இكل وحده تدخل تعطينا سر من اسرارها بالمطبخஇ

[bnt_7waa]

خوش موضوع ومنكم نستفيد ...

 

[همسات ليالي]

ما شاء الله خوش موضوع

يعطيج العافيه سبوجه

انا عندي جم شغله ان شاء الله تفيدكم

اذا كان الغدا مرق اكثر منه ................ليش؟؟؟؟؟؟ علشان استفيد من المرق لعمل مرقوقه او يريش للعشا او اذا كلش كلش نسوي تشريبه <<<اموت فيها>>

وعندج انا دايما اشتري رقاب الدياي المثلجه.....ليش؟؟؟علشان افوحهم مع الشوربه لليهال علشان تصير في فايده الدياي

ودايما اذا يبنا ذبيحه للشهر <<<<<احنا نشتري خروف كامل للشهر مو من القصاب>>

اخذ شويه من الشحم واربطه باكياس واحط منه للغدا ......شلون ؟؟؟؟؟؟؟اذا خلص الغدا اسيح شويه من الشحم واصبهم على ويه الجدر تطلع الريحه عجيييييييبه والطعم يهبل<<بس اللي ما يحبون الدسم لا يسوونه>>>

وخل اذكر بعد


احب اخفف من الاكلات اللي فيها كريمه وذلك باضافه الماء على الطبخه اللي فيها كريمه مع مكعب ماجي

تصير الذ واخف

بعد احط شويه حمسه ثوم مع زيت مع كزبرة ناشفه على المرق لي خلص

واذا عندي شي ارجع لكم تالي

 

[abla_momaiza]

الصراحه الموضوع وايدمفيد تشكر عليه صاحبته انا عندي خلطه احطها على الدياي عقب ما افوحها نصف فوحه يمكن تعرفونها وهي: م2مايونيز م3 معجون وثوم مدقوق وشويه زيت وفلفل غراش تقريبا م2 او حسب الرغبه يخلط الجميع ودهني فيها الديايه وتحطينها بالفرن وشوفي اللون والطعم عجييييييييييييب

 

[انا كويتية]

تذكرت اذا بتسوين مشخول بطاط وبصل سوي شوربة ماجي الدجاج بالشعيرية الجاهزة عادي وبعدين طبخي عيشج بهذي الشوربة ..... يعني بدال الماي العادي اللي تفوحين فيه العيش فوحيه بالشوربة وشوفي الطعم

 

[سبائك]

ياسلااااااااااااااااااااااااام والله بناتنا شقرديات وسنعات وهبات ريح لا اله الا الله

الله يعطيكم الصحه والعاااااااااااااااااافيه

ويالله نبي المزييييييييييييد:eh_s(15):

 

[الجــادل]

ما شاء الله عليكم

انا ما عندي اسرار:eh_s(16): :eh_s(11):

 

[سبائك]

الجادل اكيد أمج عندها اسرار روحي بوقي منها وعلمينا

 

[هدوي]

ماشاءالله عليكم
صج الكويتيات سنعات

انا الدقوس أسويه نفس أوركيد أحط سكر وكتشب بعد وشوفي الطعم غريب ومميز
اذا بسوي معكرونه بالبشاميل عقب مااحط الطبقه الأخيره من المعكرونيه أحط قيمر على البشاميل وشوفوا الطعم بس ترى حدها دسمه

واااااااااااااااااااااااااااااي حدي اشتهيت معكرونيه بالبشاميل

 

[lolly]

عجيييييييييييب يعطيكم العافيه

 

[سبائك]

يالله بنات شدوا حيلكم عطونا افكاركم الحلوه بالمطبخ

 

[انا كويتية]

اي بعد أي طبخة فيها كريمة حمرا استخدمي الزبدة مو الزيت في الأكلة يعني بالحمسة او الأكلة اللي تحطين عليها الكريمة

 

[سبائك]

ليش انا كويتيه؟؟؟؟؟؟

 

[سبائك]

بنات توني رديت على موضوع التشريبه وقلت اقولكم عن هالسر الخطير حق التشريبه

علمتني اياه مرت خالي الله يجزاها خير ان شاءالله ويواريها العافيه

الله يسلمكم تسوون خلطه عباره عن بصل مقصص صغااااااار

وتحطون معاه شوية سكر وبزار(بهارات سعوديه)

وتخلطينهم عدل وتحطينهم بين طبقات التشريبه

وتخلين كميه حق الويه عقب ما تحطين اللحم والخضره تذرين فوقهم هالخلطه الرهيبه

وتعالي ذوقي الطعم:eh_s(15):

تصدقون نافست تشريبة خالتي ام ريلي برمضان وانا توني مبتدئه فيها هههههههههههه

 

[انا كويتية]

اختي سبائك بالطعم الزبدة تناسب الكريما أكثر من الزيت....

 

[aBoOoRa]

مشكوووووره حبيبتي عالموضوع
انا سر من اسرار طبخي اني ما اكثر من البهارات لان مو حلو الاكل متروس بهار واحب الثوم واحطه في كل اكلاتي حتى السلطه يعطي طعم لذيذ ......
واذا تذكرت شي ثاني اعلمكم انشاءالله ......

 

[حلوه ومزيونه]

انا عندى شغله بسيطه وهو انى استخم فى الحمسه سمن بطعم الزبده يعطى نكهه للاكل وفى بعد بهارات معجونه يعنى مو بودره اخذها من مركز سلطان

وانشاءالله اكون افدتكم حبيباتى

 

[مي تو]

موضوع رائع واسرار مفيدة

وبقولكم اللي اعرفه ويمكن تعرفونه مدريأأأ

لمن اجي اخلط بهاراتي اللي اهم الكمون والكزبرة لازم احمسهم في المقلاة لمن تطلع ريحتهم واخليهم يبردون وبعدين اطحنهم واااااااااااااااو يالريحه تهبل مع الطباخ

 

[مي تو]

وفيه سر سمعت فيه بس ماجربته بس مرة اخوي مجربتها وهي ماشاء الله طباخة ممتازة وهي انج اذا بغيتي اللحم يستوي بسرعة تضيفين لماي الطبخ بيكنج باودر مال الكيك

 

[ياسمينا]

وانا بعد وياكم
الباذنجان اذا كان مر بعد القلي صبي عليه شويه ليمون مع الخل تروح المروره على طول
واذا بتقلين السمج حطي ليمون بالمقلاه تروح الزفره
بس يابنات لما يصير العيش مالح شلون تضبطينه؟؟؟؟؟

 

[كلي تفاؤل]

ياسمينا حطي داخل العيش ..بطاطا مقشرة غير مطبوخه تمتص الملوووحة ...

امي حياتي اذا كتت العيش وخلته يطبخ على نار هادية غطت الجدر بالقصدير وسكرته الغطا ..عشان يطبخ العيش ببخاره ...

امي اتدخل التشريبة الفرن بعد ما تصب فوقها المرقه بس ماتخليها اتطول ...تطلع روووعه

يعطيكم العافية على افكاركم الرووعه