تجمع امهات العالمية الامريكية

[ReeMaN]

مرووو ماتبين مساعده معاج على بضاعتج"؟؟ البس لج زي تنكري على لبس البقره الضاحكه مالت دعايه الزبده الدانماركيه ويا نظارتها الحمره تذكرينها هههههه

بيلا والله محد يحس بمعاناتج كثري انا كله ايرووور واشبك ثاني يوم ماشالله القى الكل مشارك حزه الايرور الا انا

ابي اعرف شنو اشتراككم الانترنت؟؟ احنا فاست تلكو وايرلس 512 ومابقى شي بيخلص اشتراكنا ودي اغير بعرف انتو شنو اشتراك الانترنت؟؟

 

[bella bambina]

هلا والله ريمان آنا مبتدئة بالكمبيوتر ما أحب أي شي من سوالف التكنولوجيا الحديثة أستخدم زين ايجو حق ريلي ولما أروح بيت أهلي عندهم دي اس ال

 

[mr000]

ريمان احنا بيتنا متروس انترنت بس عاد لاتسأليني شنو ماأفهم بهالسوالف.. يعني ولدي العود مشترك مادري شنو وايرلس والثاني علشان يشتغل في زين فهم مسوي اشتراك انترنت وايرلس علشان أخوه الصغير يلعب سوني أون لاين.. وبنتي وجنتي كل وحده عندها أيغو.. بس هم آنا وايد أوقات يحوشني نفسج يعني أشوف الناس تشارك وتكتب ردود وآنا يطلع لي أيرور!!

 

[mr000]

أي والله ريمان أنتي بس ساعديني بتصريف البضاعه يعني آنا متقاعده بس انتي بالدوام سويلي دعايه بدوامج...عاد آنا من زمان أحن على عيالي أقولهم ودوني الخبر ماكو ألا الويك اند الياي قبل لايداوم ولدي أروح لي يومين..بس مادري ليش أخاف من السفر بالسياره مع أن مو بعيده الخبر!!

 

[caramella]

السلام أمهات
إي والله صاجه مروووو مكافخ دي
شي مو طبيعي اليوم السوق
زحمه فظيعه
شريت لي جم شغله و رديت لاعت جبدي من الزحمه
أمبيه الكي دي دي كسر خاطري وايد يوم إحترق مصنعه
آنا أول أحصل منتجاته إهني بلندن في بقالة المصطفى بإدجوررود حده غالي يبيع العصير ولا الحليب مال اليهال الصغير بباوند إلا ربع
يعني تقريبا ربع دينار الواحد
عاد هالمره ما مريته يبيلي أمر جود أحصل عنده شي مخزن
آنا والله ريمان ال إي جو مال زين
و إهني بلندن هم إي جو مالهم
ماشي حاله والله
آنا أحب ال إي جو لأن وين ما أروح آخذه معاي ولو إني ما أستخدمه وايد بره البيت
بس إهني نفعنا ذاك اليوم بالسياره كنا نبي عنوان مكان معين بطلته طلعته و تالي دشيت المنتدى اللي ما أستغني عنه تسليت فيه طول الطريج

 

[bella bambina]

صباح الخير أمهات
الحين بعد بطلت منتدى المواضيع و الأخبار العامة هم طلع لي جاري تطوير الموقع يرجى الزيارة بعد قليل مادري شالسالفة صار لي جم يوم مادري الكل يصير معاه جذي ولا بس آنا ؟

 

[mr000]

سلام أمهات اشلونكم! شخبارج كراميلا... اشلون البرد عندكم؟ بس أكيد داخل المحلات حر من الزحمه والتدفئه!تصدقين هالسنه الباوند مونازل مثل العام يعني العام بشهر 1 أو 2 أبوي صرف فلوس وخلاهم حق سفرته بالصيف يقولي كان أقل من 400 فلس وآنا بشهر 3 وبداية 4 صرفت ب416 فلس بس أمس صرفت حق ولدي ب465 فلس وقالي ماأتوقع ينزل وايد عن جذي

 

[Fouz]

شلونكم أمهات
ان شاءالله تكونون بخير، مرو اذا يبتي حليب كاكاو انا اول الزباين ولا عليج أمر

 

[caramella]

هلا والله أمهات
مرووو هالسنه الباوند غالي والله إلعام مثل ما قلتي وصل 410 بالبنك بس اكيد عند الصراريف أرخص
بس هالسنه والله مرتفع 470 تقريبا بس أرحم من صيف 2007 وصل الباوند 580 فلس
فوز إشلونج مع الثقل ؟؟؟

 

[Fouz]

بليييييز فيدونى:yaaaaaarb:

هلا لطوفة

المدرسات مو كلهم امريكيات اكو صفوف امريكيات و اكو عربيات بس يا اما متجنسين او اساسا كانوا بمدارس امريكية لان الاكسنت مالهم زين، و المدرسة تعتبر من أحسن المدارس وودي افيدج أكثر بس بنتي اول سنة فيها و توهم مداومين من شهرين، بس اهم شي تشوفين الياهل حاب المدرسة ومو متضايق

لو تشوفين الصفحتين او الثلاث اللي فاتوا انا رادة علة الاخت نونا و حاطة لها اختبار القبول و هم معلومات عن نظام التدريس

 

[lyale]

السلااااااااااااام امهات
المهم انا امي تطلب من شركة كي دي دي كل يوم يوصلون للبيت بس ما جربنا نطلب حليب كاكاو بقولها تسال اذا عندهم

 

[lyale]

وابلغكم بتفاصيل حليب كاكاو

 

[Fouz]

هلا والله كاراميلا
انا بخير حبيبتي تسلمين على السؤال، المشكلة تعلمت على الربادة هاليومين الله يعين اذا بدت المدرسة
على طاري المدرسة خذيتي اوراق ولدج اخر يوم والا لأ؟ امس فتحت أوراق بنتي و قمنا نحل شوية منهم علشان ما تمل
أقولج كاراميلا شبعي من البرد ترى الكويت حر موووووت والله اليوم بالسيارة مشغلة المكيف ما جنه بندخل على شهر واحد

 

[Fouz]

السلااااااااااااام امهات
المهم انا امي تطلب من شركة كي دي دي كل يوم يوصلون للبيت بس ما جربنا نطلب حليب كاكاو بقولها تسال اذا عندهم

هلا ليالي جان زين الوالدة تحصل حليب كاكاو مع اني أشك في ذلك، الناس تدوره دوارة

 

[mr000]

ليالي آنا ريلي راح الشركه مرتين مره بأول شهر 12 وقالوله آخر الشهر راح ننتج منه ورد راح لهم قبل كم يوم قالوله ماكو!!فوز من عيوني بس شجعوني على روحة الخبر بالسياره.. البارحه أقول حق ولدي أنتروح بالسياره وآنا أييلك بطياره يقولي من صجج مايسوى كاهي عقب الشاليهات بشويه!!ياربي أدوخ من السياره شسوي!! خوش زين قلتيلي كراميلا أنه حليب الكاكاو موجود بلندن .. خوش عذر بقول حق ريلي بروح لندن أييب حليب كاكاو... علشان يقط جوازي بالبالوعه ويحجر علي بيقول كبرت وخرفت!!

 

[mr000]

أي والله فوز اليوم حر صاجه حتى آنا شغلت مكيف السياره مع أني ماألبس شتوى ليلحين عالعبايه بس كان عندي موعد طبيب بالصباح وبالرده الظهر مت من الحر حتى كنت قاعده أفكر طول الطريج بالسفر أقول حسافه ليش ماسافرت بهالعطله آنا كنت متصوره راح يكون برد موت قلت أخاف ولدي يمرض وألا بنت ولدي وآنا موهني وتظل عالخدامه... !!

 

[lyale]

ههه خلاص مرووو اي والله خوووووووش عذر كلنا نبي حليب كاكاو الحين وانا اول وحده ادور الشاره حق السفر

 

[mr000]

كراميلا أنتي اشرادج الفندق مادري الشقه ألحين... ان شاءالله بعدج ماطلعتي لي هالحزه...قومي روحي السوق أي مكان المهم طلعي لاتضيعين اليوم بالشقه!!

 

[Fouz]

مرو روحي الخبر عجييبة و الطريج ما تحسين فيه سوالف و سندويتشات و انتي واصلة، انا غرامي روحة البحرين و الخبر بالسيارة حدها وناسة

العام وديت بنتي معاي و كنت ميتة من الخوف، ما بقى استخارة ما صليتها، اسم الله عليها ما وصلنا جوازات النويصيب الا نايمة لما وصلنا الفندق ما حسيت بوجودها حبيبتي

أما عذر لندن حق حليب الكاكاو شي ما صار ، شرايج أقوله اني اتنسى على اخر الشهور تهقين يوديني

 

[lyale]

فوز خخخ تصدقين مشكلتي ان زوجي وعيالي اهما الي يروحون الجمعيه فااا ما اعرف بالاشياء هذي وماشلة البيت اهو يبيها لان اهو الي غرامه هالسوالف بفك وكاكاو وشبس وحليب كاكاو ايب بس جلسكي صار له فتره والجمعيه اطبها اذا اشتهيت ارووح بس مالي مقاقه اسحب عربانه واخمط ههه كسلانه حدي وسلامتج فا معلوماتي علي دقييي بس قلت بفيدكم وانشاء الله ينتجونه حسيت بازمه خخ
المهم انتي تنسي عالسفر خخخخ والله العام وانا حامل كل ما مريت يم رنج اقول حق زوجي انا متنسيه برنج ههه بس واشوه ما طلعت وحمه بولدي رنج