تجمع امهات العالمية الامريكية

[mr000]

في بدليات وايد بالسطر الثاني ميخالف طوفوا ( اشلون / تيوتر)

 

[ReeMaN]

هلا امهات شخباركم حبايبي انشالله بخير

شخبارج مروو اي صح نفس المبلغ بالضبط .... بس شكوووووو مدرس العلوم يدرس رياضيات؟؟؟ هذا ينطبق عليه مثل سبع صنايع والبخث ضايع والا شياب العلوم على الرياضيات؟؟

 

[bella bambina]

هاي أمهات اشلونكم ؟
الله يعينج ويعين ولدج مروو صاجة المدارس الخاصة شغلهم وطلباتهم وايد وواجباتهم وايد مع ان يومهم الدراسي طويل

 

[mr000]

أهلين ريمان تروالي المفروض الكي جي أقل من الباقي يعني فرق بين المتوسط والثانويه اللي يبقعد يشرح لهم رياضيات وفيزيا وكيميا وبين ياهل بالكي جي بيعلمونه المحادثه أوشغلات بسيطه تناسب عمره!

 

[umhomood]

مرووولد ياخذ حصتين بالاسبوع يعنى ثمان حصص بالشهر ب 104 يعنى تطلع الحصة ب 13 دينار مو 14 مثل ما قلت 000 انتى سجلتى الحين وخلصتى شوفى شيصير 0 اذا ما ارتاح غيرى المدرس وان شاء الله كل خير 00

 

[ReeMaN]

سلام امهات شخباركم؟

الله يسلمكم امس واليوم ولدي كان عنده تيوتر انجليش اسئله امس مس تسولف معاك انجليش قال ايييييي تتكلم وايد وتبينى اكلمها لازمممممم

يقول جان اقولها انا زعلان منج لاتكلميني هههههههههههههههههههههههههههههه

 

[Fouz]

شلونكم أمهات، ان شاءالله بخير
حبيت أسلم و أسأل عنكم

 

[bella bambina]

هاي أمهات
يحليله ولدج ريمان دايما أول ياهل المحادثة تكون صعبة عنده حاولي انج بالبيت تعزمين ربعه اللي تدرين ان لغتهم انجليزية لأن اليهال سهل ان يتعلمون اللغة من اللي بعمرهم فياخذونها لعب مو دراسة آنا بنتي بجري كنت على طول أخليها تختلط ببنات صفها اللي أمريكية واللي باكستانية أو كويتية بس أمها أجنبية لأن كانت اللغة عندها مو بقوة اخوانها لأنهم كانو يختلطون باختهم الكبيرة وربعها فخذو اللغة قبل لا يدشون المدرسة وعندي أصغر وحدة اللي بكي جي 1 مو ذاك الزود بالعربي لأني ما تفرغت لها واخوانها والخدم يكلمونها انجليزي

 

[سيدة الكويت]

السلام عليكم بنات العالميه شخباركم

منو تعرف مدرسة ماث رياضيات؟؟

وبالنسبه حق الى يبى عياله يتعلمون انجليزى ,,محطة دزنى وايد تفيد وتقوى اللغه
والمحطات الأجنبيه والله اعرف ناس حكومه وماشاء الله تقولون خريجيين مدارس خاصه

 

[mr000]

سلام أمهات اشلونكم! ريمان يحليله ولدج قوليله عفيه ألا هذي لاتزعل عليها لأن دافعين لها الشئ الفلاني علشان تتكلم معاك!! شوفي هو اللي حاط في باله أنه بيدخل الياهل مدرسه أجنبيه لازم يكلمه بالأنجليزي من قبل حتى لايدخل الحضانه وآنا هالشي ماسويته لأنه ماكنت ناويه أدخله مدرسه أجنبيه يت السالفه بالصدفه لأنه كان ناقص عمره شهر عن الروضه وماحبيت يظل بالبيت فدخلته الغانم بس لاتحاتين اللي يتأسس بمدرسه قويه يكتسب اللغه عدل نطري عليه بعد لي الأبتدائي وراح تشوفينه ينطلق أكثر تخيلي لما الياهل قاعد معاهم طول النهار يكلمونه بالأنجليزي أكيد راح يتعلم منهم بس انتبهي بالعطلات دخليه نوادي المدارس الأجنبيه علشان لاينسى اللغه!!ألحين ولدي يفهم عالمدرسين عدل وحتى الأفلام بالسينما والتلفزيون يفهم لها أحسن مني بس ماعنده طلاقه لما يتكلم معاهم لأنه ماتأسس عدل بدايته كانت بمدرسه ثنائيه والمدرسات أغلبهم عرب يكلمونهم نص عربي ونص انجليزي!!

 

[mr000]

سيدة الكويت مشكوره عالمعلومات وماعرف والله مدرس ماث جان قلتلج! آنا سامعه من أم أن مدرسين ولدها بالبيان يدرسون تيوترينج بالبيت بس مادري أذا بس حق طلبتهم وألا حتى من بره المدرسه! بالعالميه مايدرسون بالبيت! عاد أمس بمركز سلطان السالميه كان فيه أعلان عن مدرس خصوصي للمدارس الأجنبيه وحاط المواد اللي يدرسها جنه من بينها ماث والله ماقريته عدل!!

 

[mr000]

مثل ماقلتي بيلا أذا الياهل يحصل له أصدقاء أجانب أو متعودين يتكلمون بالأنجليزي راح يتعلم منهم!بس هم الوقت اللي يقضيه بالمدرسه موشويه وكافي أنه يكتسب اللغه وهم يشددون علهم أنه مايتكلمون بالعربي مع بعض! العام ولدي أخذ ديتينشن علشان كلم صبي بالعربي بالصف!!

 

[سيدة الكويت]

سيدة الكويت مشكوره عالمعلومات وماعرف والله مدرس ماث جان قلتلج! آنا سامعه من أم أن مدرسين ولدها بالبيان يدرسون تيوترينج بالبيت بس مادري أذا بس حق طلبتهم وألا حتى من بره المدرسه! بالعالميه مايدرسون بالبيت! عاد أمس بمركز سلطان السالميه كان فيه أعلان عن مدرس خصوصي للمدارس الأجنبيه وحاط المواد اللي يدرسها جنه من بينها ماث والله ماقريته عدل!!

مشكوره

بس فعلا المحطات الأمريكيه مثل دزنى تقوى اللغه وحتى الأكسنت انا عيالى وايد استفادو خاصه عندهم هوس جونز برثر وهنا منتانا وهاى سكول ميوزكل:eh_s(14):

 

[mr000]

على فكره بعد كثرة القراءه وايد زينه وتقوي حصيله اللغويه للياهل يعني من يبتدي يتعلم الأحرف قعدي معاه كل يوم لو نص ساعه خليه شوي شوي يحاول يقرا القصه تالي راح يقرا بسهوله والله اشكثرشريت قصص من المثنى وفيرجن بالمارينا وجرير وحتى القصص العلميه عن الحيوانات والفضاء والديناصورات وجسم الأنسان لما مكتبته انترست! بس صج يتعود الياهل عالقراءه وأذكر بالغانم وبالتكامل كان فيه دفتر صغير نوقع فيه كل ليله أنه الياهل قرا نص ساعه! ولما تسافرون لندن أو غيرها لاتنسون اشتروا من هناك ترى أرخص وخاصه لما تلاقون مكتبه مسويه سيل وفيه شغلات وايد حلوه تلاقين مع القصه استيكرز ونجوم تحطين حق الياهل مكافأه حقه لما يقرا!!

 

[سيدة الكويت]

على فكره بعد كثرة القراءه وايد زينه وتقوي حصيله اللغويه للياهل يعني من يبتدي يتعلم الأحرف قعدي معاه كل يوم لو نص ساعه خليه شوي شوي يحاول يقرا القصه تالي راح يقرا بسهوله والله اشكثرشريت قصص من المثنى وفيرجن بالمارينا وجرير وحتى القصص العلميه عن الحيوانات والفضاء والديناصورات وجسم الأنسان لما مكتبته انترست! بس صج يتعود الياهل عالقراءه وأذكر بالغانم وبالتكامل كان فيه دفتر صغير نوقع فيه كل ليله أنه الياهل قرا نص ساعه! ولما تسافرون لندن أو غيرها لاتنسون اشتروا من هناك ترى أرخص وخاصه لما تلاقون مكتبه مسويه سيل وفيه شغلات وايد حلوه تلاقين مع القصه استيكرز ونجوم تحطين حق الياهل مكافأه حقه لما يقرا!!

انا بالصيف مرات ايب لهم مدرسه تقرا معاهم قصص بس مشكله الحين النت طغى على القصص

 

[mr000]

سلام أمهات اشلونكم! أم حمود ترى بالستور مال الملابس يايبين جاكيتات يديده حق الشتا فيه سحاب من جدام وقبعه فيه نوعين نوع ثقيل ونوع شوي أخف ويمكن السعر على حسب السايز مادري آنا قالتلي ب15 أخذت واحد حق ولدي العام ماعجبني جاكيتهم مودافي وشريتله من بره وهم شريت حزام للبنطلون حلو شكله عليه اللوغو مال المدرسه! بس اشدعوه القميص بس تاخذين رقم أكبر يزيد دينار مع أنه قمصانهم الشتويه هالسنه نفس الصيفي خفيف بس أنه كم طويل يعني كلش مايسوى ب9 مودافي بالمره العام كان القميص قطن متين ودافي!

 

[bella bambina]

صباح الخير أمهات
صاجة مروو أسعار ملابس وايد غالية وما فيها جودة وأنا ماشاء الله أشتري حق ثلاثة الله يخليهم

 

[mr000]

الله يعينج بيلا صج يبيله ميزانيه الله يخليهم لج آنا أمس أخذت بلوزة رياضه وقميص واليوم رديت أخذت قميص ثاني وحزام وجاكيت طلعوا ب44 غير اللي شريتهم أول السنه تقريبا نفس المبلغ! بس الهنديه اللي بالستور اليوم طيرت لها صاروخ اشكبره كانت قاعده تمدح لي الجاكيت علشان أشتري منه جان تقول المديره نوره الغانم شرت منه 20 واحد قلتلها ليش حق منو جان تقول حق عيالها قلتلها ماشاء الله كم ولد عندها بالمدرسه قالت 3! انزين أشدعوه حق كل واحد 6وألا 7 خو مو دلاقات بيلبس ويقط! مادري مادشت مخي السالفه! قلتلها أخاف حق أحد ثاني بعد آنا سامعه أنه ولد أختها أو ولد أخوها بعد بالمدرسه !!! بس هم مو20 واحد!!قويه وايد

 

[mr000]

أمهات بسألكم أنتوا عندكم عيال صغار الياهل يصخن وايد على تطعيم السنه ونص؟؟ اليوم وديت بنت ولدي طعمتها وعطيتها دوا حراره قبل لاتبتدي فيها بس عسى ماتصخن وايد مثل التطعيمات اللي قبل!!

 

[umhomood]

السلام عليكم 00 مروو انا لاحظت زيادة السعر من اول السنة بس شنسوى جذى جذى بنشترى مجبورين واكيد الواحد محتاج ميزانية 00 العام رحت المخزن اشترى حق عيالى واللا اشوف هالمصرية تشيل من كل شىء 5 او 6 قطع والله مو هامها قلت ما شاء الله الله يزيد ويبارك جان تقول لى وحدة من الامهات اعرفها حبيبتى هذا مو من جيبها او من جيب زوجها هذا كله من الشركة اللى يشتغل فيها زوجها اهم اللى متكفلين بالرسوم وكل المصاريف واغلب اللى اهلهم يشتغلون بشركات ما يحملون هم مثلنا ولا يكعون من جبدهم مثل حالاتنا 00 مروو بغيت اقولك عن هالهنديةقبل لا تجيبين ولدك المدرسة باقوا بوق اهى واللبنانية اللى مشاركة نورة الغانم كانوا ياخذون منا الفلوس ويحاسبونها حساب ثانى ما تسالين نفسك ليش تشترين من تحت بعدين تدفعين فوق بعدين تنزلين تحت مرة ثانية علشان تاخذين الاغراض 00 وديرى بالك لاتصيدك اللبنانية وتبيعك اكسسوارات من لبنان00 وبخصوص عيال نورة الغانم انا اعرف انه عندها ولدها الكبير راكان ماشاء الله عليه توه من اقل من شهر كتب كتابه يعنى ريال بس يمكن يكون عندها غيره فى المدرسة ما عندى فكرة00