OoOoO تجمـع قسـايـم صبــاح الاحمــد OoOoO / تم دمج المواضيع

[بقلبي انت]

قوه بنات
الله يسهل عليكم ويسهل البنيان وتخلص بيوتكم علي خير
انا معاكم بعد قطاع c والحمدلله بدينا بنيان سويت بيتي دورين وربع والربع خليته غرفة خدامه وغرفة الغسيل
وفيه حوش والحمدلله باقي شغلات بسيطه
وبعدها يبدون مساح البيت

المكتب كلش ما انصح فيه احد اخذنا فيه مقلب بصراحه خرب شغلات ونسي يضيف شغلات نبيها لكن رقعنا والحمدلله

 

[بقلبي انت]

انا عني قلت لزوجي إلي ابيه وشنو ابي وعلي كلامي سوا المخطط والحمدلله انا مرتاحه واهو بعد سوا إلي بخاطره
كبر الديوانيه وحط مقلط وحمامين ومغاسل

كارلوفي جنه حجم ديوانيتكم مثل ديوانيتنا كبيره وراهيه والمقلط زين بعد حجمه والحمامات زوجي حاطهم 3×4جنه


اشرايكم بنات انا بحط بمطبخي جزيره بالنص احط فيها مغسله وجوله ولا اخليها بدون شي

 

[كارلوفي فاري]

شلونكم يابنات وشنو اخر الاخبار
ياحبيباتي رسوني على بر. اللحين انتوا خططتوا كم متر البنيان لانه زوجي شكله باني ٦٠٠ كامله. وبالنسبه لسعر المتر للي بنوا كم المتر المربع.

 

[كارلوفي فاري]

:eh_s(2)::eh_s(2): وينكم

 

[RoOoz]

السلام عليكم ورحمة الله

شلونكم بنات وعساها منازل مباركة عليكم يااااااااااااارب

معاكم اختكم ام خالد وجارتكم ان شاءالله بصباح الاحمد

احنا للحين بنسوي اجراءات البنك وما بلشنا بأي شي انا قطاع بي 3

 

[RoOoz]

بسألكم اللي بلشوا وبنوا اهو عادي نبني ال 600 متر كلهم ؟

لاني سمعت انه بس نبني 400 متر ؟

وعادي نبني ملحق ؟

 

[RoOoz]

شلوونكم بنااات اخبااركم. عفيه حركوا القرووب
طبعا احنا شغلنا ابرد من الثلج. سوينا تعديلات على المخطط. بس المشكله الاولى. اني تنازلت وللاسف عن السردااب بعد ضغوووطااات من الجميع. اللي هو زوووجي وربعه.
والشغله الثانيه زوجي مو مقتنع بكبر دوانياته وصاير لي مثل الاخطبووط يبي ياخذ من غرف البيت علشان يزيده على الدوانيااات
ياجماعة الخييير حجم الدوانيه 10،5*5،5. زين ولا لا. والمقلط 6*6. شرايكم تكفووون رسوني على بررر لانه طمعان بغرفه حاطتها بالدور الارضي تصلح لنفاس او ضيوف ينامون عندي
وفوق كل هذا راح اصعد غرفة الخدامات فوق كله علشان اكبر من المغاسل مالت الدوانيه
عفيه بنات اللي بنوا وخططوا كم مقاسات الحمامات لانه احسهم صغار
وشكرررا

حبيبتي بالنسبة للدوانية ماشاءالله وايد حلوة مساحتها وخلوها 10 * 6 وايد احلى وتكون اعرض احسن

وبالنسبة للغرفة لازم غرفة للضيوف او نفاس بناتج مستقبلا او اي ظرف لاي مريض اسم الله عليكم ومايقدر يصعد فوق يعني تحسبا لأي ظرف لا تستغنين عن الغرفة والله يهديلج زوجج ويسخره لج يااااارب

 

[كارلوفي فاري]

حياج الله ياام خالد معانا. واتمنى من البنات اللي بلشوا البنياان يوضحون لنا الخطواات. وبالنسبه لمخططي انصدمت انه مخطط ٦٠٠ كامله. اللحين مضطرين نعيد المخطط بالكامل

 

[أغلى حبيبه]

صبحكم الله بالخير جميعااا

كوكو وااايد حلوه وراهيه الدوانيه مثلنا تقريبا والمقلط خمسه في خمسه لانه سوينا وراه غرفه السايق وحمامها

وخليت لي حوش ٤*١٢ غير الخدمات اللي ع الجنب

ولاااا تنسون تخططون حق الواجه مع المخطط

الله يسامح اللي قال حق ريلي مو ضروري تخطط الواجه

والحين اكلنها وسوينا الواجه اييييي شي بس ريلي يقول بالميزايك والحجر يسويلي واجه حلوه

 

[RoOoz]

مساء الورد عالكل

شلونج اغلى حبيبة والله يحييج كوكو


بغيت اسألكم يصير الدوانية تبع الملحق يعني بدل داخل البيت ولا لأ ؟

 

[أغلى حبيبه]

هلا والله رووووز

اي انا مسويتها جذي ماخذه الملحق كله

دوانيه بعدين حمام ووراه المقلط وورهم غرفه الصبي مع حمامه
وكلش مفصول عن البيت بس حطيت باب من المقلط ع الحوش عشان الجاي والقهوه وهالسوالف
وعشان الصبي بعد كلش مايدخل الحوش عندي دخلته وطلعته من ممر الخدمات اللي يم الدوانيه

 

[RoOoz]

فديت قلبج اغلى حبيبة


انزين جم مساحة الملحق مسويته ؟


انا للحين كلها افكار عالورق وكل يوم بفكرة وراي عشان لا اخربط ريلي هههههههه

 

[RoOoz]

حبيباتي ادري ازيتكم بأسألتي بس مالي غيركم بعد عمري


الحين انا بيتي يطل على سكة مساحة 6 امتار بيننا وبين جارنا هالسكة يصير اسوي منها باب على بيتي ولا ما يصير ؟


اللي عندها فكرة تفيدني يزاها الله خير

 

[كارلوفي فاري]

الساعه المبااركه ياروز اصلا حركتي القرووب. بالنسبه للباب اذا مايضايق جيرانج اتوقع عادي.
حبيباتي صديقاتي بالتجمع. عطونا اسماء مكاتبكم لو على الخااص. وقولولنا شنو ايجابياتهم وسلبياتهم

 

[كارلوفي فاري]

انا بخاطري غرفة الطعام. طبعا كنت مسويتها بالمخطط الفاشل. فاذا غيرنا احتمال اشيل هالغرفه. بس شرايكم احطها بصالات الاستقبال او احط مساحه ٣*٤ لها زياده على الصاله
ودي اعرف كم مساحة المطبخ المعقوله

 

[RoOoz]

ساعتج ابرك حبيبتي كوكو


بالنسبة للمطبخ اغلب اللي سمعته وشفته في بيت حمواني مساحته 5*6 بس عندهم مخزن بعد للثلاجات وغيره


بالنسبة لغرفة الطعام ادا تبينها لاستعمالج الشخصي بعد يفضل تكون بالنص بين استقبالج والمعيشة والمطبخ يعني حاولي تربطين بينهم

 

[RoOoz]

هدي بعض الصور مخططات ممكن تستفيدون بفكرة

 

[RoOoz]

كوكو شوفي اول مخطط صالة الرجال على اعتبار صالة او استقبال النساء تفتح على غرفة الطعام وبعدها المطبخ طبعا يكون المطبخ العادي مو الديرتي كيتشن

 

[RoOoz]

 

[RoOoz]