تجمع امهات العالمية الامريكية

[mr000]

سلام أمهات أشلونكم! ريمان أي والله مادري اشفيني قمت أخوره سووووووري بيلا لخبطت بينج وبين أم حمود !أم حمود ماعيج الا العافيه ان شاءالله! انزين شخبارج مع الأجتماع بصراحه كان tough day يعني آنا داشه الساعه 8 وربع وماطلعت ألا 12 ونص وكان باقيلي مدرسة الدراما مارحت لها بس تعبت من الوقفه واللف من مدرس لي مدرس! الحمدلله طلعت بفايده وكلمت مدرسين ولدي بس الأجتماع يحتاج تنظيم أكثر يعني المفروض يقسمون اليوم بين الثلاث صفوف مالوت الميدل سكول 6و7و8 أحسن من كلهم مع بعض بنفس الوقت وبعدين ماله داعي محددين حق كل أم 20 دقيقه وفي أمهات الله يهديهم يطولون! آنا ييت عند الأنجليزي الساعه 10 ونص بكتب أسمي في ورقة المواعيد ألا أسماء الأمهات واصلين لي الساعه1 وثلث لأنه في بريك قبلها حق المدرسين فاللي صار أن المدرس قام يدخلنا مجموعات تقريبا كل 8 أو 9 مع بعض ويكلمنا بشكل عام عن المنهج مو عن مستوى عيالنا ! المهم لاحظت أنه وايد فيه طلبه يدد منقولين من مدارس ثانيه وأهلهم يقولون أحنا ضايعين ماكو تواصل يذكر مع المدرسين يعني قليل اللي يدزون أيميلات حق الأهالي! آنا والله عطيت كل المدرسين أيميلي ووصيتهم يبلغوني عن كل شي!

 

[mr000]

على فكره أم حمود آنا شفت وايد أمهات من 6 و7 و8 كلهم متفقين بالراي على أنه هالسنه ماكو هووم ووركات بالبيت تقوي الطالب يعني تكون practice حق الطالب وان الطلبه موقاعدين يدرسون بالبيت دايما يقولون ماعندنا شي ندرسه وتالي يعطونهم امتحانات صعبه وتكون الدرجات مو زينه!آنا عن نفسي مااشتكيت من هالنقطه بس صج لاحظت أنه هالسنه ولدي كله تارك الكتب باللوكر ويقولي ماعندي شي أدرسه! والشي الثاني هم تكلمت مع الأمهات عن نقطه ملاحظينها أن بالأنجلش كل مدرس يدرس على كيفه بطريقته الخاصه يعني مو ملتزم بالمنهج!!

 

[caramella]

السلام أمهات
إشلونكم
تسأل عنج العافيه ريمان ما قصرتي
كل يوم أدش أقرا و أطلع ما أدري شكتب
حبيت أسلم عليكم و الله يوفق عيالكم و تشوفونهم بأعلى المناصب إنشالله

 

[umhomood]

مروو انا مثل ما قلت لك ما رحت اليوم خليت زوجى ياخذ حمود ويروح بس كل شوية ادق عليه 00 يقول ما شاء الله اغلب اللى يايين الاجتماع حريم وعقب ال12 بدوا الرياييل ايون 00 ومثل ما قلتى طول وايد استغربت شالسالفة ؟؟ قال والله مو عارف ليش الاهالى يطولون اكثر من اللازم وما خلص الا الساعة ثلاث الا عشر تقريبا 00 ياليت الاجتماع الثانى يكون احسن من هالاجتماع بالتنظيم0 وانا معاك ومع الامهات فى موضوع الهوم وورك كل ما اكلم ولدى يقول ماعندى مع انه العام عقب الغداء يركض على غرفته ما يكفيه الوقت علشان يدرس 00 كل هذا بيطلع عليهم وعلينا بعدين 0

 

[umhomood]

مروو نسيت اقولك راى بالمدرس اللى يدخل الامهات مجموعات انا ما احب هالشىء واكيد ما فى خصوصية الواحد يتكلم عن ولده او بنته واهو بعد يبى يخلص ويسوى اللى عليه 0 وبصراحة الله يعينهم من الصبح قاعدين لى نهاية الدوام وفى اهالى يغثون بس يبون شغلهم يخلص وما يهمهم غيرهم 00

 

[mr000]

هلا والله أم حمود والله مثل ماقلتي آنا لما شفته يدخل مجموعات قلت بس خل أسمعه شيقول عن المنهج والأمتحانات والواجبات وخاصة أنه بالريبورت الأول ماحطوا درجات عن الأنجلش دزلنا رساله أنه ماسوالهم امتحان لأنه كان فيه غياب وايد برمضان واللي خافوا من الأنفلونزا وغابوا وهم ماحبيت أعطل المجموعه اللي بيدشون عقبنا وكل وحده ماسكته تسأله عن ولدها وبنتها وقلت خل ألحق أروح حق غيره! وفي أهالي قاعدين يتحلطمون ليش يايبين مدرسين ومدرسات هنود يعني هالسالفه ينسكت عنها بالمدارس الأقل مستوى من العالميه متضايقين الأهالي بسبب اللغه وليش مو أمريكان أو كنديين! آنا قابلت مدرسة ولدي الساينس هي هنديه والله طيبه وشكلها مجتهده بس اللغه أي نفس كلام الهنود!!وباقي المدرسين الأجانب الأمريكان وغيرهم بصراحه عفيه على عيالنا اللي قادرين يفهمون لهم ويتابعون معاهم الشرح والدروس بس اسم الله عليهم تعودوا!بس الحمدلله اللي ناقلين عيالهم يقولون عيالنا صج حبوا المدرسه ومرتاحين فيها أكثر من مدارسهم قبل!!

 

[umhomood]

تدرين مروو انا صار لى 9 سنين من دخلت ولدى المدرسة شفت وسمعت تحلطم من امهات شكثرهم عن المدرسة وبعض المدرسات ما يعجبهم العجب اللى تقول هذى اخر سنة لنا بهالمدرسة وبسنا منها خلاص المدرسة الفلانية احسن مليون مرة الادارة فيها وما فيها والله ما اكذب عليك اهم اول من يجدد ويسجل عياله للسنة اللى وراها وما زالوا لليوم موجودين فى نفس المدرسة ويتحلطمون للحين وفى ناس طلعوا عيالهم من المدرسة وودوهم مدرسة ثانية ورجعوا رجعوا عيالهم للعالمية لانهم شافوا المدارس الثانية 00 وفى ناس وانا معاهم متضايقين من زيادة الرسوم ولما نفكر عدل راح نلقى ان كل المدارس قاعدين يزيدون الاسعار بس الفرق بين العالمية وبينهم ان المدرسة لها تاريخها مو جديدة والوضع تغير عقب ما بنوا هالمدرسة وتركوا المبنى اللى كانوا ماجرينه بسلوى وانا اقول انها احسن الموجود مع العلم ان هذا راى الشخصى لانا قبل لا ندخل عيالنا المدرسة لفينا وايد وما ارتحنا الا لهالمدرسة ويارب من حسن الى احسن 00 بخصوص المدرسات الهنديات براى ان المدرسة ما يشغلون حياالله احد والمدرسات اللى عليهم شكاوى كثيرة ما يطوفون لهم ويمكن ما يجددون لهم 000 انا سالت ولدى عن تدريس مدرسة الماث له واذا شاطرة ولا لاواهى هندية وثانى سنة تدرسه واهى اللى شكيت عليها العام وما فى اى مشكلة من يومها وعلى فكرة الشكوى كانت ان ولدى كان خجول واهى مو فاهمة شخصيته يعنى مو بسبب تقصير فى تدريسها 00 وبعد ولدى يقول ماما مدرسة الساينس الهندية اللى تدرس الصف الثامن سمعت انها وايد زينة 00

 

[mr000]

أم حمود آنا لما شفت أبو قاعد يتحلطم ويذم بالمدرسين وهو ناقل ولده من الغانم قلتله شوف آنا جربت الغانم وغيرها يعني ولدي هذي ثالث مدرسه له هذا غير 6 مدارس آنا رايحه مكلمه الأداره ومنبشه وماسكه الأمهات وسائلتهم ماشفت مدارس امدحوها الأهالي ألا كم مدرسه انجليزيه والعالميه والأمريكيه الدوليه وبعدين آنا رايحه التعليم الخاص وقاعده مع المراقب وقلتله أمانه تنصحني بمدرسه زينه لأن ولدي تخسبق من مدرسه لي مدرسه قالي روحي العالميه أو الدوليه بس أنتي وحظج أذا ولدج ينقبل لأنهم مايقبلون أي طالب!! والله بقيت أقول حق الأبو أحمد ربك أقبلوا ولدك وبعدين ليش ناقله أذا عاجبتك مدرسته الأوليه!!حتى سألت أم عن الأمريكيه الدوليه قالتلي مافيها زود عن العالميه!!

 

[ملكة بيتها]

هلا ريمان ما عليه تدرين لاهين مع الدراسه مشكوره حبيبتي على السؤال والله فيج الخير
وسلام لباجي الأمهات

 

[umhomood]

اى والله مثل ما تقولين يحمد ربه اقبلو ولده وتلقين التقصير من الابو والام والولد ويحطون اللوم كله على المدرسة 00 انا ما انكر انه ممكن يكون فى بعض المدرسين مقصرين لكن شوفى النسبة يمكن ما يتعدون الايد الوحدة 00 انا اذاشفت علامات عيالى نازلة اقول لهم اكيد التقصير منكم ما انتبهتوا او ما راجعتوا المدرسة او المدرس باللى ما تعرفونه لانهم اكيد ما راح يقصرون معاكم ويشرحون لكم اللى تبونه ونركض نحطهم عقب الدوام توتر لانه مع الوقت تزيد الدراسة صعوبة ويبيلهم مجابل 00 انا قلت اليوم انه ولدى اللى بالصف الرابع كان غايب علشان اخوه عنده اجتماع وما رضى ينام الا الساعة 12 تدرون شسويت فيه ؟؟؟؟؟؟؟؟؟ خليت ابوه واخوه يروحون حق صفه عقب الدوام حق مدرسته وانا اعرفها درست ولدى حمود و حطيتها على السبيكر وطحت فيه وطلبت منها تحط عليه وتهاوشه اذا قصر فى اى واجب واذا ما انتبه لها فى الصف وتشكيه للناظر اذا غاب من غير سبب مثل اليوم00 وما اقول لكم شنو صار فيه البوز شبرين جدام ويتعبر وتندم على اليوم اللى غاب فيه وتدرون اشطلع عنده اليوم 3 امتحانات وطافوه 00 وعقب ما سكرته منها قلت له اذا انت مو قد الصف الرابع انا مستعدة اطلب من الناظر ينزلك صف 00 واكيد تتساؤلون ليش سويت جذى اقولكم ان هالولد احسه للحين بيبى واسم الله عليه يموت على الكمبيوتر والبلى ستيشن الاكس بوكس ويترك شىء ويروح حق غيره وعقب اللى سويته فيه انا وابوه اتصور ما راح يتجرا واذا تجرا ما راح نسكت وراح نتصرف 00 الحين ممكن فيه امهات لو قصروا عيالهم ما راح يعترفون بهالشىء ويحطون الغلط على المدرس وهذا حرام0

 

[umhomood]

فى شغلة بعد ودى اتكلم عنها فى واحد حاط ولده فى العالمية نعرفه كل ما اشوفه يذم بالمدرسة شفته هذاك اليوم اول كلمة قالها لو بس يعطونهم عشر ايام اواسبوع الواحد يسافر ويريح شوى00 وعقب قعد يطلع الاخطاء المليون فى المدرسة ومن هالاخطاء غير زيادة الرسوم 00 ليش صاحبة المدرسة مخلية مدرس الpe يدرس ساينس ما ادرى شيدرس لا وبعد رابط شعره ذيل حصان 00 ؟؟؟؟؟؟؟؟؟؟ ليش يطلعونهم الساعة ثنتين ونص ؟؟؟؟؟؟؟؟؟؟؟؟؟ ليش كل مادة مدرس غير وصف غير ؟؟؟؟؟؟؟؟؟؟؟ ليش صاحبة المدرسة تقول ما اقدر اسكر المدرسة على التزامات ما اقدر اغطيها؟؟؟؟؟؟؟؟؟؟؟ مليون ليش 00 قلت له والله ما عندى جواب مو اخوك واختك طلعوا عيالهم ونقلوهم من المدرسة ليش ما تسوى مثلهم سكت 00 بس انا عارفة ان السالفة اللى براسه انه يبى المدرسة تعطل ويرتاح كم يوم 00 تدرون وبدون مبالغة لما سالته ولدك اى صف قال ما ادرى اشرايكم انتوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[mr000]

أم حمود انتي علبالج كل الأمات مثلنا نتابع كل صغيره وكبيره ونشد على عيالنا والله أن العام ولدي يحلف أنه في صبيان بصفهم مايحلون واجب العربي بالمره ولايحفظون الشعر والآيات علشان جذي ألحين لما طاحواعند مس وفاء قاموا يتذمرون ويتشكون اليوم تقولي شنو هذا عادين العربي جنه آرت أو pe كلش مو مهتمين فيه قلتلها آنا عن نفسي عندج ولدي حيلج فيه ماعندي أحد يتدلع ويقصر بالدراسه! بصراحه في ناس يفكرون أنهم دخلوا عيالهم مدرسه خاصه وقاعد يدفعون لهم فلوس يعني خلاص لازم ينجحون الولد حتى لو يغيب ومايدرس والمصيبه أنهم ناقلين هالفكره حق عيالهم حتى مدرس العربي العام يقولي لما أقول حق الطلبه موحرام عليكم هاللعب والاستهتار وانتوا بأحسن مدرسه يقولون له وأنت شكو خو مو أنت اللي قاعد تدفع لنا أهلنا راضين!! فساكت عنهم وينجحهم بدون مايعور راسه مع كلام الأهالي!!

 

[umhomood]

تدرين مروو انا عقب مرحلة الحضانة لما ولدى حمود راح غريد ون عقب شهرين من بداية المدرسة اتصلت فينى وحدة الساعة 11 ونص بالليل وحدة معصبة وتزف وانا مستغربة شالسالفة واهى شاطة عمرها وضغطها مرتفع وتهدد اذا ولدك ما شد حيله فى الدراسة انا راح اسقطه وتدرين من كانت ؟؟؟؟؟ كانت ابلة افتخار حبيبتى اللى ما كان احد يحبها لانها عصبية ووايد مشتكين عليها وما يدانونها 00 المهم طلبت منها اشوفها وقالت تعالى ناطرتك ولما قعدت معاها قعدت تذم وما عطتنى فرصة اتكلم الا كم كلمة وكانوا وعد منى بانى من ناحيتى فى البيت واهى فى المدرسة نتساعد واهنى قلت حق ولدى اذا تبى تكمل فى فى هالمدرسة تهتم فى العربى بالضبط مثل ما تهتم بالانجليزى لانها لغة دينك ولغة اهلك واذا ما تحسنت راح انقلك للحكومة وهالكلمة كانت تعفسه فوق تحت وما كمل السنة وصار ما شاء الله عليه مع التركيز على القواعد 00 وعقب شنو عرفت عن ابلة افتخار الله يعطيها الصحة والعافية واهى مدرسة اولى 00 المهم عرفت انه هالمسكينة تدرس بكل ذمة وضمير وعصبيتها لانها فى يوم من الايام راحت تقعد ولدها من النوم لقته ميت ولما كنت اقول حق الامهات يقدرونظروفها وخوفها على مصلحة عيالهم كانوا يقولون العربى مو مهم بالنسبة لنا الانجليزى اهم لو نبى العربى جان ما دخلناهم مدرسة امريكية 00 الحين لانى ما كنت متابعة مع عيالى بسبب تعبى ما قعدت معاه العام حق العربى وناوية اعوض ويارب يعينا ويعينهم 00 اما بخصوص المدرس اللى ينجح اللى ما يدرسون فهذا اكبر حرام لانه ساوى بين اللى يدرس ويتعب مع اللى ما يدرس ويلعب ويعطل غيره 00 وكلمة يعطل غيره حطى تحتها مليون خط00 بس باكر عقب ما يروحون الثانوية راح ياكلونها اهم واهلهم وذيك الساعة خلى يرقعون اهمالهم واهمال عيالهم0

 

[mr000]

سلام أمهات اشلونكم! اليوم سجلت ولدي بالتقويه الله يعينه ويعينا عالنطره لي ال4ألا ربع كنت أبيه بس يوم واحد بالأسبوع بس قالي الكاونسلر أذا يوم واحد راح يكون ساعتين لي ال5ألا ربع تقريبا فخليته مرتين بالأسبوع بس اتغربت توني أسأل ولدي عن المدرس اللي راح يدرسه قالي هذا مدرس علوم وآنا أبيه حق الرياضيات مادري ليش يحطون أي مدرس وبس مو المفروض نفس الماده؟؟ أم حمود أنتي مر عليج جذيه؟؟ العام حطله مدرسة سوشيال تدرسه انجليزي وقلنه ميخالف مو مشكله بس تروالي الماث يبيله مدرس متخصص بالماده!!

 

[ReeMaN]

سلام امهات شخباركم ؟؟

مروو شخبارج عساج بخير الظاهر مدرسين التقويه ينطبق عليهم سبع صنايع والبخت ضايع ههههههه شنو مدرس علوم يدرس رياضيات ؟؟
والا علوم تدرس انجليزي ؟؟؟
بسالج بجم دفعتى حق تقويه الماده ؟؟ انا استغربت تقويه الروضه نفس كل المراحل؟؟

 

[bella bambina]

هاي أمهات اشلونكم ؟ صار لي جم يوم طايحة زف بولدي اللي بغريد 1 وين البروغرس ريبورت وأكيد مضيعها رحت اليوم سألت المدرسة قالت بالنسبة حق أولى ابتدائي ما ندز الا حق الطلاب اللي محتاجين متابعة وآنا طايحة بالصبي زف

 

[mr000]

ريمان آنا باجر راح أروح أدفع لأن الكاونسلر طرشلي الورقه مع ولدي بنهاية الدوام بس أذكر العام كان 104 دنانير الشهر

 

[mr000]

سلام أمهات اشلونكم!ذبحونا في بروجكتات السوشيال طالبين عليهم يسوون مجله عن مكتشفين أمريكا معلومات وصور ومن العصر ليلحين وولدي قاعد يشتغل عليها والمشكله أنه عنده هاليومين امتحانات بس لازم يدز كوبي منها حق المدرس بالأيميل علشان يجيك عليها قبل لايسلمها آخر الأسبوع توه خلص نصها وطرشناه حق المدرس وباجر لازم يكملها! والله شغل المدارس الخاصه مو هين بس زين يعودون الطالب أنه يسوي هالشغلات بروحه ويدور بالأنترنت آنا بس عطيته أفكار حق تصميم الغلاف! وان شاءالله يحصل درجه زينه عليه!!

 

[umhomood]

مروو قولى حق الكونسلر باكر اللى براسك ومن حقك تطلبين الاحسن والمتخصص فى المادة اللى محتاجها ولدك 00 انا اللى درست ولدى برابعة مدرسة كانت تدرس اولى وفى الصف الخامس مدرسة هاى سكول بس براى كانوا زينين مع انى كنت متخوفة وقتها 00 واكيد تعرفين انه مو كل المدرسات يعطون توتر00 ريمان اتصور ان الحصة ب 14 دينار بس ما عندى فكرة اذا الابتدائى او الروضة نفس السعر قبل كانت الساعة ب10 دنانير وعقب زادو السعر 00 بيلا الله يخليه وليدك طلع كلامه صج مسكين عوضيه عن الزف وحبيت اقول لك شىء انا ما احب انه ما يعطون شهادات لان الفرق كبير بين الكى جى وغريد 1 او 2 00000 حبيت اسال ما فيه بتجمع العالمية امهات عيالهم بالهاى سكول ؟؟؟؟؟؟؟؟؟؟؟؟؟؟ نبى نستفيد وناخذ فكرة عن هالمرحلة بالمدرسة0

 

[mr000]

اشلونكم أمهات آنا اليوم رحت المدرسه علشان أدفع حق التيوتر أول شي مثل ماقلت طلع 104 دنانير حق شهر بس قبل لاأدفع مريت أسلم على جيهان بالتسجيل وسألتها لأنه عندها ولد بغريد8 قلتلها اشلةن يحطون مدرس تيةتر مو نفس التخصص العام رضينا بسوشيال وتدرسه انجليزي بس الماث صعبه يكون مدرس ماده غير قالت لا عادي لأنه هم عندهم خبره وتلاقينا أصلا يدرس ماث من قبل وبعدين مايتوفر مدرسين كافي حق التيوتر خاصة أن كل مدرس يقعد مع طالب واحد فمن وين انييب كل هالعدد بس قالتلي أذا ماشفتي نتيجه زينه أو اشتكى الولد أنه مايدرسه عدل من حقج تطلبين يغيرون المدرس! فسكت ورحت دفعت وهم نزلت شريتله ملابس شتويه من الستور! بس على فكره مع أنه هالسالفه مالت المدرسين أنه يدرس أكثر من ماده موجوده بمدارس خاصه وايد أذا ماكان كل المدارس بس هي قانونا ممنوعه بالتعليم الخاص بس علشان تعرفون أن التعليم الخاص مايدرون وين الله قاطهم ولافي مراقبه عالمدارس آنا كلمت مره مراقب التعليم الخاص قبل لاأنقل ولدي العالميه وكنت أقوله عن السلبيات بمدرسة ولدي الأوليه ومن ضمنها مدرسة العلوم كلش ماتدرس ولاتشرح بس تخليهم يقرون الدرس وآنا اللي أشرح حق ولدي بالبيت حتى التجارب نسويها بالبيت عمرها ماودتهم مختبر وهي بنفس الوقت تدرس سوشيال حق صف ثاني قالي لا أشلون مو معقوله هذي فيها عقوبه للمدرسه وتتسجل مخالفه بملف المدرسه تالي يقولي بس هذي غلطتكم أنتوا الأهالي ليش ماتشتكون كله تخافون وتسكتون عالغلط قلتله وآنا اشدراني أن هذي مخالفه وأنتوا وين دوركم مولازم تراقبون المدارس ويكون فيه موجهين مثل مدارس الحكومه فقالي بصراحه لاماندري عن كلشي يصير أذا الأهالي ماأشتكوا بس تالي رد وشكك بكلامي وهذا اللي بط جبدي يقولي لازم اتييبين دليل على أن المدرسه تدرس أكثر من ماده لأنه ممكن في أهالي بس قصدهم يتبلون على المدرسه ويضرونها أذا موعاجبتهم قلتله والله الدليل أني بنقل ولدي وخلاص لأن ماكو فايده من الحجي ان شاءالله لو أدفع له دبل الرسوم والطريج ساعه عن بيتي وانتوا كيفكم بمدارسكم يعني اشلون أييب دليل!!