تجمع امهات العالمية الامريكية

[Fouz]

هلا مرو
الله يعين ولدج، أول يوم عاد يعني يقعد بالاجازة باله مشغول، عسى الله يوفقه ان شاءالله

توني عشيت بنتي و من الحين تقولي مالي خلق اروح بسم الله تونا بالكي جي و مالها خلق

عموما بروح انومها و ان شاءالله ربي يهديها و تنام، اذا نامت مبجر لي رجعة المنتدى ان شاءالله

 

[bella bambina]

مساء الخير أمهات
فوز وااااااااو وايد حلو المحل مادري أقول حسافة ولا فكة ان ما عندي بيبيات صج أغراض البيبيات وايد حلوة ان شاء الله أمرهم هاليومين اهمه ورا مدرسة اليهال
ريمان والله آنا بعد فكرت أعطيهم دوا كحه عشان ينامون بس ريلي ما رضا مادري ليش ما عنده سالفة خلي يقعد معاهم معاندين مو راضين ينامون
مبروووك وقرت عيونكم برجوع حليب الككاو والله يصبرنا على عصير المانجا ما لقيته بالجمعية باجر من الصبح أدق على الشركة أجيك

 

[Fouz]

هلا بيلا صاجة المحل حلو و اذا مالج خلق روحة يوصلون البيت لان مواقفهم كريهة ان شاءالله يصير عندج بيبي و تشترين له

بنتي سوت لي مناحة مابي المدرسة و بجي و الحالة حالة عاد زفيتها بس عورت قلبي ما احب انومها جذيه، عاد قلت لها جم قصة و توها غفت، الله يستر ما تقوم لي بعد ساعة

اي توها مرت اخوي قالت لي عن حليب الكاكاو عاد مسكينة رفيجتي توها يايبت لي من السعودية كرتون بروح باجر و أكود لها لان الشي الوحيد اللي تحبه

 

[mr000]

سلام أمهات أشلونكم آنا اليوم رحت مركز سلطان وماصدقت لما شفت حليب الكاكاو شريت 3 كراتين...والله فوز خوش محل آنا ماشفت كل شي فتحت السايت طالعت شويه عالسريع أن شاءالله باجر أفضى وأقعد أطالعه... سكتي فوز والله أحس أنه كلش مودارس عدل حق الأمتحان ...وبعد اليوم توهق موعارف يجهز جنطته على أي جدول يعني مادري باجر day 1,2,3 دق على ثلاثه من ربع كلهم موعارفين ولوتشوفين جنطته ماتنشال من الأرض لأنه حط كل الكتب والفايلات والدفاتر! يلا باي نشوفكم على خير باجر لازم أقعد مبجر بوصل ولدي المطار من ال6ونص!

 

[Fouz]

صباح الخير أمهات

شلونكم مع أول يوم؟؟ اليوم يابوا مدرسة يديدة حق صف بنتي و ان شاءالله يكون فيها الخير

مرو كلنا مو مصدقين ان اكو حليب كاكاو توني ياية من الجمعية ماشاءالله كل الناس تنقل كراتين، بالنسبة للايام ليتج ساءلتني لانهم موزعين ورقة بالتواريخ و الايام من أول السنة، و ان شاءالله ولدج يروح و يرجع بالسلامة

 

[caramella]

السلام أمهات
مرووو الله يوفقه ولدج وعليه إمتحان من أول يوم دوام ما يغشمرون ويوصل ولدج بالسلامه إنشالله
فوز و بيلا مبرووك المدرسه اليديده و إنشالله يا رب يكون فيها الخير و يحبونها بناتكم
عفيه فوز و بيلا آنا ادري بأذيكم معاي بس ما عليكم أمر قوليلي أي شي ياخذونه عيالكم وأ] مستجدات اي اوراق تييكم من المدرسه
وبتابع إنشالله مع مدرسته بالإيميل هالإسبوع يبون حرف G عاد أمس اسولف معاه قلت له
guitar
glass
garbage
goat
glue
gift
grapes
طرشتوا مع عيالكم لأن حاطين لنا بالورقه بالملف إن يبون أغراض بهالحرف

 

[caramella]

بيلا و فوز و مروو عليكم بالعافيه حليب الكاكاو
مرووو فكرة السفره لي هني عشان حليب الكاكاو باءت بالفشل
مو موجود لللأسف

 

[mr000]

السلام أمهات اشلونكم مع أول يوم دوام... آنا اليوم ماوصلت ولدي المدرسه أبوه وداه وآنا وديت أخوه المطار سكتووووووا قلبي يعورني تحسفت ليش ماسافرت معاه وولدي طول الوقت بالمطار يشيشني يلا روحي سوي فيزا وحجزي بسرعه وتعالي ترى الغرفه فيها سريرين ومره يقولي زين جذي بتردين البيت مو حلاتج ألحين راكبه معاي الطياره والظهر أحنا باسكتلندا وآنا جني اللعبه اللي يكوكونها يعني صج بقيت أطلع من المطار وسيده أروح أسوي فيزا بس قاعده أتعوذ من ابليس وأقول ولدي عنده امتحانات... المهم ... كراميلا شفتي اشلون خطتي باءت بالفشل ترسوا الجمعيات من حليب الكاكاو!!

 

[mr000]

كراميلا جيكي الخاص عفيه

 

[ReeMaN]

سلااااااااااام عليكم حبيباتى

شلونكم؟؟؟ وااااااااي اليوم بالغصب شلعت ولدى من الفراش وحدددددددده متعسر ويبجي فينى النوم وفينى النوم قلتله خلاص بس اوديك الفرع تشتري كاكاو حق صفك قال مابي بنام ...... وصلنا الفرع مارضى ينزل خليته بالسياره ونزلت ايب له كاكاو والا اطالع رف العصاير واشوف حليب كاكاااااااااااااااااااااو اللى يانى فرحت حتى المصري ضحك على شكلي يقول لى مبروك وصل وصل واخذ واحد وانا داخل الفرع اراويه واهو بالسياره حددددددددددده استانس ويبي يشتري كرتون حليب حق صفه ههههههههههه
انشالله من اليوم تتعدل نومته
اليوم جنه ماكو زحمه بالمدرسه والا يتراوالي

 

[ReeMaN]

مسكينه مروو لعب باعصابج ولدج هههههههه اصلا اتسوينها تتهورين وتسافرين تنحاشين عنا ... لازم نسحب منج الجواز خ خ خ خ

 

[mr000]

أهلين ريمان أي والله كلنا فرحنا بهالحليب الكاكاو علشان اليهال وعليه بنت ولدي من أمس ردت تشرب منه ! سكتي ريمان آنا أصلا متفقه معاه أن اليوم يدق على يقولي اشلون الجو يعني تسوى الروحه واشلون المكان فيه سوق ..يعني النيه مازالت موجوده للسفره.. بس اللي رادني مدرسة ولدي والأمتحانات!

 

[Fouz]

شلونكم أمهات

كاراميلا شخبارج، انا اليوم عطوني ورقة حرف g، عاد توني حست بدارها و طلعت لها جم شغلة
اليوم دازين ورقة البيتزا حق الاسابيع الياية لان أظن هذا اخر اسبوع من المرة اللي فاتت، و عطونا ورقة اعادة التسجيل مع دفع 350 دينار حجز الكرسي حق السنة الياية، وورقة فيها خطة الاسبوع الحين اصورها و احطها لج، و ان شاءالله اذا في اي شي راح نبلغج لا تحاتين

ريمان شلونج لا تلومين ولدج والله انا اليوم قمت غصب، الدنيا ظلمة و برودة مال تتلحفين و نوم الى الظهر بس مجبورين

 

[Fouz]

كاراميلا صورت الورقة و ان شاءالله تكون واضحة


بيروحون رحلة حديقة الحيوانات يوم 21 يناير ان شاءالله ولدج يكون راد علشان يستانس
رسوم كي جي 2 بعد الزيادة 2124
اخر يوم لدفع حجز الكرسي نهاية شهر يناير
وسلامتج هذي حصيلة اليوم

 

[Fouz]

و هذي الورقة بالانجليزي

 

[mr000]

سلام أمهات اشلونكم! شنو هالزياده بعد فوز مومبين عندج كم رسوم غريد 9 عاد آنا أصلا ناويه باجر أروح أدفع له مع أنه ماياب لي أي ورقه!! بعد بالمره بمر أسأل عن التيوترينج لأنه اليوم دق علي قال أخذوني ماكو تيوترينج المدرس موياي مريض وشكله ماراح يداوم مده طويله الظاهر بيسوي عمليه هذا كلام Mr Church الناظر حتى قايل حق ولدي ماأتوقع نحصل مدرس بداله لي أسبوع الياي!!

 

[caramella]

مشكوره بعد عمري فوز بس ما طلعوا لي الأوراق ما ادري ليش لا تاذين نفسج بس عطيني الخلاصه بروحج ثقيله الله يتمم عليج يا رب
والله ما أتوقع يكون راد قبل هالتاريخ إلا إذا برده مع خواله قبلنا بس ياختج ولدي حيل متعلق فيني آنا و أبوه
بنوديه هاليومين لندن زووو إنشالله ويعوض عن كويت زووو
أمبيه ليش هالسعر مال كيجي 2 يا حافظ وايد حرام عليهم ريلي يقول بالجامعه ببريطانيا السنه 6000 باوند يعني 2820 دينار كويتي
ليش جم كانت الرسوم إلعام جم زادوها ؟؟؟ ريمان جم رسوم ولدج هالسنه خل نشوف شكثر زادوا
أدفع له عن طريق الوطني أون لاين تقدرين تدفعين رسوم الدراسه عن طريقهم بس عاد ما أدري إذا اليونيفرسال مشاركه ولا لأ
مرووو مو خوش خبر التيوتر مال ولدج مو موجود غنشالله يا رب يلقون له بديل بسرعه
ريمان طماشه ولدج مع حليب الكاكاو عليه بالف عافيه
بس شوقتوني على حليب الكاكاو حرام عليكم آنا ما عندي إهني

 

[caramella]

فوز طلعولي الصور مشكوره يا قلبي أول مره ما كانوا طالعين
ما قصرتي كلج خير وبركه

 

[Fouz]

صباح الخير أمهات شخباركم

مرو زايدين الرسوم 5% جريد 9-12 رسومهم 3187 دينار
ان شاءالله يدبرون لهم مدرس و اذا ما لقوا ماله الا يدرس زيادة مسكين

كاراميلا حبيبتي ما سويت شي و اشوة اللي اطلعوا الصور، بس لا تدزين ولدج بروحه دام انه متعلق فيج، اذا رديتوا ان شاءالله يعوض اللي طافه، و أكيييييييييييييييييد لندن زو بتونسه أكثر عليه بالعافية
بالنسبة للرسوم زايدينهم 5% يعني على كل ألف من رسوم السنة اللي فاتت زيدي 50 دينار
كي جي ون كنا 1630 ألحين 1712

 

[Fouz]

اليوم وديت ويا بنتي جيتار صغير و عنب و ثوم بلاستيك وهم لقيت بسلتها اللي بالدار جرين بيبر مادري اذا green pepper يكون تحت حرف الجي

بس يننتني اليوم تقول ماي اروح المدرسة و المدرسة مو حلوة و ابي انام مع انها اسم الله عليها نايمة 7 و نص امس المفروض تقوم شبعانة، عاد قلت لها خلاص لا تروحين و الاغراض ملوت حرف الجي اللي زهبناهم بروح اعطيهم اليهال جان تفز، عاد باجر شنو اللي بيقومها


على طاري حليب الكاكاو هههههه ماشاءالله اليوم مارة الجمعية توني عقب ما وصلت بنتي العربانات كلها كراتين حليب كاكاو تحسين كل الناس ناطرته، ميخالف كاراميلا توصلين بالسلامة و نستقبلج بكرتون شربي من المطار الى البيت