OoOoO تجمـع قسـايـم صبــاح الاحمــد OoOoO / تم دمج المواضيع

[هجووورة]

السلام عليكم
معاكم جارتكم المستقبيله
الحمدلله خلصنا المخطط وناطرين الانشائي
لاتبخلون علينا بتجاربكم

 

[eman12]

هلا وغلا بجارات المستقبل
استغفرالله مادري ليش جتني ضيقه من البنيان مع اني كنت متحمسه من دخل المخطط البلديه وانا نفسيتي تعبانه
حايشني توتر وقلق الحمدلله علي كل حال

 

[كارلوفي فاري]

إيمان تعودي من الشيطان. وهذا والله كله من التوتر.

 

[eman12]

تسلمين حبيبتي كارولوفي

 

[أغلى حبيبه]

صباح الخير جيراني شلونكم

مفااااجأه امس رحت منطقتنا ولا تقريبا 3 بيوت حاطين مكاين وساكنين واليهال يلعبون بالسكه

حدييييي استانست عسى الله يبارك لهم فبيتهم يارب

 

[أغلى حبيبه]

صباح الخير جيراني شلونكم

مفااااجأه امس رحت منطقتنا ولا تقريبا 3 بيوت حاطين مكاين وساكنين واليهال يلعبون بالسكه

حدييييي استانست عسى الله يبارك لهم فبيتهم يارب

 

[farawlaa1]

واي يا اغلا حبيبة رديتي فيني الروووووح والله كنت حدي متحبطه ريلي كلشوي يقولي تو الناس و ما في احد باني هناك

 

[eman12]

هلا وغلا بالجميع
ماشالله شخالاخبار الطيبه ( اغلي حبيبه )
واليوم 16/12/2013 جريده الوطن كاتبين راح يوزعون الاراضي اللي عقب منطقه صباح الاحمد لي الخيران يعني في ناس راح يسكنون منطقه بعدنا يعني مو بس احنا بقلعه وادرين )))))))))))))))))))))))))))) واللي قال لنا ماخذين بعيد خل يستريح وين القريب وقلنا لا
يارب تيسر امورنا وتسهل علينا ونسكن علي خير
انا بالنسبه لبيتي لازال في البلديه للترخيص ودعواتكم حبايبي

 

[أغلى حبيبه]

صباااح الخييييير

 

[eman12]

صباح النور اغلي حبيبه وصباح النور علي التجمع كله
اليوم في خبر حلو في جريده الوطن ان بيوصلون الكهرباء اخر سنه 2014
يالله الحمدلله وعليهم بالعافيه اللي شطبوا ينزلون بيوتهم علي خير

 

[أغلى حبيبه]

خووووش خبر ايماان

شخبارج مع البنيان

 

[أغلى حبيبه]

خووووش خبر ايماان

شخبارج مع البنيان

 

[eman12]

هلا وغلا بالجارات الحلوين
اغلي حبيبه مخططنا للحين بالبلديه وربنا يسر الامور
منو معاي بقطاع d5 قبل اسبوعين رحت وشفت حوالينا بيتين مبلشين طخت عني الضيقه وحسيت ان في ناس يمي قبل احسب بصير بيت في الصحراء )))))))))))))
وماشالله شغالين في الخدمات حيل كل مره اروح اشوف في تغير يارب تتسهل امورنا
عفيه لاتقاطعون خل نتواصل ونتشاور

 

[بقلبي انت]

قوه شخباركم جاراتي

الحمدلله انا بيتي خلص مساح والحين باقي شوي ويخلص تلبيس البيت من برا حطيت ميزاييك
بنخليه شهرين يرتاح ويصك علي بعضه عشان لبلشنا ديكور وصبغ ما تتشقق الطوف وتصير عروق عالطوفه

والحمدلله ربي يسهل امورنا ويتمم علي خير

 

[بقلبي انت]

ايمان انتي نفسي قبل جذي كنت افكر ومشوار طويل بس من شفت بيتي ينبني والله جتني فرحه وبجيه
وقلت كله يهون والسياره تقرب البعيد والمنطقه بتقوم والناس بتجي تسكن والحمدلله كل مره اروح اشوف خدمات جديده
وعلي وشك انهم يخلصون والبيوت كل مالها وتخلص بنيان الحمدلله يارب والشارع مال الوفره بيعدلونه
بيخلونه حارتين كبار والاشاره إلي عالجسر بيشيلونها وبيصير جسر يعني الحمدلله كل مالها الامور تصير تمام

 

[eman12]

الله يهنيج ( بقلبي انت ) ويارب تسكنين بيتج وتتهنين
وربي يوسع صدرج مثل ماوسعتي صدري بكلامج *

 

[eman12]

السلام عليكم اشلونكم جاراتنا الحلوين
اشرايكم بالقرار الجديد 30 الف دعم من الحكومه علي المواد
والله ماني فاهمه اذا هذا لصالحنا والا بيكون ضدنا
انا سالفتي سالفه بس ربي يسهل الامور
المكتب الهندسي بعد ماخلص المخطط وكنا متفقين معاه 1250 مع الاشراف دفعنا له 800 علي تنفيذ المخطط وعقب قال ماعندي لكم اشراف واهو يبي يزيد السعر وعقب لما سالناه شالدبره قال عطوني 450 زياده تخيلو ضاعف علينا الاشراف والا اخذو مخططكم وانقلعوااااااا حسبي الله ونعم الوكيل واضطرينا ان نكمل معاه والمقاولين الكل ضاربنا بالسعر يقولون بعيد وسعر العامل غير مناطق الثانيه الحمدلله تضيق وتفرج واللي يقولون لنا انتوا ماخذين مساحه كبيره واللي واللي واللي علي البارد يقول بدلوااا والا تروحون هناك والحمدلله علي كل حال اسفه طولت عليكم بس والله من ضيق صدري

 

[كارلوفي فاري]

مررررحبا بالجميع
مع أني مواليد شايفه الجميع. إيمانا هو نيها وتهون يا اختج. بيجي اليوم إنش الله اللي نتمشى في بيوتنا. والله يبارك لنا فيها.
الباااقي أين أنتم

 

[رنيـم]

مرررحبا بجيراني
حبيت ابشركم الكهربا توصل المنطقه شهر 6
والمدارس راح يبطلونها السنه الجايه ان شاءالله مثل ماسمعت
والحمدالله المنطقه قامت والناس صاروا يسكنون قبل الكهربا
والله يسهل على الجميع

 

[eman12]

ماشالله الله يبشرج بالخير أختي يارب تسهل أمورنا قولوا امين