شديده

معاها قولي لها مصختوها كل شوي معاقبينها ومزعلينها حتى الرحله اللي وديتو اليهال فيها طلعتوها من جبد بنتى ورديتوها زعلانه مسكينه

ليش هالتعامل بتكرهونا بالمدرسه .... بيلا مس غاده الاسبوع اللي طافت كله غايبه وطبعا المساعده صارلها اسبوعين باجازه واستلمتهم

مس كي ومس الونا ... وهالاسبوع مس غاده تداوم يوم واتغيب يوم لان خلاص امس اخر يوم لها بتطلع باجازه وضع عاد ولدي يمووووت

على مس كي ومس الونا يقول مايعاقبوني ولا يهاوشونى واليوم اللى تداوم فيه مس غاده ايقول عاقبتنى عشان خذيت كتاب قصه ... امس

اقول حق ولدي خلاص مس غاده ماراح اتدرسكم راح اتكون مس كي والا يحطون لكم مس ثانيه اتصدقين استااااااااااااااانس بفرقاها ...