استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

الاخت ياحُبِي لِلكويت
كلهم يؤدون نفس الغرض
بس الاهم انج تلتزمين بتعليمات دكتور التقويم

وسلامات انشالله

 

[حصوص الكويتية]

بنتي عمرها. عشر سنوات وأسنانها مفرقة متي اسويلها. تقويم.

علما انها. وراها. مدرسة ويتروح. متوسط. أخاف بأجر البنات. يعيبون. عليها. وتاثر علي نفسيتها. لأني ودينها. المستوصف. وقال. موالحين لازم لما تعدي عمر 18

وانا اشوف. وايد. حيل وبعيد

بلييز دكتور شنو تنصحني فيه. نا. طره. ردك. وشكرااااا. لك.

 

[ليمونة79]

[السلام عليكم دكتور آنا ولدي عمره 4 سنوات و4 شهور أسنانه السفلية بدت تتحرك بالعامية تتقلقل هل هذا الشي طبيعي ؟ ويعطيك الف عافيةCOLOR="Magenta"][/COLOR][/color]

 

[د/ بدر حسين كرم]

السلام عليكم
الاخت حصوص الكويتية
بالنسبه حق التقويم بشكل عام يفضل بعد 18 سنه
لكن حالات معينه مثل بروز الفك او اي عيب في النمو يفضل تدخل التقويم بعمر مبكر
اما تفرق الاسنان ف ممكن انها مع الكبر تتعدل بروحها (اقول ممكن)
عموما قولي حق دكتور المستوصف يحولج لمركز السنان التابع لمنطقتج و قوليله انج تبين استشااااره فقط
واحب احي فيج اختي اهتمامج لنفسيه بنتج الله يحفظها

 

[د/ بدر حسين كرم]

الاخت ليمونة79

الاسنان السفليه عاده تبدي ترقل على عمر 6 سنوات
وارد انه ولدج الله يحفظه عنده نمو مبكر (واارد) ويكون عاده مثل احد الابوين
وفي اسباب واايد ثانيه مثل تعرضه لاصابه او التهابات
انصحج بمراجعه دكتور للفحص و عمل اشعه

 

[ملكةجمال]

السلام عليكم دكتر بدر
و الله يديم الصحة و العافية عليك و على أعزازك و خلانك
عندي حمودي 3 سنوات و من فترة طويلة ظهرتعلى أسنانه الأماميات ترسبات صفرة بنص الأسنان و شوي محفورة ظنيته طايح مرة و تأثرت أسنانه و بدأت الترسبات بالتكون بس أتوقع أخطأت الظن و هو ما عنده مشكلة بتفريش الأسنان يحبها بأي وقت بس المشكلة يبلع المعجون بالرغم من استيعابه للتوجيه و عادة أحط بس القليل جدا جدا من المعجون على فرشاته الصغيرة الناعمة ... و غلطتي إنه كان ينام رأسا بعد شرب الحليب فترة الرضاعة حينما كان يبلغ سنة و شوي و يرفض الماي فاحترت بكيفية التصرف و أهملت الموضوع على أساس إنها أسنان لبنية راح تسقط بالأخير و بالتالي لم يبقى سوى تقديم الشكر و خالص الإمتنان لكم فريق التطبيب الله يخليكم و يسلمكم لتوعية الأمهات خاصة المقبلات على الأمومة لاتباع سبل الوقاية و إن شاء الله بجيب ولدي للعيادة تجوفونه و هو ما عنده مشكلة بتاتا و راح يحاول يشرح لك الموضوع بعد بأنه يفرك و يفرك الأسنان بس ما تنظف!!!!
أحسنتم و بارك الله فيكم عيال الديرة.

 

[د/ بدر حسين كرم]

الاخت ملكةجمال
تسوسات الاسنان الناتجه من الحليب اهي من اشهر و اكثر التسوسات عند الاطفال
وطريقه الوقايه منها بسييييطح جدا
في فرش تنحط على الصبع او حتى شاشه (قطن) وماي تفركين اسنانه بعد الحليب واذا رفض فركيهم وهو نايم
اهم شي اننج تفركينهم ومع الوقت صدقيني راح يطيعج
اما اننه يبلع المعجون فبيني وبينج معجون الاطفال طعمه لذييذ لوول
وصحتكم وصحه عيالكم مسئوليتنا جدام الله وحريصين على التوعيه والتثقيف وعشان جذي نرفض البنج العام لاننه مافي توعيه ولا يساعد الطفل على حب عياده الاسنان وهذي النشكله راح تكبر معاه
احنا في المركز حريصين علي بناء جسر محبه وتواصل مع الطفل وتكوين مفهوم جديد لطبيب الاسنان
والله يخليلج حمودي ويحفظه

 

[MinnieMouse]

اهلًا دكتور
انا عندي سن مكسور نصه وقالولي لازم نشيله بالجراحه
وانا وايد خايفه من الجراحه
بس ابى اعرف كم المده لين يشيلون السن
نص ساعه ساعه ؟
وهل العمليه سهله
وتعور ولالا ؟
ممكن تشرحلي كيف جراحة خلع السن بشكل مبسط علشان على الاقل اطمن شوي
وبعد يصير احط تقويم لاسناني الي فوق قبل ما اشيل هذا السن ولالا ؟
للعلم السن المراد خلعه موجود تحت

 

[د/ بدر حسين كرم]

الاختMinnieMouse
بالنسبه للخلع اهو راح يتم عن طريق سحب الجزء المكسور واذا ما انسحب تفتح فتحه صغيره ونسحبه
الاهم اننه يتم المحافظه علي العظم للزراعه
وهي صدقيني بسييييييطه انشالله وما تطول
ومافي اي مانع من التقويم انشالله
وسلامات انشالله

 

[هتانة الغيمة]

اهلا دكتور

بصراحه موضوع تشكر عليه يعني بحق صار الموضوع موسوعه بكل ما يخص مشاكل الاسنان وواضح حبك لمهنتك وطولة بالك وهذا من علامات النجاح


حبيت اسألك دكتور انا عندي احساس ان اسناني الثنايا العلويه حجمها كبير وودي ابردها من الجوانب على اساس يصغرون

سؤالي كم ملم يقدر الطبيب يشيل منها؟ وهل فيه مقاييس معينه يتبعها الدكاتره على اساس يقولي فعلا حجم الثنايا كبير بزياده

وغير متناسقه مع شكل الوجه والابتسامه او هي مسألة تقديريه يتبعها الدكتور؟

طبعا انا عارفه بعد البرد بتكون فيه فراغات بس تتسكر بالتقويم

وشكرا

 

[ro7e t7bek]

السلام عليكم
دكتور انا اسناني وايد صغيره وبسوي رفع لثه علشان يكبر حجمهم بس يأثر على الأسنان ولا لأ ؟ ورفع اللثه ممكن بالجراحه ولا بليزر ؟










.

 

[رضوي السوداني26]

السلام عليكم دكتور بدر عندي طفله 3 سنوات اسنانها بها بعض الاصفرار والحفر
الصغيره من الامام مثل التاكل كده ولا اعرف حل لها ارجو الافاده

 

[د/ بدر حسين كرم]

الاخت هتانة الغيمة
برد الاسنان تتعتمد على سمك طبقه المينا (معدل 1 الي 1.5 مل)
لانه اذا دخلنه بالطبق الثانيه من السن في الغالب راح تتحسس الاسنان
وهي مثل ما تفضلتي مساله تقديريه

 

[د/ بدر حسين كرم]

الاختro7e t7bek
رفع اللثه عمليه امنه انشالله اذا سوالجياها دكتور متمكن ونتايجها روعه ومالها تاثير علي الاسنان
وممكن تتم بجراحه او ليزر علي حسب حجم اللثه المراد ازالتها
اذا تبين تفاصيل اكثر
www.dentallounge.ws
dental lounge
lounge talk

 

[د/ بدر حسين كرم]

الاخت رضوي السوداني26
بالنسبه لبنتج الله يحفظها
هذي في الغالب تسوسات ناتجه من الحليب وعلاجها يتم بتنظيفها و حشوها
الله يحفظها انشالله

 

[el7ob Klah]

مرحبآآآ دكتور

يعطيك العآفيه

اسمح لي هذي ثاني مره ادخل اسأل

المره الاولى كآن سؤالي عن التقويم للاسنان العلويه

هالمره سؤالي دكتور

طرف اسناني غير مرتبه فيها تموج خفيف

تنصحني اسوي تبريد لـ 6 اسنان اماميه فوق وتحت ولالا ؟

لاني وايد اسمع ان التبريد يأثر سلبي على الاسنآن ويخليهم حسآسين !

وشكراً لكَ

 

[el7ob Klah]

عفواً دكتور

عندي سؤال مهم جداً

كثير من البنآت الحين يبحثون عن تبيض الاسنآن المنزلي

وفي موضه دارجه الي اهيآ لصقات التبيض هذي

لصقات Crest WhiteStrips لتبيض الأسنان
المنتج رقم 1 في أمريكا ​

هل لها فائده فعلاً وتعطي تبيض طبيعي بدون اثار ؟

او انها مضره للاسنان ؟

وتخليها حساسه وتأثر على اللثه ؟


وشكراً لك

 

[د/ بدر حسين كرم]

الاختel7ob Klah
العلاجات التجميليه انتشرت بالكويت واايد وكل الدكاتره يسوون تجميل وهذا شي يخوف.. انه اقولج الاتي:
1. الجمال شي نسبي وماله قاعده...يعني في شكل معين ممكن يكون موحلو بالنسبه لي (مثلا الفتحه بين السنين الاماميات) بس نفس الفتحه قد تكون حلوه عليج وتتناسب مع ابتسامتج.
2. انتي لما تروحين حق اكثر من 90 بالميه من العيادات وتطلبين منهم تجميل كللهم بلبسونلج سيراميك وراح يطلع حلو علي المدى القريب.
3. على المدي البعيد راح يبين الشغل الزين من اللي موزين.
4. برد الاسنان له حد معين (مل الي 1.5مل) اكثر من جذي ممكن تتحسس الاسنان.
5. اذا عندج شكوى جماليه روحي حق دكتور ثقه (اكيد راح يكون اغلا من غيره) واخذي استشاره وفكري عدل وممكن.

كل هذا الكلام لانه والله يااختي قاعدين نشوف وايد شغل تجاري وسئ جدا
اما التبييض فهذا زين كنت اكتبه حق مرضاي من 7 سنوات بس النتايج متفاوته... لاتحاتين جربيه تره مامنه ضرر واذا تحسست اسنانج وقفي استخدامه وراح تروح الحساسيه خلال يومين
وحياج الله اي وقت انتي واخواتنه العزيزات لاي استفسار

 

[Ranona]

السلام عليكم يا دكتور جازاك الله كل الخير على ردك على إستفسارتنا
كنت أريد ان أسألك أنا بنتي عمرها 5 سنوات وخلعت 3 من سنانها الامامية منذ كان عمرها 3 سنوات بسبب التسوس والكسر ,,هل تحتاج لشئ ليحافظ على مكان هذه الأسنان لحين ظهور الأسنان الدائمة ؟ وكلفته كم في عيادتكم؟
​

 

[KOKO_284I]

السلام عليكم دكتور ويعطيك العافيه

ولدي عمره سنتين وخمسه اشهر فس سن من اسنانه الاماميه متسوس ومتاكل والاثنين اللي جدام صار لونهم اصفر بس ما يشكي من اي الام

ومع العلم انا رضعت ولدي رضاعه طبيعيه لمدة سنتين بالضبط ولا شرب حليب قواطي ابدا

وقالولي هذيله يطيحون وانا صراحه احاتي اسنان ولدي ومو مريحني الوضع .