استضافة الدكتور بدر حسين كرم ..تخصص طب وجراحة الاسنان

[NaaNoo87]

يعطيك الصحه والعافيع

 

[رنوش العنيده]

مرحبا

 

[q8ihome]

عفوا دكتور ابني عمره 5 سنوات معوق اعاقه كامله وامسوي عمليه بيبي شنت واعتقد لنقص الكالسيوم كل الاسنان بالفك الاعلى فقط كلهم مسوسه ومأكوله والبعض فيها خراج دم وكلها دون تاج . بشنو تنصحني . لو ببنج عام ويتم تأهيل كل الاسنان وتضبيطهم .......زز لا اعرف شنو رايك انت ؟

 

[فيۉنڪًہ فوشيهـ]

السـلام عليكم
حبيت اسالك؟؟
انا كنت مركبه تقويم قبل اربع سنــوات وضبطوو اسناني واهملت التقويم المتحرك وردو اسناني يتحركوون وتصير فتحات بين الاسنان
والحين حاليا رجعت ركبت تقويـم للمره الثااانيه من فوق بــس لانوو من تحت اوكيه
سؤالي هو اني ان شاء الله بعد5 شهور راح انزل التقويـــم بس ماابي احط التقويم المتحرك ابي احط الحديده الي تجي من خلف الاسنان ايش رايك فيه وهل تنصحنيي فيها بالنسبه للحالتي؟؟.. والشي الثاني اني حاااابــه ابرد اسناني الاماميه الي من فووووق بعد ما انزل التقويم؟؟؟
وهذاي صوره للحديده الي خلف الاسنان بس الصوره الي هنا من تحت بس انا ابيه من فووق

ويعطيك الف عاااافيــه

 

[د/ بدر حسين كرم]

الاخت q8ihome يعطيج العافية.
بنسبة لموضوع ولدج اذا كانت الإعاقة ذهنية و جسدية ، و لديه تسوسات عديدة فلافضل انه يتعالج تحت البنج العام او التخدير الواعي. لكن لازم يتعالج في مستشفى تحت إشراف طاقم طبي و دكتور تخدير.*

 

[غـلآوي ّ ~]

مرحـبآ دكتور .. ابي اعرف رايك بـمعجون الاسنان هذا

 

[حلفت عℳري*ｼ]

السلام عليكم دكتور
انتو تستقبلون لي اي عمر
ادري انة سؤال خارج الطب بس ممكن اعرف

 

[حلفت عℳري*ｼ]

مشكور مقدما دكتور

 

[aldanaha]

السلام عليكم دكتور دكتور عندي ضرسي طاح الرابع على اليمين وابي اركب
وانا حامل وصراحه ماتحمل 9 شهور انتظر
متى اقدر اركب ضرس وانا حاليا بالشهر الثاني
ارجوك ساعدني

 

[د/ بدر حسين كرم]

الاخت فيۉنڪًہ فوشيهـ
السلام عليكم
في اغلب الحالات الدكتور يخير المريض بين الثابت و المتحرك ويخذ بعين الاعتبار راي المريض... طلبي من دكتورج الثابت لما تخلصين و انشالله ما يمانع خصوصا لما يدري انج اهملتيه من قبل ( بالنهايه دكتور التقويم رايه اهم)

اما برد الاسنان فينفع اذا كان في حدود طبقه المينا (الطبقه الاولى) اما اذا كان اكثر فممكن يسبب حساسيه.
واسف عالتاخير

 

[د/ بدر حسين كرم]

الاخت غـلآوي ّ ~
المعجون ممتاز خصوصا لحالات الرائحه الكريهه

 

[د/ بدر حسين كرم]

الاخت الورد الحزين
السلام عليكم
احنا نستقبل جميع الاعمار
واصغر طفل الله يحفضه ويخليه لهله مرنه كان عمره 8 شهور تقريبا واستمتعنا جدا
والزيارات بهالاعمار تكون ارشاديه وتوعويه *

 

[د/ بدر حسين كرم]

الاخت aldanaha
علميا ووفق آخر التوصيات العالميه مافي مانع من علاج الحامل للاسنان
بل بالعكس،،، لازم علي الحامل (وخصوصا متكرره الحمل) وراجعه طبيب الاسنان 3 مرات عالاقل اثناء الحمل للتنظيف (الاسنان واللثه)
امما العلاجات التجميليه و التكميليه فيفضل بعد الولاده
بالنسبه لج اختي ،،، علميا مافي اي مانع من الزراعه لااااكن يفضل بعد الولاده
والله يسهل عليج انشالله

 

[نـ(المطيري)ـازكـ]

دكتور حابه اسأل

انا سويت عصب عند دكتور خاص بعدها رحت للحكمومة عشان البس السن

بس الدكتورة اللي كانت تبي تلبس لي السن بالخاص عصبت ومارضت تسويلي تقولي ان الماده اللي حاطها مكان

العصب فاضية بالنص !! مع العلم انها كان تبي تحولني للعصب ع اساس يشيلون الحشوه ويردون يحطون الماده بس انا رفضت

قلت لها برد لدكتور الخاص ..

ويوم رديت للدكتور الخاص قالي هذي مخفية ماتبين بالاشعه !! واذا مو مصدقتني روحي لاي دكتور واستفسري عندة !!

 

[د/ بدر حسين كرم]

الاخت نـ(المطيري)ـازكـ
حشوت العصب مستحيييييييل تكون مخفيه لاننه اذاكانت مخفيه شلوون نعرف انه الحشوه زيينه والا لا وشلون نعرف انها ما عدت بره العصب وشلون نعرف انه مو قصيره؟؟؟؟!!! مستحيييل

اما اذا كان قصدج الوتد!! اللي ينحط بعد مانشووف بعيوننه انه العصب زيين.... اي
اقصد اننه الوتد قد يكون غير مرئي احيانا (بعض الانواع مننه)
بالضبط ماقدر اقول شنو وضعج لاننه لازم اشوف الاشععه.....
عالعموم العصب بالحكومه زينيين...و احسن من 99 بالميه من العيادات الخاصه....راجعيهم واخذي تقرير منهم
او يبيلي الاشعه واكتبلج التقرير

ومالف لاباس انشالله

 

[نـ(المطيري)ـازكـ]

دكتور الماده المخفيه مكان العصب اللي شايلينه
واهو سوالي العصب بضرسين من الطواحن وكلهم مسويهم نفس ألطريقه
والتقرير شاسوي فيه ؟؟
لان الدكتوره كتبتلي يورقه عاديه ورقه وصفات الدواء ًً(عن حالت الضرسين) ووديته للدكتور عصب ويقولي هالماده مخفيه ماتبين بالاشعه
وروحي لأي دكتور اذا قالج غير هالحجي أنا اسويهم لج <<< اصىلا كان يصرفني لان عنده مريض
قالي أهي دزتج لان مالها خلق تشتغل

 

[om-a7madeno]

السلام عليكم دكتور يعطيك العافيه

دكتور ولدي عمره 3 سنين و شهرين اسنانه اللي فوق تقريبا 6اسنان متكونه عليهم طبقه تقريبا نفس الكلس مع اني افرس اسنانه و مع الاكل تصير هالطبقه صفره مضايقتني وايد و احسه توه صغير على طبيب الاسنان في طريقه انشيلهم له و هل هالطريقه تعور الطفل. و اليوم لاحظت انه الطبقه صايره عالاسنان من ورا بعد وايد قعد احاتي بليز يرجى الرد اذا اوكي عشان اييك العياده و قواك الله

 

[عضـــــوه]

السلام عليكم

دكتور الله يعطيك العافيه

ولدي عمره سنه طاح الله يحفظه من الدرج والحمدلله اشعة الراس والفك سليمه

بسسسسسسس

كان عنده ثلاث اسنان تحت وانكسر ناب والاثنين الباجي الدكتور يقول ردوا ادخلوا وباجر موعده واحاتي

شنو عندكم حل بعايدتكم حق مثل حالته واشلون بتطلع اسنانه ولا راح يظل جذي ؟!؟؟!؟؟؟؟؟؟؟؟؟؟

طمن قلبي دكتور ذبحني التفكيييييييييير *

الف شكر مقدماً

 

[د/ بدر حسين كرم]

الاخت om-a7madeno
السلام عليكم
ولدج الله يحفظه عمره 3 سنين و بهالعمر مايكون فيه جيير
الطبقه هذي غالبا تكون سوس من الحليب
والحل انه يتنظف عند طبيب و تنحشي الاسنان
وآسف عالتاخير

 

[د/ بدر حسين كرم]

الاخت عضـــــوه
السلام عليكم
حالات دخول الاسنان داخل غالبا نتابعها فقط ( اذا ماكان فيه التهاب او كسر)
ولاتحاتين انشالله مافيه الا العافيه
والله يحفظه