இكل وحده تدخل تعطينا سر من اسرارها بالمطبخஇ

[كرميلا الشقردية]

[]السلام عليكم جميعا حبيت افيدكم بشغلة يمكنكم استبدال المايونيزاللي بالصلصات بالروب نفس الطعم وبدون دهون

 

[شمحوطة 11]

سري انا بالباشميل احط الحليب والطحين والزبده وشوية ملح وفلفل وعلى طول على التار نقلب نقلب لما يثخن وشوفوا احلى بشاميل بدون تكلكع @وسلامتكم@

 

[ورده القصور]

انا سري في كل طبخاتي هو





الثوم مع الزنجبيل

بس قشري الثوم و الزنجبيل وفرميهم بالفرامه الكهربائيه وبعدها حطيهم بعلبه وبالفريزر تظل عنج ليييي 3 شهور

 

[ام سويرة]

اسوي العيش بزيت زيتون بدال الذره(طبعا مع حمسة الدجاج ولا اللحم) <<<عجيب
اذا سوي عيش احمر احط مع الطماط كتشب
للدجاج الصيني احط سفن اب وكتشب وصويا صوص ودبس رمان ناطع
مع حمسة الربيان احط طماط وحليب جوز هند توووووووووحفة
مع حشو العيش احط جزر مبشور وشوي ماجي شعيرية وماي ورد
مع الكيك احط نص قفشة الحوس خل عشان زفر البيض
حشوة البسبوسة احط معاها قفشة من محلبية العلالي تطلع خنينة
يا ملقي ما صارت اسرار لا ويمكن تعرفونهم
المووهيييييييييييييييم تشكرات ع الموضوع العسل
والله يبلغنا وياكم رمضان ويرزقنا صيامه وقيامه ويعتقنا من النار
ويرزقني عمرة برمضان واحج هالسنة
:33_1185028183:
​

 

[سبائك]

مشكورين بنات وكل عام وانتو بصحه وسلامه

 

[قلب ღ عمور ღ]

حساااااااااااااافة هالموضوع روعة ليش ماتثبت والله قاعد يفيدنا

 

[ستروباري]

المرقوقه بخبزالصاج ما ل المطاحن الذ.............. قطعوه وحطوه علي المرقه وشوفو....... وحطو بعد مع المرقه قرع ........ لذيذ

 

[ام _خلودي]

وااااى صراحه موضوه جدا رائع
يرجاا التثبيت

 

[همسة ورد]

جان زين يتثبت

 

[NoOoN]

امممممممممممممممم موضوعكم عجييييييييييييييييب صراحتن :ggdw:

واسراركم مفيده الله يعطيكم العافية حبايبي ...

انا عن نفسي هااااابه هبه اب هالحركه!!! المعكروووونيه بالكريمه لمن احط لها كريمه واترسها جبن موزيريلا ارش عليها جبن بارميزان كمية لا بأس فيها ... وحتن حق البيتزا فوق الجبن اضيف البارميزان ...

يممممممممممم يممممممممممممم طعمها يطلع عجيييب :icon30:

وحمساااات الدياي بأنواعها احط معاها شوي من صويا صوص مع الماجي السائل يطلع لذيذ والله :eh_s(6):

 

[شـــــــــمس]

انا سري في كل طبخاتي هو





الثوم مع الزنجبيل

بس قشري الثوم و الزنجبيل وفرميهم بالفرامه الكهربائيه وبعدها حطيهم بعلبه وبالفريزر تظل عنج ليييي 3 شهور

نفس السر ليش قلتى قبلى :krkrkr::krkrkr::krkrkr:

بس بغيت اسالج ليش تحطين الغرشه بالفريزر لانى احطه بالثلاجه واحط فوقه شويه زيت زيتون

 

[قهوة عربية]

لما تقلون الكبه يابنات لازم يكون الزيت حاااار وغزير ويكون بجدر مو بمقلاة

وإذا كانت الكبة مثلجة لاتحطون في الجدر أكثر من 3 - 4 كبب فقط لأن إذا حطيتوا أكثر من جذي راح تؤثر على الزيت ويبرد بعدين تتفجج الكبه

 

[ملح بدويه]

والله مايحظرني سر

 

[ام بدر البدور]

يعطيكم الف عافيه ومنكم فعلا نستفيد

 

[كوب قهوة]

بصراحة قزرت الدوام اليوم بطوله وانا اقرا هالموضوع اللي اكثر من رائع ،، فكرته جميلة والاروع التفاعل الملحوظ مع الموضوع ،، عني انا ما اعتبرها اسرار بس على ما يقولون نفس الطباخة او نفس المرة اللي تطبخ
ما اطول عليكم

عجينتي السحرية لكللللللللللللللللللل شيييييييييييييييييييييييييييييييييييييييييييييييييييي
للبيتزا // الفطاير// الخبر// رولات الدارسين// المناقيش
هي طريقة وحدة ،، واذا بسوي دونات اضيف لها بيضتين وتطع ،، مو طبيعية

المقادير :ما عندي مقادير معينة بس مقياس النظر

طحين -- سكر ( كثروا من السكر عشان تطلع العجينة حلوة ومو ماصخة)) ملح - يعادل طعم العجينة // باكنغ باودر // خميرة فورية // حليب بودر// زيت// وماي ،، اكثر الخميرة شوي عشان تخمر عدل ،،

اخليها ساعتين ،، وكل نص ساعة اطلع العجينة واعجنها من يديد لين تتخمر عدل

اكثر شي يطلبونة البيت هو الخبر ،، لدرجة ان من بدا رمضان ،، ما شرينا خبر من بره وانشالله اصوره لكم واحط لكم الطريقة بالتفاصيل

 

[سبائك]

كوب قهوه تكفين لحقيني فيها ونبي الطريقه بالتفصييييييييل الممل

لاني مليت من العجاين ما يضبطون وياي!!!!

 

[حلى زايد]

الله يعطيكم العافيه على الاسرار الي الكل استفاد منها اكيد
تشكرااات للكل

 

[قهوة عربية]

حبيباتي ...( وخاصة سبوج ) تبون العجينة زينة وتضبط معاكم ؟؟!!





7
7
7
7
7
7
7
7
7
7
7
7
7
7
7
7
7
7
7
7
7
7
اشتروا فرن كهربا واخبزوها فيه ...لأن بالتجربة فعلا فرن الكهربا روعة في كل شي ...بالمعجنات والكيك وأطباق الفرن ...صج صج عجيييييييييييييييب وأحسن ألف مرة من فرن الغاز..لأن فرن الغاز ييبس العجينة ويخليها قاسية مهما تفننتي فيها .....

ومو ضروري تشترينه كبير بحجم فرن الغاز ...لا ممكن يكون حجمه عادي يعني أكبر من الميكروويف بشوية

 

[سبائك]

حبيبتي قهاوي مشكوووووووووووووره وبشتري ان شاءالله فرن كهربا وبدعيلج

الا تعالي انتي شمقعدج الحين ما وراج دوااااااااام؟؟ههههههههه

 

[لازاد فيني الحزين]

والله انا مااطبخ هههههههههههههههههههه