تجمع امهات العالمية الامريكية

[umhomood]

فايونا وسمبوسة اذا حبيتوا تعرفون اكثر عن المدرسة العالمية ارجعوا صفحتين او ثلاث واقروهم 00 بعضنا كتب عن تجاربه واذا تبون معلومات اكثر شوفوا الموضوع من اوله يمكن تلقون معلومة تفيدكم 00 وعلى فكرة تقدرون تزورون المدرسة وتاخذون فكرة عن كل النهج والدراسة والله يوفقكم 00 بالنسبة لتجربة اولادى فى المدرسة وراى فيها اشوف انها ممتازة من وجهة نظرى واولادى مرتاحين فيها00

 

[bella bambina]

هاي أمهات اشلونكم ؟ اليوم عطو بروغرس ريبورت حق بنتي اللي بخامسة وما عطو ولدي اللي بأولى مو المفروض يعطون كل اللي بالابتدائي ؟

 

[omlolo]

بنات ودي ادخل ولدي هالمدرسه بس شلون الرسوم؟؟

 

[ReeMaN]

هلا امهات العالميات عساكم بخير

والله فقدتكم بهاليومين ام حمود ومروو انشالله بالاجتماع تبشرون خير وتفرحون بعيالكم يارب

صديقتى الصدوقه اى اسم انا الحمدلله بخير والله مااقدر احكم على المدرسه الحين بدري بس المدرسات يهبلون ومن اروع مايكون ماشاء الله عليهم نفسيتهم حلوه من طق طق الى السلام عليكم يعنى من اول ماتدشين المدرسه الين تطلعون منها وانتي الابتسامه ماتفارقج خوش دعايه حق معجون الاسنان ومن ثانى اسبوع على طول قالو عن مشكلته بالمحادثه واذا حابه اتشركينه بتقويه يا مع كي جي 1 او مع قريد ون او ماتبين كيفج ودخلته تقويه مع قريد ون ..وفي وايد انشطه حق الطلبه نهايه الدوام بس لان الاوضاع مو مستقره الحين ماحبيت اخليه يختلط زياده مع باجي الطلبه كافي عليه من السبع ونص الى الوحده والله يحفظ عيالنا وعيال
المسلمين ...

وانا ماراح اسالج نفس السؤال الحين لا قريت جوابج بتجمع الحياه ... اعيد السؤال عقب اول ريبوت يستلمه ولدج ان شاء الله

 

[mr000]

السلام أمهات اشلونكم!أم حمود كتاب جمعية المعلمين مال العربي والدين يابوهم بالمكتبات شفته قبل شوي بمشرف! بالنسبه حق الأجتماع ولدي يقول أنه الناظر قايل لهم ماله داعي الطلبه أيون علشان لايصير زحمه وازعاج وكافي أولياء الأمور أيون يسألون على كل حال آنا قلتله أقعد أدرس أحسن استفيد من هاليوم!ريمان اشلونج شخبارج الله يسمع منج ان شاءالله نسمع كلام يبرد القلب عن العيال!!

 

[bella bambina]

هاي أمهات اشلونكم ؟ ريمان هذي ثامن سنة لنا بالمدرسة ما سمعت عن التقوية انتي قلتي حق المدرسة ؟ اشلون الطريقة بعد الدوام ؟

 

[bella bambina]

أم لولو رسوم الدراسة :
التمهيدي 1227 د.ك
الروضة 1 | 1630
الروضة 2 | 2023
من الصف 1-4 | 2707
من الصف 5-8 | 2868
من الصف 9 -12 | 3035

 

[mr000]

أهلين بيلا! معقوله بيلا ماقط قالولج عن التقويه آنا العام ولدي أول سنه له بالمدرسه وبأول أجتماع قالولي عن التيوترينج جان أسجله حق الماث مرتين بالأسبوع ساعه بعد الدوام واستمريت اسجله شهر ورا شهر لما اعتذرت المدرسه اللي تدرسه قالت أنها ماتقدر فسجله الكاونسلر بتقويه أثناءالدوام يروح لها بدال حصة الآرت أو الpe

 

[bella bambina]

لا والله ولا مرة سمعت والعام لما سألت أبلة ولدي لما كان بكي جي 2 قالت لي بفترة العطل أدور له نادي وما قالت ان عندهم بالمدرسة تقوية !!!!!!!

 

[mr000]

بيلا آنا مادري عن الكي جي والأبتدائي إذا عندهم تقويه أولأ آنا أتكلم عن المتوسط بس مره لما سجلت ولدي وكنت ناطرته وهو يقدم اختبار قبول شفت أم عيالها بالإبتدائي وكنت أسألها عن مستوى المدرسه فقالتلي إنه عندهم تقويه ودايما تسجل عيالها فيها!

 

[umhomood]

السلام عليكم امهات شلونكم وشلون عيالكم يارب يكونون بخير 00 ريمان مشكورة على هالدعوة ويارب يسمع منك ونسمع كل خير عن عيالنا 00 مروو مشكوورة حبيبتى اطرش احد يجيب له الكتاب علشان يدرس فيه 000 تصدقين حبيبتى ما نى عارفة شنو فينى ما لى خلق اتابعهم وجسمى يعورنى ومكسر وكله خاملة ودايخة 00 قريت عن تجارب بنات فى قسم الصحة كاتبين عن نقص فيتامين د فى الجسم وانا من اول اعانى من هالشىء ورحت سويت التحليل من 4 ايام وطلعت النتيجة اقل من 4 واقل نسب اهى 30 واعلى نسبة 100 يعنى نسبتى رايحة فيها وما ادرى اذا كان السبب هالشىء وبس 00نصيحة امهات ياليت تسوون هالتحليل نصيحة 00

 

[ReeMaN]

هلا امهات شخباركم انشالله اجازه سعيده

 

[ReeMaN]

هلا بيلا شخبارج حبيبتى...

الله يسلمج لما قالت لي مس ان مايتكلم ولدي انا طلبت منها المساعده شلون مالون قالت روحي حق مس ستيسي جنى قالت اسمها والا ضيعت اللي تسوي اختبارات القبول رحت لها وقلت لها عن مشكله ولدي والله طلعت ملف له وسوت كل بياناته و قالت نتصل فيج عشان نحدد الوقت اللي يناسبج واهى من نفسها قالت اذا تبين مع كي جي 1 او قريد ون

 

[bella bambina]

هاي أمهات اشلونكم ؟ هلا والله ريمان العام كانت مس سيسي بس تشوفني تمشع شعرها واللي كانت تفهمني اياه انه ضعيف مع ان المحادثة عنده ممتازة لأن يكلم اخته وصديقاتها بالانجليزي من قبل لا يدخل المدرسة وكانت دايما تقةل لي انه أصغر واحد بالصف وكنت أطلب منها تقوية بالمدرسة تقول ما عندنا برمضان وديته معهد أوكسفورد اللي بالشعب سوو له اختبار بعد 10 دقايق طلعت المدرسة تقول أسوي له الاختبار اللي ما عندهم ضعف لأنه الاختبار طلع وايد سهل حقه سوت له الاختبار الثاني وقالت منو قال لكم ولدكم ضعيف بالعكس مو محتاج تقوية مع انها جذي خسرت طالب وقبل كم يوم شفت مدرسته اللي الحين تدرسه بأولى وايد مدحت فيه فتأكدت انه العام ما كان ضعيف بس كانت مدرسته وايد شديدة وعصبية وما تنفع حق تدريس أطفال روضة وولدي وايد حساس ويخاف بس السنة أحس ان ثقته بنفسه أكثر

 

[ReeMaN]

هلا بيلا والله انا اشوف ولدي يحتاج تقويه عشان شوي تصير عنده ثقه بالنفس لان يستحى يتكلم جدام احد
وانا ابي يتقوى من اولها احسن له والله يكتب اللي فيه الخير للكل يارب ....

 

[mr000]

سلام أمهات اشلونكم شخباركم!مومشكله ريمان أنج دخلتيه التقويه ألحين يمكن بعد شهرين أو 3 تشوفينه خلاص مايحتاج! العام ولدي أول مادخل المدرسه بأول اجتماع قالتلي مدرسته الانجليزي أنه يحتاج تقويه بالأنجليزي ورحت كلمت الكاونسلر وشافله مدرسه تدرسه بس كنت شاكه بكلام مدرسته لأنها كانت غايبه شهر كامل قبل الأجتماع فاشلون عرفت أنه ضعيف والكلام نفسه قاله الكاونسلر سبحان الله نفس أفكاري تالي بعد مرتين تقويه قالي ولدي المدرسه تقول أنت موضعيف ولاتحتاج تقويه بس قلتله ميخالف كمل معاها الشهر وكانت تساعده بواجباته يعني تجيك عليهم أذا خلصهم وتشرحله بعض الشغلات وعقبها سجلته بتقوية ماث كم شهر وعقبها ساينس شهرين!! يعني الحمدلله أن عندهم طريقة التيوترينج هذي ولا الواحد يحتاس مايدري من وين اييب مدرس تقويه حق ولده أو يوديه معاهد وتوصيل وأذيه!!

 

[mr000]

بيلا آنا قبل شوي كنت أتكلم مع ولدي عن نقص فيتامين د هو يشتغل بالأميري علاج طبيعي بس رفيجه بالمختبر قالي أنه قبل فتره كانوا يتكلمون بهالموضوع وقاله رفيجه أنهم سووا دراسه على التحاليل اللي توصلهم ولقوا نسبه كبيره وايد تعاني من نفس المشكله مع أن أحنا بالكويت عندنا أشعة الشمس متوفره مومثل دول أوربا وكندا وبعض ولايات أمريكا اللي جوهم دايما غيم ومطر فمايتعرضون حق أشعة شمس كافيه ومن أعراض نقص فيتامين د الشعور بالخمول والاكتئاب ويتوفر هالفيتامين بالأسماك مثل السلمون والسردين والبيض الأورغانيك! وبعد لوتسألين الطبيب أو الصيدليه أكيد راح يوصفون لج حبوب!

 

[ReeMaN]

مساء الخير امهات شخباركم

وينكم فوز وكاراميلا وقمر وملكه مامات وليالينا من زمان عنكم ...

هلا حبيبتى مرووو ووالله انا كنت مفكره اوديه معهد اكسفورد بعدين قلت شاللي حادني اودي وايب وعندهم بالمدرسه واحسن له على الاقل يعلمونه الشغلات الاساسيه اللي اهمه يبونه منه واقرب لي من الشعب ....

مروو ام حموود الله يشفيها اللي فيها نقص بفيتامين دي مو بيلا

 

[bella bambina]

هاي أمهات اشلونكم ؟ صاجة ريمان أم حمود اهي اللي عندها نقص بفيتامين د بس مروو هم آنا عندي نقص حديد وكالسيوم ومغنيسيوم

 

[umhomood]

مشكورة ريمان على هالدعوة والتوضيح الله يحفظ بيلا ويبعد عنها وعنكم كل شر 00 مروو مشكورة على سؤالك ولدك الله يحفظه عن هالموضوع +وزيادة على كلامه اقول اهو يسبب هشاشة العظام واكثر ما ابى اخوفكم 000 نقص هالفيتامين مو سهل لللاطفال والرجال والنساء الله يحفظكم كلكم 00 مروو ان شاء الله الاخبار طيبة اليوم بالاجتماع00 ويارب يوفق لك ولدك ويتخرج هالسنة من المتوسطة 0 انا ما رحت اليوم طلبت من ابوه ياخذه ويكلم مدرسينه جدامه 00 وولدى الثانى اللى فى صف رابع ابتدائى عطى نفسه اجازة اليوم وغاب وناوية اوصى المدرسة يوم الخميس اهى والبرنسبل يزفونه على الغياب 00 تدرون امهات والله انا كنت مفتكرة ان الاولاد وايد اهون من البنات بس صج صج كنت غلطانة والله يعين الجميع0