இكل وحده تدخل تعطينا سر من اسرارها بالمطبخஇ

[ضحـاوي]

ان لازم افوح الديايه او اللحم بالماي ليما تصعد الزفرة وبعدين اشيل الديايه اواللحم واحمسه مع البصل والثوم والفلفل الاسود والملح اذا دياي بس اذا لحم ما احط ملح الا عقب الفوح لان الملح يخلي اللحم ما ينضي بسرعه وبعدين عاد اكمل طبختي عادي سواء كانت مرق او مجبوس او كبسة

 

[سما الكويت]

انا علشان ماتخرب معاى الباشميل..

اخلط كل المقادير مع بعض وهى بارده وبعدين احطهم على النار واحركهم لما احصل القوام المطلوب...:eh_s(15):


منو تعرف طريقة الباشميل اللى نحط معاها جبن قلاص؟؟؟

 

[ضحـاوي]

انا ابشاميل ما يضبط معاي ابدا
عشان جذيه مريحه نفسي واسوي بشاميل كنور
وطعمه شحلاته وخفيف

 

[قهوة عربية]

تذكرت

1 - إذا سويتي المحلبية وصبيتها بالبادية ...ضعي على البادية نايلون الطعام ....>>> حتى لايجعل الطبقة البيضاء تتكون على المحلبية وبعدين دخليها الثلاجة

2 - إذا اكتشفتي أن العيش مااستوى (حب ) ويحتاج إلى ماء وماتقدرين تضيفين الماي لأنه وايد غلفي الجدر بالقصدير جيداً ثم غطيه وخليه على نار هادئة لمدة ساعة تقريباً أو أقل ........فلايخرج البخار من القدر وبذلك تستوي حبة العيش بدون إضافة الماي .

3 - حتى لايكون الباذنجان مر ..اشتري الباذنجان الأسووووووود فهو قليل المرورة عكس البنفسجي

وتسلمون وتعيشون

وإذا تذكرت برجع

 

[ام الدلال]

شكرا الاخت سبائك علي هالموضوع المفيد جدا والذات حق اللي مثلي وللجميع اللي شاركو بخبراتهم القيمه وانشاءالله الكل يستفيد :d

 

[عسولة بدوية]

سرى انا احط مع مرق الدقوس ملعقة صغيرة شكر علشان يطلع الطعم حامض حلو

 

[ريمه الكويت]

انا بقولكم تجربه من تجاربي اذا ودج تسوين معكرونه وماعندج لحم اخذي الهمبورجر الي عندج على حسب عددكم طلعليج جم وحده وحطيهم بره ربع ساعه على مايفل من الثلج وظيفي له بصل مفروم وبقدونس واي خظره تحبينها وسويها كور مثل الكفته واذا تحبين ظيفي فلفل اسود او زعتر او البهارات الى تحبينها وحطيها شوي بالفرن لما تحسينها تغير لونها بعدين سويلها الصوص العادي مال الطماط مع معجون الطمان نفس الى تسوينها للمعرونه وحطيه فوقه ورديه بالفرن دقايق بس وقدميه مع الاسبجاتي او المعكرونه المسلوقه او تقدرين تقدمينه مع البطاط المقلي مع الخبز وبالعافيه

 

[MISS^^CHANEL]

امري لله ماني صايره نحيسه وبقولكم اسراري

اول سر بس لاتضحكون ولاتستغربون لمن اطبخ من كل البهارات الموجوده عندنا احط ششوووووويييييييي والاهم الكمون والكزبره ضرورييين حق الطعم ولازم احطهم مع البصل من البدايه قبل لا اصب السائل

واذا مشتهيه حبز بالثوم وماعندي خبز فرنسي اييب مقله واحط فيها 5 فصوص ثوم مهروسين و3 قفاش زيت وشوي ملح واحمرهم بالنار تالي اييب الفرشه عقب مايبرد الزيت شوي وادهن التوت اللي عندي واحطه بالتوستر (الي تحمص التوست ) وبس عجييييييييييييب

لمن اسوي دقوس عقب ماحط الثون والصمام المهروس احط دقوس قراش شوي علشان يصير شوي سبايسي

مستحييييييييييييييييييييييل اسوي سلطه بس طماط خيار خس وجزر لازم زيتون او كزبره او جبن (اي نوع ان شالله سلايت) او تونه او ذره او بيض او نخي او فاصوليا

اذا سوي صمون كل قلاصين طحين معاهم 6 قفاش حليب بودر تصير طرييييييييييييييييه وماتيبس

بس عاد خلولي سر

لالا اذا تذكرت بقولكم

 

[MISS^^CHANEL]

اي تذكرت

جربو تسون البشاميل بدال الحم دياي مسحب مع بصل معجون وكملي اباجي مثل البشاميل العادي اييييييييييييييينن

وفي طريقه هني بالمندى حق بسبوسه اسسسسسسسسسسسسسسسهل من اللي كنت اسويها واللذ لدرجه ان صار لي خلق كل يوم اسويلهم لما زهقو

المقادير :علبه قيمر قوطي واتكون اهيا قياسج 1 قيمر 1 زيت 2 سميد 1 سكر و2 او 3 بيض و1 بيكنج باودر وحطي هيل وزعفران وماي زهر حسب الرغبه

وبس هم اذا تذكرت بقول

 

[رنين]

من أكثر الاسرار اللي نفعتني و ريحتني ::::



العاده اذا بسوي صينية مشاوي-لحم...دجاج.

لااااااااااااازم تطلع ناشفه و متحمشه زياده.
و ابونا مايحبه جذيه و مرده ما ينوكل .

طبعا ها الكلام كان زمااااااااااااااان قبل لا أعرف ها السر.




اذا تبين تشوين (شوي بدون صلصات)... تحطين مع صينيه اللحم \الدجاج بماعون منفصل طبعا ماء+ورق الزعتر
مو زعتر المناقيش!
زعتر اللي يسوون عليه شاي .... فهمتوا علي!
يمكن يسمونه الزعتر البري.


يطري المشويات و مستحيييييييييييل تنشف .



سر مهم للنسايين مثلي

 

[رنين]

سر ثاني....


للي يحب الفته.

أنا أموت على شي اسمه فته.بس المصيبه دسمه حييييييييييييل
قمت شسوي؟!

أقطع البطاط و البيديان و أرش عليهم شوي زيت زيتون مع ملح و احطهم ينشوون بالفرن....


مع الزعتر على جنب طبعا عشان ما ينشفون

و لا يفرق عن المقلي بالفته و طبعا وااااااااااااااااااااااااايد أنفع و أخف

 

[الشماليه]

سلام ياحلوات تبون العيش يطلع حلو ومفلفل ينقع قبل متنزلينه بربع ساعه ورشي عليه شوي ملح ىيفظل الملح الخشن

 

[الشماليه]

للي مايحب الزيت بالمعجنات مثلا السنبوسه تلف طبعا بعد الحشوه ثم تغمس بالزبادي او البن وتقلى بالزيت جربيها تطلع ناشفه وطريه

 

[الشماليه]

الي تبي تسوي مسقعه خفيفه الزيت يقطع الباذنجان ويوظع باالعجين ثم يفلى بالزيت وبعد القلي يشال العجين وتكملين الطبخه عادي وبالهنا والعافيه

 

[الشماليه]

اذا انتي من النوع الي يحب الشبت ممكن بالفتره ينشف ويوظع بعلب بالمطبخ للاستحدام

 

[ghalaty]

خواتي شكرااا على النصايح والمعلومات الحلوه وصج المعلومات مفيده موضوع يهبل ... العيش علشان يصير ناصع البياض يوضع عليه عند السلق سفن اب ... حتى لا تتلزق المعكرونه او العيش لمن نشخلها نحط عليها ماي بارد ولمن أتذكر شي راح ارجع واقوله ويلا بعد نبي ابداعات

 

[blue ocean]

تسلمون يابنات على اسراركم وانكم مابخلتوا علينا
احنا يالعليميات وقلتولنا
انا ماعندي سر خطير بس شي صغيرون بقوله لكم

ما استغنى عن الكريمه لما اسوي شوربه
الكريمه الخفيفه طبعآ مالت كي دي دي
احطها بكل شوربه اسويها تطلع عجيبه
خاصه بشوربة الطماط

ومشكوره خيتو عالموضوع الخطير

 

[رنين]

ghalaty>>>> خووووش معلومه...
و أزيدج معاها ....


اذا ما سويتوا بنات نصيحه الأخت و شخلتوا المعكرونه و طولتوا عليها و تلزقت...شتسوون؟

ببساطه غسليها بماي بارد.. او نقعيها فيه تتفلفل و تصير عجيبه

 

[بيت التوت]

لااله الاالله عليكن ياكويتيا

صج انكن امهات السنع كله في كل شي

اموووووووووووت فيكن

 

[خبزه]

اسرارج واختراعاتج في الطبخ

السلام عليكم

اشلونكم يا حلوااااااااااااااااات ،بنات ترا مادري اذا الموضوع مكرر سامحوني بدخل فالموضوع : اغلب الناس لهم اسرار في الطبخ تعطي الاكل طعم لذييييييييييييذ مثلا : تذوقين طبخه من جيرانكم او صديقتج او قريبتج وتسألينها عن الطريقه فيكون فيها سر اضاف للاكل طعم مميز .

ناخذ امثله : سويت مره حمسة تونه وماكان عندي طماط فحطيت قفشه وسط اجار المنجا الهندي تعرفونه وحمستها عدل طلع طعمها لذييييييييييييييييذ

وايضا : مره قريت في منتدى عالم حواء الاخت كريكره اذا ماني غلطانه سوت طبخه فيها لحم مفروم والناس اسألوها عن سر الطعم فقالت انها حطت قفشتين سكر مع صلصة اللحم المفروم .

اكيد فهمتو علي نبي نعرف اسراركم في الطبخ يا حلوااااااااااااااات

ومشكورييييييييييييييييييين