الى كل من تنوي الزواج بغير كويتي ..والنعم بالكل بس فكري شويا .. او لا تتشكين بعدين ..

[++The DuchesS++]

لو تبون الصج
الولد يتبع ابوه بالاسم
بس فعليا يتبع امه
امه سيلانيه حجيه كله مكسر
يقط قطات هنديه لا وداش الجيش بعد لووووووول
هم يضحك وهم يبجي و همبورجر لوووووووووووووول

الولد الاقرب له امه يلقط كلامها وتقاليدها اسرع

 

[++The DuchesS++]

اعرف وحده تطنز على اللي تاخذ مو كويتي او بدون
دارت الدنيا بنتها جريب تعنس زوجوها بدون خافوا تعنس البنت
الزواج قسمه ونصيب محد يختار نصيبه
يعني يمكن وحده فيكم تضطر تزوج بنتها او اختها غير كويتي
وراح تجرب الحره اشلون صايره
محد يضمن دنياه والله

 

[غنوة ستايل]

انا عندي الكويتية تاخذ لها بدون ( غير محدد الجنسية ) ولا انها تاخذ لها مصري او سوري او عراقي او اي جنسية ثانية ..
على الاقل هذيل البدون رابين معانا وعارفينهم .. ومالهم غير الكويت وفي امل كبير انهم يتجنسون
بس المصري و السوري و غيره مرده لاهله و عمامه .. و ديرته !!!

هذا مو معناه اني اشجع الزواج من غير محددي الجنسية ... بس بالعقل .. ؟ في حريم تبي الستر وصل عمرهم 30 و 35 و 40 سنه !! وما في احد كويتي طق الباب ؟ شفيها لو خذت غير محدد الجنسية !! على الاقل تعيش معاااه و الدنيا مساااعده وتعاون !!

شوفي ياقلبي الكويتية اهي موظفه و رجلها كويتي موظف .. و ااهي تحط بالبيت واهوا يحط وهم الاثنين كويتيين !! يعني ما قالت المرأة لا اهوا بس يصرف !!

فانا اقول .. للبنات اللي مطلقه الارمله اللي تحس ما في احد بيطق بابها لو جاج غير محدد الجنسية اخذيه .. وارتاااااحي و اخذوهم فقرااء يغنيكم الله !! صدقوني احسن من قعدت البيت و سماع كلام مرت الاخو وتحكمها !! او زوارات الاهل وفلانه حامل ان شاء الله الفال لج .. و من الكلام التااااافهه و الادعية اللي تحسين كلها معاااير !!!!

هذه وجهه نظري ... وسلامتكم

 

[ســــــــــما]

الصراحه ماتعجبني ردود بعض البنات
كل وحده فيكم خل تحط روحها مكان الكويتيه اللي متزوجه بدون او لبناني او سوري
والله حرام الاطفال يضيع مستقبلهم
يعني ولد الفلبينيه والسيلانيه اولى من ولد الكويتيه ماعتقد انتوا تشوفون جذي
بس هذا صج ظلم
بس انشالله المرأه الكويتيه تاخذ حقوقها بكل شي
صج موشرط يصير اهو كويتي مانبيه يتجنس
نبي العيال يتجنسون حالهم حال امهم
بس ماالوم الحكومه على ظلمهم اذا انتوا بنات الديره وبنات حواء
واقفين ضد خواتكم الكويتيات المساكين
الله كريم

اوكي بحط روحي مكانهم

تدرين شنو راح يصير

مثل ما رضيت بأمر الله وقسمته وتزوجت لبناني والا مصري

راح ارضى بأمر الله وقسمته وأتقبل ان عيالي مصرريين او لبنانيين مثل ابوهم

والحكومه ما ظلمت احد

هذا حق

وانا مو واقفه ضد احد

انا واقفه مع الحق

مابي الفوضى تعم الديره اكثر من جذي

واذا على امريكا

ترى شتان ما بين امريكا والكويت

فرق شاسع


امريكا عندهم تطور وانفتاح للأسف مو موجود عندنا بالكويت

امريكا عندهم نظام وكل شغلهم مرتب ومدروس للأسف بعكس الكويت

حتى بالمساحه فرق كبير ، امريكا شكبرها والكويت قد كف الإيد حتى الكويتيين حالتهم حاله ينطرون بالدور على ما يطلعلهم بيت ، فوق هذا ايي المصري واللبناني يناشبهم على لقمتهم ؟؟

يعني خلج واقعيه شوي

ودام انتي شايفه هالشي ليش ما يعيشون بأمريكا على الاقل احسن من الكويت بهالنواحي

يعني ما عندهم مميزات تخص الامريكان وبس

مميزاتهم تشمل جميع من يعيش عندهم

 

[ســــــــــما]

اعرف وحده تطنز على اللي تاخذ مو كويتي او بدون
دارت الدنيا بنتها جريب تعنس زوجوها بدون خافوا تعنس البنت
الزواج قسمه ونصيب محد يختار نصيبه
يعني يمكن وحده فيكم تضطر تزوج بنتها او اختها غير كويتي
وراح تجرب الحره اشلون صايره
محد يضمن دنياه والله

انا مو قاعده اتطنز على احد

موضوعي شي ثاني

والله لا يحطني ولا يحط احد بهالموقف

بس لو انا والا احد من اهلي اخذت غير كويتي

انا ضد انها تحنس عيالها

خلاص مثل ما قبلت ورضت بقمسة ربها بإن زوجها مو كويتي

ترضى وتقبل ان عيالها غير كويتيين

وليش اسهل موضوع ان الوحده تتزوج غير كويتي

وليش اسهل على الغير كويتي ان يتزوج من بناتنا

اوكي هالشي ممكن يصير والوحده ممكن ما تتوفق مع الكويتي

ممكن الله يوفقها مع الغير كويتي

لكن مو من زود النظام الي بديرتنا ولا من كبرها عشان نطالب بتجنيس عيالهم

 

[أميرة حبيبي]

والله كلامج كله صح
ومشكوره على الطرح

 

[ســــــــــما]

تخيلوا ان كويتنا مو كويت الحين

تخيلوها حدا هالدول الفقيره

وان الكويتي عشان يعيش حياة كريمة يضطر يهاجر ويعيش برا

كنتوا راح تطالبون بالجنسيه حق عيال الكويتيه الي ماخذه غير كويتي ؟؟

يعني بالعقل .. امانه جاوبوني ؟؟

السالفه مو سالفة الكويت

السالفه سالفة خير الكويت

 

[*البدرة*]

سماااااااااااااا
عفية تكفين سؤال وبدون زعل
...
افرضي اختج الله قدر وخذتلها مصري افرض...؟
خلاص تتبرون منها وترضين تهدج وتروح مصر تقعد هناك...؟
ولا تاخذ حقوقها مثلج واهيه كويتيه وبالتجنيس بعد..؟
وافرضي انها اختج الوحيده وما عندج غيرها لا اخوان ولا خوات....؟
عفيه بتقولين نفس كلامج هذا..؟ واذا قلتي نعم مراح اصدقج مع احترامي لج
مستحيل ببتخلين عن اختج وبتتمسكين بقيمج...؟؟ وافكارج.....ما في اختي
في اشياء نسويها ما نقدر ما نقدر نعاكس القدر...؟
"
"
اريد الجواب لو سمحتي..؟؟

 

[*البدرة*]

تخيلوا ان كويتنا مو كويت الحين

تخيلوها حدا هالدول الفقيره

وان الكويتي عشان يعيش حياة كريمة يضطر يهاجر ويعيش برا

كنتوا راح تطالبون بالجنسيه حق عيال الكويتيه الي ماخذه غير كويتي ؟؟

يعني بالعقل .. امانه جاوبوني ؟؟

السالفه مو سالفة الكويت

السالفه سالفة خير الكويت

ط€

\"
"
":wqedqw:
خير الكويت يستاهلها كلمن فيه عرج من هالارض....
يستاهلها عيال الكويتيه مثل عيال الكويتي بالضبط...
خير الكويت يتوزع بالتساوي مدامنا متساوين كاسنان المشط...
والدير ه مكفوله فينا وفي اهلها وفي عيالها اولاد وبنات...
وحكم القدر مكتوب ما نقدر نجازي احد عليه...
والا ندز خير الكويت بخياش لناس ما تستاهل ونروح لهم بديارهم
بعدها ويخزونه من فوق لتحت.....؟؟ولا كانه لحم كتافهم من خيرنا....؟:bbbiu:
"
"
والا شرايج سماااا





* احب انوه انا البدرة من الكويت وكويتيه بالتاسيس غير متزوجه وامي كويتيه بالتاسيس
ولا عندي لا من قريب ولا من بعيد احد متزوج غير كويتي ...؟
فقط وجهة نظر ومناصرة للمراه الكويتيهمهما كاااان:lolo:
​

 

[نسايم الجوري]

السلام عليكم
كلامج عين العقل وانا بقول كلنا عيال قرية وكلن يعرف خية
وماكو داعي للتجريح
والنبي (ص) قال لا فرق بين عربي ولا عجمى إلا بالتقوى
ومع الاسف أغلب الخوات حاطين الحق على الاجنبي او على الكويتية اللي ماخذة أجنبي وأنه مصبة
وفي كثير من الخوات متزوجات من اخوانا العرب و مستقرين مع اجزواجهم لان الزواج هو ستر
والنبي (ص) قال من جاءكم ترضون دينه وخلقة فزوجوة
واللي حابة تقعد عانس خلها تقعد
واللي حابة تتزوج كويتي او غيرة لان كلهم اخوان
ويكفي أن الزوج يكون صالح ومو داش على طمع ومو شرط تكون الكويتية اللي يبي يتزوجها غنية
والله يرزق اللي تبي تتزوج ويستر عليها

 

[نسايم الجوري]

أستفتاء خاص بالزواج من كويتي أو أجنبي

السلام عليكم ورحمة الله وبركاته
خواتي العزيزات
حبيت أسوي إستفتاء
منو اللي ما يتأيد الزواج من غير كويتي وشنو السبب؟؟؟
منو اللي ما ترضى بغير الكويتي حتى لو عنست وشنو السبب ؟؟؟
الخوات المطلقات راح ترضى بأي شي ولا راح ما ترضى إلا بزوج كويتي؟؟؟
أرجو من الخوات اللي حابين يشاركون تطرح وجهة نظرها
وتحط الأسباب وخل تتخيل كل وحدة أنها في مكان غيرها مثلا تتخيل أنها عانس أو مطلقة أو ما عندها أحد يوقف معاها
وأخيرا وليس اخرا اتمنى التوفيق لجميع الخوات والستر والاستقرار والقناعه كنز لا يفنى
اختكم // نسايم الجوري:hearting:

 

[++The DuchesS++]

حبيبتي عذريني على تفاعلي
اعرف وااايد بنات يعانون ويعورووون قلبي والله
لو تشوفين حالتهم بس ....الله كريم
خصوصا اللي متزوجين بدووون

انا ما قلت انج تطنزين لا ابد
انا ذكرت لج موقف وحده قريبه مني حيييل للاسف

مثل ما قالت البدره كل من عاش وانولد بالكويت يستاهل خيرها
الخير الكويت برا ومخلين البدون اللي منهم وفيهم
وااايد اعرف بدون عمامهم كويتين بس اللهم ابوهم ما ضافهم بالجنسيه
ومات الله يرحمه
عيال عمهم يعايرونهم على لبسهم وفقرهم هذا واهم عيال عم
انا مابي اتعمق بالموضوع لانه حيييل يعور قلبي

انتي تقولين انا ضد انها تجنس عيال الكويتيه اوكييي امنا بالله ما يبون جنسيه
يبون بس يعيشون بكرامه وبس
البدون كل يوم مطرود من وظيفته
عكس اللي بالوزاره يكون شغله ثابت مهما كان معاشه
الحين احنا يالكويتين نخاف نشتغل بقطاع خاص يمكن باي لحظه ننطرد
عيل شيقول البدوون اللي وراه اهل وعيال وزوجه
الله كريم بس

 

[سحر الشرق@]

هي المشكله بالنسبه للكل صعوبه الجنسيه الكويتيه
يعني بأمريكا مثلا يعطون الجنسية بسهاله اكثر من الكويت بمية مرة بس ليش؟
لان الامريكي ما اعتقد له اي مميزات يعني الامريكان عالاغلب عايشين حياة شقا وضرايب و دفع فلوس وجنسيتهم مو فايدتهم شي ماديا عالاقل
فمو مشكله يعطون هالجنسيه مارح يتأثر اقتصاد او نسل لانه اساسا نسل مختلط وماديات تجي بالشقا
بس الكويتي له حقووووووق شكثر والدول تقط على الكويتيين ششششششششكثر
فصعبه تعطي الجنسيه بهالبساطه لان الجنسيه الكويتيه مرفقه بمصاريف تنصرف على هالمواطن مو بس للشخص اللي بيتجنس لا لعياله وعيال عياله و و و يعني جيل كامل
وعلى فكرة حتى الكويتي اللي ياخذ اجنبيه ما يعطيها الجنسيه بهالبساااطه اللي تكلمون عنها
يعني لازم يكون لها مده يمكن خمس سنوات ولازم يكون لها منه عيال وبالنهايه هي ما تورث الجنسيه حق احد ولا تاخذ بلات وعلاوات تقعد مثل ما اهي وجنسيتها تموت وياها
وبالنهايه الكويتي بيعطي عياله جنسيه لو تزوج كويتيه او اجنبيه ذولي نفسهم عياله من اي وحده فيهم فهم كويتيين ولما احد يسألج عن اصلج شتقولين ؟
اصل امج ولا اصل ابوج؟
يعني الموضوع مايبيله تراه واضح
وانا وصاحبة الموضوع موضد المره اللي تاخذ غير كويتي لاااا ابد كل وحده لها ظروفها ونصيبها وشكثر كويتيات ماخذين اجانب مستانسين والله مهنيهم وليش يكسرون الخاطر لا الحمدالله ناس عايشين والله موفقهم شالسالفه يكسرون الخاطر ويمكن يكونون عيالها احسن من عيال الكويتي نفسه
الفكرة بالنهاية مو كويتي ومصري وبدون وسوري
لا ابد كلنا عيال ادم وحوا وماكو فرق
بس الجنسيه انتماء للأبو يا بنات بغض النظر الجنسيه الكويتيه او غيرها كل من يتبع ابوه ولما تقولون شذنبها ماخذة مصري ولا سوري ولا لبناني شذنب عيالها؟؟؟!!
الموضوع مافي ذني هم مو كويتيين بس هم مصريين او لبنانييين او سورييين ف وين الذنب؟؟؟!!
هم بشر عاديين ولهم اصل مو ضروري يكون كويتي
ان شاء الله يكون كلامي مقنع للكل ومحد يزعل

 

[دراما كوين]

انا ايدج اذا خذت جنسيه غير خليجيه
بس اذا متزوجه سعودي او بدون
يعني منها وفيها ومن ثوبها
والكويتي اذا تزوج عراقيه عطوها جنسيه
وتتعمد تتكلم عراقي بحت تحرنا
يعني الكويتي ياخذ بدل اجار واهو ببيت اهله واهو وزوجته يشتغلون
ومو ملحقين على المصاريف على الكويتيه شنو تقول
خو الحين وظايف البدون معاشاتهم اذا كثرت 150 دينار شنو تسوي
انا اقول المفروض يعطون الكويتيه المتزوجه من خليجي او بدون كامل حقوقها
حالها حال الكويتي يرز العراقيه والفلبينيه خل الكويتيه بعد ترز عيالها وزوجها
ما فيها شي
خو محد ماخذ من جيب احد كلن ماخذ حقوقه

هذا الظلم بعينه وعلمه ,,, اصلا المساواة بالظلم عدل
شنو يعني بس اذا متزوجه سعودي والا بدون يعطون عيالها الجنسيه ؟؟؟وباقي الجنسيات شنو مالهم رب؟؟؟؟؟ لا يا يعطون الكل يا يظلمون الكل شنو بس يعطون الخليجي والا البدون؟؟؟


وبعدين اللي يقول يبون الجنسيه علشان خير الكويت اقول لا مو علشان خير الكويت علشان العيال حبهم وانتمائهم للكويت اكثر من حبهم لديرتهم الاصليه ,, يعني شي يقهر لما الواحد يكون غريب بوطنه ,, ويتعامل معاملة الغريب بالديره اللي كل ولائه وانتمائه لهاا

 

[معكرونه أسبكتى يم يم]

وعلى وعلى حال الكويتيه الريال كشت فيها وتزوج من برا واهى عنست واهو مستانس وجدامها حل من اثنين ياتتم عانس عشان هالجنسيه يا تزوج غير كويتى وجنها اجرمت ديرتها تسحب منها كل الحقوق .....!!

انا وياج ياقلبي فالحجى اللى قلتيه بس والله اكو ظروف اتغث الكوييته وحرام تنظلم عشان ولد ديرتها مااختارها والعمر ركض فيها !!

 

[&شواقة الكويت&]

كلامج ميه بالميه
بس حبيبتي ما قصرت الحكووومة عطت اعيال الكويتية من 1 الي 7 خمسين دينار حالهم حااال عيالنا وعطتهم همن بدل ايجار او بيت شعبي
واللي يتزوجون من غير كويتي يكون قريب منهم من عايلتهم بس ما عنده جنسية

وحدة من جماعتنا ماخذه ولد خالتها سعودي وتصرف ع بيت وطلعت بيت شعبي ومسكينه اذا تهاوش معاها هددها انه يأخذ عيالها منها

والزوووووووواج قسمة ونصيب

ياحليييييلج حبيبتي منو قالج انه يعطووون عيااال الكويتيه 50 اتحدى اي وحده تثبتلي هالكلاااااام مستحييييييل ..
انا بعد اايد الزوااااج من كويييييتي لأن اذا كانو عايشيييين بالكويييييت راح يتأذوووون ابسط شي ماراح يلقوووون وظااااااايف لازم الوحده تفكر عدل قبل الزواج من واحد مو كويتي..

 

[sweet barbi]

والله العظيم كلامج عيين العقل وبظبط نفس^^ بنات افكارى عشتو ^^

 

[miss_lymoona]

سما مثل ماالكويتي له حق يعيش ويرتاح
الكويتيه له حق بعد احنا ماقلنا جنسوا زوجها نبيهم يجنسون عيالها ليش ينظلمون عيالها ويصير مالهم حق بوظيفه ولا شي
احنا قاعدين نتكلم عن عيال الكويتي وعيال الكويتيه
عيال الكويتي متهنين وعايشين احسن عيشه
وعيال الكويتيه مالهم حقوق هذا اكبر ظلم
بس مااقول مالت على الدنيا اللي صار الحقد حتى بقلوب البشر

 

[++The DuchesS++]

هذا الظلم بعينه وعلمه ,,, اصلا المساواة بالظلم عدل
شنو يعني بس اذا متزوجه سعودي والا بدون يعطون عيالها الجنسيه ؟؟؟وباقي الجنسيات شنو مالهم رب؟؟؟؟؟ لا يا يعطون الكل يا يظلمون الكل شنو بس يعطون الخليجي والا البدون؟؟؟


وبعدين اللي يقول يبون الجنسيه علشان خير الكويت اقول لا مو علشان خير الكويت علشان العيال حبهم وانتمائهم للكويت اكثر من حبهم لديرتهم الاصليه ,, يعني شي يقهر لما الواحد يكون غريب بوطنه ,, ويتعامل معاملة الغريب بالديره اللي كل ولائه وانتمائه لهاا

لا حبيبتي مو قصدي ابد ان مالهم رب
الاخت سما تقول المصري وغيره من الجنسيات العربيه عندهم ديرتهم اوكي
ومو من ثوبنا ولا عاداتنا ولا تقاليدنا
فكل قصدي انه على الاقل البدون او الخليجي لانه نسبه كبيره من الكويتيات يتزوجونهم
قليل جدا تلقين كويتيه ماخذه مصر او لبناني والنعم فيهم كلهم

اغلبنا شد بالموضوع وانا وحده منهم
ماله داعي الشد
كل من ورايه ولازم نحترم راي صاحبه الموضوع
والحجي كله موضوع بمنتدى مو بمجلس الامه لووووووول

 

[ScarletteO'Hara]

بنات ترا مو شرط ان نوافقكم بالراي عشان يكون اسلوبنا حلو
النقاش مفتوح و الكل حر براية
لا احد يحاول يفرض راية على الكل