تجمع امهات العالمية الامريكية

[Fouz]

بيلا تقبل الله صيامج و لا تنسينا بالدعاء

يحليلج ليالي عاد انا احب رحلة الجمعية أسميها الرحلة العائلية وناسة تروحين ويا زوجج ولازم متأخر ،، انا ما اعتمد على ريلي لانه يموووت على التكود و اخر شي تكرمين حق الزبالة فأروح معاه علشان ما يتهور و يلعب بالحلال هههه،، نساة الرنج صعبة انا قلت بقوله ابي حليب كاكاو من لندن جود يقتنع،،، عاد اعرف وحدة تنست بشوربة طماط شاربنتها بلندن و ماشاءالله وداها ريلها يومين عاد هالسالفة ايام بنتي الاولى 24 ساعة اعاير ريلي فيها، تذكرتها اليوم فببتدي أحن شوية يبيله اكشن

 

[caramella]

السلام أمهات
عاد والله ما رحت شيكت عالبقاله إذا فيه حليب كاكاو ولا ما فيه :s141:
اليوم ما طلعت والله اليوم الأحد وكل شي يسكر مبجر ووراي غسيل إهدوم ووأوتي:eh_s(1):
الله يرحم الأيام اللي وياي خدامتي كل يوم الصبح أتريق بشبربوش و أتسوق بإكسفورد ولا وست فيلد وأرجع البيت نظيف و الغدا جاهز وولدي و ريلي توهم قاعدين من النوم :hjy5jewf:

بس هالمره آنا أسوي كل شي ولا أول ما ييت الشقه غسيل وتلميع لمدة يومين تنتفت تنايفي:eh_s(11):
إنشالله باجر بروح مع صديقتي و إختها الأوت لت bicester village
عاد ما رحت هارودز تنزيلات إنشالله الثلاثا أروح لأن ريفيجتي ما تقدر تروح الأوت لت إلا باجر

 

[ReeMaN]

السلااام امهات شخباركم حبايبي؟؟

مشكووورين ماقصرتو على المعلومات عن اشتراك الدي اس ال انشالله بعزم على واحد وصاجه كاراميلا احسن شي الايجو تنتقلين بلاب توبج على كيفج ....

مروو شخبارج ياخطييييييييييره انتى يالعياااره واااااي مت عليج من الضحك خوش فكره سفرة لندن عشان حليب كاكاو ههههههه وناسه

اتصدقين انا مااواطن السفر بالسياره وايد اخاف منها ومن زين مناظر الطبيعه اللي عندنا ... هذي الكويت صل على النبي
اما باوروبا اموووووووووت على السفر بالسياره وياحلو البقر اللي يتلامعون على الخضر والياااابس تشوفين ويهج من لمعتهم

وااااااااااااااااااي شوقتونى عى السفر من زمان مو مسافره ,,,, الله يرزقنا السفر هالسنه انشالله

 

[ReeMaN]

كاراميلا اتصدقين مع انى مااواطن تنظيف البيت والغسال والكوي هنى بالكويت لان مكان كبير ومادري يمكن عشان روتينا جذي بس

برا وخاصه لندن واكثر من مرا ناخذ شقه مانقعد بالفندق احس وناااااااااااااااااسه الملابس مو مشكله عندج المصبغه وتخيلي غسال الماعين والطباخ وانتى برا وتطالعين ذاك المنظر الجو بااااارد ومطر والاوادم اللي يشرحون القلب ويتمشون برا وانتى تشتغلون جو ممتع

 

[المحامية لطوفة]

هلا لطوفة

المدرسات مو كلهم امريكيات اكو صفوف امريكيات و اكو عربيات بس يا اما متجنسين او اساسا كانوا بمدارس امريكية لان الاكسنت مالهم زين، و المدرسة تعتبر من أحسن المدارس وودي افيدج أكثر بس بنتي اول سنة فيها و توهم مداومين من شهرين، بس اهم شي تشوفين الياهل حاب المدرسة ومو متضايق

لو تشوفين الصفحتين او الثلاث اللي فاتوا انا رادة علة الاخت نونا و حاطة لها اختبار القبول و هم معلومات عن نظام التدريس

يعطيك العافية اخت فوز
شفت الصفحات وايد فادونى
انشاءاللة الاحد الياى بروح المدرسة اسجلة وادفع لة 100 الرسوم

 

[bella bambina]

مساء العسل أمهات
مشكورة فوز تقبل الله منا ومنج صالح الأعمال ان شاء الله ويارب يتمم عليج وتولدين بالسلامه ويرزقج بالولد الصالح ان شاء الله
آمين ريمان ان شاء الله تسافرون السنه واحنا بعد وياكم :yaaaaaarb:
ليال احنا روحة الجمعيه رحله مع عيالي والتوصيل علي والواجبات علي والتدريس علي والغاز وأي شي يخترب بالبيت علي ووووووووو وريلي داش بمجهوده :eh_s(11): تصدقين ما يعرف حتى صفوف عياله :eh_s(11):

 

[bella bambina]

مروو ليش ما تجربون يمكن فيه حليب ككاو بالخفجي ؟
كراميلا مزرقه من واجبات ولدج ولا ماخذتهم معاج عطوهم واجبات عربي وانجليزي ؟؟؟؟؟؟

 

[caramella]

هلا والله كاراميلا
انا بخير حبيبتي تسلمين على السؤال، المشكلة تعلمت على الربادة هاليومين الله يعين اذا بدت المدرسة
على طاري المدرسة خذيتي اوراق ولدج اخر يوم والا لأ؟ امس فتحت أوراق بنتي و قمنا نحل شوية منهم علشان ما تمل
أقولج كاراميلا شبعي من البرد ترى الكويت حر موووووت والله اليوم بالسيارة مشغلة المكيف ما جنه بندخل على شهر واحد

هلا والله فوز والله أهم شي ريحي نفسج
إي والله خذيت الأوراق بس يختج ما عندي وقت أحل الأوراق معاه
يا طالعه يا أكرف بالشقه:eh_s(11):
معني لي الحين ما طبخت بس يوم واحد سويت باستا بس يا ربي مواعين اللي ناكل فيهم لازم أغسلهم لا وأغلبهم بلاستك لوووووول و أنظف الحمامات وأخم
والله حتى إهني البرد إشوي خف عن ذيك الأيام حتى النهر الصناعي اللي يم شقتي كان متجمد الحين ذاب بس لابد من الكوت و الغلفز
من كثر البرد عندهم skating بالهواء الطلق إلعام تزلجنا فيه:ada:

 

[bella bambina]

هلا والله كراميلا الله يعينج ويعطيج العافية يبا عطي شغل البيت طاف وطلعي استانسي لاحقة على الشغل

 

[caramella]

أمبيه ريمان آنا أودي المصبغه إهني أحسهم نجسين ما يعرفون وين الله قاطهم بالطهاره
عندي غساله بالشقه بس تعالي عزليهم و طلعيهم و إكويهم يا ربي تعلمت الرباده بالكويت ما أسوي ولا شي كله عالخدامه فاأحس إني قايمه بمجهود كبير لوووول
والمطبخ مالي بالصاله و مجابله الطوفه و آنا أطبخ وأغسل و الستاره مالت الصاله اسكرها لأن العماير اللي قبالي يكشفوني
أشوف المره اللي فاتت العياره خدامتي كله تفتح الستاره تتمتع بمنظر النهر الصناعي وبس أقعد من النوم أقولها سكريها لأن يكشف
باجر إنشالله بسافر بالسياره ساعتين و نص إنشالله نوصل بالسلامه بنروح نص إنجلترا حق أوت لت الماركات صاجه ريمان الخضره و المنظر الحسن واللي يونس تشوفين بالمزارع الخرفان البيض والبقر و الحصن إلبسونهم لبس عشان يتدفون من البرد يا حلوهم
يا ربي آنا ما أحب سفر السياره بالليل ولا أواطن السفر بالطياره حدي أتصروع والله فيني فوبيا طيارات أموت من الخرعه
ما أرضى أحد إكلمني و دايما أقول حق ريلي تتولى مهمة مدارات ولدك لأن جد ما أقدر أسوي شي من الخرعه
أكثر شي وقت الإقلاع و الهبوط و إذا في مطبات هوائيه هلا هلا تطلع روحي
بيلا لا والله ما نحشت من واجبات ولدي خذيتهم معاي بس والله ماعندي وقت أحلهم معاه توني طلعت له يحل إشوي على ما تيي ريفيجتي

 

[mr000]

سلام أمهات اشلونكم ..الله كل هاليمعه والسوالف صارت بينكم بس على ماطلعت رحت مركز سلطان وييت... كراميلا ليش بتروحين بسترفيليج بالسياره روحي بالقطار أحسن لج.. سكتي توني أقول حق ولدي ياريتني مخليتك تحجزلي معاك جان آنا مسافره أسبوع الياي قالي أفا عليج باجر روحي سوي الفيزا وآنا أحجزلج حتى لومومعاي بنفس اليوم مومشكله وأغير الغرفه آخذ بسريرين... ها اشرايكم أسويها... عاد والله ماتصدقون شنو اللي رادني.. شي واحد بس بنته وايد أحاتيها العام طول سفرتي هي مريضه... المهم شوروا علي ..كراميلا تهقين أتحمل البرد وألا أنطر لي الأيستر يقولي ولدي الحراره عندهم -9 ,-8 مادري متردده! فوز آنا لو أقول حق ريلي أني أتنسى على شي بديره ثانيه جان يطنشني ولايرد علي أصلا ماأتذكر قط اشتهيت شي أو تنسيت على شي بلى أذكر كنت أحب الثلج وعليه قنوعه أدري محد راح يعطيني ويه بيلا آنا وياج من نفس الفصيله كلشي علي كلشي علي حرفيا بمعنى الكلمه زوجي ضيف عندنا بالبيت بالعاميه ياكل ويمش أيده بالطوفه.. مثال للرجل الكويتي... ليالي عادي كل بيت له طريقته آنا أشوف ألحين ولدي هو اللي يروح الجمعيه ويشتري كلشي زوجته كلش ماتحب تشتري أغراض حتى لو الشقه تفضى بس هو ماشاءالله حريص ويعرف شنو يشتري!!

 

[mr000]

كراميلا اشتري صحون وقفاش بلاستك وقطوهم بعد الأكل ولاتغسلين شي ولاتستخدمين اماعين وايد بالطباخ ..أصلا لاتطبخين قزروها على أكل من بره حدج الريوق جبن وبيض وحليب علشان ولدج... آنا من جذي ماأحب الشقه بس مره قعدنا بشقه في برايتون لما كان حماي يدرس هناك قبل الغزو بكم شهر ذيك الساع انتوا يهال.. المهم آنا وحماتي ومرت حماي ومعانا عيالنا بس موكلهم ومثل ماقالت ريمان كان المنظر من المطبخ يهبل واحنا نسوي الريوق ونغسل الاماعين..والطريج بالقطار حدث ولاحرج خاصه واحنا رايحين اسكتلندا.. آنا أول مره أشوف بقره تاكل وهي منسدحه والله علبالي نايمه بس أشوف حلجها يتحرك ..مال البراد دايخه والأرض كلها خضره مومحتاجه تقوم من مكانها تدور حشيش!!

 

[Fouz]

شلونكم أمهات
عسى هالتجمع عامر دوم يارب
يا حلو لندن و ياحلو الريوق فيها ، صاجة مرو احنا هناك ما نسوي الا الريوق، و اذا طق براسنا طبخنا غدا عاد على الفراغة و المزاج و الصحون بلاستيك اكلي و قطي بالزبالة، غسال الهدوم ما كنت اغسل يوميا بس هم تتقزر و فعلا الاكسجين اللي هناك يعطي طاااقة رهيبة و ما تحسين بالتعب

كاراميلا رايي من راي مرو بالقطار وايد اونس الا اذا السيارة موجودة اول و تالي

بيلا و مرو ترى عادي هالوضع ،، الرياييل اذا شافوج يعتمد عليج شالوا ايدهم من كل شي، تصدقون مرة كان عندي اجتماع و ماقدرت ايييب بنتي فوصيته اييبها واااااااااااااااااااااااااااااااااااي كل 5 دقايق داق يقولي زحمة و الطريج يزهق عاد يوم رديت البيت قلت له هذي حالتي كل يوم و انا سثقلي و انت يوم وايد ما تحملت طبعا الرد كان عبارة عن حقران هههه

ريمان شخبارج من ناحية المناظر انا مؤيدة 100% و مو شي السفر بالليل بس بالنهار والله متعة خاصة اذا الجو زين و طبعا ماكو مقارنة بين خرفانهم و بقرهم و بين بعارينا الهايجة

 

[mr000]

سلام أمهات العالميه اشلونكم! بدينا نتعود عالقعده متأخر الله يعينا تالي نرد على القعده من 5 ونص!!انتوا شخباركم!!كراميلا شخبار بيستر فيليج آنا وصلني أيميل منهم صور المكان بالكريسمس يشوق ..موصج.. الثلج والزينه .تهبل .. تصدقين آنا ودي أشوف باجي المنطقه اللي فيها السوق .. أذكر لما كنا ناطرين الباص يردنا محطة القطار ورحت أتمشى شويه بره السوق المنطقه هاااااديه وتسمعين صوت الطيور... كنت أقول يابخت اللي عايشين فيها طول عمرهم .. لو آنا جان ماأفكر أسافر مكان ثاني!! علشان جذي آنا استغرب من اللي يقعدون شهر أو شهرين بس بوسط لندن حق السوق .. حسافه لأنه فيها وايد مناطق حلوه !!

 

[ReeMaN]

مساء الخير يالغاليات

شخباركم حبيباتى مرووو انا منج اروح اغير الجو واستانس بس جنى احسن اتوحين بالاستر على الاقل ايخف البرد وتقدرين تتحركين كل مكان لو رايحه الحين جان لبستى على قوله كاراميلا كل الموجود بالكبت وهم مو مكفيج من البرد وتخيلي مشيتج وانتى بهاللبس جنج بطريق من ثقل الملابس

روحي بالاستر واخذي وليدج الصغير وحفيدتج استانسووو وجان في مجال تاخذييني معاج

 

[caramella]

السلام أمهات
قاعده أشتري كله صحون و قفاش بلاستيك و كل إشوي معصبه على ريلي و لدي لا تاكلون بالمواعين و القفاش الحديد بس بلاستيك لما عصب ريلي قال آنا اغسلهم يبا ذبحتينا إنقص ويهي لوووول حسيت إني نسره
هذا و آنا ما طبخت إلا مره وحده و ما أغسل الهدوم كل يوم و أتحلطم عيل شلون لو كل يوم جان اعلوم
وقاعده أطلع كل يوم إلا اللهم أمس و أول يوزم ييت فيه الشقه
مروو ما اقدر اقعد بفندق طول هالمده مو عشان اغلى تقريبا يطلع اغلى من سعر الشقه بشوي
بس يختج تبين ثلاجه تقلين لج بيضه
وسع الياهل يقدر يتحرك إشوي
والله مروو و فوز إحنا إمأجرين السياره من زمان وغير جذي السياره تنفع حق الجياس بدال التشيل و عربانة ولدي
وهم نشوف المناظر الطبيعيه بالسياره بس يختج آنا من أركب السياره مع جوهم ماكو شمس أنثول و أدوخ و تشوفيني أطق روووس
والله مرووو على هالبرد أنصحج ترووحيين بالإيستر
بس إذا عشان التسوق و السيل أنصحج الحين
أمبيه مروو آنا حدي كويتيه ما أحب صوت الماي اللي يخرخر ولا صوت زقزقة العصافير تزعجني لووووول
أحب الغبار والشمس والبعارين لوووول أتغشمر بس عن جد ما يعجبني صوت الماي و العصافير إنرفز
مروو إحنا الحين بنشد الرحال لبستر فيليج و للأسف ريفيجتي و إختها كنسلو ما راح إيون معانه
فوز صاجه آنا لا أوصل ديره بالليل يمه إحوشني قامت مو طبيعي و أموت من الخرعه

 

[mr000]

كراميلا بدامكم مأجرين السياره وريلج يدل الأماكن لاعيل أحسن لكم السياره تطلعون على كيفكم بس تأخرتوا بالطلعه بعد وراكم طريج علما توصلون.. بس أعتقد يفتح لي وقت متأخر علشان الكريسمس مو مثل الأيام العاديه!! ريمان حياج الله والله أنتي قبلهم.. بس بنت ولدي لاماأعتقد بعدها صغيره آنا قايله ان شاءالله اذا الله عطانا عمر بوديها بس خل تكبر شوي يعني بعد سنتين!!

 

[Fouz]

شلونكم أمهات
اليوم انا كله نايمة مادري شفيني جني بأول ايام النساة

مرو انا رايي من راي ريمان بالايستر الجو حلو و هم فيه سيل صج مو مثل الحين بس هم يسوى

كاراميلا انا مثلج ما احب الفندق اذا بنتي معاي او اذا مطولة بالسفرة احس اني محكورة، انا غالبا اخذ شقق فندقية مطبخج عندج شزينه و خاصة اذا اكو ياهل يبيلج تغلين مميات و اكل مفيوح و مهروس و اذا ما تبين تنامين قعدتي بالصالة مع الياهل، الفندق اروحه انا وزوجي و يومين ثلاثة بس و احس الغرفة محكر مع الجناط و الجياس

 

[mr000]

سلام أمهات اشلونكم! كراميلا شخبارج طمنينا عليكم عقب رحلة بيستر فيليج! ولاتفوتين هارودز ترى واصلني أيميل عن تنزيلات المكياج والعطور عنده روحي شوفيه!!آنا اليوم رحت الأفنيوز طق ابالي آخذلي جنطه وكنت باخذ كارولينا هيريرا بس تالي هونت قلت بنطر يمكن الله يكتب لي أسافر تالي واشتري من هناك... والله مااعتقد أنطر لي شهر 4 ماأشتري شي!!

 

[mr000]

فوز بلى تصدقين آنا أذكر بحمالي كنت بالشهر الأخير كلش ماأسهر بسرعه أدوخ وأنام وأحس بتعب وخمول يعني حدي أداوم وبس بعد مالي خلق طلعه ثانيه!!يانعوده ارتاحي وشبعي نوم قبل دوام المدارس وقبل لايصير عندج بيبي الله يهون عليج بالسلامه تالي تعب وماكو نوم!!