~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

انتى العسل والله

خلاص انتظر الصور لان الفخووذ والزنوود يبيلهم شغل وااايد .. خل اشوف الصور وانشالله اشترى الكتاااب ..

 

[GAP^^الكبيرة]

زين اي كتاب تبيني اصوره
مال الفخوذ ؟؟
ولا مال البطن؟؟
وبتاع كلو اللي ماشيه عليه اناالحين؟
اذا تبينهم كلهم هم عادي
مو مخليه كتاب مو شاريته ههههه
والصوره اللي حاطتها تحفه
شوقتيني على الساليري هههه>> وقامت صورج تطلع ههههههه

 

[جوجو.]

مسا الخير
امس شفت رجيم حلو بس مادري وينه
جنه رجيم دكتور الفرحان

 

[شيخه***البنات]

بطوو :

فديتج ماعاش من يتكبر علييييييييييج انتي الغاليه و الله :* ..

__

Gap^^الكبيره :

بعد عمري و الله ماتقصرين ..

انا احطه الصبح وبعد ما ارد من الممشى بعد الشاور
وناويه احط كريم بارتنر لف قبل المشي
تهقون عادي اخلط كريمات فوق بعض؟

اهم شي تستمرين علييه ..

عادي تخلطين بس لازم تغسلين جسمج من الكريم وتحطين الثاني عشان يستفيد جسمج منه ..

 

[بطة رشيقة]

صباااح الخير على الحلوين .... هلو هلو شلونكم عساكم بخير ... شيووخه شخبارج وشلون الرجيم معاج ... قاااب ما تقصرين حبيبتى اللى يريحج حطيلى شويه من صور الكرشه وشويه من صور الفخووووذ لان الاثنين مسوين مشكله عندى ولله الحمد ... وعلى الصور اى انا غيرت اول كنت انزلهم او احملهم من مخزن الصور والحين رحت حق العملاق .... بس تصدقين سويت فيه اشتراك ولحد الحين ما اقبلوونى ولا فعلواا اشتراكى !!! ما ادرى ليش ... بس اخم شى انهم قاموا يطلعون عندج

امس الحمدلله كنت تمام ... ترريقت شابوره وحليب وخذت سناك على الساعه وحده كابتشينوووو وبسكوت دايجتسف ... وتميت لى الساعه 9 بعدين تعشيت تبوله ومشويات !!! وايد طولت بين الريوق والعشا بس شسوى .... !! الله كريم .... حسيت نفسى دخت شوى بس الحمدلله لحقوا على ... امس ريلى دوام ليل ةانا نايمه فى بيت ماما ... عاد مسكينه امى طالبه واول ما وصل العشا قاعده تقول نطروا ابوكم ايى وانا ما ادرى شصار فينى وقلت لها يما تعبانه مو قادره انطر .. وتعشينا ومسكين ابوى على ما يا والا احنا قاعد نتعشى بس ادرى فيه ما يزعل وقلبه طيب .... الله يخليه انشالله ...

وبس للاسف ما مشيت ولا لعبت رياضه امس لانى كنت مشغوله شوى ... بس انشالله بنكمل وبنكمل لمات نوصل للى نبيه ... الله يوفغقنا كلنا يارب ...

الجورى ... شنو نوع هالرجيم ؟؟؟؟
واى الدوام صخه بس انا والمراسل موجودين ما ادرى وين الباجى !!!! لا يكون اليوم عطله ههههه ...


يالله سى يووو افتر ...

 

[زيـنـه]

صباح الخير .

شلونكم ؟

انا الحمدلله يومي امس اوكي و لله الحمد

غداي كان كباب .. و شوربه ..و حليت ب 3 تمرات علشان طعم الكباب لا يقعد على جبدي لي الليل .

و بالليل كليت شريحتين حلوم مشوي .. و كوب شاي اخضر .

و اليوم زي كل يوم .. اعتقد ريوقي راح يتغير بالويك اند .

 

[GAP^^الكبيرة]

صباح الخير بنااات
شلونكم وشخباااركم... اليوم وناسه الخمييييييس
والدنيا ربيع والجو بديع هههههه

زينه بالعااافيه... وان شاء الله كل ايامج اوكي.. الله يتمم عليج التزامج

شيوووخه... مشكوره حبيبتي على الاجابه... بس ما قلتيلي .. يحتاج الف جسمي بنايلون مع كريم بارنترلف ؟؟

جوريه... عطينا اللينك خل نشوفه... وبلشي فيه لين ترجع هنود وتمشكون على رجيمكم الثاني

رشووووق.... هلا حبيبتي... ان شاء الله يفعلون اشتراكج لا تحاتين.. اهم الشي الصور تطلع ههههه ما يحتاج ارد البيت اشوفهم.. وعليج بالعافيه المشاوي.. بس ديري بالج لا تعيدينها عشان لا تدوخين

حبيبتي هذا اللينك لج
http://q8yat.net/showthread.php?p=7403927&posted=1#post7403927

وعذريني ما يبت كتاب البطن والكتاب الرابع.. ان شاء الله الاحد اييبهم واصورهم لج>>> نحلل سكنر الدوام هههههه

عاد اليوم صج صج صخه... شكلي بسكر باب مكتبي وبدورلي تمارين فلاش والعب معاهم خخخخخخ

 

[GAP^^الكبيرة]

نسيييت اكتب يومياااتي

امس مثل ما قلت لكم رحت فريج صويلح

المكان والنطره ما عجبتني وايد.. وكان مترووووس يهال وزحمممه ولوووويه

شكلنا بالطلبات.. سلطه جرجير وفتوش و برياني ربيان و مجبوس دياي ومطبق هامور وزبيديه وقبوط.. بس ما صورتهم ما صورت الا طلبي

سلطه الجرجير عاديه.. بس الفتوش يقولون حلو
واكلت جم قفشه من برياني الربيان يم يم لذيييذ جنه طبخ بييييت
طبعا لان كل الاكل ما يصلح للرجيم فعشان جذي ما طلبت غير السلطه.. بس ان شاء الله بيوم الاوف بطلب منهم بس سفري لان الزحمه لا تطاق

طبعا لان بس سلطه كنت يوعانه... رحنا الخالديه عند ديلايتس وطلبنا شيز كيك
انا اكلت وحده على بينت بتر يم يم لذيذه بس عندهم انواع واشكال وايد تشووق

واليوم تريقت توست ولبنه وماي

وغداي ان شاء الله نقرور مشوي وعشاي بطلع اليوم مع رفيجتي بنروح الافنيوز وبنطلب لنا من هناك بس للحين ما قررنا باي مكان ....

بالنسبه للرياضه.. سويت تمارين جورج كروز وصعدت ونزلت السلم جم مره بس مو وايد
بس ما مشيت لاني لما رديت كان الوقت متاخر شوي

الحمداله نفسيتي وايد زينه اليوم .. وخاصه ان اليوم الخميس .. واخيرا بشبع نووووم هههههه

 

[بطة رشيقة]

يااااااااابعد جبدى والله قاااب الحلوه الزينه السنعه الحبوبه الطيووووبه قوولى امين ان ربى يفرحج ويسعدج ويبعد الهم عن طريجج ويرزقج بوليد الحلال اللى يسعد قلبج ويفرح نظرج انشالله ... ويارب يارب توصلين للى تبين وتضعفين وتخفين وتصيرين سمبتيييييييييييييييييييييييييييييييك .... مشكوره حبيبتى وماقصرتى ويعلى ما انحرم منج انشالله بجابل هالصفحات عدل وبحاول اطبقهم ماقصرتى يالغاليه جدجد ... ماقصرتى ... وترى انا احبج لله فلله

 

[زيـنـه]

غاب .. حاولي تمسكين عمرج شوي ..كنت متابعتج اول كنتي من الملتزمين .
و تعجبني مشاركتج و الصور اللي فيها
حدها تشجع

 

[GAP^^الكبيرة]

رشوووووق.. يا بعد جبدي ما سويت شي احنا خوات.. واذا تبين الاسابيع اللي بعد انا حاضره... وان شاء الله مثل ما قلت لج يوم الاحد اييب الكتابين واحد مال الجسم كله والثاني حق البطن
مشكووره على هالدعاوي الطيبه وتسلمين يا رب :**

زينه الزينه... ادري امس خربطت بالحلو بس ماتعشيت ... وان شاء الله وحده ما تاثر.. والعيش ما تعدو قفشتين.. يعني للحين كنت اوكي
تسلمين لي حبيبتييييييي على التشجيع :**
وان شاء الله ارد التزم مره ثانيه

 

[جوجو.]

صباح الخير
اقصد مسا الخير

 

[جوجو.]

ابي اشرب شوربه اي شوربه تنصحوني زينه حق الرجيم
اليوم قررت اتغدى شوربه وسلطه ؟
شرايكم

 

[GAP^^الكبيرة]

هلا جوريه شلونج وشخبارج؟... تبين شوربه الحارقه للدهون قصدج؟؟

 

[ودي أتغير!!]

السلام عليكم ..شلونكم بنات ؟ موفقين يارب

قااااب شلونج قاب شخبارج عساج بخير ياقلبي ؟؟

ياقلبي بغيت اسالج عن تغذية الصباح ؟ تنصحيني اروح لهم ؟ ودي اروح اراجع عندهم بس ماني عارفه الطريقه ولا احسن الدكاتره .. عفيه شتنصحيني فيه ؟ انا اروح حق محمد ربيع .. وزني الحين 85 .. اقدر اروح تغذية الصباح العصر , اثق بكلامج ماشاء الله عليج تنصحين من قلب ... شيوووخ شلونج حبيبتي لج وحشــــة

مع السلامة ...

 

[شيخه***البنات]

ودي اتغير :

شيوووخ شلونج حبيبتي لج وحشــــة

بعد عمرري و الله انتي اكثر يالغاليه ..

وانا بعد انصحج بالتغذيه الصباح لاني اراجع عندهم و الحمدلله ضعفت بس مو مستمره على رجيمهم ..

ورجيمهم يهبل ويشبع و الله ..

 

[ودي أتغير!!]

ياقلبي انتي ياشيووخ .. منو دكتورج ؟ اقدر اروح العصر .. ودي اروح

 

[جوجو.]

هلا جوريه شلونج وشخبارج؟... تبين شوربه الحارقه للدهون قصدج؟؟

لا حبي كنت ابي اشرب شوربه عاديه الشوربه الحارقه فيها سلاري ومادري شنو؟

 

[جوجو.]

صباح الخير

 

[شيخه***البنات]

هلا حبيبتي .. انا دكتورتي اسمها هيفاء العلي وتقدرين تراجعين العصر انا اراجع العصر ..

والله تشجع انصحج فيها ..

عالاقل اكلهم صحي ويضعف بعد ..