الى كل من تنوي الزواج بغير كويتي ..والنعم بالكل بس فكري شويا .. او لا تتشكين بعدين ..

[ســــــــــما]

سماااااااااااااا

هلااااااااااا

عفية تكفين سؤال وبدون زعل

بدون زعل

...

افرضي اختج الله قدر وخذتلها مصري افرض...؟

فرضت

خلاص تتبرون منها وترضين تهدج وتروح مصر تقعد هناك...؟

اتبرى منها ؟ ليش وشلون ؟ شنو علاقة موضوعي بعلاقاتنا بخواتنا ؟ لا طبعا بتظل اختي وحبيبتي ونظرتي لها ابد ما راح تتغير ... واذا تهدتني وراحت مصر فهذا نصيبها وقدرها الي الله كتبه .. وهذا اختيارها .. دامها مرتاحه مع الشخص الي اختارته ومرتاحه لاختيارها اكيد بكون فرحانه عشانها .. وشي طبيعي غيابها بيكون صعب علي لكن ما باليد حيله يعني شنو بسوي مثلا .. بوقف بويها وبمنعها .. هذا زوجها وهذي ديرته .. اذا اهيا معاه قرروا يعيشون بمصر محد بيمنعهم .. اكيد بفقدها هذا طبيعي .. بس هم بعد كونها راحت مع زوجها ديرته هم هذا شي طبيعي .. ولابد من الزيارات .. احنا نزورها اهيا تزورنا .. تلفونات مسنجر مسجات ايميلات كل شي ..

ولا تاخذ حقوقها مثلج واهيه كويتيه وبالتجنيس بعد..؟

شنو الحقوق الي انا اخذتها واهيا انحرمت منها ؟؟؟؟
انا معاها نتمتع بنفس الحقوق حتى بعد ما اخذت غير كويتي ..

وافرضي انها اختج الوحيده وما عندج غيرها لا اخوان ولا خوات....؟

اوكي ..

عفيه بتقولين نفس كلامج هذا..؟ واذا قلتي نعم مراح اصدقج مع احترامي لج

دام ما راح تصدقيني عيل ليش متعبه نفسج وكاتبه السؤااال ؟

مستحيل ببتخلين عن اختج وبتتمسكين بقيمج...؟؟

شلون اتخلى عنها ؟ كونها سافرت واستقرت مع زوجها بره معناته اني تخليت عنها ؟؟ شلون يعني ماني فاهمه ؟؟

وااايد ناس حتى الي ماخذه كويتي في ناس يستقرون برا .. هل معنى هذا ان اهلهم متخلين عنهم ؟

اعرف وحده سعوديه ماخذه كويتي وعايشه معاه اهنيه بالكويت وما تشوف اهلها الا بالمناسبات والعطل .. شنو يعني اهلها تخلوا عنها يوم خلوها تستقر مع زوجها في بلده الكويت ؟؟ لا طبعا .. لكن هذا نصيبها واهيا راحت مع نصيبها ..

وبعدين تعالي

معنى كلامج ان كل وحده بالدنيا تاخذ شخص مو من بلدها تربطه في ديرتها ويم اهلها .. غير جذي يكونون تخلوا عنها صح ؟

 

[ســــــــــما]

سما مثل ماالكويتي له حق يعيش ويرتاح
الكويتيه له حق بعد احنا ماقلنا جنسوا زوجها نبيهم يجنسون عيالها ليش ينظلمون عيالها ويصير مالهم حق بوظيفه ولا شي
احنا قاعدين نتكلم عن عيال الكويتي وعيال الكويتيه
عيال الكويتي متهنين وعايشين احسن عيشه
وعيال الكويتيه مالهم حقوق هذا اكبر ظلم
بس مااقول مالت على الدنيا اللي صار الحقد حتى بقلوب البشر

الله سبحانه خلى العيال يتبعون الابو بالنسب

الواحد لما ينادونه بإسمه الكامل يذكرون اسم ابوه ويده وعايلة يده

ما ينذكر اسم الام مهما كانت علاقة العيال فيها قويه

والي مطلوب منه ان يصرف على البيت والزوجه والعيال اهوا الزوووج مو الزوووجه

بتقوليلي حتى الزوجه قاعده تصرف وتحط

ما اختلفنا

بس انا اتكلم عن الاصول

الي ابوه سعودي يطلع سعودي

الي ابوه مصري يطلع مصري

الي ابوه امريكي يطلع امريكي

طول عمر الدنيا ماشيه جذي

يعني الله سبحانه ظلم الناس يوم خلقهم بظروف صعبه ؟

هذا الله وهذي حكمته انتوا ليش معترضين ؟

مثل ما الوحده لما اضطرت تقبل بغير الكويتي رضت بقسمتها
تكمل جميلها وترضى ان عيالها مو كويتيين
ليش الاعتراض ؟


حبوبه حاولي تفهميني

عشان ابين لج انا ليش ضد تجنيس عيال الكويتيه المتزوجه بغير كويتي برد اعيد الكلام الي ذكرته اول الموضوع يمكن ما انتبهتيله

الحين اوضحلكم نظرتي

الي مأيدين موضوع ان الي تاخذ غير كويتي وتعيش بالكويت تاخذ كل حقوق الزوج الكويتي

ما فكرتوا ان باجر اذا اقروا حقوق لهذا النوع من الزيجات ممكن هالشي يخلي بعض الرجال الغير كويتيين يطمعون بالزواج من الكويتيات ؟؟؟؟؟؟؟؟ وليش لأ اذا الخدمات الي بالكويت ما يلاقيها بديرته ؟؟؟

علاوة على ذلك البنت الكويتيه وقتها تستهين بالموضوع وتقبل من جميع الجنسيات على اساس ان السكن والقرض والاجار و50 دك على كل طفل وغيره من الحقوق متوفره سواء اخذت كويتي او غير كويتي وفي هذي الحاله يختلط الحابل بالنابل وتفقد الكويت هويتها والكل يصير كويتي

 

[ســــــــــما]

وعيال الكويتيه مالهم حقوق هذا اكبر ظلم
بس مااقول مالت على الدنيا اللي صار الحقد حتى بقلوب البشر

ظلم من منو

من الله ؟ اهوا الي خلقهم .. واهوا الي خلاهم مو كويتيين مثل ابوهم ..

وبعدين شنو يعني مالت على الدنيا .. الدنيا مو شخص .. الدنيا الله الي سواها .. ديري بالج على كلامج ترى كله ينحسب عليج ..

وشنو ياب طاري الحقد ؟ منو حقد على منو ؟

 

[ســــــــــما]

صج والله؟ وطبيعي الام تكون مصريه او هنديه عيالها يكونون كويتين سبحان الله اشهالظلم
والانانيه فيكم
شوفوا امريكا من احسن الثقافات الامريكيه تقدر اتجنس ولدها وزوجها بعد
بس هني ظلم موطبيعي للمرأه

يعني الام هنديه والابو كويتي شنو تبين ا لعيال يطلعون ؟ كويهنود ؟؟

يا هندي يا كويتي

ولان الابو كويتي بيطلعون كويتيين

وين الظلم بعرف ؟؟

وقتلج من قبل لا تقارنين امريكا بالكويت لان شتااااااااااااان ما بين الكويت وامريكا

امريكا كبييييييييييره والكويت صغيره وايد

امريكا فيها نظم والكويت مو ذاك الزود

امريكا متقدمه

والكويت من الدول الناميه يعني مو متقدمه ..

يعني لو يقرون حقوق الكويتي لغير الكويتيين بتعم الفوضى بالديره

والديره تصير سمردحه

كل من هب ودب قال بتزوج كويتييه واعيش على افااااهااااا آكل وامش ايدي بالطوووفه

اهما اول شي خل يحلون مشكلة البدووووون عشان يجنسون من صجج انتي

 

[ســــــــــما]

لو تبون الصج
الولد يتبع ابوه بالاسم
بس فعليا يتبع امه
امه سيلانيه حجيه كله مكسر
يقط قطات هنديه لا وداش الجيش بعد لووووووول
هم يضحك وهم يبجي و همبورجر لوووووووووووووول

الولد الاقرب له امه يلقط كلامها وتقاليدها اسرع

هذا شي والواقع شي ثاني

الاصول مالها علاقه بالولد يشبه منو ويتكلم مثل منو

وسالفة الكلام هذي مؤقته

بس يكبر ويختلط بالناس بتشوفينه يتكلم كويتي احسن منهم

 

[ســــــــــما]

ط€

\"
"
":wqedqw:
خير الكويت يستاهلها كلمن فيه عرج من هالارض....
يستاهلها عيال الكويتيه مثل عيال الكويتي بالضبط...
خير الكويت يتوزع بالتساوي مدامنا متساوين كاسنان المشط...
والدير ه مكفوله فينا وفي اهلها وفي عيالها اولاد وبنات...
وحكم القدر مكتوب ما نقدر نجازي احد عليه...
والا ندز خير الكويت بخياش لناس ما تستاهل ونروح لهم بديارهم
بعدها ويخزونه من فوق لتحت.....؟؟ولا كانه لحم كتافهم من خيرنا....؟:bbbiu:
"
"
والا شرايج سماااا





* احب انوه انا البدرة من الكويت وكويتيه بالتاسيس غير متزوجه وامي كويتيه بالتاسيس
ولا عندي لا من قريب ولا من بعيد احد متزوج غير كويتي ...؟
فقط وجهة نظر ومناصرة للمراه الكويتيهمهما كاااان:lolo:
​

وايد اسعدني ردج وعجبتيني لما قلتي انج كويتيه وامج كويتيه وانج غير متزوجه وما عندج احد يصيرلج عنده هالمشكله ومع هذا رايج غير

الصراحه احييج على احساسج في خواتج الكويتيات :balo:

عجبتيني والله

وترى انا ماني ضدهم

كوني كتبت هالموضوع ما يعني اني مو حاسه فيهم والا اني ضدهم

حشى والله

من كل قلبي اتمنالهم احسن عيشه

لكن مو كل شي بالعواطف

والله العظيم لو كنت مكان وحده فيهم ما كنت راح اطالب بالجنسيه حق عيالي لان هذا شي مقدر مكتوب .. مكتوب انهم مو كويتيين .. مكتوب رزقهم من قبل لا ينولدون ..

والشي الثاني اهوا اني ما ارضى الفوضى تعم الديره اكثر من جذي

واعتقد فهمتي شنو اقصد بالفوضى لان اكثر من رد ذكرت الاسباب الي تخليني اتمسك ابرايي

تقدرين تقرين ردودي وتعرفين انا ليش ضد موضوع تجنيس عيال الكويتيه ..



وارد واقول اسعدني ردج

 

[ســــــــــما]

انا الصراحه مايعجبني قانونا كلش في ظلم للمرأه
المرأه من حقها تتزوج الي تبيه
يعني اذا نصيبها من غير كويتي اشذنبها تنظلم

الصراحه مافي عداله بالموضوع

الريال يتزوج فلبينيه او سيلانيه وتتجنس تصير كويتيه ونص البيت لها

والمرأه اذا تزوجت مصري او اي جنسيه مالها اي حق الصراحه هذا ظلم

لما الكويتي تزوجج فلبينيه يابها الكويت لانها ديرته شكو يروح يعيش معاها بديرتها لا يكون اهيا الي بتصرف عليه

والي تاخذ غير كويتي خل تسافر مع زوجها ديرته ليش تقعد ؟ ليش يايبه ريلها وقاعده ؟ وتييب منه عيال ؟ وتعيشهم بالكويت يناشبون الكويتيين بلقمتهم ؟ اوكي بيقعدون حياهم ديرة خوالهم محد قالهم شي بس لا يطالبون في سكن وفلوس .. لا يفقرونا ابروحها الديره مو ناقصه .. الكويتي ينطر ينطر ينطر 10 سنين وزياده عشان يطلعله بيت .. بتييييبون غير كويتيين بتدعسونهم غصب بين الكويتيين وبتزيييدونا .. باجر ال10 سنين تصير 20 سنه .. اذا حياتهم بديرتهم صعبه مو معناته يصعبون علينا حياتنا .. هذا بالنسبه حق البيت ..

وبدل الاجار .. 150 دك .. شنو تسوي 150 حق اجار .. ؟ ترا ولا شي ها .. الاجارات الحين اقل شي واردى شي 350 دك .. يعني مو من سهولة عيشة الكويتي عشان تزيدونها صعوبه ..

اذا كل كويتيه اخذتلها غير كويتي ويابت منه عيال 1 و2 و3 و4 ... الخ .. واقروا لكل واحد من هالعيال حقوق حاله حال الكويتي .. بزيد عدد الكويتيين اعداد هائله .. وهالشي يمكن يخلي الديره تقلل الفلوس الي تعطيها المواطنين لانهم صاروا وايد .. وسالفة البيت هذي اذا الحين ينطرون فوق ال10 سنين باجر بينطرون 20 سنه يعني يموتون وما يطلعلهم البيت ..


كلمه اخيره اختي ..

الكويتي سواء اخذ كويتيه او غير كويتيه عياله كويتيييين .. ما راح يزيد على عدد الكويتيين شي لان عياله بييبهم بييبهم من الكويتييه او من غيرها .. لكن المرأه بشكل عام عيالها يتبعون ابوهم بالنسب .. وغيره من امور .. شي يجر شي ..

الحين المسلمه ليش حرام تتزوج غير مسلم ؟

والرجل عادي ياخذ مسيحيه .. اتهقين ليش ؟

بكل بساطه لان الولد يتبع ابوه بكل شي

والابو يسحب الولد معاه

هذا مو شي انا مألفته .. هذا الصج .. الله سبحانه حطلنا ضوابط نمشي عليها .. اتهقين الله سبحانه ظالم لما حط هالضوابط ؟ طبعا لا .. مافيه ارحم من الله سبحانه .. وفي كل شي له حكمه ..

 

[][ الميـــــــار ][]

معااج 100% ,,,

 

[ســــــــــما]

الصراحة اسلوبكم مو حلو ....!!

اللي تقول كيفها تتحمل ومشكلتها ومادري شنو !!

ليش تتحمل ؟ شنو الزواج بغير الكويتي يعني ضيم عشان تتحمل ؟

والله كثير منهم عيشتهم صعبه واسأل الله ان يسهل امورهم وين ما كانوا

ما فيها شي خل تتزوج غير كويتي كل واحد حر باختياراته

لكن يوم انها اختارته وقبلت في من البدايه

ليش ما تتقبل ظروفه مثل ما اهيا

ليش تطالب حق عيالها الغير كويتيين انهم ياخذون جناسي

وايد كويتيات ماخذين غير كويتيين وشايلين عمرهم وعايشين مرتاحين مالهم شغل بأحد ..

لكن للأسف بعضهم يتزوجون الغير كويتي واييبونه يعيش بالكويت .. ما قلنا شي .. لكن ليش تبين عيالج الي اهما عياله يعني مو كويتيين انهم يتمتعون بكل حقوق الكويتي .. وين ابوه ؟ وين ديرته ؟

وين ايمانج بالقضاء والقدر ؟

كا مستعده ترضين بقضاء الله وقدره يوم تزوجتي غير كويتي

ليش مو مستعده ترضين بقضاء الله وقدره ان عيالج مو كويتيين

ليش تتقبلين نص الحقيقه وتغمضين عن النص الثاني ؟

 

[بحط قلبي بين إيدينك هدية]

ممكن سؤال؟ ليش انتي معترضة على سالفة ان العيال ياخذون جنسية الأم الكويتية؟! أوكي صح في انهم يتبعون ابوهم, بس ما فكرتي إذا الأبو كان نفس الحالة؟ ما فكرتي ان في ناس اهني من الغير كويتيين قاعدة تمشي مصالحهم بالرشاوي وبوق بفلوس الديرة فعشان جذي اهم مو خسرانين شي, أما اللي اهم من عيال الكويتيات عندهم نزاهة الكويتيين ولو شنو ما تنمد إيده على الحرام.

خليني أسئلج بالأول, شنو كانت الكويت؟ الكويتيين من وين يوو؟ كانوا مزروعين في هالأرض ونبتوا منها؟!!! ولا كانوا من دول الخليج ودول عربية ودول مثل إيران و عقب صاروا كويتيين!! فهميني انتي مالج أصل من دولة ثانية؟ شلون صرتي كويتية؟

مو الأساس في هذا كله الانتماء؟؟ أبناء الكويتيات لهم انتماء لهذي الأرض ومستعدين يفدونها بروحهم, حتى البدون في وايد ناس منهم جذي. شنو اللي يحكم في هالموضوع؟؟ مجرد ورقة تقول بالاسم ان فلان كويتي واهوا يمكن ما فيه من الوطنية شي؟؟؟ أو ان فلان كويتي واهوا مستعمل المصالح والواسطة وما يعرف ينطق كلمتين على بعض باللهجة الكويتية؟؟

ترا الكلام ولا أسهل منه بس اللي يجرب الحالة صعب انه يتقبل ان أحد يموت في الكويت ويفديها بروحه ومولود فيها وعايش عمره كله فيها تقولون عنه ببساطة انه ماله حق فيها. شي يعور القلب, والمشكلة انتوا يا بنات ديرتي ما تحسون بهذا الشي, وجنكم تقولون قلعتهم, يستاهلون أكثر من جذي, من قالهم ما يكونون كويتيين وبس أمهم كويتية؟؟؟

عاد يا ليت الكويت تطبق قانون الجنسية بحذافيره جان يمكن أيدتكم شوي, بس السالفة كلها ظلم و واسطات وناس قبل ناس, الشكوى لله.

 

[انصاريه قمره]

حبيبتي كلامج صح ميه بالميه
بس بصراحه ديرتنا خلواا الريال يسااوي المرأه بكل شي تى الحقوق السياسه
وبعدين الزوااج قسمه ونصيب وبصرااحه مثل ما للمواطن الكويتي حق تجنيس زوجته الغير كويتيه لازم
يكوون للمواطنه نفس الشي ليش احناا مو بناات هالديره الخير بدال لا يطلع مني ومناك يطلع لنا احنى اولااا

ومشكوووره يا قلبي ويعطيج الف الف عافيه

 

[مس*فلحه*]

صح لسانج
كلامج 100% ذهب

 

[miss_lymoona]

سما لايكون دافعه شي من جيبج لو كلامي مو صح جان ماشفتي هالموضوع مضايق حريم كويتيات ومضايق الحريم اللي رشحوا روحوا بمجلس الامه
بعدين شنو لما تقولين الرياييل يطمعون بالكويتيات ...الكويتيه اذا بتتزوج غير كويتي مو عشان اهو طامع فيها لأ هذا نصيب
بعدين كلامج ماتلاحظين في حقد وغلط حتى الله مايرضى بهالشي
ياسلام والله الكويتي له حقوق والمرأه لا
عيال الكويتي مو احسن من عيال الكويتيه
الكويتيه ماترضى تطلع من ديرتها اذا تزوجت غير كويتي مو معناته لازم تنظلم
يعني نصيبها جذي شتسوي المره
بس انشالله ياخذون حقوقهم كامله

 

[دراما كوين]

ممكن سؤال؟ ليش انتي معترضة على سالفة ان العيال ياخذون جنسية الأم الكويتية؟! أوكي صح في انهم يتبعون ابوهم, بس ما فكرتي إذا الأبو كان نفس الحالة؟ ما فكرتي ان في ناس اهني من الغير كويتيين قاعدة تمشي مصالحهم بالرشاوي وبوق بفلوس الديرة فعشان جذي اهم مو خسرانين شي, أما اللي اهم من عيال الكويتيات عندهم نزاهة الكويتيين ولو شنو ما تنمد إيده على الحرام.

خليني أسئلج بالأول, شنو كانت الكويت؟ الكويتيين من وين يوو؟ كانوا مزروعين في هالأرض ونبتوا منها؟!!! ولا كانوا من دول الخليج ودول عربية ودول مثل إيران و عقب صاروا كويتيين!! فهميني انتي مالج أصل من دولة ثانية؟ شلون صرتي كويتية؟

مو الأساس في هذا كله الانتماء؟؟ أبناء الكويتيات لهم انتماء لهذي الأرض ومستعدين يفدونها بروحهم, حتى البدون في وايد ناس منهم جذي. شنو اللي يحكم في هالموضوع؟؟ مجرد ورقة تقول بالاسم ان فلان كويتي واهوا يمكن ما فيه من الوطنية شي؟؟؟ أو ان فلان كويتي واهوا مستعمل المصالح والواسطة وما يعرف ينطق كلمتين على بعض باللهجة الكويتية؟؟

ترا الكلام ولا أسهل منه بس اللي يجرب الحالة صعب انه يتقبل ان أحد يموت في الكويت ويفديها بروحه ومولود فيها وعايش عمره كله فيها تقولون عنه ببساطة انه ماله حق فيها. شي يعور القلب, والمشكلة انتوا يا بنات ديرتي ما تحسون بهذا الشي, وجنكم تقولون قلعتهم, يستاهلون أكثر من جذي, من قالهم ما يكونون كويتيين وبس أمهم كويتية؟؟؟

عاد يا ليت الكويت تطبق قانون الجنسية بحذافيره جان يمكن أيدتكم شوي, بس السالفة كلها ظلم و واسطات وناس قبل ناس, الشكوى لله.

هذا اللي يحر القلب والله انه قانون الكويت يقول ان عيال الكويتيه طبعا ((المطلقه او الارمل )) يعني ياتطلقين يا تذبحين ريلج ,, المهم عيال الكويتيه يستحقوون الجنسيه من الدرجه الخامسه
لاحظوا يستحقووون
بس نفس ما قلنا هالاستحقاق ما يحصلون علليه الا بالواسطه ,, عكس مثلا زوجة الكويتي الي كلها جم سنه وتاخذه ما يبيله لا واسطه ولا نطروا اسمكم ولا اي شي

 

[camilia]

المسأله برايي مو مسأله حلات الثوب رقعته منه وفيه !! لا المسأله مسأله اضطهاد حقوق المرة الكويتيه للاسف , احنا انسان مثل الرجل ومن حقنا السياسي ككويتيات انهم يعاملونا مثل الريال بالحقوق وكل شي والمفروض البنات يركزون على هالنقطه بدال مايقولون فرضي انج متزوجه مصري ولا لبناني ولا بدون !!

قصوا علينا عطونا بس حق الترشيح والانتخاب لاا وجان زين طلعنا مرة بالمجلس ,, احنا نبي حقوقنا كامله ,, مو حرام مثلا وحده مايالها نصيب وخلاص طاف عليها قطار الزواج على قولتهم مو حرام انها تقعد بشقه من فلوسها الخاصه او ببيت ابوها ؟ ابوها وامها طبعا مو دايمين لها فلنفرض مثلا امها وابوها ماتوا .. اكيد اخوانها يبون حقهم بالبيت
0الورث)وبيضغطون على اختهم عشان تبيع البيت وبعدين ؟ هالمسكينه وين بتقعد ؟؟؟ ترا هالسوالف تصير بالواقع للاسف والسبب ان المرة مالها حق تسجل حق بيت , الحكومه ماتعطيها حقها بالاسكان ليش ؟ هذي مو كويتيه بعد ؟؟
والسالفه مو سالفه بيت ,, سوالف وايد ,, عيال لا هويه ولا اعتبار ! ترا حرام , والله راح يحاسب المسؤول على هالتفرقه .

 

[camilia]

والله كثير منهم عيشتهم صعبه واسأل الله ان يسهل امورهم وين ما كانوا

ما فيها شي خل تتزوج غير كويتي كل واحد حر باختياراته

لكن يوم انها اختارته وقبلت في من البدايه

ليش ما تتقبل ظروفه مثل ما اهيا

ليش تطالب حق عيالها الغير كويتيين انهم ياخذون جناسي

وايد كويتيات ماخذين غير كويتيين وشايلين عمرهم وعايشين مرتاحين مالهم شغل بأحد ..

لكن للأسف بعضهم يتزوجون الغير كويتي واييبونه يعيش بالكويت .. ما قلنا شي .. لكن ليش تبين عيالج الي اهما عياله يعني مو كويتيين انهم يتمتعون بكل حقوق الكويتي .. وين ابوه ؟ وين ديرته ؟

وين ايمانج بالقضاء والقدر ؟

كا مستعده ترضين بقضاء الله وقدره يوم تزوجتي غير كويتي

ليش مو مستعده ترضين بقضاء الله وقدره ان عيالج مو كويتيين

ليش تتقبلين نص الحقيقه وتغمضين عن النص الثاني ؟

الزواج اهو نصيب وقدر وقضاء من الله بس مساله الكويتيه حقوقها ناقصه سواء حق المسكن وحقوق عيالها المهدور بالظلم هذا ما اسميه قضاء وقدر !! هذا اسميه قوانين ضد الانسانيه وضد الاسلام ان يصير فيه تفرقه بين حقووق المواطنين لمجرد ان هذا ذكر وهذي انثى !!! يعني شي حلو الكويتي يتزوج تايلنديه ولا فلبينيه ولا اي جنسيه ثانيه مع الاحترام لكل الجناسي ويكون عايش احسن عيشه وعياله يتعالجون ببلاش ولهم بيت باسم ابوهم وحقوقهم محفووظه بس لانه رياااااال !!! حبيبتي ترا هالقضيه قضيه انسااااانيه يعني خلج شوي متعاطفه مع اللي بهالمكان ترا باجر ربج يخليج تحسين بمعاناتهم بقدرته وحكمته , انا مو بس قام اتحجى عن اللي ماخذه اجنبي لا قام اتحجى بعد عن اللي ماخذه بدون ! الحكوومه المفروض تتصرف بسرعه تجاه هالفئه انا مادري ليش مطنشه الموضوع وقاعده تماطل فيه خاصه البدون اللي متزوجين من كويتيات عالاقل خل يعطون العيال الجنسيه .

الحمدلله عالنعمة صج والحمدلله اكثر انه عطاني قلب احس فيه بمعاناة الناس !!

 

[ScarletteO'Hara]

يا ربي ليش مسوين زواج الكويتية من احنبي مصيبة و عيالها راح يتشتتون, و ظلم و حرام؟
لازم الكويتية تكون ماخذم واحد فقير؟
و المقتدر و الي مرتاح بديرته و ديرته موفرتله كل شي ليش بعد نطالب الكويت بحقوق اهو يتمتع فيها بديرته؟
يعني لو يطلع الياهل مصري او لبناني او سوري و سيلاني عيب؟
الحين الجنسية الوحيدة الي تسوى اهي الكويتية؟
و كاهم الاجنبيات الي ماخذين كويتيين هادين اهلهم و دنيتهم و يايين قاعدين مع الريل
خلاص تزوجتي, تحملي الي اييج
و ترا الزواج فيه تضحية
و الله يسلم الطيارات و الانترنت الي وصلنا لاهلنا في ابعد مكان
يعني لايكون الكويتيية المطلقة من كويتي حقوقها موجودة
انا اقول هذي الفئة الي لازم نطالب بحقوقها

 

[أم منصور]

كلامج صحيح بس اذا الكويتيين قاعدين يتزوجون من بره والكويتية باجر تلجا للزواج من اجنبي لعدم وجود فرص للزواج ضاعت هويتنا

انا احب ريلي يدخل علي بالغترة والعقال واذا كلينا ما تطنز على طباخنا ويفهم حجينا وعاداتنا ويقدرها

يكفي انه ولد ديرتي اموت على شي اسمه كويت وكويتي وكل شي كويتي وربي يعينها ويعينه الى ما احسن الاختيار وربي يوفق الجميع

 

[حرم محمد]

واللــــه انا معاج بكل الكلام واتوقع هالايام المطالبة بحقوق المرأة اللي ماهي حقوقها اصلا زادت عن حدها لدرجة اني كرهت الحريم من كثر ماهم مناقرين الرجاجيل بكل مكان وبكل مجال مصاخة شلون نصير قوارير كما قال الرسول وحنا نداحر الرجاجيل مداحر..فعلا المراة اهي الي تتبع الرجل وانا متزوجة سعودي ولا اطمح بالاشياء الغبية اللي ما يتقبلها عقل فاهم.. غير المنح الاميرية صراحة لانصرفت للكل ماني عايفة>>>هههه
المهم نرجع لموضوعنا.. يعني الرجال خربوطة عشان اجنس عيالي علي؟؟ وهو وين راح؟؟ اصلا في الدين حتى تسمية المولود من حق الرجل لانه ينسب له..بس لاننا انعطينا وجه قمنا نمصخها..


ومشكورة ع الطرح الراقي والفكر المستنير..

 

[ScarletteO'Hara]

واللــــه انا معاج بكل الكلام واتوقع هالايام المطالبة بحقوق المرأة اللي ماهي حقوقها اصلا زادت عن حدها لدرجة اني كرهت الحريم من كثر ماهم مناقرين الرجاجيل بكل مكان وبكل مجال مصاخة شلون نصير قوارير كما قال الرسول وحنا نداحر الرجاجيل مداحر..فعلا المراة اهي الي تتبع الرجل وانا متزوجة سعودي ولا اطمح بالاشياء الغبية اللي ما يتقبلها عقل فاهم.. غير المنح الاميرية صراحة لانصرفت للكل ماني عايفة>>>هههه
المهم نرجع لموضوعنا.. يعني الرجال خربوطة عشان اجنس عيالي علي؟؟ وهو وين راح؟؟ اصلا في الدين حتى تسمية المولود من حق الرجل لانه ينسب له..بس لاننا انعطينا وجه قمنا نمصخها..


ومشكورة ع الطرح الراقي والفكر المستنير..

ما اقول الا
:ggdw: