OoOoO تجمـع قسـايـم صبــاح الاحمــد OoOoO / تم دمج المواضيع

[eman12]

السلام عليكم
اشلونكم جاراتي العزيزات
تقريبا اعتمدنا المخطط ويمكن علي الاسبوع الجاي يدخل بلديه والله يسهل
لغينا الغاز المركزي لان وايد ناس مامدحوه وخوفوني منه
وعندي غرفه بناتي مسويتهم ماستر مع منازعهم بس صار معاي مشكله بغرفه منهم ان يصير الدخول علي المنزع فحاولنا ان نخلي فيه ممر
وخليت دخول المؤجرين من ناحيه الجار مع اني كنت مفكره اخليهم ناحيه السكه عندنا علي الجانب سكه
بس مانصحنا المهندس وقال استفيدوا من هالمنطقه علشان الحوش مايكشفنا الجار الجانبي يكون بينا وبينه مسافه
والله يسهل

 

[أغلى حبيبه]

الف مبرووك ايمان والله يسهل اموركم

 

[أغلى حبيبه]

صباااح الخيير

 

[كارلوفي فاري]

ياهلا والله فيكم. بالنسبه لنا رحنا شفنا مكتب الشتلي. زوجي الله يهداه بيطلع نخل براسي بس ماعليه اسكن بيتي وانا براسي نخل ولا قرعه.
المهم بالبدايه ماعجبني تخطيط المهندسه بس بنت الحلال خضت وعطت معاي ليما وصلت للي ابي تقريبا. مع اني بالاخير تذكرت اني ماحطيت مخزن بالدور الاول. وشغله ثانيه لاحظت انها ماوصل الدج مالنا للمؤجرين فوق يعني درجنا يوقف للثاني والدرج اللي بره يوص لكل الادوار.
بس بالاخير للحين مو عارفين هالمكتب يعتمد عليه او لا.
الحمدالله كان زوجي اقتنع انه مايسوي على المفتاح. بس للحين محتارين بالتكلفه التقريبيه. وبالمقاول اللي مايسبب لنا مشاكل عويصه.
والله كرييييييييييييم

 

[كارلوفي فاري]

ياااقووووم. وينكم. اكيد لاهين بالمدارس. كل سنة وانتوا طيبييين

 

[العياره]

شلوونكم من زمااااان عنكماحنا ولاااااشي سوينا لا مخطط ولااشي
مادري متى نبلش ��

 

[بقلبي انت]

صباح الخير
والله لهيت مع ولدي بالمدرسه والفريق الثاني الاحد الجاي .ربي يوفقهم ويسهل دراستهم

بيتي الحمدلله بعد اسبوع يبدون مساح لان الحين قاعدين يمددون وايرات الكهربا ويسوون نقط الكهربا
ومعاه الصحي بعد تمديد بايبات المجاري مكرم السامع وبايبات الماي
اتفقنا مع معلم ديكور يقول الهبه الحين ديكور امريكي العادي بو اضاءه مخفيه انا بسويه في بيتي لغرف النوم لكن صالة الضيوف
وصالة الاستقبال سويتهم شوي كشخه مع غرفتي

وسوينا عقد مع شركة تكييف بس ناسيه اسمها سويته تكييف مخفي مو العادي

اممم وبس لله يسهل علينا ويوفقنا اجمعين ويارب تنزل هال30 الف عشان تمشي وتتيسر امورنا

 

[أغلى حبيبه]

بقلبي انت

انتي معاي خلصنا الاسود والحين دخلنا الصحي والكهربائي والتكيف
ورحت امس حددت مكان الشفاطات المركزيه بالمطابخ
ونهايه الاسبوع ان شاءالله بروح احدد نقاط الكهربا
ومكان المغاسل والشور والافرنجي عزكم الله
والديكور كلش ماشفت شي اذا عندج افكار حطي لنا صور

 

[أغلى حبيبه]

بقلبي انت

انتي معاي خلصنا الاسود والحين دخلنا الصحي والكهربائي والتكيف
ورحت امس حددت مكان الشفاطات المركزيه بالمطابخ
ونهايه الاسبوع ان شاءالله بروح احدد نقاط الكهربا
ومكان المغاسل والشور والافرنجي عزكم الله
والديكور كلش ماشفت شي اذا عندج افكار حطي لنا صور

 

[أغلى حبيبه]

العيااره وكوكو شلونكم شخباركم

كوكو ليش ماتروحين هناك وتاخذين افكار من البيوت

 

[بقلبي انت]

هلا بنات
اغلي حبيبه انا دخلت الاستغرام وحطيت صور ديكورات اسقف واخترت
ديكورات حق صالة الاستقبال مع الممر وصالة الضيوف والديوانيه والمقلط
وغرفة نومي اما باقي الغرف والصاله الثانيه حطيته ديكور امريكي مخفي العادي
لانه مايكلف
اذا عرفت انزل صور من تلفوني بنزل ان شاءالله الصور
لكن انتي اخذي فره بالاستغرام وشوفي الديكورات

 

[بقلبي انت]

بنات باب مدخل بيتي إلي يوجه لصالة الاستقبال حطيت وراه باب زجاج قوي
عشان يمنع دخول الغبار داخل البيت نفس بيبان الفنادق . يعني افتح باب الصاله الرئيسيه بعدين يجي
نص متر بعدين باب الزجاج وللديوانيه نفس الشي.. انا شايفته في بيت
وعاجبتني الطريقه عشان الغبار والدرايش حاطه شتر مخفي وحاطتلي بوابه شتر
بعد مدخل لسيارتي

 

[سهم ويصيب]

صباح الخير



حابه اسالكم عن المنطقه شكثر بعيده عن بوحليفه والي حولها ؟

سمعت انها حيل بعيده عن الديره

 

[أغلى حبيبه]

سهم ويصيب

انا بالعقيله ياخذ مني طريج من ثلث لي نص ساعه على حسب الزحمه

 

[ام دندوونه]

بنات باب مدخل بيتي إلي يوجه لصالة الاستقبال حطيت وراه باب زجاج قوي
عشان يمنع دخول الغبار داخل البيت نفس بيبان الفنادق . يعني افتح باب الصاله الرئيسيه بعدين يجي
نص متر بعدين باب الزجاج وللديوانيه نفس الشي.. انا شايفته في بيت
وعاجبتني الطريقه عشان الغبار والدرايش حاطه شتر مخفي وحاطتلي بوابه شتر
بعد مدخل لسيارتي

ما شاء الله الفكرة حيل عجبتني والله يسهل أمورنا وأموركم إحنا للحين موقفين :eh_s(2):

 

[ام دندوونه]

شلونكم بنات الله يعين اللي يحوسون بالمخطط ويسهل علي اللي بدووووو ااا يارب

 

[eman12]

صباح الخير جاراتي العزيزات
الله يبارك فيج حبيبتي اغلي حبيبه
وانشالله يارب نسكن علي خير يارب

الله يخليكم تدرون جم تنصرف لنا الدفعات من بنك التسليف لين نخلص الاسود
بالبدايه تنزل 13 الف الباجي كل شكثر والاسود جم يصرفون لنا

 

[بقلبي انت]

صباح الخير

الحمدلله باقي شوي ويخلص الصحي والكهربائي للحين يشتغل بالتمديدات
وان شاءالله صفيت على الميزاييك تلبيس البيت من برا يعمر اكثر ويعزل الصوت اكثر من الباقي

انا إلي اعرفه ان بنك التسليف مايدفعلج الدفعه إلا اذا طلع المهندس وشاف البنيان اذا صح تنزلج دفعه واذا في شي غلط
يوقفون الدفعه الجايه لين تعدلين الغلط بالبنيان بس المبلغ مو متأكده منه جنه 7 الاف


يارب سهل امورنا ويسرها وارزقنا من حيث لا نحتسب

 

[سلاسل ذهبيه]

بالتوفيق لكم كلكن يارب

 

[eman12]

صبحكم الله بالخير جارتنا الحلوين
شخباركم