~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[GAP^^الكبيرة]

السلام عليكم ..شلونكم بنات ؟ موفقين يارب

قااااب شلونج قاب شخبارج عساج بخير ياقلبي ؟؟

ياقلبي بغيت اسالج عن تغذية الصباح ؟ تنصحيني اروح لهم ؟ ودي اروح اراجع عندهم بس ماني عارفه الطريقه ولا احسن الدكاتره .. عفيه شتنصحيني فيه ؟ انا اروح حق محمد ربيع .. وزني الحين 85 .. اقدر اروح تغذية الصباح العصر , اثق بكلامج ماشاء الله عليج تنصحين من قلب ... شيوووخ شلونج حبيبتي لج وحشــــة

مع السلامة ...

انا بخير حبيبتي
انتي شلونج وشخبارج؟

بالنسبه للتغذيه .. اي والله انصحج تروحين لهم .. المتابعه كل اسبوعين واخصائياتهم حبوبين
شوفي هذا رقمهم
24841481
دقي عليهم العصر واخذي لج موعد بالتلفون ... قبل الموعد باسبوع او اسبوعين روحي سوي التحليل الصبح قبل ال12 عندهم
وهم يعطونج الكرت
او يعطونج بيوم موعدج
اول شي تدشين على الدكتوره وبعد النتيجه يحولونج على الاخصائيه انتي تقولين لها شنو نظامج وشنو تحبين تاكلين وشنو هذفج اللي بتنزلين عليخ ويسوون لج رجيم
انا مجربه وايد وكلهم حبوبين.. اكثرناس تميت عليهم مريم الكندري وهي الحين باجازه دراسيه
وسوزي.. وهذي وايد طيبه جنها ام وتداوم العصر

انا مادري عن دوام العصر لاني من البدايه اراجع عندهم الصبح

 

[GAP^^الكبيرة]

شيوخه... شلونج حبيبتي
جوري... صباح الورد... تقدرين تشوربين اي شوربه بس خففي من الماجي لان فيها ملح وايد

نطروني انزل لكم يومياتي

 

[GAP^^الكبيرة]

يومياتي اخر اليل
مادري شمسهرني لي هالحزه هههههه

الغدا

عيش ونقرور مشوي و سوتيه خضار

وسلطه خضرا

ودقوس طماط وهذي صورتهم الجماعيه

وهذا العشا... شابوره ولبنه وبيبي توميتو



مشيت تقريبا ثلث ساعه

وسويت تمارين جورج كروز

وعلى الاوربت تراك 5 دقايق لان ماعندي لياقه

 

[LoOLoO-17]

صباح الخير يا احلااااااا بنات اليوم ريوقي

بيضه مع خضار وربع خبزه سمره مع شاي


كان ودي اصورهم بس نسيت


يالله بقعد عالماي والنيسكافيه والشاي لي الغدا والله يسهلهااااا:ggdw:

 

[شيخه***البنات]

جوري : صباح الورد ..

Gap : هلا و غلا والله انا الحمدلله بخيير و الرجيم تمام لاني هالايام كله اخذ من دايت سنتر شوي ترد روحي قاعده اكل منهم

كيك و احسب السعرات ..

Gap جم سعره معطينج التغذيه ؟؟ ومن دشيتي قللو السعرات او زادوهم ولا نفس ما اهما ..


D@NoOos_1m

صباح الرود هلا وغلا عليج بالعافيه ان شاءالله ..

 

[جوجو.]

مسا الخير عليكم
gab قصدج أي واحد الماجي ؟
انا سمعت ان الشعريه اهي اللي تمتن ؟
بس الماجي مادري؟

 

[mn.mn]

قاب شلون إذا باخذ موعد عند التغذية ؟

 

[ودي أتغير!!]

مشكوووووووووووووووووووووورة واااااااااااااااااااااااايد يعطيج العافية بعد قلبي قااب

 

[GAP^^الكبيرة]

شلونكم بيتي الثاني هههههه

الجو يهبل وينن وعجييييب
طلعو تمشو غيرو جو حسافه الواحد يقعد بالبيت هههههه

انا بروح معزومه اليوم عند عمي... والله يستر وما اخربط
دعواتكم
وان شاء الله اذا رجعت بحط لكم وارد عليكم او اذا تاخرت انزلها لكم باجر ان شاء الله
مع السلامه وسلامي للكل

 

[شيخه***البنات]

Gap حدده الجووو اينن ماشاءالله ...

احنا كنا بنروووح البر بس قالولنااا ان عفسه وغباااار حسافه هههه ..

ان شاءالله ماتخربطيييييييين في بيت عمج ..

ننطر صووورج فديتج ..

 

[شيخه***البنات]

اناااااااا حددددددددددي فااااااااااااقده مستشااااااااره قانونيه ميشوووووووو .. وينهااا؟!

ولهت علييج والله كلش مانشووف لج اي مشاركه عسى المانع خييييير ؟؟

 

[زيـنـه]

صباح الخير

شلونكم ؟؟

انا الحمدلله .. حاولت كثر ما اقدر التزم .. و ما اخربط .. بس بما اني ما اتعشى كل يوم ليش غداي متاخر .. اضطريت فيالويك اند اتعشى لان الغدا صار مبجر .

و للي ما يعرفون .. انا اتبع ريجيم بوعباس (قاطعه النشويات و الحلويات)

و الله كريم ويعطينا على نيتنا ان شاء الله .

 

[GAP^^الكبيرة]

صباح الورد
شلووووونكم حبايبي...
انا لي رجعه حالا بالا بس خل اتهاوش بالاول مع شخصيه مليغه بالدوام هههههههه

 

[just-me]

هلا gap صباح الخير قاعدة أدور عليج عند لذوذه لقيتج هني ...ناطره يومياتج ... وحق اللي غاثج بالدوام ماعاش ولا كان من يغثج الصبح

 

[mn.mn]

صبااااااااااااااااح الخير

شلونكم بنات وشخباركم ؟

الله يعين اللي مداومين واي أحسن شي بالتدريس العطلة

 

[بطة رشيقة]

صبااح الخير .. شلونكم بنات شخباركم ... انا الحمدلله ملتزمه صارلى جم يوم وانشالله بالاوف اكل اللى ابيه ( رييييض الا ووف ) شفينى!!!! حدى يوعانه عادى طوفوا .... شخباركم ... شيوووخ ... شخبااارج ؟؟ قاااااااااابووووووووووووووووووووووو ؟؟ علمينى وين دوامكم خل ايى اهاوش معاج ؟؟؟؟

 

[زيـنـه]

غاب يالله صباح خير و فيج هوشه .. هونيها

من من .. على كلامج .. العطله احسن مافي دوامكم .. بس بصراحه ما تسوى مقابل عوار القلب و التدريس طول 8 شهور بصفه يوميه .
الله يعينكم

بطه با بطه .. بناديج بطه علشان ا شجعج .. اذا قلت رشيقه تصدقين و تاكلين ... هههه
انا مو حاطتلي اوف .. بس احاول ما اتعشى كثر ما اقدر و اكلي خضار و بروتينات .. و الله كريم .


صج صج صج هالمره ناويه نيتن قشره على عمري .. و كان الله المستعان .

 

[mn.mn]

أنا اليوم تريقت توست بالشواية مع جبن سلايس ومعجون الزيتون الاسود

حده عجيب شريته امس من دين أند ديلوكا اللي توه فاتح بالافنيوز

وشربت جاي مع حليب

بعد شوي بقوم اتبل الدياي واحطه بالفرن حق غدانا عاد بجرب طريقة يديدة وبتبل الدياي بزعتر وزيت زيتون

مرة حماتي سوته وكان حده لذييييييييييييييييييييذ قلنا نغير شوي ونبدع بالاكل عشان ما نمل

 

[mn.mn]

من من .. على كلامج .. العطله احسن مافي دوامكم .. بس بصراحه ما تسوى مقابل عوار القلب و التدريس طول 8 شهور بصفه يوميه .
الله يعينكم

صج صج صج هالمره ناويه نيتن قشره على عمري .. و كان الله المستعان .

هلا والله زينة والله العطلة بالنسبة لي شي أساسي ولا العطلة الكبيرة

واشوة أنا ما يحوشني عوار القلب الجايد لاني أدرس مادة مو اساسية فالحال ماشي

والله يستر إذا في بعد قرارات جهنمية بهالوزارة

وزين تسوين شدي على نفسج لي متى بنتم متان المتن مل منا واحنا ما ملينا

 

[زيـنـه]

من من .. اشوه اذا مو ماده اساسيه ماكو عوار قلب .. و على الدياي بتتبيلة الزعتر عجيب مجربته من قبل .. عليكم بالعافيه