الى كل من تنوي الزواج بغير كويتي ..والنعم بالكل بس فكري شويا .. او لا تتشكين بعدين ..

[زيـنـه]

كلامج صح و منطقي .

 

[ســــــــــما]

سما لايكون دافعه شي من جيبج لو كلامي مو صح جان ماشفتي هالموضوع مضايق حريم كويتيات ومضايق الحريم اللي رشحوا روحوا بمجلس الامه
بعدين شنو لما تقولين الرياييل يطمعون بالكويتيات ...الكويتيه اذا بتتزوج غير كويتي مو عشان اهو طامع فيها لأ هذا نصيب
بعدين كلامج ماتلاحظين في حقد وغلط حتى الله مايرضى بهالشي
ياسلام والله الكويتي له حقوق والمرأه لا
عيال الكويتي مو احسن من عيال الكويتيه
الكويتيه ماترضى تطلع من ديرتها اذا تزوجت غير كويتي مو معناته لازم تنظلم
يعني نصيبها جذي شتسوي المره
بس انشالله ياخذون حقوقهم كامله

ما تلاحظين انج بديتي تغلطين ؟

ما راح ارد عليج

 

[ســــــــــما]

كلامج صح و منطقي .

اسعدني مرورج اختي زينه

 

[دلوعة قطر]

100%

 

[ســــــــــما]

ممكن سؤال؟ ليش انتي معترضة على سالفة ان العيال ياخذون جنسية الأم الكويتية؟! أوكي صح في انهم يتبعون ابوهم, بس ما فكرتي إذا الأبو كان نفس الحالة؟ ما فكرتي ان في ناس اهني من الغير كويتيين قاعدة تمشي مصالحهم بالرشاوي وبوق بفلوس الديرة فعشان جذي اهم مو خسرانين شي, أما اللي اهم من عيال الكويتيات عندهم نزاهة الكويتيين ولو شنو ما تنمد إيده على الحرام.

خليني أسئلج بالأول, شنو كانت الكويت؟ الكويتيين من وين يوو؟ كانوا مزروعين في هالأرض ونبتوا منها؟!!! ولا كانوا من دول الخليج ودول عربية ودول مثل إيران و عقب صاروا كويتيين!! فهميني انتي مالج أصل من دولة ثانية؟ شلون صرتي كويتية؟

مو الأساس في هذا كله الانتماء؟؟ أبناء الكويتيات لهم انتماء لهذي الأرض ومستعدين يفدونها بروحهم, حتى البدون في وايد ناس منهم جذي. شنو اللي يحكم في هالموضوع؟؟ مجرد ورقة تقول بالاسم ان فلان كويتي واهوا يمكن ما فيه من الوطنية شي؟؟؟ أو ان فلان كويتي واهوا مستعمل المصالح والواسطة وما يعرف ينطق كلمتين على بعض باللهجة الكويتية؟؟

ترا الكلام ولا أسهل منه بس اللي يجرب الحالة صعب انه يتقبل ان أحد يموت في الكويت ويفديها بروحه ومولود فيها وعايش عمره كله فيها تقولون عنه ببساطة انه ماله حق فيها. شي يعور القلب, والمشكلة انتوا يا بنات ديرتي ما تحسون بهذا الشي, وجنكم تقولون قلعتهم, يستاهلون أكثر من جذي, من قالهم ما يكونون كويتيين وبس أمهم كويتية؟؟؟

عاد يا ليت الكويت تطبق قانون الجنسية بحذافيره جان يمكن أيدتكم شوي, بس السالفة كلها ظلم و واسطات وناس قبل ناس, الشكوى لله.

ما انكر ان في كويتيين للاسف للاسف ما عندهم اي ولاء للكويت

لكن ما نعمم

الولاء شلون نتأكد منه ؟

مو سهله السالفه ..

يعني من كل الفئات في الزين وفي الشين ، في الي يحب الكويت من قلبه وفيه للأسف الي يمشي ورا مصالحه الشخصيه البحته .. يعني تلاقينه اذا الشي بمصلحته حتى لو يضر الجميع تلاقينه ما يهمه الناس ولا تهمه ديرته ، ما يهمه الا مصلحته ..

والرشاوي والواسطات هذا شي موجود بين كل البشر سواء كويتي الاب والام او كويتي الاب او كويتي الام ..

كلهم فيهم الزين وفيهم الشين .. يعني حتى الكويتي ممكن تنمد ايده على الحرام وشدعوا ما صارت

والغير كويتي ايضا كذلك

كويتي والا غير الكويتي بالنهايه بشر والبشر بطبيعة الحال يخطئ وفي منهم الي يهدم ما يبني للأسف ..

يعني اذا جنسوهم ما راح يتعدل شي .. عادي نفس الحاله اذا مو اسوأ..

وبالنسبه للإنتماء قتلج ممكن في كويتيين ابا عن جد بس تلاقين ولاءه مو للكويت ..

وممكن هالشي حتى بعيال الكويتيه .. في منهم الي ولاءه للكويت وفي لأ ..

ما تدرين ..


عاد تصدقين ..

مرات اتخيل ان مثل ما اكو جهاز كشف الكذب ودي بعد يكون في جهاز كشف الولاااااء .. والله خوش اختراع :eh_s(10):

شرايكم :eh_s(10):

ترا حل .. والله .. يعني في غير كويتيين بس ولاءهم للكويت .. وفي للأسف كويتيين ولاءهم مو للكويت .. يعني ما نعمم على احد .. ماكو غير جهاز كشف الولاء والوطنيه والله اهوا الحل الوحيد .. ذيج الساع مثل ما يجنسون البعض راح تنسحب جناسي من البعض لووووووووووووول .. بس على الاقل يكون في معادله ..

الي اقصده ان احنا ما ندري الناس ولاءها حق منو لان هذي اشياء بالنوايا .. امور غير مرئيه .. لازم ا لواحد ينحط باختبارات ومواقف صعبه تخليه يثبت ولائه .. والله جان تنظف الديره ..

يعني مو معقوله فوق ان الديره فيها ناس للاسف ما تنتمي للكويت قلبا بس قالبا يعني على قولتج حبر على ورق .. فوق هذا انييب ناس زياده بعد وهم ما تدرين اذا كلهم ولاءهم حق الكويت والا لأ .. تعم الفوضى اكثر من الفوضى الموجوده ..

بس جد عجبتني فكره جهاز كشف الولاء والوطنيه صج راح يكون حل ..


اشكر مرورج حبيبتي

 

[++The DuchesS++]

وييي انتو للحين
عاذره بعض العضوات على انفعالهم
بس معلشش هدوا شوي

سما ما يسوا عليج طرحتي الموضوع
احس انه الموضوع ما جنه بقسم الحياه الزوجيه

 

[Hello_kitty]

صح لسانج

وانه ايدج بكل اللي قلتيه ويا ما تكلمت بنفس كلامج بأكثر من مداخله في اكثر من موضووووع

يعني بالدين والشرع والقانون المرأه تتبع ريلها مو العكس!!!

وبعض الحريم اذا تزوجت مو كويتي وهذا نصيبها وعليها بالعافيه

بس ما يصير تبي جناسي حق ريلها واعيالها..تبي ياخذون اعيالها قرض الزواج..تبي يتعلمون بالمدارس الحكوميه وجامعة الكويت

تبي يتعاملون معاملة الكويتي!!

ولي كبروا ما تبي تزوجهم الا كويتين

تبي بيت لها وزوجها واعيالها ما يصير من اهم حققو المراه وواجبات الريال ان يوفرلها السكن عيل ليش متزوجته وشاده الظهر فيه!!

يعني تبي تطلعلنا جيل كامل وتفرض على الدوله تجنسهم وتعيشهم وتصرف عليهم!!

عيل الكويتين وين يروووحون اذا الغريب حتى بديرتهم يشاركونهم فيها!!!؟؟

وبعدين نسأل ليش تفككت الوحده الوطنيه ليش وايد بينا كويتين محسوبين علينا كويتين بس بأفسم وولائمه وانتمائهم حق دولهم الأصليه!!

اذا حابه تعيش بالكويت بقوانين الكويت وتتحمل الفروقات او المميزات الوطنيه اللي توفرها كل دوله حق مواطنينها واللي ما تتوفر حق اعيالها

اهلا وسهلا واذا ما تقدر تعيش مع ريلها المراة اهي اللي تتبع ريلها

 

[++The DuchesS++]

هيلو كيتي

كلامج صح
انا بالنسبه لي وسبق اني قلت على الاقل يعطون المرا علاوه ابناء مانبي الجنسيه والله والله
المرا تبي تعيش بكرامه مع عيالها
طبعا اتكلم على البدون
على قولتج ليش شاده الظهر فيه
تشد الظهر فيه بس شيسوي المسكين اذا الديره كاااسره ظهره
اغلب الجرايم اللي البدون يسوونها من بوقات وجرايم بسبب الفقر والبطاله
خل يحربون على الاقل يوظفونهم بس وشوفي
المشكله اغلب البنات يتكلمون من فرااااااغ والله
لو تعيشون لحظه وحده معاناه البدون راح تموتين والله واتكلم بثقه

 

[++The DuchesS++]

هيلو كيتي

والله انقهر اذا شفت بدون عربي 100% مو نفس اللي يتكلم ايراني مكسر على عربي وماخذ جنسيه اولى
والبدون ولد القباليل والاصل والفصل عايش غريب بديرته يطر من بيت الزكاه واللجان

 

[Betty]

سما ماشاء الله عليج عقلج كبير و فاهمه مشكوره حبيبتي عالنصايح و يعطيج العافيه و عسى لله يحفظج و يوفقج و يسخر لج زوجج يارب

 

[Hello_kitty]

هلا غفران حبيبتي الله يكون بعون البدون ويفرج همهم

بس مو معقوله بعد الدوله تتحمل بكل واحد ما عنده او مضيع جنسيته وتتحمل مصاريفهم؟؟

ما صااااااااارت دوله؟؟

وبعدين في وايد بدون لهم اصول واثباتات حق دول ثانيه يعني يكون ينتمي حق جنسية ديره ثانيه وينكر هالشي

ويخفي اثباتاته عشان طمعان بالجنسيه الكويتيه

وفي لجنه تعديل اوضاع البدون اللي فعلا يستحقون الجنسيه خذوها

واللي ما يستحقونها بكل صراحه مو ملزومه الدوله فيهم واهم ملزومين يظهرون جناسيهم الأصليه ويعدلون وضعهم

 

[ســــــــــما]

وييي انتو للحين
عاذره بعض العضوات على انفعالهم
بس معلشش هدوا شوي

سما ما يسوا عليج طرحتي الموضوع
احس انه الموضوع ما جنه بقسم الحياه الزوجيه

اي والله عاد كلش مو في بالي اضايق احد بس كان في وجهة نظر انشاالله تكون وصلت

ويا ريت محد يزعل

ولا احد يفهم اني اعاير احد لا سمح الله لان كلش مو هذا الغرض من طرح الموضوع

واشكرج اختي غفران على متابعتج واشكر كل العضوات الي مأيدين والي معارضين كلهم على راسي :edbf4317b9:

 

[أريج الورد]

اخواتي الحبيباتي خصوصا اللي معترضين على زواج الكويتيه من غير الكويتي ومو عاجبهم المطالبه بحقوق هذه الفئه انتوا الظاهر ما عايشتوا الناس اللي من هالفئه ولا شفتوا المعاناة والظلم اللي عايشينه وبعدين لا تنسون ان الزواج قسمه ونصيب واحنا كلنا مسلمين ونقرا القرآن وطبعا ما انزلت آيه من رب العالمين تقول ان لازم الانسان يتزوج من جنسيته بالعكس في آيه تقول(وجعلناكم شعوبا وقبائل لتعارفوا ) والقوانين الموجوده اهي اشياء وضعيه ومن صنع الانسان يعني مو شي نازل من السما , واحنا اعيال الكويتيات والله كويتين كويتين بدمنا وروحنا وولاءنا لديرتنا الحبيبه الكويت اللي ما نعرف ديره غيرها (ترى مو الاوراق والجنسيه اهي اللي تثبت ولاءنا وحبنا ) والخوات المعترضات الله يسامحهم لانهم مو حاسين بمعاناتنا يعني الواحد مولود بالكويت وعايش حاله حال الكويتين بين اهله واحبابه وتعلم في مدارسها ولما يكبر ينصدم بالقوانين المتعجرفه اللي تحرمه من ابسط الحقوق واهي الوظيفه احنا الحين ما نبي الجنسيه لانها شي صار صعب المنال مع احنا نستحقها مليون بالميه لكن احنا اللي نبي الحين ان نعيش حياة كريمه سعيده ما نحس فيها بالغربه والظلم اللي نعانيه , واحنا الحمدالله لا كلامنا امكسر على قولتكم ولا اشكالنا غير عنكم , وانا بالنسبه عني انا واخواني الحمدالله ما نتكلم غير لهجتنا الكويتيه اللي نعتز فيها وحتى على حياة ابوي الله يرحمه كان يكلمنا كويتي مع ان اهو ما كانت جنسيته عربيه . فاتمنى من الخوات انهم ما يكونون قاسين علينا كفايه الزمن يلعب في حسبتنا وارحموا من في الارض يرحمكم من في السماء وكلكم عندكم بنات وخوات وما تدرون الدنيا شنو خاشه لكم . فالله يخليكم نزلوا من بروجكم العاجيه ولا تطالعونه من هالارتفاعات وكفانا ظلما .

 

[ســــــــــما]

Hello_kitty

Betty

اسعدني مروركم حبايبي حياكم الله

 

[++The DuchesS++]

هلا غفران حبيبتي الله يكون بعون البدون ويفرج همهم

بس مو معقوله بعد الدوله تتحمل بكل واحد ما عنده او مضيع جنسيته وتتحمل مصاريفهم؟؟

ما صااااااااارت دوله؟؟

وبعدين في وايد بدون لهم اصول واثباتات حق دول ثانيه يعني يكون ينتمي حق جنسية ديره ثانيه وينكر هالشي

ويخفي اثباتاته عشان طمعان بالجنسيه الكويتيه

وفي لجنه تعديل اوضاع البدون اللي فعلا يستحقون الجنسيه خذوها

واللي ما يستحقونها بكل صراحه مو ملزومه الدوله فيهم واهم ملزومين يظهرون جناسيهم الأصليه ويعدلون وضعهم

انتو ماخذين فكره انه كل البدون مضيعين جناسيهم
لا حبوبه غلطانه انتي مو بالديره اصلا ما تدرين
لجنه البدون اكبر ظلم للانسانيه بكبرها
3ارباع اللي متجنسين بالدفعه الاخيره دافعين فلووووووووس
واعرف ناس وااايد وما يستحقون كلللللش ويتكلمون عراقي بعد
يعين احمد ايراج يستحق الجنسيه !!!!!!!!!!!على بو فنان اي شي
واظلمو اللي يستحق ما عنده جم الف يدفع رشوه
اغلب اللي ما يعرفون اوضاع البدون ظالمينهم وااايد
وااايد وماخذين فكره انهم خاشين جناسيهم

 

[ســــــــــما]

حبيبتي كلامج صح ميه بالميه
بس بصراحه ديرتنا خلواا الريال يسااوي المرأه بكل شي تى الحقوق السياسه
وبعدين الزوااج قسمه ونصيب وبصرااحه مثل ما للمواطن الكويتي حق تجنيس زوجته الغير كويتيه لازم
يكوون للمواطنه نفس الشي ليش احناا مو بناات هالديره الخير بدال لا يطلع مني ومناك يطلع لنا احنى اولااا

ومشكوووره يا قلبي ويعطيج الف الف عافيه

هلا انصاريه قمره

منوره الموضوع

الكويتي اذا جنس زوجته بتموت وبتدفن جنسيتها معاها

لكن الكويتيه اذا جنست زوجها الغير كويتي او عيالها منه فراح يتجنس جيييييل كاااااامل



وشكرا لمرورج

 

[ســــــــــما]

انتو ماخذين فكره انه كل البدون مضيعين جناسيهم
لا حبوبه غلطانه انتي مو بالديره اصلا ما تدرين
لجنه البدون اكبر ظلم للانسانيه بكبرها
3ارباع اللي متجنسين بالدفعه الاخيره دافعين فلووووووووس
واعرف ناس وااايد وما يستحقون كلللللش ويتكلمون عراقي بعد
يعين احمد ايراج يستحق الجنسيه !!!!!!!!!!!على بو فنان اي شي
واظلمو اللي يستحق ما عنده جم الف يدفع رشوه
اغلب اللي ما يعرفون اوضاع البدون ظالمينهم وااايد
وااايد وماخذين فكره انهم خاشين جناسيهم

الله يفرج عنهم يا رب ويعطي المستحقين منهم ويبين الغير مستحقين على حقيقتهم قولوا امييييين

 

[كويتيه وافتخر]

صح لسانج

اللي تبي تتزوج واحد مو كويتي
تروح ديرته وتخليه يعيشها

واذا بتعيش هني لاتضيق على عيال الديره

 

[مضيعة]

أعتقد إن النقاش في هالموضوع ما من وراه نتيجة!!!
لأنه معروض من سنين للنقاش في كل ندوة وجلسة واجتماع وكل شي... وكل من له راي .. يحدده مزاجة (ما اعتقد شي ثاني) ... الكل عارف شنو الصح بس المزاج والأهواء لها دور!!

وإذا عن الحق !!!!........... الحق من وين إيي؟!؟!؟!؟!؟

أولاً الناس كلها عيال آدم وحوا ولا في فرق بين أحد لا بحقوق ولا واجبات....

منو حط حدود للدول وفرق الناس اللي بالعالم وطلّع هالورقة اللي يسمونها جنسية ؟!؟!
ترى ما طلعت من عهد بعيد؟! ياما عاشوا اهل الكويت بكل فئاتهم وأصولهم بحب وتعاون .... ويرحبون بأي ضيف يايهم لاجئ من أي بلد مجاور أو بعيد ويعتبرونه منهم وفيهم من شدة كرمهم وشهامتهم وله نفس حقوقهم حتى لو ما تزوج من بناتهم !!!!!

والكويت خيرها يعم الكل وما عيزنا عن الدول اللي برة... وبنينا فيها مدارس وجامعات ومن فضل الكويت تطوروا وتقدموا... يعني خيرنا يغطي بناتنا ورياييلهم مثل ما غطى الدول الثانية و أرتزوا من خيرنا....

وإذا بنرد للولاء...
حبايبي أيام الغزو في ناس طلعت جناسيها الأصلية وردت ديرها ... ولما ردت الكويت ردوا خشوا جناسيهم الاصلية ويونا بكل قوات عين!!... ولا احد حاسبهم ولا أحد اعترض ولا حتى سحبوها منهم أو على الأقل خيروهم بين الجنسيتين... وبالعكس قلنا أهلاً وسهلا! ولي الحين خيرنا مغطيهم وهم بلا ولاء !!! وبرغم هذا... خير الكويت ما خلص ولا انتهي !!!

هذول يتنعمون بخير ديرتي ... وعيال الكويتية أباً عن جد.. مولودين هني ومتربين هني ولهجتهم نفس أي كويتي ولا احد يقدر يفرق بينهم وبين اللي أبوه كويتي..... بأي حق من حقوق الانسان ينحرمون من الانتماء لوطنهم الحقيقي وهو الكويت؟!

وإذا باتكلم عن الدين الاسلامي... هالدين اللي يشرع تبعية الأبن لابوه بالاسم.. نفس هالدين ما يرفض انتماء هالابن مع ابوه لبلد الأم.... ولا إنه يتمتع بنفس حقوق الأم في بلدها.... لأن بالاسلام حقوق الانسان وحدة بغض النظر عن مكان السكن وأكبر دليل المهاجرين والانصار اللي اندمجوا وتوحدوا بالحقوق والواجبات وتزوجوا من بعض وصاروا شعب واحد وتعاونوا على الدفاع عن المدينة ضد اليهود.... ولا قالوا انت شكو تحصل بيت بالمدينة ويانا؟! وانت اخذ مرتك وروح مكة مع وعيالك لأنها بلدك وما لك بيت ولا عمل ولا حقوق مثلنا !!!!!!!!!!!

بكل النواحي العقلية والعرفية.. والإنسانية والدينية... والحضارية بعد.. إن الانسان من حقة أن يعيش بنفس الحقوق وبأي مكان بالعالم!!

للدلالة:

وفي المادة 15 و المادة 16 من قوانين حقوق الانسان لدى الامم المتحدة واللي الكويت عضوة فيها والمفروض تطبق قوانينها !!!!!!

المادة 15
1. لكل فرد حق التمتع بجنسية ما.
2. لا يجوز، تعسفا، حرمان أي شخص من جنسيته ولا من حقه في تغيير جنسيته.

المادة 16
1. للرجل والمرأة، متى أدركا سن البلوغ، حق التزوج وتأسيس أسرة، دون أي قيد بسبب العرق أو الجنسية أو الدين. وهما متساويان في الحقوق لدى التزوج وخلال قيام الزواج ولدى انحلاله.


وبعيد عن أي حقوق وضعية .... يبقى حق المسواواة شرعاً قائم .... ولا أي رأي آخر معارض .. حق في الاعتراض على شرع الله...
والرزق بالاول والاخير من الله !​

 

[أريج الورد]

مشكوره اختي مضيعه على ردج أثلجتي صدري وعساج على القوه