استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

الاخت
some one waw
الحاله الوحيده اللي يكون الحل الوحيد اهو انه ناخذ عظم من الفك و ما تنفع البودره اهي لما يكون طول العظم موكافي للزراعه..
اما باقي الحالات (نقص في العرض) ف الدراسات اثبتت انه البودره ممتازه و على المدى البعيد..
اذا الدكتور متمكن من العمليه انشالله تكون بسييطه
بس هالله هالله بالتعليمات بعد العمليه

 

[د/ بدر حسين كرم]

الاخت
تكفيني الذكرى.
اللي يشتكي من صفار الاسنان ننصحه بالتبييض
التبييض يسبب حساسيه قد تستمر اسبوع او بالكثير اسبوعين وتروح
جهاز السفاير اهو احدث و اامن جهاز لاننه بارد و مايسبب حساسيه
راءحه الفم اما تكون من المعده او جير او اللسان (غالبا اللسان) وبعدين نستخدم مضمضات
oxyfresh ممتاازه حق هالحالات
المعاجين كلهم زينين الاهم التنويع
تراجع اللثه مالها حل اساااسا الا في حالات معينه قد تنفع الجراحه (زراعه لثثه)
لوول وصفه التوست ماسمعت فيها والله

 

[د/ بدر حسين كرم]

الاخت
Retaj111
تفرق اسنان الاطفال شي طبيعي ومو شرط اننه يحتاج تقويم بالمستقبل
وحتى اما تطلع الاسنان الدايمه داءما تكون مفررقه وبعدين ممكن تتعدل
عشان جذي دكاتره التقويم ما ينصحون بالتقويم قبل 12 سنه الاا في حاله وجود خلل في نمو الفك
اما صففه الاسنان نحكم عليها بعد 12 سنه

 

[..~Goolz]

شكرا دكتور ع ردك ..
هذا الغسول الي تقصده ؟

 

[د/ بدر حسين كرم]

الاخت تكفيني الذكرى.
ماشالله
اي نعم لوول

 

[ASOMA]

دكتور انا عمري 16 وحابه اركب تقويم لأن اسناني اللي تحت مو يم بعض كل واحد بصوب مادري شلون اشرح

يعني مو كلهم صفه وحده وغير هاذا عندي لثتي سوده شوي ونازله يعني لما ابتسم ولا اضحك تطلع لثتي مافي علاج للثه

وانا مابي لما اضحك لثتي تطلع

وبالنسبه للتقويم اللي مثل حالتي كم ياخذ لين اشيله

وهل في الم لما اركب التقويم

ومشكوووور

 

[bedo]

مرحبا دكتور

حبيت اسال قبل كم يوم رحت لدكتور و قالي ان فكي بحاجة لتطعيم عظمي لكامل فكي العلوي
بس ودي اعرف كم نسبة نجاحها للفك العلوي و ايش الافضل اخذ العظم من الفخذ او الاضلاع
و كم ينحمل هذا العظم من زرعة لكامل الفك العلوي
وهل فيه امكانية اني اسوي عمليه التطعيم العظمي و تقديم الفك العلوي وترجيع الفك السفلي بنفس الوقت
وبعد كم شهر اسوي الزراعه ؟

الصراحه متازمة من هالوضع و احس اني مشوشه ..

شكرا ..

 

[aldanaha]

بغيت عنونا عيادتكم وارقام تلفوناتكم يزاك خير

 

[د/ بدر حسين كرم]

الاختĀŚỘḿă
مده التقويم ماقدر اقرها من غير فحص
ولاتخافين اهو ما يالم
وبعد ماتخلصين تقويم نقص اللثه بعمليه بصسسطه ونخليها ورديه
فلما تظحكين ماتبين

 

[د/ بدر حسين كرم]

الاختbedo
موضوع الزراعه شي و تقديم الفك شي ثاني؟؟!!
عموما
اذا كان عندج الفك السفلي مجدم ودكتور التقويم قالج لازم عمليه
فهذي عمليه مو سهله بسس في دكاتره واايد شططار فيها و متمكنين منها
اما الزراعه فعندج كذا حل
اذا الاسنان اللي شايلتهم شويه...ممكن (اقول ممكن) انه دكتور التقويم يسككر المسافات فما تحتاجين زراعه
اما اذا كان ما يقدر ..وانتي محتاجه الزراعه والفك مافي طول كافي للزراعه فلازم ياخذ عظم من الفك او الجسم ( حسب الكميه المطلوبه)
اذا تبين تفاصيل اكثر زوري موقع د يوسف الشهاب على
www.dentallounge.ws

 

[د/ بدر حسين كرم]

الاختaldanaha
تلفونات العياده
2269431/2/3
من بعد الساعه 2 ظهرا الى 9 مساء
وعن قريب انشالله راح نفتح الصبح
وحياج الله

 

[pink banana]

السلام عليكم
دكتور بنتي بتكمل ٨ شهور بعد جم يوم واحس طالعلها ناب لان في بروز ابيض بس وايد مرتفع جنة خراج
مادري محتارة في احد يطلعلة النب اول شي ؟؟؟؟
للعلم انه ما ضرست ليلحين

 

[طرد السراب]

السلام عليكم دكتور
ولدي عمره سنتين و9 اشهر طاح ع فمه وصار فيه حركة بالقاطع اللي فوق بس بدون كسر لله الحمد وقال الدكتور احتمال يصبح لون السن اسود هل هذا صحيح؟

 

[د/ بدر حسين كرم]

الاختpink banana
ما اتوقع انه الناب بس الافضل تروحين حق دكتور عشان يفحصه
والله يحفظها انشالله

 

[د/ بدر حسين كرم]

الاخت طرد السراب
في حاله اننه السن تعرض لكدمه (مثل ماصار حق ناب ولدج الله يحفظه) احيانا يموت العصب مال السن وفي هالحاله لازم ينفحص قبل لايسود ويموت بشكل كامل.. واذا تبين من الفحص انه السن ميت لازم يتعالج العصب علاج كامل عشان لايصير فيه التهابات وخراج

 

[Vitch]

مرحبا دكتور

انا كنت مركبه تقويم بـ2003 وشلته بعد 3 سنين يعني صارلي 5 سنين من شلت التقويم وحالتي انه الناب عندي كان راد ورا داخل الفم والحين ردت اسناني نفس ماكانوا سؤالي اهوا هل يصير اركب تقويم مره ثانيه ؟ وهل فيه ضرر على اسناني ؟

 

[ياحُبِي لِلكويت]

مرحبا دكتور يعطيك العافيه انا شلت التقويم ووالحين حطلي المتحرك شنو الأفضل .؟؟

,,,

انا عطاني الدكتور الشفااف بس ماتقبلته يضايق مع ان اول يووم استعمله

​

 

[د/ بدر حسين كرم]

الاختVitch
انشالله مافي ضرر انج تركبين تقويم مره ثانيه بس المهم انج تستخدمين المتحرك عدل عشان لاتغلطين نفس الغلطه
او قولي حق الدكتور يركبلج ثابت

 

[د/ بدر حسين كرم]

الاختي احُبِي لِلكويت
طبيعي اننج ماتتقبلين الرتينير سواء كان العادي او الشفاف او حتى الثابت
لازم تحاولين لين تتعودين عليه
والا غالبا راح ترد اسنانج مثل اول (وكانك يازيد ماغزيت)

 

[ياحُبِي لِلكويت]

الاختي احُبِي لِلكويت
طبيعي اننج ماتتقبلين الرتينير سواء كان العادي او الشفاف او حتى الثابت
لازم تحاولين لين تتعودين عليه
والا غالبا راح ترد اسنانج مثل اول (وكانك يازيد ماغزيت)

طيب شنو افضل ؟؟ اي نوع انا عطاني الرتينير الشفاف :eh_s(22): وشكراا لردك :eh_s(17):