تجمع امهات العالمية الامريكية

[ReeMaN]

مروو مو حلو هالطبع الله يعينج بس انتى ماعليج منه سافري مع عيالج واستانسي خل يقول اللى يقوله فسقانه مبذره اهم شي وناستج مع عيالج

وتبين تونسينهم وانشالله محد من عيالج يطلع نفس ابوهم يكره السفر وعسى الله يبلغج فيهم يارب ويسخرهم لج

فوز وبيلا انا معطين ولدي واجبات وايد انجليزي 25 صفحه عربي وانجليزي وماث وكل يوم يكتب سطرين ويتعب يروح يلعب اخاف اضغط عليه يكره الواجبات بعدين شكله بيداوم واهو ماخلصهم

صاجه فوز فيينا تهبل وحلوه وايد بس ماتصلح حق اليهال كثر المانيا الا بسالج وين مناطق رحتى بالمانيا؟؟ رحتى هامبورغ؟

 

[نواري]

اشلونكم حبايبي والله عندي موضوع متعبني وايد وبستشيركم اتمنى تفيدوني .... انا مضطره اسافر في شهر واحد لان عندي امتحانات بس تدرون ان ولدي راح يكون مداوم ونفسيته تعبانه لاني بخليه وباخذ اخوانه معاي شنو الحل برايكم اخذه ولا اخليه واهوا بالصف الثامن وخايفه تفوته دروس وايد وبعدين يتوهق لاني بسافر اسبوعين تقريبا ..... ملاحظه اخوانه في مدرسه ثانيه يعطلون مع الحكومه ....بس اهوا الي مظلوم تكفى حبايبي فيدوني بسرعه ناطره ردودكم ..

 

[mr000]

هلا والله نواري وينج من زمان!شوفي هم المدرسه يقدرون الظروف ويمكن مايقولون لج لأ وعادي يوافقون تغيبينه بس المشكله في الدروس اللي راح تفوته ..آنا ولدي بثامن والله قاعده أوديه المدرسه وهو مريض بس علشان لاتفوته الدروس خاصه أنتي شايفه الماث اشلون هالسنه والسوشيال هم موسهل .. بعدين آنا ولدي ياب جدول امتحان العربي والدين مال الفصل الأول ماقالج ولدج العربي يوم 19/1 والدين 17/1 وتعبير وأملاء 21/1... انزين ماتقدرين تخلينه يقعد في بيت أهلج أو عند وحده من خواتج؟؟ انتي بعد شوفي الوضع أذا وايد صعب عليج تهدينه بلغي المدرسه أول مايداومون كتبي ورقه حق Mr Church الناظر أو كلمي مستر ماريو الكاونسلر بس آنا العام جذي قالولي السكرتيرات أنه أكتب ورقه فيها موعد السفر واشكثر راح يغيب حتى حطيت صورة تذكرة السفر وكل هذا ترى على يومين لما سافر معاي بالأيستر وموفقه ان شاءالله بامتحاناتج والله يسهل الأمور!!

 

[caramella]

السلام أمهات
فوز والله ماشي الحال الحمدلله
الجو لوعه الحمدلله يومين مطر متواصل
الحمدلله على كل حال
قاعده أسوي الواجب مع ولدي
الورقه اللي فيها السنو مان مع قص الأرقام لي قصها خرب الصفحه اللي بظهرها
قاعده أقول حق ولدي إنطر خل أصور الورقه تالي قصها ما رضى ينطر إموت على شي إسمه تقصص
وراي :dfgl: غسيل مواعين إستغفر الله
ولدي إيقول لي يما إنتي خدامه!!!!!!!
قلت إي خدامه وطباخه معزبه و مدام وأم و إخت و إخو ومدرسه و سكرتيره و علاقات عامه ومطراش وكل شي بتاع كلوووووووو:eh_s(4):
بس ما حصل لي الشرف و أكون بابو ولا راجو إهني بلندن جان عفست الشوارع عفاس جم مره لي بعبر أشوف الجهه العكس وتييني سياره من ذاك الصوب بتطيرني و هذي حالتي

 

[mr000]

أهلين كراميلا الله يعينج ميخالف.. بس ديري بالج على أيدج من الحساسيه تصدقين آنا حتى لو ألبس دسوس هم يصير فيني حساسيه واكزيما بأيدي من الصابون ..انزين مو قلنالج كله اماعين بلاستيك ينقطون لاتغسلين!!عيل ماطلعتي اليوم ؟جان رحتي هارودز!!

 

[bella bambina]

صباح المطر والخير
أدعو مالك الملك في هذا المطر أن يجعل الخير لكم في كل قطرة ويغفر لكم ذنوبكم ويزيد من حسناتكم ويجعل أيامكم كلها خير
كل عام وانتو بخير:nbvppw:

 

[Fouz]

صباح الورد أمهات
و كل عام و انتو بألف خير
اليوم ما رحت الدوام يكون ابي انام شوي، صوت الرعد نقزني و حاولت ارد انام ماكو فايدة

ريمان شخبارج، انا رحت ميونخ ووايد حبيتها، فيينا حلوة بس بسرعة مليت منها، هامبورغ اختي الصغيرة رايحة لها و مدحتها لي بس الله ما كتب لي اشوفها، احنا الله يسلمج واجب العربي 4 صفحات و الانجليزي 16 صفحة بس مو كلهم كتابة اكو توصيل و تلوين يعني اشياء ما يبيلها حنة

نواري حياج الله، انا اقول اسم الله عليه ولدج ريال يعني كلميه وراح يفهم لان حرام تطوفه دروس اسبوعين احسها مدة طويلة خصوصا انتي بتكونين مشغولة بالسفر مع امتحاناتج فهم ما عندج وقت تجابلينه هناك، انا من رايي كلميه و قنعيه لا تطوفه المدرسة

كاراميلا تبين مساعدة عاد حدي أفيدج بشغل البيت هاليومين هههه جني سلحفاة ما أقدر أقلب من جهة الى جهة الا بعذاب الحمدلله على كل حال
تصدقين الظاهر واجبات اليهال مختلفة انا ما مر علي شغل تقصص، خليني اجيك مرة ثانية لاني أشوة اول ما خذيت الفايل صورت نسختين للطوارئ،، على طاري السياقة بلندن أحسها من سابع المستحيلات احنا نعبر الشارع و مرات نتدوده ما ندري وين نطالع هالمرة سياقة بالعكس من قلب حاذفيني الانجليز بأكبر ما عندهم

مرو شخبارج ان شاءالله بخير

بيلا مشكورة و كل عام و انتي بخير
الا بقولج مر عليج بواجب دلال شي فيه تقصص مثل واجب ولد كاراميلا؟؟ قلت اتأكد منج

باجي الامهات اللي ما شفناهم بسكوتة ليالي ملكة ام حمود كل عام و انتو بخير


شصار محد عرف شي عن مجمع البيرق؟؟

 

[mr000]

سلام أمهات اشلونكم! آنا اليوم قعدت بس دريت إنه جنتي ماداومت قلت خوش بنتها عندها جان أحط راسي و أنام!بعد ماأحصل هالفرصه وايد

 

[Fouz]

سلام أمهات اشلونكم! آنا اليوم قعدت بس دريت إنه جنتي ماداومت قلت خوش بنتها عندها جان أحط راسي و أنام!بعد ماأحصل هالفرصه وايد

نوم العوافي مرو، شبعي نوم ورانا فزعة من فجر الله الاسبوع الياي، استغفر الله تقومين و الدنيا اي الحين ظلمة

 

[mr000]

لا بعد شنو فوز آنا هاليومين كله عندي مواعيد طبيب أسنان 4ونص يعني ماكو نوم العصر وأمس رحت الأميري حطولي حشوه طاحت الصبح ماشاءالله حتى ماكملت 24 ساعه فتوني حجزت موعد بخاص بروح العصر وسكتي ميته من الخوف لأنه بيشيلون الضرس آيييييييي وبسوي زراعه.. أول مره أجرب.. من البارحه ماخليت أحد ماسألته بالنت أذا يعور وألا لأ!!علشان جذي نيمت نفسي غصب علشان لاأقعد أحاتي طول اليوم ومالي خلق أطلع ولاأسوي شي ناطره موعد الطبيب!!الله كريم

 

[ReeMaN]

مساء المطيرات امهات العالميات شخباركم مع هالجو اللي ايانين

اليوم اخذت ولدي معاي الدوام من زمان بخاطره ايي الدوام وفرصه اخذته اليوم قبل لا يداوم واشوه من اليوم قاعد مبجر وراح اعدل نومته الى الاسبوع الياي

فوز ميونيخ حلوه بس في مناطق وااااااااايد روعه مثل هايدلبرغ ومانهايم وكولن ودوسلدورف <--- ماتتطوف وفي مناطق وايد انشالله اكتب لج اياهم كاراميلا حزه سفرتكم اذا الله كتب لكم

ومروو لو شنووو بالذات الاسنان مااجازف بالحكومه اخااااااف

 

[ReeMaN]

هلا نوارى شخبارج عساج بخير ... والله ودي افيدج بس ماعندي فكره على قوانين المدرسه يصير او لا

وبصراحه هذي عيب المدارس الخاصه كل مدرسه لها عطله معينه مثلنا احنا والابداع عندنا عطله الاستر بس مو مع بعض يعنى احنا نعطل ونداوم بعدين الابداع يعنى ولدي بالعالميه وعيال اخوي بالابداع واعيال اختى بالحياه بس مو نفس التوقيت شي يضيق الخلق بس شنسوي
الله كريم

 

[bella bambina]

هاي أمهات
فوز اي أذكر ان فيه ورقة فيها تقصص آنا بيت أهلي لما أروح البيت أتأكد أظن لازم يعدون الأشكال دوائر ومربعات و .....
وفيه تحت مربعات أعداد يقصونهم ويلزقونهم على عدد الأشكال

 

[caramella]

السلام أمهات
كل عام و غنتوا بخير
شسوي يا مرووو مو كل شي تقدرين تاكلين فيه ببلاستيك الصحن يتطعطع ما يهجي إلا بصحن صين
سكتي الحين قاعده أطبخ مجبوس إنشالله يطلع على ما يرام لأن صار لي من زمان مو طابخه
سلامات مرووو ما تشوفين شر يا وخيتي
ريمان إهو بس الأسنان الناس ما قمت تروح الحكومه على أغلب الأشياء صار الحكومه من بخت الزلمات و الفلبن و المصاروه و الهنود لأن عندهم دكاتره و سستارات ربعهم يضبطونهم صرنا غرب بديرتنا
عليكم بالعافيه على المطيرات آنا طفارتي المطر ما يشوقني ابد و إذا الشمس مو طالعه يحوشني إكتئاب أشوه إني عايشه بالكويت ماشالله طول السنه عندنا شمس
شوقتيني ريمان على ألمانيا عليج بالعافيه
الله يسلمج مروو أمس رحت هارودز و ياليتني ما رحت إستغفر الله حج حج
شريت لي كاكاو و طلعت و سلامتج و تعيشين شفت ريفيجتي هناك شاريه كاكاو نفسي و سكارف بس
فوز يا حبيبتي ما أبي إلا سلامتج يا قلبي ديري بالج على نفسج هذا أهم شي الله يتمم عليج
ونوم العوافي أزعجك صوت البرق عشان جذي إستغفر الله ما أحب المطر بس أحبه بشغله وحده إن الدعاء مستجاب وقت المطر
بيلا و إنتي بخير مشكوره عالدعاء
وكل عام و إنتوا بخير
نواري والله صعبه حبيبتي تاخذينه آنا ولدي كي جي 1 و ماخذته معاي لندن بيقعد معاي وبتطوفه من الدراسه 3 أسابيع تقريبا أو يمكن أكثر وقاعده أحاتي أفكر أرده عشان ما أبي تطوفه وايد من الدراسه و لما يرجع يكون متوهق طايفه وايد أشياء
إسمالله عليه ولدج كبير حاولي تفهمينه عوضيه وسفريه بالصيف سفره قصيره

 

[Fouz]

باركولي توني خلصت واجبها،، مسكينة كل شوي تقولي ماما تعبت مالها خلق تلون

بيلا و كاراميلا شفت الورقة مالت التقصقص ما كنت شايفتها لانها اخر ورقة

مرو الف لا باس عليج و كل شي الا الضروس الله يعينج، و كلام كاراميلا عدل ،، مستشفيات الحكومة صارت ما تندش الا اذا تعرفين احد يضبطج و الا الواحد شنو جابره يقط فلوس لو لاقين خدمة و معاملة سنعة جان ما عفنا الحكومة يا حافظ جنج تطرين و اردى ناس اللي بالاستقبال تكلمينهم بكل احترام و اهما يالله يطالعونج هذول لو وزراء جان شسووا

كارراميلا تسلمين حبيبتي و ان شاءالله مجبوس مضبوط و حتى اذا لأ الله خير بالسفر كل شي ناطع و فعلا صوت الرعد اليوم كان وايد قوي استغفر الله، انا ما احب المطر خاصة اذا طق مدة طويلة و كنت بالسيارة او ناطرة احد يرجع اقعد على اعصابي، سبحان الله كل شي زيادة يخرع

ريمان خلاص انتي المرشدة السياحية مالتنا و اذا لنا سفرة ماراح نستغنى عن معلوماتج يا كنز المعلومات

 

[Fouz]

هاي أمهات
فوز اي أذكر ان فيه ورقة فيها تقصص آنا بيت أهلي لما أروح البيت أتأكد أظن لازم يعدون الأشكال دوائر ومربعات و .....
وفيه تحت مربعات أعداد يقصونهم ويلزقونهم على عدد الأشكال

هلا بيلا

مشكورة حبيبتي شفت الورقة و قصقصنا الارقام

 

[caramella]

إي صح بيلا هذي الورقه اللي فيها تقصص

 

[bella bambina]

كراميلا وفوز دلول ليلحين مو راضية تكتب اسمها ولا حتى تمسك القلم عدل وكل ما أعطيها ورقة الاسم تشقها :eh_s(16):

 

[Fouz]

بيلا عسى عندج نسخ منها

الله يعينج حاولي تسايسينها سوي لها اغراء بأي شي، انا قلت حق بنتي توني كلمت أم دلال و قالت خلصت و بقى لها ورقة فلازم نسبقها والله نفعت السالفة ههههه و افتكينا

 

[mr000]

سلام أمهات اشلونكم! انتوا تتكلمون عن واجب عيالكم وآنا أتخيل بنت ولدي الله يعينا تالي شكلي آنا اللي بجابلها آنا قلبي حار عالدراسه أمها غيري والله ماكنت قبل أنام ألا لما عيالي يخلصون الواجب ولي طاف وقت النوم خلاص ماأنام يعني أجابلهم من أرجع من الدوام! المهههههههم باركولي شلعت ضرسي الحمدلله عقب أذية شهر كامل مع الحكومه ومواعيد وبنج وتحفر وبالآخر يقولون لي ماينفع لازم ينشال اليوم الطبيب الخاص يقولي هذا آنا لوشايفه من أول مره جان قلتلج علاجه تشلعينه خو واضح مايبيله شي ضرس مكسور موباقي ألا نصه ماكو طبيب يقدر يسويله تلبيس بعد ليش قاعد يعالجونه وكل شوي مطرشينج الأميري والأميري يطرشج عالمستوصف! قلتله هذا درس لي علشان ماأرد أروح لهم!!عاد باقي الزراعه تالي عقب 3أشهر! والله صج حط فلوسك بالشمس وأقعد بالظل مايسوى الأذيه اللي تأذيتها هالشهر!!