OoOoO تجمـع قسـايـم صبــاح الاحمــد OoOoO / تم دمج المواضيع

[كارلوفي فاري]

:eh_s(7):صج. مبارك عليييكم الشهر.

 

[كارلوفي فاري]

بس يابنات. ترا راح اوعل. هالقروب ترا له ثلاث سنين ويمكن اكثر ولما جت الصجيه مافي تفاعل. نبيكم ياللي بنيتوا تهذرون علينا صفحه صفحتين. نبي تكسير حسابات. اسامي المحلات. الصعوبات اللي واجهتوا. انا اللي مخوفني اني ابلش لانه محد شار علي شاسوي.
اللي استنتجته من الكلام انه مكتب الهديه زين مع انه الاغلبيه قالوا انه يطول. يلا عفيه سوولفوا

 

[eman12]

مبارك عليكم الشهر
اشلونكم بنات شخباركم
احنا بلشنا نسوي مخطط وبعد ماستلمناه وانشالله خير
يمكن يالله قريب عيد الاضحي نبلش حفر
هذه توقعاتي
بس بنات حبيت اخذ رايكم المطبخ نظام الجزيره اشرايكم فيه اللي يكون بالنص في مثل طاوله ثابته وفيها مغسله

 

[كارلوفي فاري]

ماشالله يا ايمان الله يوفقكم وعاد لاتنسينا بالمعلومات. وبالنسبه للمطبخ حيل حلوه هالفكره بس يبيله مطبخ كبير

 

[أغلى حبيبه]

صباااح الخير جيرااني

مبارك عليكم الشهر وعسااكم تعودونه

كوكو ما انصحج بمكتب الهديه

اول شي غاالي
وثاني شي يقولون يحط حديد وااايد بالاساس
يعني مثلا بيتج يحتاج 25 طن حديد اهوا يحط الدبل
وكله مصرررف والصراحه البنيان نهييييبه
احنا اولى بكل فلس
سوي انتي سيرج بقوقل واقري عن المكتب

وانا اخباري الحمدالله خلصنا الدور الثاني ووقفنا عشان رمضان

وامس مريت البيت الا يحليلهم اهل المنطقه
بانين مسجد صغيروون وحاطين فيه سماعات ومكينه كهربا

ومسوين افطار صائم واسم المسيد ابو بكر الصديق

وفي جم بيت يمنا ماشاءالله ركبو الدرايش وسكرو بيبانهم

الله يتمم علينا ونخلص على خير

 

[M!SS.LOBY]

موووفقين

 

[M!SS.LOBY]

الله يتمم عليكم (أغلى حبيبه)

 

[كارلوفي فاري]

اهلييين بالجمييع
وحيالله اغلى حبيبة مابغيتي تطلعين علينا وتحنيين. خخخخخخ. والله يااختج للحين محتارين بالمكاتب. ومكتب الزبيد نفس الكلام يزيد الحديييد. زين اي مكتب تنصحوني. وشلوون على السرداب. اللي ماسووا للحين ماتحسفوا او مقتنعين برايهم

 

[eman12]

السلام عليكم
يعطيكم العافيه جميعا
( كارولوفي فاري ) فديت قلبج انشالله باذن الله اول باول راح ابلغكم
حاليا احنا عطينا مكتب الحيلان اللي بالجابريه طلباتنا علشان يسوي لنا المخطط بس وايج بطي يتحجج برمضان
ومالنا الا الصبر وانشالله سهالات
وعلي سالفه المطبخ سويت سيرج علي موضوع الجزيره ولقيت صدي طيب علي الفكرة بس انه ماتكون الجوله بالنص يكون بس للتحضير
واحس اني متوتره وشوي مشوشه تفكير ي وخايفه
))))))))))))))))))))
انتوا بعد مثلي تحاتون والا انا مخرعه نفسي بنفسي

 

[أغلى حبيبه]

امييين ياربي الله يوفق الجميع

كوكوو اذا عندج ٥٠ الف كاش سوي السرداب

والله انا اقول المساحه حييييل كبيره سووي اللي بخاطرج فوق شلج بالسرداب

خساير ع الفاضي

بالمطبخ عاجبتني فكره الجزيره ولا فكره الكاونتر مثل برنامج القصار

محتاره بينهم

واول غلطه اكتشفتها بالبيت للاسف المطبخ بنص البيت وماله اي شباك
للتهويه بس باب على الحوش
واطريت احط ٤ شفاطات مركزيه بالمطبخ عشان الريحه
وودي بمغسله ارضيه حق الجدور الكبار ملوت العزايم
بس ريلي كلششش مو مقتنع فيها يقول اسوي بالجزيره مغسله
كبيره ونحط فيها الحنفيه اللي فيها هووز مالت ايكيا
جنه فكرته حلوه ... مادري محتاره

وهمم طلع الدري مافيه درابزين لانه الاصنصير بالنص

وامممم وبعد مادري حده شاغل تفكيري البيت

وبسالكم طاوله الطعام عاادي اخليها بغرفه مسكره
ولا احلى بالصاله مفتوحه

ولااا اله الا الله محمد رسوول الله

 

[eman12]

أغلي حبيبه الله يسهل امورج يارب ولاتحاتين سالفه الدرج بيت أهلي نفس ألطريقه وزين مو سئ بس حطي اضاءه بالارضيه تعطيج منظر وسوي حركه بطوفه الدرج

 

[كارلوفي فاري]

موفقيين يااارب.

 

[كارلوفي فاري]

الووووو

 

[farawlaa1]

ياااا هلاااا من بعد غيبتن طويلة ولهت عليكم جاراتي .. حبايبي احنا عطونا ترخيص البنا و ريلي راكض على قرض البيت راح نجهز الأوراق من الحين و بس ناطرين نفظى عشان نرسم انا معاه خريطه مبدئيه باللي نبيه في البيت.. بس حبايبي احنا سالنا ترى ممنوع تبنون المساحه كامله لج بس 400 متر بنا و 100 ملحق والباجي يتقسم:eh_s(11):
يعني ديرو بالكم من هالنقطه .. شي ثاني.. ريلي فكر ان يتفق مع شركات البنا ان احنا مع ربعه اللي طالع لهم هناك معانا ان ينزلون درب واحد عشان يقللون السعر علينا لان اسعار المواد راح تكون اغلى لان المنطقه بعيده و معزوله
بس متو تتوقعون تسكنون .. مابي اروح و نسكن بروحنا اخاف.. والخدمات هناك مقطوعه يعني لا كهربا لا جمعيه لا مستوصف للحالات الحرجه,, اظن يبيلهم بعد مو اقل من سنتين.. فابنوا على راحتكم

 

[eman12]

السلام عليكم
اشلونكم جارات المستقبل
فراوله شكلج معاي بنفس القطاع انا d5
لاتحاتين ماشالله شكل الخدمات راح تكون متوفره لان لاحضي ان بيوت الحكومه ماشالله خالصين فاتوقع انشالله المنطقه فيها حركه راح تصير ومرينا شفنا الهيكل مبين مباني مدارس والله يسهل انشالله

 

[eman12]

عيدكم مبارك جميعا

 

[أغلى حبيبه]

ايااامج سعيده

شخباركم ياحلوين

 

[هجووورة]

السلام عليكم ورحمه الله وبركاته
حي الله جيرانا
انا معاكم في صباح الاحمد قطاعe
حبيباتي فديتكم اللي خططوا ابي مكاتب هندسيه حلوه وماتاخذ حديد دخت كل مكتب اخس من اللي قبله والاسعار متفاوته
كذلك شركات المقاولات لان زوجي مايقدر يقابل البنيان نصحونا بالسلطان المتكامله غفيه اللي تعرف شي لاتبخل علينا
الله يجعله في ميزان اعمالها

 

[بيت التوت]

الف الف مبروك البنيان ويا حلو سوالفكم بنات


بالبنيان راح تنصدمون بأزواج كم وتتفاجئين بشخصيته

انه مايسمع منج ويعل قلبج علي مايو افق علي رايج لدرجة مايعطيج فرصه تبنين علي كيفج

او اتسوين اللي خاطرج فيه

وان شاءالله مؤ كلهم جذي


والله يتمم عليكم بخير وسلامه يارب

 

[كارلوفي فاري]

شلوونكم بنااات اخبااركم. عفيه حركوا القرووب
طبعا احنا شغلنا ابرد من الثلج. سوينا تعديلات على المخطط. بس المشكله الاولى. اني تنازلت وللاسف عن السردااب بعد ضغوووطااات من الجميع. اللي هو زوووجي وربعه.
والشغله الثانيه زوجي مو مقتنع بكبر دوانياته وصاير لي مثل الاخطبووط يبي ياخذ من غرف البيت علشان يزيده على الدوانيااات
ياجماعة الخييير حجم الدوانيه 10،5*5،5. زين ولا لا. والمقلط 6*6. شرايكم تكفووون رسوني على بررر لانه طمعان بغرفه حاطتها بالدور الارضي تصلح لنفاس او ضيوف ينامون عندي
وفوق كل هذا راح اصعد غرفة الخدامات فوق كله علشان اكبر من المغاسل مالت الدوانيه
عفيه بنات اللي بنوا وخططوا كم مقاسات الحمامات لانه احسهم صغار
وشكرررا