الى كل من تنوي الزواج بغير كويتي ..والنعم بالكل بس فكري شويا .. او لا تتشكين بعدين ..

[ســــــــــما]

اخواتي الحبيباتي خصوصا اللي معترضين على زواج الكويتيه من غير الكويتي ومو عاجبهم المطالبه بحقوق هذه الفئه انتوا الظاهر ما عايشتوا الناس اللي من هالفئه ولا شفتوا المعاناة والظلم اللي عايشينه وبعدين لا تنسون ان الزواج قسمه ونصيب واحنا كلنا مسلمين ونقرا القرآن وطبعا ما انزلت آيه من رب العالمين تقول ان لازم الانسان يتزوج من جنسيته بالعكس في آيه تقول(وجعلناكم شعوبا وقبائل لتعارفوا ) والقوانين الموجوده اهي اشياء وضعيه ومن صنع الانسان يعني مو شي نازل من السما , واحنا اعيال الكويتيات والله كويتين كويتين بدمنا وروحنا وولاءنا لديرتنا الحبيبه الكويت اللي ما نعرف ديره غيرها (ترى مو الاوراق والجنسيه اهي اللي تثبت ولاءنا وحبنا ) والخوات المعترضات الله يسامحهم لانهم مو حاسين بمعاناتنا يعني الواحد مولود بالكويت وعايش حاله حال الكويتين بين اهله واحبابه وتعلم في مدارسها ولما يكبر ينصدم بالقوانين المتعجرفه اللي تحرمه من ابسط الحقوق واهي الوظيفه احنا الحين ما نبي الجنسيه لانها شي صار صعب المنال مع احنا نستحقها مليون بالميه لكن احنا اللي نبي الحين ان نعيش حياة كريمه سعيده ما نحس فيها بالغربه والظلم اللي نعانيه , واحنا الحمدالله لا كلامنا امكسر على قولتكم ولا اشكالنا غير عنكم , وانا بالنسبه عني انا واخواني الحمدالله ما نتكلم غير لهجتنا الكويتيه اللي نعتز فيها وحتى على حياة ابوي الله يرحمه كان يكلمنا كويتي مع ان اهو ما كانت جنسيته عربيه . فاتمنى من الخوات انهم ما يكونون قاسين علينا كفايه الزمن يلعب في حسبتنا وارحموا من في الارض يرحمكم من في السماء وكلكم عندكم بنات وخوات وما تدرون الدنيا شنو خاشه لكم . فالله يخليكم نزلوا من بروجكم العاجيه ولا تطالعونه من هالارتفاعات وكفانا ظلما .

هلا وغلا بأريج الورد

فرحت بمشاركتج حبيبتي

انا ماني ضد زواج الكويتيه بغير الكويتي ، يعني مو ضد الزواج بحد ذاته .. انا ضد الي يصير بعد هذا الزواج .. يعني اذا الوحده اخذت غير كويتي باختيارها .. تعيش معاه بإمكانياته .. مو ذنب الدوله اذا امكانياته محدوده .. انا مو ضد ان يسهلون حياتهم ويسمحولهم في بعض الامور .. لكن مو كل شي .. مو تجنيس وقروض وبيوت وبدلات اجار .. والله الغير كويتي يطمع وما يصدق على الله ياخذله كويتيه .. ترى فكري فيها مو شي هين ..

وشغله مهمه ابيج تعرفينها

لا تفسرين كلامي واقتناعاتي تكبر لا سمح الله

ليش اتكبر استغفر الله ، كلنا عبيد الله .. وكلنا عيال ادم وحوا .. اتكبر على شنو .. ؟؟ كلنا آخرتنا القبر ..

لما اتكلم من منطلق المنطق والعقل ما يعني اني متكبره .. والله اعلم شنو في داخلي من اي احد ثاني ..

وصج صج صج اسعدتني مشاركتج وتواصلج معاي .. واسأل الله تعالى ان يسهل عليكم الامور انتي وخواتج ..

 

[بشتخته]

صااااااااااااااجه يا قلبي

والحكومه بتطبيقها للشرع بهالقانون صحيح 100% ولوا البنت الكويتيه تركز بتفكيرها بتشوف ان فيه حفاظ لها وعليها
وحتي بعد طلاقها من زوجها الأجنبي او وفاته عيالها ياخذون الجنسية الكويتية .. وين الظلم عيل ؟؟؟

وبالنسبة اللي قالوا ان اللي امهم كويتية ومن ابو أجنبي يتكلمون احسن من اي كويتي
انا معاج وصح هالكلام لأن بإختصار الأم اهي اللي تربي ... ياريت الريايل يفهمون هالنقطة انهم اذا خذوا اجنبية عيالهم بياخذون طبايع واخلاقيات بلد الأم ..لأنها اهي اللي مجابلتهم مو انت


الريال ليش يتجنس ؟؟ مو اهو رب الأسرة والمفروض انه اهو المسئول عنهم ؟؟
والرجال قوامون على النساء

مشكورة على طرحج الراقي حياتي

يسلموووو :eh_s(7):​

 

[ســــــــــما]

أعتقد إن النقاش في هالموضوع ما من وراه نتيجة!!!
لأنه معروض من سنين للنقاش في كل ندوة وجلسة واجتماع وكل شي... وكل من له راي .. يحدده مزاجة (ما اعتقد شي ثاني) ... الكل عارف شنو الصح بس المزاج والأهواء لها دور!!

وإذا عن الحق !!!!........... الحق من وين إيي؟!؟!؟!؟!؟

أولاً الناس كلها عيال آدم وحوا ولا في فرق بين أحد لا بحقوق ولا واجبات....

منو حط حدود للدول وفرق الناس اللي بالعالم وطلّع هالورقة اللي يسمونها جنسية ؟!؟!
ترى ما طلعت من عهد بعيد؟! ياما عاشوا اهل الكويت بكل فئاتهم وأصولهم بحب وتعاون .... ويرحبون بأي ضيف يايهم لاجئ من أي بلد مجاور أو بعيد ويعتبرونه منهم وفيهم من شدة كرمهم وشهامتهم وله نفس حقوقهم حتى لو ما تزوج من بناتهم !!!!!

والكويت خيرها يعم الكل وما عيزنا عن الدول اللي برة... وبنينا فيها مدارس وجامعات ومن فضل الكويت تطوروا وتقدموا... يعني خيرنا يغطي بناتنا ورياييلهم مثل ما غطى الدول الثانية و أرتزوا من خيرنا....

وإذا بنرد للولاء...
حبايبي أيام الغزو في ناس طلعت جناسيها الأصلية وردت ديرها ... ولما ردت الكويت ردوا خشوا جناسيهم الاصلية ويونا بكل قوات عين!!... ولا احد حاسبهم ولا أحد اعترض ولا حتى سحبوها منهم أو على الأقل خيروهم بين الجنسيتين... وبالعكس قلنا أهلاً وسهلا! ولي الحين خيرنا مغطيهم وهم بلا ولاء !!! وبرغم هذا... خير الكويت ما خلص ولا انتهي !!!

هذول يتنعمون بخير ديرتي ... وعيال الكويتية أباً عن جد.. مولودين هني ومتربين هني ولهجتهم نفس أي كويتي ولا احد يقدر يفرق بينهم وبين اللي أبوه كويتي..... بأي حق من حقوق الانسان ينحرمون من الانتماء لوطنهم الحقيقي وهو الكويت؟!

وإذا باتكلم عن الدين الاسلامي... هالدين اللي يشرع تبعية الأبن لابوه بالاسم.. نفس هالدين ما يرفض انتماء هالابن مع ابوه لبلد الأم.... ولا إنه يتمتع بنفس حقوق الأم في بلدها.... لأن بالاسلام حقوق الانسان وحدة بغض النظر عن مكان السكن وأكبر دليل المهاجرين والانصار اللي اندمجوا وتوحدوا بالحقوق والواجبات وتزوجوا من بعض وصاروا شعب واحد وتعاونوا على الدفاع عن المدينة ضد اليهود.... ولا قالوا انت شكو تحصل بيت بالمدينة ويانا؟! وانت اخذ مرتك وروح مكة مع وعيالك لأنها بلدك وما لك بيت ولا عمل ولا حقوق مثلنا !!!!!!!!!!!

بكل النواحي العقلية والعرفية.. والإنسانية والدينية... والحضارية بعد.. إن الانسان من حقة أن يعيش بنفس الحقوق وبأي مكان بالعالم!!

للدلالة:

وفي المادة 15 و المادة 16 من قوانين حقوق الانسان لدى الامم المتحدة واللي الكويت عضوة فيها والمفروض تطبق قوانينها !!!!!!

المادة 15
1. لكل فرد حق التمتع بجنسية ما.
2. لا يجوز، تعسفا، حرمان أي شخص من جنسيته ولا من حقه في تغيير جنسيته.

المادة 16
1. للرجل والمرأة، متى أدركا سن البلوغ، حق التزوج وتأسيس أسرة، دون أي قيد بسبب العرق أو الجنسية أو الدين. وهما متساويان في الحقوق لدى التزوج وخلال قيام الزواج ولدى انحلاله.


وبعيد عن أي حقوق وضعية .... يبقى حق المسواواة شرعاً قائم .... ولا أي رأي آخر معارض .. حق في الاعتراض على شرع الله...
والرزق بالاول والاخير من الله !​

هلا والله مضيعه

اغلب النقاشات بالمنتدى عبارة عن تعبير الشخص عن رأيه وبالغالب الغرض منها الفضفضه والشعور بأن هناك من يحاوره ويناقشه سواء مؤيد او معارض .. ومو بالضروره يكون في نتيجه فعليه .. شنو ممكن تكون نتيجة موضوع مثل هذا نتناقش فيه بالانترنت ؟ ولا شي .. النتيجه الوحيده بالنسبه لي اهيا اني عبرت عن رأيي وسمعت آراءكم سواء مؤيدين او معارضين ..

والصراحه ردج من الردود الي افادني الصراحه وفتح عيوني على شغلات ضايقتني .. لان ان ييتي للقانون فللأسف شغلات وايده بالقانون مو قاعده تتطبق ..

بس انتي القوانين الي ذكرتيها مو قوانين الدستور الكويتي

وما ادري شنو الي يخلي الكويت تكون عضوه في قوانين حقوق الانسان اذا ما راح تطبق ..؟ هذي شغله ضايقتني .. يبيلي اسأل واطلع على هالموضوع اكثر .. ما اعرف اعطي راي بشي معلوماتي مو كافيه عنه ..

ومسألة ان ايام قبل ما كان جذي

لان الدنيا تغيرت

صار اكو قوانين ,

بيني وبينج العيشه قبل اريح من الحين

لا جواز لا جنسيه .. راحه ما بعدها راحه .. الواحد يروح ويرد ويسكن بالمكان ا لي يلقى راحته فيه ..

الحين الوضع غير .. مو بيدي ولا بيدج .. الدنيا كلها جذي مو بس الكويت .. اذا كل هالدنيا تغيرت وصارت بدون جناسي وجوازات وقتها نتقبل كل شي .. لان الدنيا حزتها بتكون ماشيه على هالاساس ..

بس تهقين ليش صار اكو حق كل بلده حدودها وما تندخل الا بجواز .. وليش صار في اثباتات وجناسي .. ؟
لان الدنيا قبل كانت بسيطه .. لا سيارات لا عبارات لا طيارات .. لا اسلحه لا قنابل .. مهما كانت الخطوره وكثرة الحروب ترا مو نفس الحين .. الدنيا تطورت .. صار السفر اسهل بواااااااااايد .. فلازم اكو ضوابط مو كل من يدخل اي مكان على كيفه لازم اثباتات .. الي اقصده ان ايام الحين غير وايام المهاجرين والانصار غير .. الظروف غير غير غير ..

طلعنا برا الموضوع احس مكان الموضوع غلط لووووووووووووول

وبالنسبه للي قلتي عنه والي صار وقت الغزو عن الي نحاشوا وبعدين ردوا
صج صج صج عورتي قلبي



ومشكوووووره على مشاركتج

اثريتي الموضوع

 

[ســــــــــما]

هلا وغلا بشتخته

حياج الله

 

[دراما كوين]

تدرون سبحان الله اليوم بصباح الوطن كانوا يتحجون عن نفس الموضوع ,,وكانوا ايمان نجم وحصه اللوغاني مستضيفين المحاميه نيفين معرفي

وتحجت عن ظلم المراه الكويتيه ,, وقالت ان المراه خذت حقها السياسي بس احنا ما نبي هالحق شنسوي فيه نبي حقها الاجتماعي وحق عيالها
قالت انه عيال الكويتيه مواطنين اكثر من غيرهم ,,, وقالت انه المراه الكويتيه واللرجل الكويتي متساويين بالحقوق والواجبات في القانون الكويتي

واااايد واااايد تحجوا اهم الثلاثه عن معاناة الكويتيه المتزوجه من غير كويتي ووايد كانوا متاثرررين ,, قلت جان زيين بعض البنات اللي الحين قاعدين يحرمون المراه من ابسط حقوقها شايفين هالمقابله جان يمكن لانت قلوبهم شوي

 

[مضيعة]

ســــــــــما حياتي...​

آسفة إذا خانني التعبير... بس ما اقصد توجيه نقد أو عتب أو شي من هالنوع لإثارة هذا الموضوع ووضعه للنقاش.. ولكن القصد كان مجرد إشارة لنقطة معينة في الاختلاف الكبير حول هذا الموضوع...
.....عارفة حبوبة إن الموضوع للتعبير عن الرأي... والكل له وجهة نظر نحترمها .. ووجهة نظري أبديتها أيضا لما قلت إني اشوف هالموضوع فعلاً متعلق بالمزاج والأهواء... (ودون الاشارة لأحد... لأني شخصياً رأيي متكون من مزاجي البحت.... لأن عندي ميول -مو طبيعية- ومزاج يميل بشكل ما اقدر اسيطر عليه إلى أن الانسان هو الانسان ومحد يحكمة بصراحة إلا قانون ربه.. وعموماً ما اعترف بأي قانون إلا لما ارده إلى المنطق وأقارنه بقناعاتي إذا وافقها أأيد وإذا عارضها... ما أقدر أتقبله .. وأعتقد كل الناس جذي!!!) <--- (هذي طبيعة البشر:bbbiu​

وأشكرج لتقبلج لردي مع إني ما يبت شي يديد أغلب اللي كتبته عبروا عنه الاخوات باسلوب مختلف...

بس بالنسبة للقوانين اللي ذكرتها....​

إهي فعلا مو من الدستور الكويتي...​

ولكن...​

هناك قوانين دولية... (تقرها هيئة الأمم المتحدة لتنظيم الحياة الدولية في العالم)
وتعتبر الكويت عضوة من أعضاء هيئة الأم المتحدة يعني بشكل أو آخر تشملها هذي القوانين.. وفي إصدار كامل للجنة حقوق الانسان وهي من لجان هيئة الأمم وفي أعضاء لها من كل الدول المشاركة وعلى ما اعتقد في أعضاء بمجلس الأمة لهم علاقة بهذي اللجان (بس مو عارفة منو بالضبط) وبالنسبة للمواد المتعلقة بحقوق الانسان تلقينها كاملة في موقع متخصص تقدرين تسوين بحث في ((قوقل)) بس آنا نقلتها من كتاب عندي (أموت بالكتب!!) بس ولا يهمج راح أدور بالنت وأحط الرابط علشان تاخذين فكرة عنها...​

وبالنسبة للحياة إنها قبل أحلى..
إسمحي لي أخالفج وأقول.... الحين أحلى.. :lololoeمو من ناحية الطيبة والاخلاق والاشياء هذي.. لكن من ناحية الرفاهية) وهذا سبب وجيه يخلينا نتمنى لهم ولغيرهم بأن يعيشون مثلنا براحة وما يحسون بالفرق أو بالظلم.. وخصوصاً وإن الكويت ما زالت الأولى في تبرعاتها ومساعداتها الخارجية (وحتى للدول ذات المواقف السلبية معانا) فأعتقد هالفئة اللي منا وفينا أولى بالعطف والمساعدة من غيرها (الكل عارفهم وما في داعي للذكر!) <------ على فكرة آنا مو من المعارضين للمساعدات الخارجية وأعتبرها سياسة حلوة لبلدنا الحبيبة وبالعكس أشوفها تعكس صورة طيبة عن الكويت أم الخير.. وفوق هذا... (دفعة بلا !)​

السبب الرئيسي لظهور الجوازات والجنسيات وهالسوالف هو مثل ما ذكرتي .. للإثبات... يعني لحمايتنا... ولصالحنا... فليش نحول هالأوراق اللي صدرت لصالحنا إلى أوراق تزرع الحزازات والتفرقة بينا وبين أخواننا من العرب والمسلمين (على فكرة آنا توجهي الشخصي مو بي عربي اسلامي... ولكن: إنساني بحت ------> يعني .... عندي الانسان العربي=الأجنبي، المسلم = المسيحي = بقية الديانات متساوين في كل الحقوق مهما كان موقع إقامتهم) :wqedqw:​

وبالنسبة للدين الاسلامي... وإشارتي للمهاجرين والانصار.. أعرف الفرق بين زمننا وزمنهم .. ولكن القرآن... السنة النبوية.. والاسلام بشكل عام.. ما كان خاتم للرسالات إلا بسبب صلاحيته لكل الأزمان و الأماكن...​

وبالنسبة للي عندهم (مليون جنسية) ومستغلين الوضع بما يخدم أطماعهم.......... ولا تنقهرين عليهم لأن الله تعالى فوقهم .. وترى خير الكويت مو اهمة اللي يخلصونه... وبعد الله سبحانه فوقهم ويشهد عليهم..... ومو احنا اللي نحاسبهم... وبالأخير..... أريح لنا إذا نشوفهم بنظرة طبيعية ولا في شي يستاهل القهر.. دام الكويت في قلوبنا -احنا - ..ترى ما في إيد تقدر تنمد عليها بالغلط.. والعالم شاف شنو احنا وشيطلع منا علشانها....​

حياتي ســــــــــما اعذريني ....
أدري طلعت برة الموضوع...
بس شاسوي... مشكلتي أنفعل واندمج .... وأهم شي -----> (أقرق وايد!!)​

همسة لـ "أريج الورد": عسى دوم صدرج مثلج وقلبج بارد ولا في داعي يا قلبي إن يحتر... شوفي الجانب الإيجابي من الفكرة.... هذي مجرد نقاشات نستفيد منها كلنا... وخل نستانس باختلاف آراءنا وبحضاريتنا في الحوار..
ترى هذي ظاهرة صحية !!​

:eh_s(17):احنا في بلد قمّة بالديمقراطية والتعبير وترانا محسودين على هالنعمة.. :eh_s(17):​

 

[حرم محمد]

أرسل أصلا بواسطة حرم محمد
واللــــه انا معاج بكل الكلام واتوقع هالايام المطالبة بحقوق المرأة اللي ماهي حقوقها اصلا زادت عن حدها لدرجة اني كرهت الحريم من كثر ماهم مناقرين الرجاجيل بكل مكان وبكل مجال مصاخة شلون نصير قوارير كما قال الرسول وحنا نداحر الرجاجيل مداحر..فعلا المراة اهي الي تتبع الرجل وانا متزوجة سعودي ولا اطمح بالاشياء الغبية اللي ما يتقبلها عقل فاهم.. غير المنح الاميرية صراحة لانصرفت للكل ماني عايفة>>>هههه
المهم نرجع لموضوعنا.. يعني الرجال خربوطة عشان اجنس عيالي علي؟؟ وهو وين راح؟؟ اصلا في الدين حتى تسمية المولود من حق الرجل لانه ينسب له..بس لاننا انعطينا وجه قمنا نمصخها..


ومشكورة ع الطرح الراقي والفكر المستنير..

ما اقول الا
:ggdw:

اللـــــــه في أحد صفق لي

مشكورة انج قريتي كلامي وثمنتي اللي كتبته​

واقول لاختي مضيعة حتى لو كان الموضوع قديم يمكن في ناس الحين محتاجة تتنور وممكن نغير قناعاتهم

وشكرا

 

[Om_yasmin]

السلام عليكم

كلامج صح و مافيه غلط ,, بس انا الصراحه متزوج من غير كويتي و الحمدلله مرتاحه و ماعلي قاصر و مقتنعه بالي عندي :>

 

[ســــــــــما]

السلام عليكم

كلامج صح و مافيه غلط ,, بس انا الصراحه متزوج من غير كويتي و الحمدلله مرتاحه و ماعلي قاصر و مقتنعه بالي عندي :>

هلااا والله
(( وشهد شاهد من اهلها ))
واخيرا وحده ايدتني مع انها نفس الظروووووف

هذا الي اقصده

ان الواحد يقنع بالي عنده

مشكووووووووووره لردج ومشاركتج حبيبتي

 

[ســــــــــما]

تدرون سبحان الله اليوم بصباح الوطن كانوا يتحجون عن نفس الموضوع ,,وكانوا ايمان نجم وحصه اللوغاني مستضيفين المحاميه نيفين معرفي

وتحجت عن ظلم المراه الكويتيه ,, وقالت ان المراه خذت حقها السياسي بس احنا ما نبي هالحق شنسوي فيه نبي حقها الاجتماعي وحق عيالها
قالت انه عيال الكويتيه مواطنين اكثر من غيرهم ,,, وقالت انه المراه الكويتيه واللرجل الكويتي متساويين بالحقوق والواجبات في القانون الكويتي

واااايد واااايد تحجوا اهم الثلاثه عن معاناة الكويتيه المتزوجه من غير كويتي ووايد كانوا متاثرررين ,, قلت جان زيين بعض البنات اللي الحين قاعدين يحرمون المراه من ابسط حقوقها شايفين هالمقابله جان يمكن لانت قلوبهم شوي

سنييييييييييين وسنيييييييييين من الحنه والرنه والبجي والردحه واللووووووووووووويه والكلاااااااام والنقاااااااش والكلاااااااااااااااام والنقاااااااااااش والجدل ثم الجدل ثم الجدل عشـــــــــــــــــــــــــان يقرووووووون حقوق المرأه السياسيه...

ويوم ان اقروها

هدوا الحقوق السياسيه وقالوا احنا ما ن بي حقوق سياسيه شنو نبي فيها شنو بتفيدنا فيييييه

لا لا لا لا لا احنا نبي حقوقنا الاجتماعيه

مو بعيده اذا اقروا الحقوق الاجتماعيه الي انا ما اشوفها حقوق مو بعيده يطلعولنا بطلعه ثانيه .. الله يستر من الياي بصراحه

وصج صج صج ما تنعطون ويه اذا هذا كلامكم بعد اقرار الحقوق السياسيه .. مهما سوت الدوله محد بيقنع ..


شكرا لردج ومشاركتج

 

[ســــــــــما]

اللـــــــه في أحد صفق لي

مشكورة انج قريتي كلامي وثمنتي اللي كتبته​

واقول لاختي مضيعة حتى لو كان الموضوع قديم يمكن في ناس الحين محتاجة تتنور وممكن نغير قناعاتهم

وشكرا

هلا والله اختي حرم محمد

افا عليج بس تبين صفقه

:ggdw::ggdw::ggdw:

شرايج بس :eh_s(6):

 

[ســــــــــما]

ســــــــــما حياتي...​

آسفة إذا خانني التعبير... بس ما اقصد توجيه نقد أو عتب أو شي من هالنوع لإثارة هذا الموضوع ووضعه للنقاش.. ولكن القصد كان مجرد إشارة لنقطة معينة في الاختلاف الكبير حول هذا الموضوع...
.....عارفة حبوبة إن الموضوع للتعبير عن الرأي... والكل له وجهة نظر نحترمها .. ووجهة نظري أبديتها أيضا لما قلت إني اشوف هالموضوع فعلاً متعلق بالمزاج والأهواء... (ودون الاشارة لأحد... لأني شخصياً رأيي متكون من مزاجي البحت.... لأن عندي ميول -مو طبيعية- ومزاج يميل بشكل ما اقدر اسيطر عليه إلى أن الانسان هو الانسان ومحد يحكمة بصراحة إلا قانون ربه.. وعموماً ما اعترف بأي قانون إلا لما ارده إلى المنطق وأقارنه بقناعاتي إذا وافقها أأيد وإذا عارضها... ما أقدر أتقبله .. وأعتقد كل الناس جذي!!!) <--- (هذي طبيعة البشر:bbbiu​

وأشكرج لتقبلج لردي مع إني ما يبت شي يديد أغلب اللي كتبته عبروا عنه الاخوات باسلوب مختلف...

بس بالنسبة للقوانين اللي ذكرتها....​

إهي فعلا مو من الدستور الكويتي...​

ولكن...​

هناك قوانين دولية... (تقرها هيئة الأمم المتحدة لتنظيم الحياة الدولية في العالم)
وتعتبر الكويت عضوة من أعضاء هيئة الأم المتحدة يعني بشكل أو آخر تشملها هذي القوانين.. وفي إصدار كامل للجنة حقوق الانسان وهي من لجان هيئة الأمم وفي أعضاء لها من كل الدول المشاركة وعلى ما اعتقد في أعضاء بمجلس الأمة لهم علاقة بهذي اللجان (بس مو عارفة منو بالضبط) وبالنسبة للمواد المتعلقة بحقوق الانسان تلقينها كاملة في موقع متخصص تقدرين تسوين بحث في ((قوقل)) بس آنا نقلتها من كتاب عندي (أموت بالكتب!!) بس ولا يهمج راح أدور بالنت وأحط الرابط علشان تاخذين فكرة عنها...​

وبالنسبة للحياة إنها قبل أحلى..
إسمحي لي أخالفج وأقول.... الحين أحلى.. :lololoeمو من ناحية الطيبة والاخلاق والاشياء هذي.. لكن من ناحية الرفاهية) وهذا سبب وجيه يخلينا نتمنى لهم ولغيرهم بأن يعيشون مثلنا براحة وما يحسون بالفرق أو بالظلم.. وخصوصاً وإن الكويت ما زالت الأولى في تبرعاتها ومساعداتها الخارجية (وحتى للدول ذات المواقف السلبية معانا) فأعتقد هالفئة اللي منا وفينا أولى بالعطف والمساعدة من غيرها (الكل عارفهم وما في داعي للذكر!) <------ على فكرة آنا مو من المعارضين للمساعدات الخارجية وأعتبرها سياسة حلوة لبلدنا الحبيبة وبالعكس أشوفها تعكس صورة طيبة عن الكويت أم الخير.. وفوق هذا... (دفعة بلا !)​

السبب الرئيسي لظهور الجوازات والجنسيات وهالسوالف هو مثل ما ذكرتي .. للإثبات... يعني لحمايتنا... ولصالحنا... فليش نحول هالأوراق اللي صدرت لصالحنا إلى أوراق تزرع الحزازات والتفرقة بينا وبين أخواننا من العرب والمسلمين (على فكرة آنا توجهي الشخصي مو بي عربي اسلامي... ولكن: إنساني بحت ------> يعني .... عندي الانسان العربي=الأجنبي، المسلم = المسيحي = بقية الديانات متساوين في كل الحقوق مهما كان موقع إقامتهم) :wqedqw:​

وبالنسبة للدين الاسلامي... وإشارتي للمهاجرين والانصار.. أعرف الفرق بين زمننا وزمنهم .. ولكن القرآن... السنة النبوية.. والاسلام بشكل عام.. ما كان خاتم للرسالات إلا بسبب صلاحيته لكل الأزمان و الأماكن...​

وبالنسبة للي عندهم (مليون جنسية) ومستغلين الوضع بما يخدم أطماعهم.......... ولا تنقهرين عليهم لأن الله تعالى فوقهم .. وترى خير الكويت مو اهمة اللي يخلصونه... وبعد الله سبحانه فوقهم ويشهد عليهم..... ومو احنا اللي نحاسبهم... وبالأخير..... أريح لنا إذا نشوفهم بنظرة طبيعية ولا في شي يستاهل القهر.. دام الكويت في قلوبنا -احنا - ..ترى ما في إيد تقدر تنمد عليها بالغلط.. والعالم شاف شنو احنا وشيطلع منا علشانها....​

حياتي ســــــــــما اعذريني ....
أدري طلعت برة الموضوع...
بس شاسوي... مشكلتي أنفعل واندمج .... وأهم شي -----> (أقرق وايد!!)​

همسة لـ "أريج الورد": عسى دوم صدرج مثلج وقلبج بارد ولا في داعي يا قلبي إن يحتر... شوفي الجانب الإيجابي من الفكرة.... هذي مجرد نقاشات نستفيد منها كلنا... وخل نستانس باختلاف آراءنا وبحضاريتنا في الحوار..
ترى هذي ظاهرة صحية !!​

:eh_s(17):احنا في بلد قمّة بالديمقراطية والتعبير وترانا محسودين على هالنعمة.. :eh_s(17):​

اول شي احب اسجل اعجابي الشديد بأسلوب نقاشج الراقي وطريقة كتابتج الصراحه شي :ggdw:

ثاني شي دخلتيني بمتاهات مالها وااالي :eh_s(1): والله نكج مضيعه وضيعتيني معاج

بس التعليق الي ممكن اعلق عليه من كل الي قلتيه

ان المنطلق الانساني البحت الي قاعده تتكلمين منه اهوا تفكيرج الشخصي الي مهما ناديتي فيه محد بيسمعلج في زمننا هذا ..

تفكيرج الشخصي شنو بضيف حق الدستور وقوانين الدستور ؟

ماكو الا انج ترشحين روحج بمجلس الامه (والله مو قاعده اتغشمر ) جود هالافكار توصل ويتغير شي ..

مع اني لازلت مصره على رايي ..

بس صج اسعدتني مشاركاتج الحلوه

لا تقاطعين

 

[حرم محمد]

هههههههههههههه


تحطون نجمة ع الايد بعد


مشكورة

 

[مضيعة]

عزيزتي ســــــــــما...​

ما أدري ليش نقاشنا شط بعيد عن محور الموضوع.... ولكن إن شاء الله يكون النقاش بفايدة...​

بالنسبة لتفكيري الشخصي... إشارتي له ما هو إعتراف بذنب أو إثم.. وعموماً منو بالدنيا ما يبني آراءه بالاستناد على تفكيره الشخصي..


بدون أي شك كل البشر يفكرون استناداً لشخصيتهم !!​

· ولما أفكر على أساس إنساني بحت... بصراحة هذا شي آنا اتبعه لأنه يريحني... و آنا ما انادي باتباعه لكن ديني يدعو لهالشي!


· وإذا محد يبي يسمع حبوبة.. الأمر طبيعي بالنسبة لي.. (مو هدفي أصلاً أسمع الناس ولكن مجرد رأي يريحني التعبير عنه ولو محد سمعه)​

ولكن تبقى حقيقة واضحة.... إن :


التفكير من الناحية الانسانية هو أساس كل القوانين.. لأنها وضعت وشرعت أصلاً لصالح الناس!


التفكير من الناحية الانسانية هو سبيل لتنظيم العلاقات بين الناس.. والدول .. و العالم...


التفكير من الناحية الانسانية هو فن التعامل مع الآخرين... بمعنى آخر هو (الأخلاق)<--- والاخلاق هي السبب الرئيسي لنزول الأديان (إنما بعثت لأتمم مكارم الأخلاق -حديث شريف-)​

تفكيري الشخصي يعتبر شخصي لأني ما أجبر أي شخص على اتباعه.... لكنه لا يعتبر شخصي بمعنى (خاص فيني بروحي)... لأنه يصب في مصلحة الناس كلها بدون استثناء أي كائن بشري خلقه الله-....​

بالنسبة لتعليقج:


شنو بضيف (تفكيري الانساني!) حق الدستور وقوانين الدستور ؟ ​

جوابي تلقينه فيما سبق وعلشان اوضح أكثر ... (معنى الدستور)​

(شرح مبسط)


أي دستور في العالم يوضح ماهية الدولة: يعني اسمها، علمها، ديانتها، لغتها، نشيدها الوطني، والعلم والشعار ...... وبعدها يوضح طريقة الحكم ونظامه والأمور المتعلقة في الحكم وتوارثه أو انتخابه ...........الخ


...... وبعدها يوضح القوانين إللي على أساسها تحدد العلاقات بين الناس في الوطن الواحد ( من حكومة – ومجلس – وشعب ) ---> ومنو هذول ؟!! طبعاً ناس !!!!!!!!! (وهذا اللي بوصل له)​

ولهالسبب البسيط...... فمن المستحيل أن يصدر دستور بالعالم من بداية تاريخ البشرية بدون الرجوع (للإنسانية)​

وبالنسبة لترشيحي للمجلس!!!! :lololoe:


بكل ثقة أقول لج... ما انفع..... مو لشكي بقدراتي !! (عشتوا!!)


و لـكن للأســــــــــــــــــف.... بسبب شكي في إصطلاح أمور المجلس وتحقيقه للهدف الحقيقي من وجوده....(ما أعمم على الكل..... لكن إيد وحدة ما تصفق !)​

حبـــــوبـــــــــة ... (وبدون مبالغة!!)


أسعدني وايد إني أشارك في حوار واعي وهادف وعميق وفيه مضمون.. وأشكرج لطرحج مثل هالمواضيع لأنها تنمـي بداخلنا شي من التفاهم أو الفهم بمعنى أصح...


رايج أحترمه و على راسي .... لأنه مبني على أساس حب الوطن والغيرة عليه....​

وكل منا له قناعات في التعبير عن مدى هذا الحب.... وأحلى شي –ويميزنا احنا يا الكويتيين- إن مهما اختلفنا في آراءنا وتوجهاتنا......................................... ما نختلف بحبنا لها... :q8:​

وعدتج بوضع رابط لمواد حقوق الانسان، أتمنى أكون وفقت في بحثي هذا:
http://www.awcsw.org/files/elan%20hokook.pdf​

 

[أريج الورد]

هاي بنات اشلونكم ان شاء الله الاختلاف بالرأي لا يفسد للود قضيه , واتمنى من الله سبحانه يوفق الجميع اللي متزوج كويتي ولا مو كويتي بس حبيت اوضح نقطه للاخت اللي قالت انها متزوجه غير كويتي وما يهمها شي ربي يهنيج ويسعدج مع ريلج ويخليلج عيالج اللي بغيت اقوله ان المشاكل تبدي لما العيال يكبرون ويصيرون بعمر الزواج و التوظيف لان احنا معاناتنا بدت الحين لما كبرنا يعني بعد عمر العشرين ترى لما كنا يهال حده عادي وما كنا نحس ان فينا شي غير عن اللي حوالينا من الاهل والاصدقاء و لو تلاحظون ان مطالبات المراه الكويتيه في هالموضوع ان اعيالها يتجنسون ويتوظفون ويعيشون حياة كريمه ما في وحده تطالب بتجنيس الزوج والله العظيم لاني متاكده انا احضر ندوات بالهموضوع ولا مره تطرقوا لتجنيس الزوج التركيز كله على العيال , وانا ما اقول الا اللي ايده بالماي مو مثل اللي ايده بالناااااااااااااااااااااااااار .

 

[دراما كوين]

::

سنييييييييييين وسنيييييييييين من الحنه والرنه والبجي والردحه واللووووووووووووويه والكلاااااااام والنقاااااااش والكلاااااااااااااااام والنقاااااااااااش والجدل ثم الجدل ثم الجدل عشـــــــــــــــــــــــــان يقرووووووون حقوق المرأه السياسيه...

ويوم ان اقروها

هدوا الحقوق السياسيه وقالوا احنا ما ن بي حقوق سياسيه شنو نبي فيها شنو بتفيدنا فيييييه

لا لا لا لا لا احنا نبي حقوقنا الاجتماعيه

مو بعيده اذا اقروا الحقوق الاجتماعيه الي انا ما اشوفها حقوق مو بعيده يطلعولنا بطلعه ثانيه .. الله يستر من الياي بصراحه

وصج صج صج ما تنعطون ويه اذا هذا كلامكم بعد اقرار الحقوق السياسيه .. مهما سوت الدوله محد بيقنع ..


شكرا لردج ومشاركتج

اكيد احنا مو ويه حقوق سياسيه ,, عدد النساء الكويتيات ضعف الرجال وللحين مافي ولا مراه وصلت للمجلس ,, واكثر الحريم ما صوتوا لبنات جنسهم وصوتوا للريايل ,,,,,فاكيد احنا مو ويه حقوق سياسيه
قصوا علينا بالحقوق السياسيه وقالوا عطيناكم حقوقكم ؟!! شحقوقه هذي؟؟؟ والا الوزاره الي عسى ما حطوا وزيره قاموا واستجوبوها والا اسخف شي سمعته يوم قالوا لموضي الحمود والصبيح والله لبسكم مو على الشريعه الاسلاميه
ال حقوق سياسيه ال ضحكتوني:dddds:

جان زييين ما اقروا هالحقوق اللي ذلونا فيها شنو شفنا من هالحقوق

 

[حرة عسل]

اهلين
بصراحه موضوعج وايد حلو
مع احترامي لدول العربيه بس كلامج عين العقل بس اسمحيلي بمداخله
انتشرت عندكم يالكويتيات الزواج من غير كويتي ومسموح فيه وايد
على سبيل المثال احنا بالسعوديه مستحيل السعوديه تتزوج غير خليجي او السعودي يتزوج غير خليجه
يعني قليل جدا الي يتزوج من جنسيه عربيه الابشروط اذا كان عمره تخطى الاربعين او الشباب مستحيل يتزوج الااذا جابها على أساس انها خادمه وطبعا مو كل واحد يسويها وبعدين اكيد احد حاصله ياخذ خليجي الكل يتمناه لو فيه عيوب الدنيا واسمحولي ماقصد الكل فالنهايه القسمه والنصيب اهي الحكم​

 

[ScarletteO'Hara]

انا اقول ان الكويتية الي ماخذه بدون اهي الي لها حق تطالب بحقوق عيالها
هذي الي صج مظلومة
كون ابو عيالها ماله جنسية ولا وطن غير الكويت الي تربى فيها
الله يعينهم والله
بس الي عنده ديره ثانية.... مابي ازيد على كلامي الي انا قايلته بخصوص هذا الموضوع

 

[camilia]

سنييييييييييين وسنيييييييييين من الحنه والرنه والبجي والردحه واللووووووووووووويه والكلاااااااام والنقاااااااش والكلاااااااااااااااام والنقاااااااااااش والجدل ثم الجدل ثم الجدل عشـــــــــــــــــــــــــان يقرووووووون حقوق المرأه السياسيه...

ويوم ان اقروها

هدوا الحقوق السياسيه وقالوا احنا ما ن بي حقوق سياسيه شنو نبي فيها شنو بتفيدنا فيييييه

لا لا لا لا لا احنا نبي حقوقنا الاجتماعيه

مو بعيده اذا اقروا الحقوق الاجتماعيه الي انا ما اشوفها حقوق مو بعيده يطلعولنا بطلعه ثانيه .. الله يستر من الياي بصراحه

وصج صج صج ما تنعطون ويه اذا هذا كلامكم بعد اقرار الحقوق السياسيه .. مهما سوت الدوله محد بيقنع ..


شكرا لردج ومشاركتج

بس بصححلج المعلومه , نساء الكويت لما طالبوا بحقوقهم ما قالوا يا حكومة نبيكم تخلونا نصوت ونرشح نفسنا وبس !! الحريم طالبوا بحقوقهم كاااملة مثل الكويتيين الذكور بما في ذلك حق التصويت والترشيح.
يعني بالعقل شنو فايدة اني اقدر اصوت وارشح نفسي بس مالي حق اخذلي بيت وغيره من حقوقنا المهضومة ؟
half democracy is not a democracy
بس بما ان ربنا فرجها وعطونا حقنا السياسي راح نطالب بحقوقنا الباجي وانشالله نشوفها عاجلا غير اجلا .

انتي لانج مو حاسه بمعاناة الكويتيات (سواء المتزوجات من بدون او غير كويتيين او حتى كويتيه طافها سن الزواج وماتزوجت كلش ) ولا انج قادرة تتخيلين وضعهم

يعني الريال الكويتي حلاله يتزوج وحده من اي دولة من هالدول وتاخذ الجنسية وتعيش حياتها ككويتيه اما بنت الدييرة اللي اهي كويتيه ابا عن جد تنهضم حقوقها فقط لانها امرأة !!

وبعدين شنو قصدج الحريم ماينعطون ويه ؟؟ الحريم اللي تقصدينهم حبيبتي هذيلا بنات ديرتج وخواتج على ارض هالوطن وبعدين اهم خل يعطونا ويه عشان تقولين ما ننعطى ويه !! مادري والله شقول بس اللي فيه ذرة من الانسانية مستحيل يطلع منه هالحجي

وبما انج معارضة زواج الكويتيه من غير كويتي لانها راح تتعب مستقبلا بما ان مالها حقوق ( وانتي تشوفين ان مالها حق اصلا تطالب بحقوقها ) لان محد طقها على ايدها وقالها تعالي اخذي مو كويتي صح ؟ هذا رااايج ؟
انزين تخيلي لو كويتيه نصيبها انها ماتزوجت , والمرة كبرت خلاص , ومالها الا بيت ابوها وابوها راح برحمة ربه واخوانها اطمعوا بالبيت اللي اهو ورثهم اساسا وقصوا عليها بكلمتين وقالولها نسكنج عندنا وبالاخير ماكو ! بهالحاله شتسوي هالمسكينه ؟
عليها تتحمل هالضيم بس لانها مرة ولانها ماعندها حق السكن مثل الريال !

ماراح ازيد كلام اكثر بهالموضوع لان اللي ايده بالنار مو مثل اللي ايده بالماي وفيه ناس مستحيل تحس الا اذا الله حطاها بهالموقف
وشكرا

 

[miss_lymoona]

ودي اشوف راي باجي البنات الموضوع يرفع الضغط