இكل وحده تدخل تعطينا سر من اسرارها بالمطبخஇ

[مي تو]

عندي سر بعد ويمكن كثير يعرفونه

لما تحسين العيش بدا يحترق حطي عليه بصل عدل مو مقشر ولا شيء أو خبزة لأنها تمتص ريحة الحراق

 

[بتعه]

انا لما اطبخ ايدام مشكل احط 2م شوفان كويكر يصير مره ثقيل:

 

[نطوووعه]

يعطيكم العافيه يالسنعات...

سبائك بسئلج البهارات السعوديه من وين نحصلها؟


و هالخلطه هذي _بزار-شكر-بصل مقصص صغار .. نحطها بين طبقات التشريبه متى بضبط بعد مانشربها والا قبل؟ .. وهل نحمس الخلطه و الا نحطها نيه؟

 

[ام نواره]

خوش موضوع يابنات
انا بالنسبه لي لما اطبخ المرق واخلص اقصص كزبر اخضر واكته فوق المرق واسكر الجوله بعدين تعالي شوفي ريحتها تينن
وبالنسبه للهريس احط مكعب ماجي يطلع رووعه واذا تذكرت شي بقولكم

 

[محتارة]

انا ماعرف اطبخ عدل ... بس قمت اسوي مجبوس دياي ومرق وهالسوالف ...
لما اسوي الكورن فليكس اخلي يتنقع بالحليب نص ساااعه يصير امخمخ وذايب والحليب يبرد ويصير مريسه ولذيذ ...

ايه احط بالمرق ربع قفشة فلفل بودر احمر وتصير المرقة سبايسي ...

النقانق اول شي افوحه ربع ساعه بعدين اقليه مو سيده اقلي ...

الدياي لما بسوي المجبوس اخلي يفوح ساعتين ونص فيصير بعدين لذيذ ..

 

[الغاليه نونو]

انا من تجاربي بالطبخ لما ابي اشوي الدجاجه وابيها تصير حمره من كل الجوانب اخذ قلاص ستنستيل واحط الدجاجه علي القلاص واخلي القلاص واقف بصينيه الفرن علشان تصير مشويه وتتحمر والماي اللي ينزل من الدجاجه يكون بالصينيه....ماستخدم الشوايه الكهرابائيه

وحق الرز اذا تبين لونه ابيض ناصع تحطين قفشه صغيره خل ابيض يعطي بياض ومايخلي حبة العيش تتكسر

واذا عندج بيض تبين تسلقينه وشفتيه مشروخ لفي البيضه بقصدير وسلقيه


استفدت من معلوماتكم وبعضها كنت اطبقها ون شفت شى يديد بقوله لكم حبايبي

 

[aloyaa]

الصراحة خوش موضوع تسلمون
_ لما تسوون العيش المشخول حطوا نص ليمونة في ماي العيش عشان يصير أبيض وعشان الجدر مايعلم عند حد الماي (عادة يصير خط غامج).
وكل ما تذكرت شي بقولكم

 

[الغاليه نونو]

الصراحة خوش موضوع تسلمون
_ لما تسوون العيش المشخول حطوا نص ليمونة في ماي العيش عشان يصير أبيض وعشان الجدر مايعلم عند حد الماي (عادة يصير خط غامج).
وكل ما تذكرت شي بقولكم

ياللويه فديت قلبج لاتطبخين بهالانواع من الجدور ترا يقولون تفرز ماده موزينه والله اخذى جدور التيفال او اللي قاعدتهم نحاس اضمن ياوخيتي من هالجدور التنك ههههههههههههههه
حتي الليمونه تتفاعل مع المعادن قريت هالمعلومه من ايام الثانويه حتي سألي ابله فتحيه

 

[al7reyaa]

السلام عليكم ورحمة الله وبركاته

موضوع اكثر من روعه


بما انكم كسرتوا خاطري بعلمكم اشياء تعرفونها

1- اذا ابي الديايه تفج من الثلج الحين احط خل مع الماي على ما اقصص اللي بسويه الا اهيه فاجه

2- اقص نتفت ابصله واحمسها وبتفة ادهينه و فصين ثوم محموسين ومكعب ماجي و4 طماطات مقصصين احمسهم عقب احط معجون طماطوعقب عليهم قلاص ونص ماي الي قلاصين وعقب الخلاطه ويصير عندج دقوس .

3- الكريمه الحمره ما استعملها بروحها مره معاها جبن تشيدر العلبه الزرقا ومره قفشتين جبن قلاص ومره كتشب واتش بي ومره جبن انواع اللي عندي بالثلاجه ومره قيمر .

4- اي صلصه سلطه اسويها اخلط فيها وايد اشياء علشان الطعم يصير غير مره اورغانو ومره زعتر ومره ثوم ومره ريحان بالخلاطه مره روب ومره مايونيز واللي عندي بالخلاطه احطه

5- احنى عموما اذا سوينا مجبوس دياي محد ياكل الدياييه بس نصور معاها طبعا انا اخشها حق العشا نسوي دياي بالكريمه ولا طريقة سمسميه كرواسون بالكريمه ويصير عندي طبق اوديه معاي اي مكان


اذا تبون شي اقولكم تالي

 

[سبائك]

يعطيكم العافيه يالسنعات...

سبائك بسئلج البهارات السعوديه من وين نحصلها؟


و هالخلطه هذي _بزار-شكر-بصل مقصص صغار .. نحطها بين طبقات التشريبه متى بضبط بعد مانشربها والا قبل؟ .. وهل نحمس الخلطه و الا نحطها نيه؟

بعد عمري نطوعه تأخرت عليج وايد بالرد سامحيني:eh_s(22):

بالنسبه للبهارات السعوديه اسمها بزار واعتقد تحصلينها هني بالمطاحن الي تبيع بهارات......جربي سمراء عدن شغلهم توب

وانا جربت خذيت من ام بدر البدور عندنا هني بالمنتدى شريت منها وطلع مقارب حق شغل مرت خالي الي من السعوديه

هذا موضوعها

http://www.q8yat.net/showthread.php?t=40212

بالنسبه للخلطه تكون نيه ما تحمسنها وتحطينها على الطبقه بعد ما تشربينها بالمرقه

أي سؤال آنا حاضره

وشاااااااااااكره لكل الحبيبات الي شاركونا باسرارهم الروعه الصراحه شغلات جدا جدا مفيده:eh_s(15):

 

[محتارة]

بعد عمري نطوعه تأخرت عليج وايد بالرد سامحيني:eh_s(22):
:eh_s(15):

الله يعافيني ولا جان مارديتي عليها :eh_s(3):

ايه تذكرت امي تحط فوق الدياية روب بعدين تحطها بالفرن ...

نونو الغالية :: انا استخدم ستيل تهقين زين عاد انا وسواسية من سوالف التفاعل والمواد المو زينه ؟؟؟؟

 

[كويتي 1]

السلام عليكم

اسراري بالطبخ.
1- للحصول على أفضل النتائج لطبخ الأرز ينقع الرز مع 2 ملعقه خل وقليل من الملح لمدة30 الى 45 دقيقه.
2- للحصول على نكهه وطعم تضاف ملعقه وسط حلبه خضراء ناشفه مع حمسة البصل لمرق السمك.

بوفهد الكويت​

 

[سبائك]

بنات ما عندكم اسرار بعد اعترفوا

 

[حايليه]

وااااااااااااو موضوعكم يشوق ..........انا عن نفسي اسراري وايده اولها الهريسه لها سر خطيييييييييير عندي : احمس بصله لما تصير شقرا بعدين احط الهريس و عقبه الماي عادي بس السر انه قبل ما تخلص اكون مسويه حليب من حليب المطاحن البودره مع ماي و احطه فوقها و اخلطه بسرعه و اخليه ربع ساعه و بعدين ذوقوه ايينن لا دسامه و لا و طعم عجيب

 

[انا كويتية]

up up

 

[bambena]

وايد حلو الموضوع يعطيكم العافيه

 

[سبائك]

حبيباتي والله كل وحده دخلت

الله يعطيكم العافيه......وأذا عندكم شي بعد صرحوا فيه انتوا كرما وأحنا نستاهل

 

[ورد وكادي]

السلام عليكم ورحمة الله وبركاته .......شلونكم خواتي العزيزات صراحه جذبني هالموضوع وحبيت أشارك فيه .
سري إهو بطبخ العيش لما أحط شوية سمنة علي الحشو وأضيفه فوق العيش وأغطيه بورق ألمنيوم. يطلع طعمه لذيذ يميييييييييييييييييييييييييييييييييييييييييييييي.

 

[أميرة الورد]

سر من أسراري اني ألما أسوي بيف ستراجونوف أحط بالصلصه قفشة لبنة تطلع الصلصة فظيييييييعه


مشكورة سبوج الموضوع وايد مفييييييييد

 

[Suki_Candy]

تسلم ايدج سبوكة على الموضوع

والخير والبركة بالبنات الي عطونا الاسرار ابي بعد

يعطيكم الف الف عافية