الى كل من تنوي الزواج بغير كويتي ..والنعم بالكل بس فكري شويا .. او لا تتشكين بعدين ..

[]دنيا الوله]

يعطيج العافيه على هالموضوع بس انا رايي من راي مامي والبدره
اشذنب الكويتيه اذا عنست والكويتي مارضى اييها يعني تقعد طول عمرها عانس؟ وانا الي اعرفه انه هالكويتيات لو تسالينهم راح يقولون لا تجنسون رياييلهم جنسو اعيالهم بس لانه ولائهم ووفائهم للكويت الي انولدو فيها وعاشو طول عمرهم فيها وفي منهم ديرتهم مايعرفونها خير شر او كلش لايتجنسون خل يعاملونهم معامله الخليجيين على الاقل اهم اولى لانهم امهم كويتيه وصدقيني لو عندج احد قريب من اهلج ضرفهم نفس ضروفهم جان رايج تغير
لحد يزعل هذي وجهه نظر

 

[ReMaaas^MLS]

والله الموضوع شوي صعب يرضي الكل بس انا اشوف كل شي قسمه ونصيب واهو صح انه المراه تتبع ريلها بكل شي بس شنو ذنبها اذا ولد ديرتها ما خذاها ظلت عانس ولا تقعد على جبد اهلها ولا اخوانها وحريمهم
انا برأي انهم يعاملون عيالها معامله الخليجي على اقل يعني لا جنسون ريلها بس العيال اذا الله لا يقول الطلقت وتأرملت يعطون جنسيه حق عيالها يعني لو يعطونها نص حقوقها
وانا افضل ولد ديرتي او خليجي اذا ما طق بابي الكويتي لوووووووووووووووووووووووووووووووووول
كل شي قسمه ونصيب ومشكوره عالموضوع

 

[ســــــــــما]

يعطيج العافيه على هالموضوع بس انا رايي من راي مامي والبدره
اشذنب الكويتيه اذا عنست والكويتي مارضى اييها يعني تقعد طول عمرها عانس؟ وانا الي اعرفه انه هالكويتيات لو تسالينهم راح يقولون لا تجنسون رياييلهم جنسو اعيالهم بس لانه ولائهم ووفائهم للكويت الي انولدو فيها وعاشو طول عمرهم فيها وفي منهم ديرتهم مايعرفونها خير شر او كلش لايتجنسون خل يعاملونهم معامله الخليجيين على الاقل اهم اولى لانهم امهم كويتيه وصدقيني لو عندج احد قريب من اهلج ضرفهم نفس ضروفهم جان رايج تغير
لحد يزعل هذي وجهه نظر

خالتي وضعها جذي بس اهيا مطلقه وطليقها مو سائل فيهم خير شر

ومثل ما قلتي ولاءهم يصير للكويت

لكن لو كانت على ذمته خلاص تتبعه

وانا موجهة نصيحتي وكلامي للبنت الصغيره الي الفرص جدامها ، تهد كل شي وتروح اضيق على روحها إيه ليش عاد ؟؟

اما بالنسبه للي كبرت ومحد تقدملها الصراحه ما الومها الله يلوم الي يلومها ..

بس ترضى في الي الله قسمه لها .. هذا قدرها .. مو سهل .. لكن فكري معاي .. اذا كل وحده اخذت غير كويتي جنست عيالها بتصير الديره سمردحـــه .. خلاص اخذت مصري والا سوري والا اماراتي تلتزم في جنسيته ماله داعي تجنسهم بغض النظر عن ولاءهم .. اهما يتبعون ابوهم .. وهذا قدرها ونصيبها .. ولازم تتأقلم في الي الله كتبه لها ..

لان تصير الديره فوضى وكل من هب ودب قال ابي كويتيه علبو عياله ياخذون الجنسيه وكل شي سهالات ..

اذا سهلوا الامور عليهم راح ينتشر هالشي حتى بين البنات الصغار وما يفرق مع الوحده كويتي والا غير كويتي ..

اهما خل يحلون مشكلة البدون علشان يجنسون الغير كويتيين ..

شااااااااكرتلج مرورج :eh_s(7):
وتعليقج على عيني وراسي:eh_s(7):
وشاكرتلج ذوقج وادبج :eh_s(7):

 

[ســــــــــما]

والله الموضوع شوي صعب يرضي الكل بس انا اشوف كل شي قسمه ونصيب واهو صح انه المراه تتبع ريلها بكل شي بس شنو ذنبها اذا ولد ديرتها ما خذاها ظلت عانس ولا تقعد على جبد اهلها ولا اخوانها وحريمهم
انا برأي انهم يعاملون عيالها معامله الخليجي على اقل يعني لا جنسون ريلها بس العيال اذا الله لا يقول الطلقت وتأرملت يعطون جنسيه حق عيالها يعني لو يعطونها نص حقوقها
وانا افضل ولد ديرتي او خليجي اذا ما طق بابي الكويتي لوووووووووووووووووووووووووووووووووول
كل شي قسمه ونصيب ومشكوره عالموضوع

حبوبه الي اعرفه ان عيال المطلقه لهم حق بالجنسيه

شاكرتلج مرورج :eh_s(7):

 

[ســــــــــما]

:hearting:
حبيبتي ...وما نيل المطالب بالتمني ولكن تؤخذ الدنيا غلابا....
صدقيني شحادج على المر مير الامر منه...
تقولين انتي والكلام سهل بس الواقع مر..؟؟؟
شتسوي الكويتيه اللي نصيبها حطها بين واحد مو كويتي عربي والا بدون والا غربي بعد..؟
نصيبها نصيبها الله كاتبلها جذي والحب همن مكتوب مكتوب لها الحب والكره ..
صدقيني وحده اعرفها ما في مثلها بالتشيحط والتعيب والغرور...باخذ ولد فلان انا دكتوره
وباخذ ولد علان انا بنت عايلة
واخرتها خذت بدووون.. يا بنت الحلال النصيب يصيب... ونعرف كلنا انو العيال يتبعوون الاب..
بس اذا الاب مواليد الكويت وما فتح عينه الا بهالديره... يا عمري المشكله عويصه اهيه سياسية اشوفها
لانه ما حطولها حد من السابق ايام الستينات.. خلاص صارت الكويت متداخله الحين..؟؟بخصوص الجنسيه والزواج من غير الكويتي..؟
ورب العالمين الرزاااق من فوووووق للي يكتبله النصيب من اي جنسيه ولا نعترض على حكمته..؟؟
بالذمه انا اشوووفها الحين نفس الشيء.. اذا كويتي متزوج فلبينيه .. والا كويتيه ماخذه فلبيني...؟
يار بي ماكو فرق كلنا نكش لمن نشوف هالموقف مادري ليش...؟بس الكويتيه اهيه مراه ولازم ومواطنه لها حقوق وعليها واجبات
واحنا ديرة خير لازم توقف الحكومه معاها مهما يكون .. شنو ذنب العانس اللي تاخذ مو كويتي او المطلقه اللي مرمرها الكويتي ويابلها الظيم وخذت عراقي او بدووون وارتاحت معاه على سنة الله ورسوله نحكم عليها بالاعدام...؟؟؟
والله اللي ايده بالنار مو مثل اللي ايده بالعسل يا عسووووله...
ولحد يزعل وجهة نظر.....؟؟))
احبكم :edbf4317b9:

كلامج صح وانا معاج

لكن ليش ما نشوف الشرع شنو يقول

الشرع يقول ان العيال يتبعون الاب

خلاص نتقبل هالفكره مهما كانت صعوبتها

لان اذا كل وحده بتجنس عيالها ترا والله بتعم الفوضى ويختلط الحابل بالنابل

شاكرتلج مرورج حبوبه

 

[ScarletteO'Hara]

يا ناس
احنا مو معترضين على القسمة و النصيب
يعني كاهي الي اخذت الكويتي قاعدة بالكويت مع ريلها
جان سحبت ريهال الكويتي حق ديرتها
ولا عشان الكويت ديره خير لازم الكل يستفيد منها حتى لو ما يستاهل؟
خلاص الي خذت واحد مو كويتي تروح ديرته مثل الفلبينية الي هدت ديرتها عشان زوجها الكويتي
احنا مو ناقصين ان مجتمعنا يصير مكنتوش
على قولتكم
الشعر اشقر و مفلفل و العيون خضر و كويتي!!!
مو لايق
صج ان عيال الكويتي ممكن يكونون جذي
بس كله بموجب القانون
العيال يتبعون ابوهم
عمرهم ما تبعوا امهم
الام ما عندها علاوة زوجية, ولا بدل ايجار, ولا زيادة العيال
مو معقوله تبي هذي الشياء
انا اقول ما يطالبون فيها الي متزوجين مو كويتيين من باب اولى ان احنا الكويتيات الي رياييلنا كويتيين ان احنا نتمتع بهذي الحقوق
عشان خير الكويت ما يطلع برا

 

[*مارلين_مونرو*]

الصراحه انا أأيد كلامج واللي قلتيه كله صـــــــح !!

وانا استغرب على اللويه اللي مسوينها على هالموضوع !! يعني انا اشوف انه موضوع بديهي و ما يحتاج هالضجه اللي عليه !!

بعد الحكومة مو متكلفه بعيال الغريب عندهم ديرتهم تتكفل فيهم !! و الحمدلله عندنا ناس فاهمين الدنيا وعارفين امورها .. والله يكثر من امثالج و يكثر من فكرج الصحيح 100%

 

[farawla_q80ia]

انا معاي وحده بالدوام كويتية متزوجة مصري تقول ريلها راافض ان عيالها يتكلمون كويتي تماما يقول يفشلوني اذا رحت مصر شلون بيكلمون عمامهم وعماتهم شرايكم بهالمنطق

 

[نونيا]

معاج 100%

 

[^kloOot^]

صح كلامج
بتصير الكويت بدون هويه

انا معاااااااااااااج :bbbiu:

 

[ســــــــــما]

انا معاي وحده بالدوام كويتية متزوجة مصري تقول ريلها راافض ان عيالها يتكلمون كويتي تماما يقول يفشلوني اذا رحت مصر شلون بيكلمون عمامهم وعماتهم شرايكم بهالمنطق

معاه حق

مثل ما احنا نطنز على الكويتيين الي امهاتهم مو كويتيات لما يتكلمون بلهجة امهم

هذا شي زين معناته ان معتز بهويته

 

[miss_lymoona]

انا الصراحه مايعجبني قانونا كلش في ظلم للمرأه
المرأه من حقها تتزوج الي تبيه
يعني اذا نصيبها من غير كويتي اشذنبها تنظلم

الصراحه مافي عداله بالموضوع

الريال يتزوج فلبينيه او سيلانيه وتتجنس تصير كويتيه ونص البيت لها

والمرأه اذا تزوجت مصري او اي جنسيه مالها اي حق الصراحه هذا ظلم

 

[miss_lymoona]

حده ظلم !!

واللي تقول اذا جذي الكويت تصير بدون هويه ..

يعني اذا الكويت حضنت عيال الكويتيه ..تصير بدون هويه ؟

يالله على ايام الرسول ..ماكان فيه كويتي هندي سعودي ...

اهو اللي اخى بين المهاجرين والانصار ...والاوس والخزرج ..

والحين نشوف ردود تطالب بمفارقتهم ...

المفروض تتكفل فيهم مثل ما تكفل المهاجرين بالانصار والعكس صحيح

انا معاج يعني يمكن وحده تاخت بالزواج وحبت لبناني على يوم وتبي تتزوجه ليش تنظلم

اصلا اغلب عيال الكويتيات المتزوجين غير كويتين يتكلمون كويتي وعيشتهم عيشه كويتين

وخوالهم واهلم كويتين حرام الظلم

 

[دراما كوين]

اول شي اتحدااااكم اتييبون لي عيال كويتيه ما يتحجون كويتييييييييييييي ,, والله اعرف ايرانييين ما يعرفون ولا كلمه ايرانيه وحجيهم احسن مني ومنجج

وتعالوا شوفوا عيال الاجنبيه اللي ماخذه كويني شوووف البدليات عدد وخربططط,,
انا اقولها بالفم المليان عيال الكويتيه ما يفرقون بالوطنيه ولا بحب الديره عن الكويتين
اللي بقوووله ان زواج الكويتيه من غير كويتي ماراح يخرب التركيبه السكانيه بالعكس عيالها مواطنين نفس غييرهم ,,, والحيين الكووويت خيييرها ماشاء الله بكل مكااان وقفت على هالكويتيه المسكينه وعيالها؟؟؟؟؟؟
انا ما اطالب اني اجنس زوجها ,, بس حرام عيالها لانه والله العظيم لو تعرفون كويتيه متزوجه اجنبي لو تشوفون عيالها والله ينكسر خاطركم عليهم معتبرين نفسهم كويتيين بس للاسف محد معترف فيهم بهالديره حالهم حال الوافد واحد يعني هم حراام لازم شويه مميزات لهم

وبعدين انتو تدرون انه في قانون انه عيال الكويتيه المطلقه او الارمله يستحقون الجنسيه؟؟ تدرون ان هذا حق كفله لهم الدستور؟؟؟ بس للاسف هالحق مو قاعدين ياخذونه الا بالواسطه والمنه


انا الصراحه اطالب بتجنيس عيال الكويتيه مو الزووج بس العيال,,,واللي يقولون ان هالشي رح يفتح علينا باب انه الاجنبي ياخذ كويتيه علشان يستفيد من الامتيازات انا اقول انه يحطون شروووط وقوانين لهالموضوع ,,,, انه مثلا الابناء ما يتجنسوون الا بعد عشرين سنه مثلا من ولادتهم واهو الوقت اللي يكونون فيه فعلا بحاجه لهالجنسيه ,,, ومو معقوله احد يتزوج كويتيه وينطر 20 سنه والله علشان طمعان فيها وبجنسيتها

 

[miss_lymoona]

اي والله صح كلامج يقولون ماانجنس ولد الكويتيه الا اذا مات او تطلقت منه
والله حرام يعني لازم يتيتمون عشان ياخذون الجنسيه استغفر الله
لا واعرف وحده ابوها طلق امها وصارلهم الحين 5 سنين ماخذوا الجنسيه
اخر شي سمعته يقولون اللي اصغر من 18 انعامله معاملة كويتي بس
يعني مايدفع دينار حق مستوصف وياخذ اعانه وجذي
والله حاله كل هذا ظلم للمرأه
انشالله ناخذ حقوقنا
والله حرام كويتيه تنذل بدولتها

 

[*peace*]

واعرف وحده متزوجه مصري لهااا 20 سنه وبعد ما شبع هالشخص وجمع فلوس وصار تاجر بمصر عمارات ومحلات طنشهاا هي وعيالهاا واخذ له مصريه كبر بنته واستقر بديرته ويقول لعياله تبون تعالوا عيشوا معاي ما تبون كيفكم طبعا العيال ارتحوا اهني بالديره وهوووو عايش الحين ولا يدري عنهم... طبعا حتى في كويتين جذي يتزوجون مره ومرتين واعبر بعد.. بس انا اتكلم اللي تاخذ غير كويتي.. محشومين اهل مصر بس في شواذ.. وحتى الكويتين اللي يدرسون برا والا يشتغلون وطلعهم المحامي عبدالجليل عنده ظرف قاعد مصر تزوج له مصريه ولمن رد الكويت تزوج من اهل ديرته ونسهااا ونسى عيااااااااااااله.... ياريت تكووونووون فهمتوو وجهة نظري

اي والله صااااااااااااااجه شكثر مرت علي قصص جذي وااااااااااايد

وانا مع الاخت سما حرف حرف جلمه جلمه

 

[miss_lymoona]

الصراحه ماتعجبني ردود بعض البنات
كل وحده فيكم خل تحط روحها مكان الكويتيه اللي متزوجه بدون او لبناني او سوري
والله حرام الاطفال يضيع مستقبلهم
يعني ولد الفلبينيه والسيلانيه اولى من ولد الكويتيه ماعتقد انتوا تشوفون جذي
بس هذا صج ظلم
بس انشالله المرأه الكويتيه تاخذ حقوقها بكل شي
صج موشرط يصير اهو كويتي مانبيه يتجنس
نبي العيال يتجنسون حالهم حال امهم
بس ماالوم الحكومه على ظلمهم اذا انتوا بنات الديره وبنات حواء
واقفين ضد خواتكم الكويتيات المساكين
الله كريم

 

[*g!vnchy]

كلام منطقي ..اكييد العيال تابعين لأبوهم وحاملين اسمه يعن مايصير
الابو مصري ..والعيال كويتين !!شي عجيب

 

[miss_lymoona]

كلام منطقي ..اكييد العيال تابعين لأبوهم وحاملين اسمه يعن مايصير
الابو مصري ..والعيال كويتين !!شي عجيب

صج والله؟ وطبيعي الام تكون مصريه او هنديه عيالها يكونون كويتين سبحان الله اشهالظلم
والانانيه فيكم
شوفوا امريكا من احسن الثقافات الامريكيه تقدر اتجنس ولدها وزوجها بعد
بس هني ظلم موطبيعي للمرأه

 

[++The DuchesS++]

انا ايدج اذا خذت جنسيه غير خليجيه
بس اذا متزوجه سعودي او بدون
يعني منها وفيها ومن ثوبها
والكويتي اذا تزوج عراقيه عطوها جنسيه
وتتعمد تتكلم عراقي بحت تحرنا
يعني الكويتي ياخذ بدل اجار واهو ببيت اهله واهو وزوجته يشتغلون
ومو ملحقين على المصاريف على الكويتيه شنو تقول
خو الحين وظايف البدون معاشاتهم اذا كثرت 150 دينار شنو تسوي
انا اقول المفروض يعطون الكويتيه المتزوجه من خليجي او بدون كامل حقوقها
حالها حال الكويتي يرز العراقيه والفلبينيه خل الكويتيه بعد ترز عيالها وزوجها
ما فيها شي
خو محد ماخذ من جيب احد كلن ماخذ حقوقه