تجمع امهات العالمية الامريكية

[caramella]

السلام أمهات
مرووو رحنا اليوم الله يسلمج الطريج أوكي ساعه و خمس لي الجسر مال البستر ولا زحمه قلنا أكيد حادث وننحكر بالزحمه ساعه و نص
وصلنا ولا أثاري كل هالزحمه حق البستر فيلج قتله شي مو طبيعي آنا هذي رابع مره أروح لها بس ولا مره شفتها زحمه جذي
الله يسلمج ماكو شي مصفين كل شي
آخر شي قلت إشلون أرجع بخفي حنين وأموت من القهر و أصير قهرمار
دشيت ديور وخذيت لي شيله ألوانها أزرق و أخضر وأبيض و تركواز
إي والله مروو اليوم فاتحه الفيلج لي الساعه 8 خلصناها على 8 إلا ربع و مشينا لأن جد ثلجنا
فوز نوم العوافي
صاجه يوم ولدي صغير لازم آخذ شقق فندقيه حتى لو بيوم عشان أكله
بس الحين لما كبر اقدر اقعد بفندق بو جم يوم بس لي بطول أحسن شقه

 

[bella bambina]

صباح الخير أمهات
الربع طايحين له سوالف عن السفر وآنا عطلي غير عن عطل عيالي يعني ما جدامي الا عطلة الصيف
راعو مشاعري لا تحرووووني :lkmnkl:

 

[Fouz]

شلونكم أمهات

مرو الظاهر هذي نساة اخر الاشهر، كله دايخة و ابي انام

كاراميلا الله يعافيج حبيبتي و زين طلعتي بشيلة بدال لا تروح العنوة على الفاضي، اذكر اول مرة رحت بستر فيلج قبل لا اتزوج و منت رايحة لندن شهر 5 يعني صج وناسة ماكو احد هناك و شريت لما زهقت، اخر مرة رحت بالصيف كان وايد زحمة و كويتيين وايد عسى ما شافوج ماسكة شغلة رككككككككككككضة يدورون مثلها أذكر بس شريت حق بنتي من بولو و بيربري اما انا ما شريت شي

بيلا الحال من بعضه انا اجازاتي مع المدارس الحكومية يعني ما نتوالم الا بالصيف او اخذ لي مرضية جم يوم و اسافر

 

[mr000]

سلام أمهات اشلونكم!اليوم الجو حلو ماشاءالله وديت بنت ولدي المركز العلمي دخلها ولدي معاه بالأكواريوم خافت شويه من الظلمه تالي استانست بره أكلها كله وكلته الحمام يعني محاولتنا فشلت كان فيه يهال وايد كبرها ياكلون ويلعبون وهي عطته الحمام ولارضت تاكل... الظاهر برد أعطيها من الفيتامينات كنت موقفتهم!!عاد كانوا ياييبين بنات ابتدائي من مدرسة الرؤيه طبعا المدرسات كلهم سوريات ولاوحده أجنبيه والكلام نص عربي ونص انجليزي!!

 

[mr000]

فوز آنا العام لما رحت بستر فيليج بشهر 4 الجو كان وايد حلو وماكو خليجيين وايد كلش شويه ومو وايد زحمه وأكثرهم أجانب ومثل ماقلتي آنا ماشريت شي حقي بس كرفتات حق ولدي وتيشيرتات صبيان وجوتي تكرمين وملابس يهال من رالف لورين... يعني على قولة كراميلا مايصير نرد أيدنا خاليه.. بس المكان حلو ماحسينا بالوقت لي المغرب بس سكروا 6!! بعد سولفوا عن السفر خل نحر بعض الناس

 

[ReeMaN]

مساء الخير ياللي ماتيوزون من سواليف السفر مابقى شي على الدوام وانتو الى الحين اتناقشون بسوق لندن شوقتوووونا مو بس حريتو بعض الناس مساكين ....

اتصدقون لندن ماحبينا نطول فيها اكثر من اسبوع او عشر ايام احس وااااااايد عليها اكثر شي نروح المانيا وفيينا وطبعا دول كثيره بس اكثر شي هالدولتين احس ماتشبيعييييين منهم والديره اللي اموووت عليها وماشبعت منها كندا رحت لها مرتين ولا شبعت منها مع انها بعييده بس لها ميزه عن باجي الدول واي واي واييييييييييي بس بس اووسكوتييي يابنت .....

فوز الله يقومج باالسلامه ويهون عليج الولاده وصاجه مروو شبعي نوم وراس سهههههر اللياااااااااااالي مع النونو

كاراميلا لاااو سمحتى لاتيبين لنا طاري شي بلندن ذبحتيناااا شوق على السفر بروحي فيني نقص سفر ياوخيتي من زمان مو مسافرين وهم مو مستانسين بالبرد اللي مو راضي اينا عدل دخلنا على شهر واحد ولا شفنا البرد ...
بس هاتى معاج البرد والثلج والمطيرات وذريه علينا هنى بالتجمع

 

[caramella]

السلام عليكم
والله يا حظكم ما ياكم البرد متنا إهني من البرد ما أحس بأطرافي والجو لوعه هوا و مطر
ريمان ملينا من لندن أحلى شي فيها إن اللغه سهله
مشروعي القادم ألمانيا و فينا و أمريكا إنشالله لي الله سهل بس بغيتج تدليني الأماكن عدل ما عليج أمر يا وخيتي
خلاص خلاص نسكر موضوع السفر و نفتح موضوع الإجازه اللي بتخلص قريب

 

[ReeMaN]

هلا كاراميلا ...

الله يعينج على البرد ادري ياوخيتي بالبرد يذبح وانا ماحب البرد احس جنى مريضه بس مجابله الدفايه ومابي اطلع بالبرد وماحب اسافر بهالوقت اوربا بمثل هالوقت ... وجربت لندن من جم سنه رحنا لها من شهر واحد مع اهلي الله وكيلج بس وصلنا لندن وتونا طالعه من المطار جان اتحوشنى انفلونزا وروحتنا اساسا بس اسبوع تخليي خمس ايام مريضه بطلعه الروح اطلع وكللللللش مااستانست ويومين صرت زوينه ماتهنييت بهالسفره ....
وافاااااااا عليج يالغاليه ماطلبتي شي راح ادز لج كل شي عن المانيا وفيينا بس لاتسالين عن مناطق امريكا مارحت الا نيويورك وكولورادو مع ان فيييها منااااااطق اتياااااااااانين وانشالله افيدج وباجي الامهات يفيدونج

 

[mr000]

سلام أمهات اشلونكم!! لا لا كراميلا لاتذكرونا بالمدارس.خل نكمل سوالف عن لندن.. مالج نيه تروحين مانشستر؟ شفت بالانترنت عندهم شوبينغ سنتر ومولات حلوه.. روحوا يومين...ريمان آنا أخوي قعد بأمريكا 15 سنه أغلبها بأورلاندو ..ألحين لما أشوف البنات بتجمع أمريكا اشلون يمدحونها أقول من عذر أخوي مارجع ألا بالغصب...

 

[bella bambina]

صباح العسل أمهات اشلونكم واشلون عيالكم ؟
زين مروو تحروني أصلا آنا ما أبي أسافر ومستانسة بديرتي :q8:
عاد والله صج مثل ما قالت ريمان ما أحب لندن رحت لها 3 مرات بس نطلع بره بمقاطعة ديفون ثاني يوم نوصل ونرجع أسبوع تسوق بلندن قبل لا نرد الكويت وطبعا أفضل فينا وألمانيا وأمريكا واستراليا وااااو وايدة حلوة حق اليهال بس عيبها بعيدة

 

[mr000]

سلام أمهات اشلونكم! بيلا والله آنا قاعده أحر روحي مو أحرج لأن ماأعتقد هالسنه راح أسافر.. شخباركم مع العطله اللي مابقى عليها شي وتخلص وبنرد على حنة الدراسه والامتحانات!!فوز وريمان وكراميلا شخباركم!!

 

[caramella]

حبيت أصبح عليكم
صباح أمهاتي

 

[ReeMaN]

هلا والله امهات العالميات شخباركم اليوم عساكم بخير؟؟؟

مروو شخبارج حبيبتى الله يكتب لج السفرره هالسنه بالاستر وبالعطله الطويله قولى انشاءالله .... خلج متفاااائله

 

[mr000]

الله يسمع منج ريمان بس آنا ريلي عدو السفر يعني لايسافر ولايبينا نسافر... مع أنه أهله ماشاءالله اشكثر يسافرون بالسنه 4 و5 مرات بس آنا لي سافرت كل 4 سنين مره أطلع فسقانه ومبذره عيل اشلون أقول بسافر هالسنه والعام مسافره!!

 

[ReeMaN]

اهااا اى مروو اكو وايد رياييل جذي مايحبون السفر ... اعرف وحده زوجها من هالنوع مايحب السفر موليه حده العمره ودبي والبحرين وكله بالسياره واهى كل سنه سفر مع اهلها لما تزوجت انصدمت فيه ومسكينه سنييين واهى ترجاه تكفا خن نسافر وعفيا والله يخليك لما الله هداه عقب ست سنين يالله رضى يسفرها وكان معاها عيالها 3 وسافرو سويسرا وبلجيكا والمانيا وهولندا طبعا اول شي راحو المانيا بالطياره وباجي المناطق هذي سفرتهم بالسياره وسفرتهم شهر اتقول ينننننننننن واستخفففففففففف على المناظر والطبيعه والراحه النفسيه حتى نفسيه وايد اتغيرت بالسفر لان باله مرتااح .... ومن عقب هالسفره صار كل سنه مكان مااايقعد ماشالله الله يهنيهم ... الفال حق ريلج انشالله

 

[mr000]

لاريمان هذا مافيه أمل خلاص غسلت أيدي منه وألحين كبر يعني ماسافر بشبابه ألحين ماله خلق السفر أزيد...والمشكله ألحين العيال كبروا ومايطاوعونج يسافرون معاج بالوقت اللي يناسبج أو المكان اللي تبينه....مايصير آخذ واحد ثاني بس حق السفر..لوووووول والله من القهر ولدي كشت فيني حق الأيستر وهون!!

 

[Fouz]

شلونكم أمهات شخباركم

كاراميلا شخبارج مع لندن
مرو شخبارج و مشكورة على السؤال و الله يسخر لج ريلج و يسفرج احلى سفرة
ريمان شلونج ،، صاجة المانيا حلوة بس فيينا ما حبيتها كثر المانيا، لكن لندن لها شي خاص داخلي مادري ليش ما أحس اني سافرت اذا ما مريتها
بيلا انا متضامنة معاج ماكو سفرة بحكم الظروف الصحية ، يمكن بالصيف اذا الله سهل،، اليوم سويت مع بنتي الواجب بقى لنا جم صفحة و نخلص، شصار مع دلال عسى خلصتوا

يا جماعة منو تعرف مجمع البيرق؟ شلون نروح له من الديرة

 

[bella bambina]

هاي أمهات
فوز دلول خلصت الواجبات ماعدااااا الورقة اللي لازم تكتب فيها اسمها أشوه اني مصورة من كل ورقة جم نسخة لأني عارفه بنتي كل ما أعطيها ورقة الاسم تشقها يعني انسي أكتبها واهي صاجة صعب عليها تكتب اسمها مع ان بنتي الكبيرة كتبت اسمها من الحضانة بس هذي عنيدة وراسها يابس
آنا بعد أبي أعرف وين البيرق ويسوى نروح له وفيه شي حق اليهال ( ألعاب )؟

 

[Fouz]

هلا بيلا، الله يعينا عليهم ، انا بعد يننتني بالكتابة بس سوالف التلويم و الماتشينغ سوتهم بسرعة اما سالفة الاسم تقول افففف جم مرة بعد

والله انا ما اعرف المجمع بس قالولي في محل ملابس حوامل حلو قلت بمر أشوفه، لأنه مكانه بعيد يم العقيلة اللي أصلا ما ادري اي صوب

 

[ReeMaN]

مروو مو حلو هالطبع الله يعينج بس انتى ماعليج منه سافري مع عيالج واستانسي خل يقول اللى يقوله فسقانه مبذره اهم شي وناستج مع عيالج

وتبين تونسينهم وانشالله محد من عيالج يطلع نفس ابوهم يكره السفر وعسى الله يبلغج فيهم يارب ويسخرهم لج

فوز وبيلا انا معطين ولدي واجبات وايد انجليزي 25 صفحه عربي وانجليزي وماث وكل يوم يكتب سطرين ويتعب يروح يلعب اخاف اضغط عليه يكره الواجبات بعدين شكله بيداوم واهو ماخلصهم

صاجه فوز فيينا تهبل وحلوه وايد بس ماتصلح حق اليهال كثر المانيا الا بسالج وين مناطق رحتى بالمانيا؟؟ رحتى هامبورغ؟