تجمع امهات العالمية الامريكية

[bella bambina]

اي فوز عندي نسختين منها بس اهيه ما تعرف تكتب اسمها تبين الصج اهمه ما مداهم يعلمونهم حتى يمسكون القلم ما يصير كل شي لازم احنا بالبيت نعلمهم درست اخوانها الكبار وأسستهم وليلحين أدرسهم بس هذي ماني قادرة عليها تعاند يمكن اذا مسكتها مدرسة أحسن مو راضية تمسك القلم عدل تمسكه بايدها موبأصابعها و أحس انها بيبي ما تفهم اذا أقول لها كلمت أم رفيجتج بتهدني وتمشي بدون لا تفهم شنو أقول ماني عارفة أتعامل معاها

 

[caramella]

قوه
طلع المجبوس شي شي والله ما توقعت يطلع مني جذي أشوه الأرشيف ما نمسح لآن والله لي 4 سنوات مو طابخه معتمده عالخدامه -----> كويتيه بحته
إنشالله يعجب بو الشباب بس:gr4uu:
فوز زين سويتي خلصتي واجبها يعطيج العافيه ولدي كتب إسمه مره وحده قلت له كرره بالأسطر كلها قام ينافخ :eh_s(4):
بيلا بدعت دلوول إسمها زوين مو صعب يعني
شيسوون اليهال اللي أساميهم عبداللطيف ولا عبدالرحمن ولا عبدالوهاب :lkmnkl:
إغريها بكاكاو ولا تشترين لها شي ولا إذا ما رضت شدي معاها شوي ما ينفع جذي تشق الورقه

 

[caramella]

بيلا الله يساعدج والله
حبيبتي بنتج صغيره يعني مواليد شهر 12 ؟؟؟
لأن ترى والله يفرق لي الياهل دخل الروضه صغير أو كبير
الكبير شوي عضلاته أقوى واحس الإستيعاب يفرق بين ياهل مواليد شهر يناير وبين ياهل مواليد شهر 12 فرق سنه بينهم و إهم بنفس المرحله

 

[Fouz]

مرو الحمدلله افتكيتي من هم الضرس لان فعلا كريه، و يا بخت اللي قلوبهم باردة تصدقين انا من خلصت واجبها صار عندي عيد ، و كل ساعة تنط عطشانة ابي حمام و انتو بكرامة ابي اقعد على الطاولة لا مابي ابي احل على الأرض لا تشوفيني شلون اقوم و اقعد جني عيوز بس كله يهون ولا تقولي ما ابي اسوس و تطنقر


بيلا بالنسبة حق الاسم انا معلمتها قبل لا تروح يعني مو منهم تعلمت، اذا ما رضت تكتب لا تعسرينها كلمي مس مروة اذا داوموا ان شاءالله

 

[Fouz]

يه يه يه كاراميلا تسلم الأيادي، لا تنسينا بالنقصة عليكم بستين عافية مقدما

الفال لج تخلصين واجب ولدج و ترتاحين، ما ينلامون ينافخون عموما هذي صفحة المأساة لأن الباجي سهالات

انا بنتي ذبحتني بواجب العربي، صاير عندها لبس اذا شافت البطة قالت لي تبدي بحرف الدال!!!! اقولها شلون تقولي اسمها دك يالله تعالي رقعي، و اخر صفحة اللي فيها تريسنغ على الاحرف تقولي ليش الاف بس سطر واحد و باجي الاحرف سطرين هذا خرابيط

كاراميلا صاجة الأشهر تفرق مع اليهال الصغار، اذكر بالحضانة كنت احس بالفرق بنتي مواليد اخر عشرة و معاها يهال اكبر منها بست شهور ماشاءالله فرق، يعني اهي عمرها سنتين و اهما سنتين و نص تحسينهم اكبر و افهم، و اشوة ان بنتي اسمها سهل بس 4 احرف وعلية بنت اخوي اسمها منيرة تعاااااااااااااااني اما عبداللطيف و عبدالوهاب هذول المفروض يختصرون اساميهم الى عبده على ما يكبرون

 

[Fouz]

بيلا شوفي هالاقلام ما تهقين تساعد بنتج تمسك القلم بطريقة أحسن



و هذا شرح عنهم


أقلام رصاص لا تحتاج إلى مبراة! يمكن لطفلك أن يدير رأس القلم بكل بساطة ليكون جاهزاً للكتابة ، صمم بحجم صغير خصيصاً ليد طفلك الصغيرة ، تصميمه الهندسي المبتكر سوف يساعد طفلك على الكتابة بسهولة ، و ألوانه الجذابة ستشجعه على الإمساك به فور رؤيته! كل علبة تحتوي على أربعة أقلام بألوان متنوعة ، مثبت بأطراف كل قلم منها مسّاحة لتجعله قلماً متكاملاً


These ergonomic Twist 'n Write pencils are made especially for those small sized hands. They come with retractable thick #2 pencil lead for long lasting write-out and never needing sharpening. Simply twist the tip to expose more lead! Each pack contains 4 Twist ‘n Write pencils in attractive colors for your child. The wishbone shaped design forces the school taught "tripod" position. The unusual, curvy design and fun colors will make your kids want to pick up and write or doodle. For extra convenience, the sides of the pencil are fitted with rubber erasers also.

 

[mr000]

السلام أمهات فوز والله خوش أقلام هذيله من وين نحصلهم؟؟انزين آنا بنت ولدي مواليد 26/3/2008 يعني لما تدش الkg تعتبر من الصغار وألا زينه؟؟ آنا عيالي 2منهم مواليد شهر 4 والعود شهر 6 دخلوا أولى ابتدائي كبار 6سنين وشوي فماتعبوني بالتدريس والحفظ والكتابه بس واحد مواليد شهر 3 وقمت آنا عقب الغزو ولزمت على أبوه يطلع له استثناء يروح الأبتدائي 5سنين وشوي.. اعترف أنها فكره فاشله تعبت معاه بالتدريس وايد أكلت تبن حشاكم وهو مسكين موقادره يستوعب الرياضيات وكتابته ضعيفه وتأذينا معاه وايد بالدراسه لي كبر فتعقدنا من هالسالفه ودايما أنصح خواتي وأخواني لحد يدخل عياله الأبتدائي صغير!!ألحين شالحل أذا مانبيها تروح غريد 1 عمرها 5 سنين ونص؟؟

 

[Fouz]

هلا مرو بشري شلونج عقب شلعة الضرس

هذول الله يسلمج من محل اسمه جيلي بينز في مجمع الزاوية بحولي و عنده شغلات وايد حلوة، اشوف السايت ماله و احطه لج

بالعكس عمرها يكون زين لان المدارس الامريكية تاخذ على سنة الميلاد فتعتبر من الكبار مقارنة باللي مولودين بنهاية 2008 و حتى الحكومة ما تدخل صغيرة لان اعتقد ياخذون الى مواليد 15 مارس و اي يوم عقبه يترحلون السنة اللي عقيها



صارت الساعة 12 كل عام و انتو بألف خير

 

[caramella]

مرووو صح كلامها فوز تدخل الإبتدائي كبيره مو صغيره
آنا ىالله يسلمج إخوي مواليد 3/3 خيروا أمي تبين تودينه الإبتدائي ولا بتخلينه بالروضه
أمي خلته بالروضه والحين إسم الله عليه مهندس وولد عمي أمه دخلته الإبتدائي صغير كان بينه و بين إخوي أيام أمه إنشلع قلبها معاه بالدراسه

 

[caramella]

كل عام و إنتو بخير

 

[mr000]

كل عام وانتوا بخير! فوز والله الحمدلله ماكو ألم بس اشدعوه جذيه حفره هالكبر مكان الضرس أكيد لازم أسوي زراعه ماأخليه ..مشكوره حبيبتي عالسؤال! كراميلا ألحين في بيكاديللي سكوير والترافلغار يتيمعون الناس ينطرون وقت اللي تصير الساعه 12 !آنا العاده كل سنه أتابعهم بالنت live cam بس جنه بعد ماصار عندهم الساعه 12 خل أحطه وأشوف!! انزين اذا الجو مطر وبرد ليش ماتروحون ويستفيلد مول هذا زين مسكر وكلشي فيه !! أي شفتي اشلون كراميلا أغلب اللي يدخلون عيالهم صغار يتعبون معاهم هالسنه أخت جنة أختي عيالها 2 بصف واحد بأولى ابتدائي ريلي يدرسهم واحد أكبر من الثاني ب11 شهر يقولي ريلي جنه فرق سنتين بينهم بالفهم والأستيعاب وحرام الكبير شاطر والصغير مومثله امتعب أمه بالدراسه ومحصل زف وطق!!أشوه أهم شي أنها ماتدخل صغيره!!

 

[lyale]

كل عام وانتووو بخير فوز مرو كراميلا ريمان ملكه بيلا وباقي الامهات وانشاء الله تكون سنة خير عليكم جميعا

 

[caramella]

سلامات مروو و ما تشوفين شر إنشالله لازم لما تشلعين الضرس يصير حفره مكانه باللثه يبيلها فتره و تلتئم وتصير سيده بس حاولي تشوفين دكتور زراعه بسرعه جنه خبري يا بسرعه تسوين الزراعه بعد شلع الضرس يا العكس لازم تنطرين مده فا شوفي الدكتور إشوفلج شنو أفضلج
يا ويلي على ترافلجار سكوير ألحين بحط لج مشاركه لي عن إلعام لو يعطوني مليون ما أروح لو شنو
ووست فيلد إي والله نروح له بس ولدي خلاص طفح الكيل عنده من السوق يبي يروووح ألعاب وديناه ذيك المره ونتر لاند مدينة العاب فاجينها مؤقت في الهيد بارك بس كان حده برد و إستمرض علي ماكو إلا تراكاديرو مسكر عالأقل
حرام عليها هالإم ظلمت الصغير ودخلته مع إخوه الظاهر ما توقعت إن بيصير جذي
وإنتي بالف خير ليالي

 

[lyale]

سلااااامات مرووو ولا عوار الضرس الله يعينج حبيبتي

 

[caramella]

هذي مشاركتي عن العام

نصيحه نصيحه آنا رحت إلعام صوب بيج بين وما قدرت أوصل وقفنا بالترافلجار حاطين شاشات كبار فيها البيج بن والله إني تحسفت قد شعر راسي
وحده بالمنتدى ناصحه البنات إنهم يروحون و شوقتني و حنيت إلا بروح
رحنا آنا و ريلي و حماي الحمدلله ما خذيت ولدي وياي خليته بالشقه بالغصب يالله وصلنا صوب الترافلجار سكوير إنشوف البيج بن من بعيد وما بين شي
من غير تشبيه جنه حج إستغفر الله العظيم روح على روح حده زحمه وقطع كله خمر عالأرض وبطولهم بيدهم الريحه الله لا يوريج ومن كثر ما يشربون تكرمون يدورون لهم أي زاويه يبولون فيها الله يقطعهم قذرين و إنتي تمشين على أرض كلها خمر و بول و إنتوا بكرامه تالي يوم وقت الطلعه إهني صارت الصكه ناس رايحه و ناس راده صك الشارع و هوشات وما تدرين يمكن أحد يفلعج بالبطل لأنهم سكارى وهوشات و الشرطه إزردون أي واحد يسوي مشاكل ما يلحقون أذكر شرطي زرد واحد من عتراه بإيد وحده لأن تفل على واحد ثاني
المهم بوقت الطلعه صارت الصكه أحس روحي بتطلع والله إني ما أجذب عليكم وقمت أبجي ميته من الخرعه تخيلي نفسج بوسط سكارى والله في يهال يايبينهم يعورون القلب يبجون من العصره
حماي صار جدامي و ريلي وراي ويالله يالله عقب ساعه بالفقصه طلعنا المهم نبي أي شي يوصلنا الشقه ما في
لا تكسي ولا باص ولا أندرقراوند بعد
وهقه
والناس يترنحون و يطيحون بالأرض يمج
بالغصب يالله لقينا أندرقراوند فاتح
أحمد ربي إني وصلت بالسلامه و لو شنو ما أعيد هالروحه تحسين نفسج بالمكان الغلط إستغفر الله

 

[mr000]

سلام أمهات اشلونكم!الله يسلمج كراميلا وصاجه بهالوضع ماينطلع تدرين آنا حتى التريكاديرو لما يكون زحمه ماأحبه وعموما بكل سفراتي لأني دايما بس مع عيالي بدون ريال ألا سفره وحده معاي أخوي فدايما تنتهي طلعتي بال9 بالليل خلاص أكون بالفندق أول شي كلنا تعابه من الطلعه واللويه طول اليوم ثاني شي أخاف أصادف أحد من السكارى!اشلونكم مع السنه اليديده..ألحين ابتدوا عيدوا برمجة عيالكم وعودوهم على النوم المبجر.. بس تدرون راح تشوفون الشوارع أقل زحمه من ألحين لي نص فبراير تقريبا لأن مدارس الحكومه المتوسط والثانوي راح يبتدون يغيبون يدرسون حق الأمتحانات تالي يعطلون آخر الشهر مادري متى بالضبط!!

 

[mr000]

الله يسلمج ليالي ماقصرتي!شخبارج انتي واشلون عيالج

 

[ملكة بيتها]

سلام مامات كل عام وإنتو بخير عساها سنه خير عليكم حبايبي ..
فوز وإنتي بخير يالغاليه ...

 

[caramella]

هلا والله ملكه و إنتي بخير

 

[mr000]

أهلين ملكه كل عام وانتي بخير!ها كراميلا أشلون أحوال الطقس عندكم؟؟ والله ولدي اللي شكله بتجمد هناك وبيتوهق لأنه ماعنده وقت يروح السوق هناك كلش ألا يوم واحد بالنص معطينهم راحه ويوميا يروح workshop من ال8 لي 5 والمحلات تسكر 6 يعني مايلحق عالمحلات وكل يوم آنا نجره معاه مايبي ياخذ ملابس ثقيله يقولي داخل حر عندهم حتى ماشرى كوت شاري جاكيت بس ومايبي ياخذ الفنايل الثيرمال آنا اليوم شريت له بحطهم بجنطته وشريتله سكارف صوف مع القبعه والدسوس و دلاقات ثيقيله من bhs وألا هو مايبي بس يلبس الcutدلاقات سبورت ولايبي بوت وااااي ذبحني ويقولي راح أروح مشي من الفندق لي المكان اللي فيه المؤتمر المسافه موبعيده.. قلت له أتخيل شكلك وأنت الماي ترس جوتيك ماشي بالمطر... والله كيفه