استضافة الدكتور بدر حسين كرم ..تخصص طب وجراحة الاسنان

[dawkinsya]

هاي مشكور دكتور على وجودك بالمنتدى

انا ودي اطول اسناني الاثنين الي جدام اسناني صغير بس سمعت ان يصير اسوي حشوه او شي اخلي الاثنين الي جدام اطول ؟ صج هالشي ممكن ؟؟ تجميلي صح ؟

وشكرا

 

[د/ بدر حسين كرم]

الاختdawkinsya
السلام عليكم
اي نعم ،، ممكن تطولين اسنانج اللي جدام بحشوات تجميليه او تلبيسات القشره او التلبيس الكامل

اذا حابه تعرفين تفاصيل زياده انصحج تتواصلين مع د يوسف الشهاب على موقع
www.dentallounge.ws
وحياج الله

 

[كنز الوفا]

الله يعطيك العافيه دكتور

أنا قبل فتره سألت عن ألم في أحد أسناني فيه حشوه والله يجزاك خير ماقصرت بالإجابه

فراجعت الطبيب وعالج لي العصب وتبين له إن في إحتقان شديد جدا جدا جدا بالسن

فما عليك أمر بغيت أعرف شنو معنى إحتقان السن ؟ وشنو أسبابه ؟

دكتور كم مره بالسنه تنصحنا نسوي تنظيف للاسنان ؟

وهل تنظيف الأسنان نفس تنظيف اللثه ؟

شنو تنصحني أستخدم لتقويه المينا ؟


والله يعطيك العافيه وإعذرني على كثره الاسئله

 

[د/ بدر حسين كرم]

الاخت
كنز الوفا
السلام عليكم
اغلب حالات الاحتقان تحصل لما يكون فيه حشوه قريبه من العصب او لما يكون التسوس عميق... يقوم الجسم بالدفاع عن نفسه عن طريق افراز كرات دم بيضه في عصب السن.. يشعر المريض اننه في نبض والم في السن (كمرحله اولى)..
ويكون علاجه سحب العصب....
والاحتقان اختي اهو مو مرض ... اهو يعتبر احد مؤشرات التهاب العصب (اقصد انه لما يلتهب العصب والدكتور يسحب العصب يلاقي السن محتقن)
it is clinical finding NOT disease

تنظيف الاسنان اهو نفسه تنظيف اللثه و ينصح فيه مره كل 3 الى 6 شهور (يعني من 2 الى 4 مرات بالسنه)
وكل عام وانتي بخير

 

[dawkinsya]

مشكور دكتور جاري زيارة الموقع

 

[om-a7madeno]

الاخت om-a7madeno
السلام عليكم
ولدج الله يحفظه عمره 3 سنين و بهالعمر مايكون فيه جيير
الطبقه هذي غالبا تكون سوس من الحليب
والحل انه يتنظف عند طبيب و تنحشي الاسنان
وآسف عالتاخير

يعطيك العافيه دكتور
زين دكتور بسنه 3 سنوات عادي اييبه طبيب الاسنان و نسوي له التنظيف و الحشوات و السوال الثاني يعور الطفل التنظيف و الحشوه و شكرا

 

[كنز الوفا]

وعليكم السلام ورحمه الله وبركاته
الله يعطيك العافيه دكتور وماقصرت
وانت بخير وصحه وسلامه

 

[د/ بدر حسين كرم]

الاخت Om-a7medano
أكيد عادي، ينصح ان تكون اول زيارة لطبيب الأسنان عند عمر السنة، مو بل ضرورة عشان نسوي شي، بس عشان نتابع مع الأهل طرق المحافظة على الأسنان و الاشياء الي لازم الأهل يسونها بهل عمر . لكن اذا تأخر الموعد لي بعد عمر السنة ضروري ان نحضر الطفل قبل لا يكون فيه الم الأسنان .
و انشالله ماكو عوار بس ضروري انه نييبه قبل لا يكون فيه عوار لأن اذا فيه عوار معناته ان التسوس قريب من العصب و هذا يحتاج الي تدخل فوري مما يجعل الطفل يربط الألم بزيارته للطبيب و هذا من مسببات الخوف من الأسنان عند الاطفال.

 

[د/ بدر حسين كرم]

حياج الله اخت كنز الوفا

 

[fatomm]

يعطييج العافيه بنت الكوويت
والدكتور بدر حسين ماراح يقصر
والله مآعندي سؤؤال حاليآ بس اكييد لي عوده

يعطيجى العافيه
الوحده الكويتية الألمانيه عن الزياره ال 28 للدكتوره مهرى مهراد
أخصائية جراحة الكلى و المسالك البولية و السلس البولى
و ذلك بمركز الجارالله الألمانى التخصصى الطبى


لمزيد من المعلومات يرجى الاتصال بالرقم

ت/ 22655888

22644888 و داخلى 6944

العنوان : حولى , ش القاهره مع تقاطع الدائرى الثالث

 

[D A N A]

السلام دكتور
عندي ولدي عمره سنه وثلاث اشهر اسنانه الي جدام احس عليهم طبقه لونها مائل للصفار من شنو
ولما أفرك اسنانه بالكلنكس تطلع طبقه صفره
وبصراحه أنا مو كل يوم افرش اسنانه
واذا فرشتهم افرشهم بفرشه ناعمه ومعجون كريست على فراوله مال اليهال

شلون أوخر هالطبقه؟

 

[D A N A]

وعندي بنتي بعد عمرها ثلاث سنين وعشر اشهر أهي أسنانها الإماميه فيهم فجه بالنص من المصاصه مو لازقين فبعض
بس الحين ماتمص المصاصه من سنتين تقريبا بس اختربو من المصاصه صار فيهم فجه
المشكله ان الضرسين الي جدام مسوسين شوي وفيهم حفره صغيره شلون تتضبط أسنانها ولا مايصير

 

[د/ بدر حسين كرم]

اختي Dana ، يعطيج العافية
بلنسبة حق ولدج الله يحفظه الحين اهو الوقت المناسب لقطع رضعة الحليب عند النوم، و هذي أهي السبب الرئيسي لتسوس الأسنان المبكره. و انصحج انج تنظفين اسنانه بمسحهم بقطعه شاش مبللة مع نقطة معجون. وان نقطع الحليب عند النوم واذا ما قدرتي بدلي الحليب بلماي.
اما بنسبة لبنتج فالأفضل انج تعالجين أسنانها بأقرب وقت قبل ما التسوس يزيد و تحس بالم

 

[غرور بنت]

دكتور انا مركبه تقويم وتو بدت تطلع ضروس العقل وانا المفروض اشيل التقويم الحين بس احس ان اسنان تقدمة شوي تنصحني اخلي التقويم لين يكتمل خروج جميع الضروس العقل ولا اشيله التقويم

 

[**ليمونه**]

دكتور .....ولدي معاه تسوس عمره اربع سنوات
في ضرس طايح من الجوانب ولكن اشوف فقط لون بني فاتح .....وهذا الضرس كذا مره ينتفخ وجه من عند الضرس ويعوره فاستخدم بخاخ ....

هو يفرش اسنانه بس توه ملتزم ....اتوقع عنده نقص كالسيوم ....ولدي معناة معناة بس لما اقول خلني اشوف اسنانك .....

شلون اراجع الحكومة .....هل المستوصف ام علطول المستشفى .....هل سيتم خلع الضرس مباشرة ام طلب اشعة ....

 

[some one waw]

دكتور انا ان شاالله بزرع عظام الفك عشان اقدر ازرع اسنان ( لان لثتي ضامرة ماتستحمل ) شنو مدى خطورة العملية والالم حدي خااايفة

وليش ما فكر الدكتور بالعظم الصناعي (البودرة ) ليش اختار الكتور ياخذ جزء من عظم اخر الفك (عمليتي بعد شهر ان شاالله )

 

[..~Goolz]

دكتور عندي جم سؤال ..

شرايج بتبيض الاسنان ؟واي نوع اخف وامن للاسناااان ؟وهل له اثار جانبيه ؟

افضل غسول للفم وراحة الفم الكريهه؟ومعجووون اسنان ؟

هل تقدم الثـــه لها حل غير الجراحه ؟

وهل الطب البديل ف تبيض الاسنان نافع مثل حرق توسته مع عسل ؟


اسفه ع كثر الاسئله ..

 

[Retaj111]

السلام عليكم دكتوره انا ولدي عمره 2 وخمس شهور ولدي اسنانه متفرقه عن بعضها هل اهو طبيعي ولا مع الايام راح يستعدل؟؟​

 

[د/ بدر حسين كرم]

الاخت
غرور بنت
موضوع اسنان العقل مختلف فيه
اغلب الدراسات الحديثه تقول اننه ماياثر علي تزاحم الاسنان!!! ادري انه مومقنع بس هذا الراي القوي خصوصا مع استخدام التقويم المتحرك بانتظااااام..
وهذا اهم شي لانج اذا ما استخدمتيه بانتظام اسنانج راح ترد مثل اول
واذا ضروس العقل لهم مكان وطالعين عدل لاتشيلينهم

 

[د/ بدر حسين كرم]

الاخت
**ليمونه**
انتفاخ الوجه له سببين رايسين
1) حساسيه : من غير الم
2) خراج : وفي عالحاله نصور اشعه ونفحص السن فاما نسويله علاج عصب او ينشال
اما البخاخ والمسكنات فهاذي حلوول مؤقته وليست علاج.
راجعي المستوصف اولا وهم بعالجونه او يحولونج لمركز حكومي