~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[mn.mn]

الله يعافيج زينة

بقوم الحين أسويه

 

[زيـنـه]

انا اكل سلطتي اليونانيه الحين .
و علي بالعافيه

 

[زيـنـه]

وينكم اليوم ؟

 

[just-me]

وينكم اليوم ؟

السلام ... انا اهني .. ومالي عادة أكتب بهالديوانية .. بس استانست ان في احد يسولف معاي
صاجة اليوم البنات لا هين بشي .. شنو ؟؟ الله أعلم

 

[GAP^^الكبيرة]

انا بااك وباااك وباااك بعد

شلوونكم بنات شوخباركم

منمن بعد قلبي انا كتبت حق ودي اتغير شلون طريقه اخذ موعد بالتغذيه

زينه حبيبتي بالف عافيه وان شاء الله تحققين اهدافج... وانا مو شريه بس في موظف وايد ينرفزني ويتعمد يغلط عاد اليوم وقفته عند حده بس بادب لا تحاتين ههههه ... وفوق هذا الفراش الذكي يمشي وراه وكل شوي قاطع عن كمبيوتري الكهربا.. مسوين حلف علي

شيوخه ياااابعد قلبي انتي... الحمدالله قدرت التزم شوي والحين انزل يومياتي

جست مي يا هلا وغلا ومرحيا حياااج عندنا

رشووووق شلونج حبيبتي

ودي اتغير حبيبتي ما سويت شي

 

[GAP^^الكبيرة]

جوري : صباح الورد ..

gap : هلا و غلا والله انا الحمدلله بخيير و الرجيم تمام لاني هالايام كله اخذ من دايت سنتر شوي ترد روحي قاعده اكل منهم

كيك و احسب السعرات ..

gap جم سعره معطينج التغذيه ؟؟ ومن دشيتي قللو السعرات او زادوهم ولا نفس ما اهما ..


d@nooos_1m

صباح الرود هلا وغلا عليج بالعافيه ان شاءالله ..

في البدايه عطوني 1200 وبعدين زاده لي.. تخيلي 3 وجبات و 3 سناك احسه وايد .. بس زاد لي الرياضه

مسا الخير عليكم
gab قصدج أي واحد الماجي ؟
انا سمعت ان الشعريه اهي اللي تمتن ؟
بس الماجي مادري؟

حبيبتي انا ادري ان الماجي فيه نسبه ملح عاليه اجي نو مو وهذا مو زين حق الركب... حاولي تقللين منه




دنوز1 م... ان شاء الله صح هههه.. حياج الله وبالعافيه

 

[just-me]

جست مي يا هلا وغلا ومرحيا حياااج عندنا

هلا gap مشكورة على الترحيب ... اليوم حملتنا صخه تضيق الخلق من غير شر على الكل ..طليتي على سؤالي ؟؟ محد رد علي ما ادري وين البنات ؟؟ عاد انا ولهانه عليكم

 

[GAP^^الكبيرة]

يومياااااتي

يوم الجمعه...
نومتي للاسف اختربت مادري من شنو وما سويت رياضه
تريقت

بس قبله شربت الشاي الكمون (( ثانكس زيييينه :**)) بس زدته زنجبيل

وغداي وعشاي من كبابجي بس من غير العصير والفرايز

غذاي صمونه الكيدز ميل مالت كبابجي... وجم قفشه تبوله وزيتون ومخلل

وسناكي روب وفواكه... بس ما عجبني وايد انا احب المراعي او نادك اكثر

وعشاي نفس غداي من غير التبوله بس زياده عليه كوب لبن قليل الدسم

للاسف ماكو رياضه غير جورج كروز ... وخطواتي ما تعدو 4000 خطوه

 

[GAP^^الكبيرة]

امس السبت

ريوقي.. نص فطيره جبن حشيتها حمسه سبانخ مع جم شريحه طماط

وشربت قبلها بساعه شاي اخضر


غداي ببيت عمي ما صورته فشله كان
4-6 قفاش عيش مع مرق باميا
وقفشتين تبوله وسلطه خضرا
وحبتين ورق عنب بالزيت

عشاي من القهوه الشعبيه جبده وعرايس .. امس الجو يهبل يهبل وكانت خووووووش طلعه
وشربت شاي مخدر بس ما كملته كان مر






ومشيت تقريبا 43 دقيقه
ونقزت 20 مره بنط الحبل
ولعبت على الاوربت تراك 5 دقايق .. وهم سويت تمارين جورج كروز ( كان المفروض يوم راحه بس لاني كنت مطنشه تمارين يوم سويتهم )


اليوووووم

ريوقي .. صمون همبورجر محشي لبنه وزيتون
وشربت قبلها بساعه كمون
وسويت تمارين جورج كروز الصبح
غداي خثره ان شاء الله
وقاعده الحين اشرب ماي

 

[GAP^^الكبيرة]

هلا gap مشكورة على الترحيب ... اليوم حملتنا صخه تضيق الخلق من غير شر على الكل ..طليتي على سؤالي ؟؟ محد رد علي ما ادري وين البنات ؟؟ عاد انا ولهانه عليكم

لا والله حبيبتي ما شفته
الحين ركضضضه اشوفه واجاوبلج عليه اذا عندي خبره فيه فديتج بس جم جست مي عندنا :ggdw:

 

[just-me]

لا والله حبيبتي ما شفته
الحين ركضضضه اشوفه واجاوبلج عليه اذا عندي خبره فيه فديتج بس جم جست مي عندنا :ggdw:

بعد قلبي بس انا ادري <<<<غرووووووووووور
لا والله مو غرور بس مستانسة احد عطاني ويه

 

[زيـنـه]

غاب .. صرتي وياي تشربين كمون و ليمون الصبح ؟
و الله يقولون زين .. بنشوف شنو اخرتها

 

[شيخه***البنات]

Gap:

عليييج بالعااااااافيه ان شاءالله ..

 

[just-me]

صبحو وربحو

 

[بطة رشيقة]

صباااااح الخير على الحلوين يا صباااح الورد على الحلوين .... شلووووونكم شخبااااااركم .... عساكم بخير .... نفرا نفرااااا ....


الحمدلله اختكم ملتزمه صارلها جم يوووم ولله الحمد ... امس كان غداى دياى بالفرن مع روب وسلطه .. والسناك كان فواكه والعشا كان بيضه مفيوووحه وسوتيه خضاااار ... والريوووق كان شابوره وحليب .....


والحين انشالله بتريق هم توست وجبن وعصير برتقال ... والحمدلله على النعمه ... اى صح مشيت نص ساعه امس .... الله يعينا ويتمم علينا انشالله ويخفف عنا .... كلناا كلناااااااااا ....


قااااب .. حبيبتى يعطيج العافيه ورحله القهوه الشعبيه حلوه عوافى عوافى .. والجو حده حلو هاليومين ما يتطووووووف كلش كلش .. والموظف اللى بالدوااااااااااام ما يستحى على ويهه يداحرج صج انه جليل حيا ... بعد ريال ويادحر بنت ... لاحول ولا قوه الا بالله بس زين تسوين توقفينه عند حده ... الله يكون بالعووووووون .....


شيووخه حبيبتى شلووونج شخبارج وشلونج مع شعور التخرج ؟؟؟؟ وين الكيكه ؟؟؟؟ هاااا @@ لا لا ما يصير نبى كيكه مالت تخرجج .. اضحك وياج انشالله لما تخلصين الميدانى ( يعنى هم ماكو فكه ) ..


منمن شلوونج .. شلووون الدياى مع الزعتر ؟؟؟ اذا حلوووو عطينى طريقته احس انى بغير مليت من دياى بالفرن فرن بالدياى استغفر الله الحمدلله على النعمه ....

زينه حبيبتى ماتقصرين اى نادينى بطه لما اضعف واصير رشيقه صج هههه بطه بطه بطه بطه ...... يارب متى اصير مو بطه !!!! ...



جست مى هلو هلو حياج الله فى دوانيتنا الحلوه الرشيقه ههه ...


نداااء ندااااء الى مستشااره قانوينيه اين انتى يا ميشووووووو ولهانه عليج وفاقدتج جدجد وينج .؟؟؟؟ عسى المانع خير انشالله


تدروون شنو مشتهيه الحين الحين كييييييييييييييييييكه مع قهييييييييييييييييييييييييوه ........ اخ اخ اخ اخ :0bee2e8d89:

​

 

[just-me]

بعد قلبي بطه رشيقه ما قصرتي على الترحيب ..
:aha:​

انا مشاركة بحملة لذوذة مثل ما انتو شايفيين فحبيت انضم لكم بهالمشاركة اللي نقلتها من حملتنا

خل أفرفشكم على الصبح ...

الحلو بدوامي ان لازم نلبس عباة .... فأمس طلعت من الدوام ووصلت مشرف على الساعة 4الاعشر جان اشاور نفسي قبل لاأدخل البيت خل امشي لي جم خطوة ؟؟ الجوبديع والدنيا ربيع والممشى ماشاء الله عامر بالأوادم وأشوه وانتو بكرامة جوتيي رياضة ذهبي مطفي (نزاكة حركات بركات) المهم جان اسفط والقي نظرة على الساعة واحط الجنطة بالدبة وبسم الله انطلقنا ...طبعا مع الشطه والحماس و غزه جست مي مختبه ون تو ون تو ون تو واسمع صوت حدايد تطقطق ويه؟؟شنو هذا ون تو ون تو ...انا حسبالي واحد قاريه خربان اثاري ركبي و عظامتي تطقطق واي ...جيمت ركبي من القعدة بالمكتب و البيت و القهاوي شهالحالة من عذري فارشه جان اسوي روحي ما اسمع ون تو ون تو أطالع هالبنات وناسة انا خبري الممشي قبل لا اتحجب بنطلون سادة و تي شيرت عتيج عن الحسافة مع الغسال بتطلع روحه ...هو ... انا ويني فيه ؟؟ شنو هالعرض الأزياء السبورتي ..وناسة ... اللي تريننغ سوت مخمل ألوان أحمر كحلي بنفسجي واللي تريننغ سوت رمادي فاتح زوغة و هالنظارات نص الويه والقلوس ..تلفت أدور خطابة ..!! ماكو؟؟ شكيت بعمري مع عباتي ..
نعم أكو غيري لابسين عبي بس مو نفسي... يا عييز خنت حيلي تحافظ ....يا سيلانية من هاللي يلبسون عبات بتخطر الممشى تركب الباص !!!
المهم جان أرفع راسي بشوف الرياييل (بارع ) والا الحمدلله على العقل اللي مطول شعره وراكب قاري ولابس بنطلون اللي لازق جنه مايوه بس ليمن الركب وتي شيرت حمر ... والشيبان يحليلهم تريننغ سوتات مع كبوس ...وين الدشداشة والجريمبه مع اللابجين ؟؟...
الصراحة ممشانا يهبل و حده زقرت بس موجذي !!! يبي له خبخ و تسنع ... المهم وانا ون تو ون ...قمت اناهت نشف ريجي ...جني متسحره مارغريتا تشيز بيتزا مع بطاط ليز خل وملح ...اه اه اه تعبت برجع زين صار لي 10 دقايق روحه خوش شي خل ارد...ويه؟؟ شفي الطريق صار بعيد ؟؟؟ ما صحاني الا عطور هالبنات بطت راسي المهم رديت بس مو ون تو لأ أردد (( قليل دائم خير من كثير منقطع ..الحمدلله سبحان الله ...<<<واي حرب جهاد اشفيني جني بطيح على ويههي ))
المهم يافرحتي لمن شفت سيارتي طم طبيت بالسيارة فصخت ألامطة حسافة على عباتي الكشخة و الجوتي الذهبي عشتو طليت على الساعة اثاريني مشيت نص ساعة الا دقيقتين نعمة من الله ..ورجعت البيت شربت تب ماي و أخذت شاور لا والله مو سريع الا بطيييييييْ فاجة حدي ... و الا سموجتي الناطعه ناطرتي اكلها مع السلطة .. وانا اعلجها جان توصلني رسالة من رفيجتي (( توني يايه من ممشاكم وبروح ريجيم سنتر وانا ضاعفة8 كيلوات وانا وانا وانا))
ماشاء الله خلف الله علي شعلامي مو بالدنيا ..طايحة بالبلعة وكل يوم اقص على عمري ..
يالله بقص على عمري it is never tooo late

 

[زيـنـه]

صباح الخير يا وجوه الخير

شلونكم رفيقات الكفاح ؟

انا امس شرفت اللي ما تتسماش .. و الله لا يوريكم و لا العدو الحاله و الالم
رديت البيت ما تغديت

بالليل تعشيت 2 همبورجر .. مع كبه و سمبوسه جم حبه .. وحليت برمان ( ادري ما يصير بس انا قايستها اني مو ماكله شي طول اليوم)
وو الحمدلله على النعمه .

 

[زيـنـه]

جست مي .. يا حلوج و يا حلو سوالفج
طلعتي من مشرف سيتي ؟

مي تو

و نفسج اوصل البيت على 4 الا عشر !! ---> اخاف تشتغلين معاي !!

و كل ما اشوف الناس و الجو الحلو .. اقول الله يهنيكم .

و كل ويوم اقول اليوم بمشي اليوم بمشي .. و اتغدى و ادور المخده .

ان شاء الله عقب جم يوم اتفرغ و اقرر امشي .. و اذا شفت العباة و الجوتي الذهبي بقول .. جسسسسست مييييييي ؟؟

 

[GAP^^الكبيرة]

هاللو هاللو بناتتت رشيقااات

شلونكم شخبااركم

نطروني حبايب خل انزل وزني بالمسابقه وراجعتلكم>>> جن مالها داعي هالمقدمه اي روحي وفكينا ههههههه

 

[GAP^^الكبيرة]

رجعت لكم

رشووووق... يا بعد جبدي انتي شلونج وشخبارج؟؟؟ عاد الجو بالقهوه الشعبيه اول امس يهبل والقعده حلوه كنت انا وخواتي .. وان شاء الله نعيدها مره ثانيه.. واللي معاي بالدوام سكتي مو بادارتي وحاط دوبه دوبي عسى ما شافني شابكه الا سحب بلاك الكهربا او قعد يستظرف فوق مخي وانا كلش مو ناقصته

زييينه... اي صرنا من ربع الكمون الصبح ههههه.. والله يعينج على الالم... كثري من البابنوج والاعشاب الدافيه واكلي تمر وااايد زين وما عليج الا العافيه يا رب..

جست مي... لووووووووووووووووول ما تعب كثر ما اقولج دمج عسل ما شاء الله... زين سويتي بالحركه بركه وكل اسبوع زيدي شوي .. ولا يكون جوتيج ( عزج الله) الذهبي من اثلتيس فوت لاني توني شاريه واحد خخخخخخ
ولا تحبطين رفيجتج ما ضعفت بيوم وليله.. شدي حيلج وبتصكين على الكل ان شاء الله

عاشو سكان مشرف عاشو... ههههه

بنات صاجين فاقده مستشاره وبطاطا و انجنير حساسه ... ما اشوفهم يطلون بالديوانيه