OoOoO تجمـع قسـايـم صبــاح الاحمــد OoOoO / تم دمج المواضيع

[أغلى حبيبه]

هلا فيييكم حبايبي وجيراني

روز بعد شوي احطلج القياسات
واسم المكتب
والباب ممنوع لانه هالسكه ملك الحكومه مو ملكج
وحده من اهلنا حطت مظله شالوها البلديه
بس شوفي انتي عقب ماتفتحون الكهربا وتيي البلديه تكشف فتحو الباب

لانه تدرين حتى الباب اللي تحت الدري ممنوع
احنا بنفتحه عقب الكشف

 

[RoOoz]

صباح الخير ياقلبي

شلونكم شخباركم شفيكم لا حس ولا خبر كلش عسى المانع خير ياااااارب

 

[ام دندوونه]

شلونكم بنات ما شاء التجمع عامر بوجودكم ياجارات المستقبل

 

[ام دندوونه]

طبعا انا كنت مسافرة وتوني راده الكويت ياحلوووووو الكويت وأهل الكويت صج ياديرة ما مثلج ديرة بس أريح وارجع لكم بآخر إخباري وأخبار قسيمتي

 

[RoOoz]

طبعا انا كنت مسافرة وتوني راده الكويت ياحلوووووو الكويت وأهل الكويت صج ياديرة ما مثلج ديرة بس أريح وارجع لكم بآخر إخباري وأخبار قسيمتي

الحمدلله على السلامة نورتي الديرة

 

[RoOoz]

صباح الخير ياجاراتي

 

[ام دودو المزيونه]

السلام عليكم
صار لي فترة مو داخله المنتدي من خلصت امتحانات بنتي وأنا بحالة غيبوبة
آخر التطورات علي وضعنا إحنا قسيمتنا بقطاع c3 وما ادري إذا ذكرة لكم أن غيرنا مكتبنا الهندسي من الشلاحي رحنا ل عماد الرشود لعدة أسباب والحمد الله مرتاحين بمكتب الرشود عند مهندسة والمفروض أن خريطتنا خالصة من البلدية بس بلدية الأحمدي رفضت ترخيص الخريطة لسبب سخيف جداً وينر فز
بيتي ارضي وطابق اول وربع للخدمات فقط بالدور الأول فيه مكان بنظرهم انه ممكن ينعزل و يصير للآجار و هالشي ممنوع بالدور الأول وأحنا أساسا مو ناوين نأجر لانه لنا البيت ومافي مجال المؤجر يصعد لهالجزء من البيت بدون لا يكشف البيت كله
يعني بالعقل اشلون أأجر والسلم بنص البيت وراح ريلي وقع ورقة تعهد انه ماراح يأجر بهالطابق وشرح للمهندس الوضع ووافق المهندس الأول ولما راحت الخريطة عند المهندس الثاني رفض نهائيا مع ان ريلي موقع ورقة تعهد وعيز ريلي يشرح له انه مستحيل يصير أجار ورفض المدير يوقع المخطط
لما راجعنا المهندسة وصاحب المكتب كلهم مصدومين من تعنت البلدية بمديرها وانهم واثقين انه المخطط مافيه اي مخالفات بس للأسف حظنا مو حلو بمدير متعنت والله أني أنحبطت وقلبي حقد عليه لدرجة ريلي يقول تصدقين ماعطاني مجال ابين له وجهة نظري يشووح بأيده والمندوب مال مكتب الرشود يقول لريلي خلاص لا تعاندهم
أنا أتابع منتديات ثانية تابعه لمدينة صباح الأحمد وشوف عيني مخالفات واضحه ومشت خرائطهم وما امنعوهم
حسبي الله الوكيل علي الي يلعب بمصير العالم بمزاجية
والله الأستاذ عماد الرشود مصدوم نفسنا وبأذن الله يقولونا صبروا شويه وبنرد نحاول بعد جم يوم وإذا ما مشت نضطر نغير بالمخطط

 

[ام دودو المزيونه]

هذا الجزء الي حسبالهم بنأجره وتري السلالم كلها تكشف علي الجزء الثاني الي مغطيته يعني أي مؤجر إذا صعد لهالجزء بيكشف غرفنا غرفتي وغرفة بنتي والسلم الي بالنص مكشوف علي الصالات تحت وما يصعد للسطح بس للدور الأول أما الجانبي للخدمات إذا فيه عمال للصيانة يصعدون منه للسطح وهم يكشف مدخله علي غرفنا للدور الأول علي غرفنا المغطية وبعيد عن الجزء الي هم شاكين بنأجره ونفس الوضع المصعد
وعندي ولد معاق إعاقته شديد المصعد مخصوص له ومخلينه أكبر حجم علشان الويل جير وهم قال ريلي للمدير أن عندنا ولد معاق رد عليه من طرف خشمه الله يشفيه ووقع علي المخطط مرفوض
اتمني فهمتوا علي أن أي مؤجر غريب مستحيل يصعد من سلالمنا وان المصعد مو معقولة بعزله للمؤجر وأخلي ولدي المعاق وهم الي شككهم أنه فيه صالة بالنص بين غرف والمطبخ كبير نوعا ما وقريب من هالصالة وأحنا أسرة صغيرة وغرفنا كافيه علينا وفيه غرفه زايده بعد فطلع لي هالمطبخ الكبير بالدور الأول علما أني شايفه مخططات نفس حجم هالمطبخ وهم موافقين عليهم
علما بأن كنا مسوين مخطط مشابه لهذا عند مكتب الشلاحي وتم الموافقه عليه ليش العناد يعني

 

[بقلبي انت]

صباح الخير
ام دودو انتي معاي قطاع c3 وانا بانيه دورين وربع بس واخيرا شفت جاره بنفس القطعه << فيس يضحك

والله هالواسطات ماشيه بنيان مخالف وإلا صحيح الواحد لمسك منصبه يشيخ ويمشي إلي يعجبه ويرفض إلي مايعجبه
حسبي الله ونعم الوكيل وان شاءالله ربي ييسر اموركم ويفرجها خلي زوجج يروح مره ثانيه ويكلمه يشوف يمكن
يوافق واذا عند مالكم غير تغيرون المخطط والله يعينكم علي هالناس والله شوف عيني بيت اربع ادوار وسرداب اشلون مطلع
الموافقه عليه مادري .

 

[كارلوفي فاري]

اهلين وسهلين بالجمييع. ام دودو الحمدالله على السلامه. وبالنسبه لمخططج شيلي التحضيري خليه مخزن او سجلوه غرفة خدامه وبعدين وقت التنفيذ خلوه اخير شي وسووه مطبخ تحضيري.
احنا بالنسبه لنا صارت تعديلات كثيره. وزوجي بيغير المكتب اللي هو دار سالم. وبيدور بعد مع انه المخطط بالشكل النهائي عجبني. وننطر ونشووف

 

[ام دودو المزيونه]

هلا والله فيكم بقلبي انت و كارلوفي
والله منقهره صار لي فوق السنة علي المخطط وضيعت ٦ اشهر علي مكتب الشلاحي وغيرناه لانه المهندس المصري ما كان يعطيني أفكار كله أنا الي اقترح وأدور بين القسائم عندنا بالعقيلة والمسايل كلها قسائم تنبنى أدور بسيارتي بين العمال واصور واجهات وأفكار. واقترح علي المهندس ولما سلمنا الخريطة كانت الطامه الغرفة الخلفية لولدي بدون دريشه ومكثر الأعمدة فوق ٣٧ عمود فخذين الخريطة لمكتب ثاني واطلع عليها مهندس وانصدم من عدد الأعمدة وحتي أفكار لواجهة البيت ما يعطيني وانسحبنا من هالمكتب الفاشل وضاعت علينا ٥٠٠ دينار
شكلهم مكتب ترميم لان اغلب الي اشوفهم عندهم كانوا بيرممون ومدير المكتب مصري وصاحبه الكويتي ما شفناه خير شر
ابصراحه حسينا بفرق لما تعاملنا من الرشود صح غالي ١٧٠٠ بس والله كنت مرتاحه مع المهندسة وتعطينا أفكار لواجهات وعلمتني الفرق بين الاستايلات كنت احسب الإسباني اهو الكلاسيك
طبعا غير الهوشات بيني وبين ريلي علي البيت
وقت امتحانات ودراسة وبنتي ضعيفة بمواد معينه يصر أنروح مكتب الهندسي مايهمه امتحانات وإلا لا
أنا وبنتي :- نبي بلكونة ذربه تعطي البيت فخامة
هو :- ماله داعي تجمع غبار ومو معقولة بتقعدين فيها وجيرانا يطالعونج ( يا ولد الناس أحط زرع وشتر مثل الخوص يمنع الرؤية من الشارع )
أنا :- أبي حوش أحط فيه باربيكيو أو حمام سباحه لعيالي أو جلسة حلوه وفيها زرع بأصيص
هو:- ماله داعي خل نبني البيت من الطوفه للطوفه نستغل المساحة مو تبين صالة استقبال و يطلون عليج الجيران وأنتي مرتزه بالحوش ( أي جيران قليلين أدب بيطلون علي حوشي وهل أحرم عمري وعيالي علشان عيون جيراني )
أنا :- المطبخ خله علي جنب وله باب علي الحوش وشباك ونستغل الواجهة الأمامية للصالات والواجهة الخلفية للديوانية وغرفة المعيشة
هو :- خلي المطبخ بالواجهة الي جدام نفس فلان وعلان أو خليه الواجهة الخلفية نفس بيت أختي (وأنا شكو ببيت أختك أهي بيتها واجهة وحده وخلفها وعلي جنبها جيران عكسنا )
أنا :-ولدي المعاق يكون جنب غرفته غرفه للممرضة ويكون لغرفتها حمام مستغل عن الخدم
هو:-ماله داعي خل تنام مع الخدم
أنا :-حمام الديوانية يكون له ممر فيه مغاسل والممر مسكر يعني له سقف مرتبط بالديوانية
هو :- الحمام بالحوش والي يبي يروحه له يطلع بالحوش المكشوف علشان الريحة ( نظام شياب أول ) عاد الله علي جو الكويت غبار وشمس تسلخ
وغير وغير وغير صج النفسية تعبت وياما تزاعلنا بالأيام هو راسه يابس وأفكار قديمة وأنا راسي ايبس منه وماأبي اندم علي شئ ما سويته ببيتي

 

[ام دودو المزيونه]

حبيبتي كارلوفي
فكرت نفسج وطرحت الفكرة علي المهندسة وأنا ادري أن صعب تنفيذها لان فيه شئ اسمه مخطط للصحي فيه البايبات تنرسم واضحة مافي مجال مثل المخطط المعماري وفعلا وافقتني المهندسة والمطبخ أنا خاطري أحط فيه غسالة صغير توماتيك نفس بيت أمي أسهل علي وعلي بنتي لملابسنا الخاصة بدال صعدت السطح فلازم بيبات للصرف الصحي
واهم بعد معترضين علي السلم الثاني الي بالنص يقول انه اول كانوا يوافقون واللحين ممنوع ( ما اصدق هالكلام شنو هالظلم اغلب البيوت فيها سلمين أو ٣ بعد معقولة كلامه )
طبعا اذا ما قدر مدير المكتب يساعدنا اضطر أغير بالمخطط
القسط مال الإسكان بيحل علينا السنة اليايه وأحنا ودانا نبنى شهر ١٠
الله كريم ويسهل أمورنا واموركم ويحل عنا مدير بلدية الأحمدي بتعنته وعنجهينه لو ربعه جان مشى خرايطهم بمخالفاتهم

 

[eman12]

صباح الخير
ظاق خلقي من بعض الملاحضات
ياربي بروحنا بقلعه وادرين بعد ليش كل هالتضيق
والله في بيت بصباح الاحمد عليهم بالف عافيه بانين 4 ادوار مخلص مركب شباببيك
اما سالفه الدرج الثاني مخالف هذه سالفه 2

 

[أغلى حبيبه]

ام دودو انا مثلج بيتي دورين

وكل اللي تبينه تدفعين فلوس حق التراخيص ويمشون معاملتج
انا فوق شقتين مفصولين عن بعض دفعنا وطلعنا الترخيص بس الحين بنخليها مفتوحه على بعض

وبعدين ان شااءالله نسكرها
الممنوع انج تبنين من الطوفه لي الطوفه لازم خدمات
وتبين الصج ماشاءالله جيرانه مسوين ناطحات سحاب مو بيوت الله يهنيهم
بس سويت لي حوش انا امووت بشي اسمه شوي ما انحرم منه عشان جيراني

وخليت الشبابيك كبيره والله يخلي الشتر يسترنا عن جيرانا

 

[ام دودو المزيونه]

صور لزيارتي لمدينة صباح الأحمد مع ريلي حبيت اواري ريلي جم بيت مسوين السلم نفس طريقتنا بنص البيت وشبه دائري يقولي ريلي اهو ما اعترض علي وجود سلمين المدير بس موعاجبه التصميم
التصوير علي السريع كان ضايق خلقنا جان نقرر نطل علي المنطقة الا ماشاء الله مزدهره ببيوت جديد الي بلش يبني والا خلص حتي الواجهة خالصة لا وواحد من البيوت ماشاء الله مركب مكاين التكييف وبيته خالص يقدر يسكن بس شكله ناطر الكهرباء

هذا جارنا ثاني بيتى علي يسار ارضنا ماشاء الله من شهرين تقريبا كان يحفر والحين العواميد واقفه الي يتمم عليه

 

[ام دودو المزيونه]

تابع
الي بنوا دوروا بيوتكم يمكن مصورتهم
وهذا جارنا الي علي يمين بيتنا خلص الهيكل الأسود الله يتمم عليه

هالبيت ماشاء الله عجبني تصميمه

كارلوفي تذكرتج يوم شفت اسم المكتب دار سالم

هذا القسيمة مخلصة ومركب مكينة السنترال

المسجد

بيوت الحكومة خالصين سمعت انه فيه 500 بيت راح يتم توزيعهم

وأخيرا طلعنا وأنا احاتي عيالي من هالطريج وخطورته وشلون أهلي بيزوروني أن شاء الله يخلصون كل الخدمات من صحية وتعليمية لأن المنطقة بعيد عن باقي مناطق الكويت

 

[eman12]

صباح الخير علي الجميع
ام دودو
نفس حالتي ادخل المنطقه ينشرح قلبي لما اشوف البيوت قايمه
ويضيق صدري لي طلعت من المنطقه
الله المستعان
والله يسهل امورنا ويهون علينا الطريج

 

[بقلبي انت]

والله يام دودو جنج مصوره بيتي ههههههههه
وطلباتج بالعكس حلوه الحوش والمطبخ عالجنب ويكون فيه باب للخدمه للديوانيه واهم شي غرفه للممرضه ضحكة علي كلام رجالج تنام مع الخدم شكله نظام الشيبان صج لكن انتي تعاليله بالهداوه وعلميه صح قوليله هذا بيتي وبسوي إلي بخاطري
مو كل يوم بهدم وابني
والحوش اول شي قلته لزوجي ابي حوش كبير اركض فيه واذا عالجيران نزرع شجر دار مدار الحوش مايكشف

وانا بعد احاتي الطريق والله كله شاحنات وسيارات طايره الله يستر

 

[كارلوفي فاري]

مررحبا يابنات. ام دودو انتي تبينها غرفة غسيل. خلاص خليها للغسيل شنو اللي يمنع. انا عن نفسي خليتها بالسطح هي وغرفة الخدامات.
ابونا راح يدور مكاتب ثانيه غير دار سالم وبنشووف
ماشالله صور البيوت تشرح الصدر. في البيت اللي زاويه حلو واجهاته ماشالله. وفي قسايم حافرين السردااب

 

[بقلبي انت]

صباح الخير
انا بعد خليت غرفة الغسيل والخدامه فوق عالسطح احسه احسن من انها تكون بالحوش

والله المكاتب بلشه ماتعرفين الاحسن فيهم احنا ابتلشنا بمكتب ناسيه اسمه بحولي غلط بشغلات في المخطط
زوجي قايلهم مايبي جسور بسقف الغرف بس عمك اصمخ وفي صبه قايل للمهندس يشيلها وتفاجأ زوجي فيها يوم راح يشوف
البيت وواجهة البيت علي اساس يصمملنا واجهه قعد اسبوع ويوم مرهم زوجي
إلا مو مسويها بالاخير قعدت انا وزوجي سويلنا تصميم للواجهه

كارلوف شوفولكم مكتب على مدح احد باني بيته او قسيمته يعني سمعته زينه بالتعامل والشغل الدقيق