هلا وغلا بجارتي الحلوين
قصتنا مع المكتب الهندسي
الله يسلمكم بلشنا المخطط من شهر 9/2013وخلص واعتمدته البلديه في شهر 1 /2014 المهم رحنا نستلم الخريطه وعلي اساس نبلش ومتشققين من الوناسه جان يقول لنا اخذو خريطتكم وماعندي اشراف اتفقوا مع مكتب ثاني
المهم احنا اساس موقعين من البدايه علي عقد اشراف مع مكتبنا 400 دينار غير الخريطه 800 المهم دورنا كل مكتب ياخذ المخطط ويشرف عليه ياخذ 850 او 1000 مالكم بالطويله قلنا له الحين بينا وبينك عقد رد قال المبلغ مايوفي والاسعار ارتفعت قلنا قول جم تبي قال ابي 850 يعني زاد علينا الضعف حق الاشراف قلنا ماعليه راضين بس خل نخلص ويلعب علينا فوق الشهر تخيلو من اول شهر يناير لي قبل 3 ايام ويقول يومين وارد وغير عطله الربيع هدنا سافر صاحب المكتب ويوم السبت هذه قال لنا احتمال علي شهر 3 في ازمه اشراف من البلديه حادتهم بمساحات معينه للاشراف واختكم نفذ صبرها مع هالمكتب واتصل ابونا علي صاحب المكتب واخرتها قاله اذا ماتخلص موضوع الاشراف وانت تظبطني بمكتب 2 راح ارفع عليك قضيه واقدم العقدين ويبين فيه زياده المبلغ واهو قام يطقطق وصادف رفيجه نفس السالفه وهم هدد صاحب المكتب ( يحدونا علي الشر ) وفعلا وقع لنا الاشراف والحين ننطر المقاول يكمل باجي الشغل ونبدي الحفر
انا ماخرعكم بس لما كنا نسال عن موضوع الاشراف لقينا فعلا في مشكله عند المكاتب عند البلديه فاللي ناوي يبلش هالسنه لا يحط بباله ان المخطط يخلص بشهر بلشو من الحين لان يطول ومو كل مكتب عنده ترخيص مساحات من البلديه علشان يشرف عليها
وهذه قصتنا مع المكتب الهندسي يمكن انا كنت اكتبها علي متفرق وتحلطم لما ادخل التجمع وافش خلقي
بس الحين كتبتها كامله
