இكل وحده تدخل تعطينا سر من اسرارها بالمطبخஇ

[سبائك]

حياكم الله حبيباتي وما قصرتوا​

 

[bnt q8 in usa]

انا لي بغيت اقلي السمج عشان ريحة لاتكفخ بره وتطلع ادخنه احط زيتون بالمقلي

والعيش المشخول:لي نقعتع حطيت شوية ملح عشان لايتكسر
ولي سويته وهو بالماي احط شوية خل عشان يصير ابيض ناطعععععععع

هذا الي اذكره الحين

 

[bnt q8 in usa]

البيضه عشان لاتتكسر بالماي احط ملح شوي

جربي مع الحشو الدياي او اللحم تحطين شوية سماق يطلع روعه

واذا تبون المرقه تصير خاثره :حطوا نص قلاص ماي مذوب فيها قفشة ونص طحين (هذي الايرانيين وايد يسوونها)

 

[[]نهاوند[]]

انا بعطيكم هالفكرة المتواضعة

اذا بتقلين لعيالج بطاط نقعيه بماي وملح وخل

ليش الخل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعطيه ريحة حلوة وقرمشة

نفس طريقتي بالضبط وحتى الباذنجان انقعه بما وملح وخل عشان يشيل المرارة عنه والبطاط مرات احط عليه ليمون عشان لا يشرب الدهن لما ينقلي​

 

[امـــــل مقتول]

بنات انا مو اختصاصي مطبخ ووويني وووينه

بس دخلت اهني لاني احس شويه وبموووت من اليووووووووووووع

يوووووووووعانهــ شويهــ عندكم طبخه على السريع من غير بيض تكفون

اي شي

 

[سما الكويت]

يعطيكم الف عافيه ومنكم نستفيد

 

[تفاحة حمرة]

ماشاء الله حلو هالموضوع لا يوقف انزين

ماعندي اسرار خطيرة
بس انا احب انقع العيش بماي الخل وشويه ملح ويطلع شي
واحب افوح البطاط بعدين اقليه يطلع يجنن
احب احمس البهارات مع البصل اذا مثلا بسوي عيش بعدين احط ماااي
والله نااسيه اذا تذكرت شي خطير اقولككم

 

[سما الكويت]

يعطيكم العافيه بنات ويسلمووووو على الموضوع الحلو..ولى عوده...

 

[جارة القمر]

مرحبا

شخباركم


ما ادري إذا تسونه ولا لأ

أنا أنقع اللحم والدياي قبل ما اطبخه بشوية ملح علشان الزفرة

والدياي واللحم قبل ما أحمسه مع البصل أفوحه شوي

يطلع من اللحم والدياي طبقة دهن وزباد



وبنات جربوا بالحمسات والأكل الزنجبيل الطري

مو طبيعي

وتري الزنجبيل وايد له فوائد للجسم



وبسألكم سؤال

منو جربت تحط بمرقة اللحم غذا خفيفة شوية عدس علشان تصير ثقيله أو حليب جوز الهند وايد قالوا وقلت أسال يمكن في أحد مجرب

 

[قهوة عربية]

هلا حبيباتي ...اشلونكم

ترا أنا نادر ماأدخل منتدى المطابخ والبلعة

وشفت هالموضوع عجبني ..تسلمين ياسبوج على المواضيع المفيدة والنافعة

بارك الله فيج وكثر الله من أمثالج

شوفوا عمري ..بقولكم اللي عندي ..وماأدري إذا هي أسرار أو لا ..

يعني عندي احساس الكل يعرفها ...بس مو تضحكون علي وتطنزون ..وتقولون ايه هذه نعرفها من زمان :eh_s(22):





تبون تتمتعون بأكل لذيييييييييييييييييذ جداً .جداً ....؟؟؟








7
7
7
7
7
7
7
7



أكلوا بروحكم ..ولا حد يشاركم بالأكل ....خخخخخخخخخ :eh_s(3):







لا لا ......صج ..صج ....

1 - حتى تعمر عندج الخضرة وقت أطول .....اعزلي كل خضرة بروحها .. ..ثم لفي كل نوع بورق قصدير .

2 - إذا كان هناك بقايا دجاج من الغذا ..قطعيه صغيراً واخليه من العظام ثم اعملي فيه فتة للعشا .
مقادير الفتة الكل يعرفها ( روب - ملعقة هردة -عصير ليمون - نخي - ماي النخي - خبز لبناني محمص - بقدونس - صنوبر - دياي )

3 - لعمل أي جلي أحمر اضيفي له قليل من الفيمتو في غطاء الفيمتو قبل أن تصبيه بالبادية .

4 - إذا لم يكن هناك كمية كافية من عصير الليمون ..اغلي الليمون بماء ساخن قبل أن تعصريه .

5 - أي كبة تسوينها ..شفتيها غير متماسكة ضعي فيها كمية ( حسب الحاجة ) من البقسماط أو خبز أو توست مطحون .( اخذي أطراف التوست المنزوعة من أي طبخة وضعيها بالفرن لمدة نص ساعة ...ثم اطحنيها بالخلاط ...يكون عندج أحلى بقسماط ) وإذا تبين تقلينها بنفس الوقت أو نفس اليوم حطيها نص ساعة بالفريزر قبل القلي

6 - إذا خربت عندج عجينة البيتزا ...أو لم تنتفخ جيداً ...قصي فوقها شوية خضرة وبصل وكزبرة وثوم ......>>>> سويها ( خبز عروق ) واقليها .


مشكورين مرة ثانية ..وإن شاء الله تكون أفكار جديدة

وإذا تذكرت شي بأرجع لكم

 

[rudy]

اهلي بنات اشلونكم

عندي لكم طريقه لشوي الستيك عجيبه

لما تشترين الستيك طبعا من النوع الزين مو اليابس واسمه
تندرليون ستيك
ترا هذا التوب وتلقينه عند مركز سلطان
اخذيه ودهنيه بتتبيله مكونه من
زيت الزيتون مع رشة من الاوريغانو والملح والفلفل الاسود
ودهني كل قطعة من الستيك وحطيهم في اناء بلاستيكي محكم الاغلاق "تبروير" من اليل وبعدين اشويهم على الفحم او بالشواية الكهربائية.
وبالعافيه​

 

[برميته.]

شلونكم حبايبي انا لبغيت اسوي اكلهفيها دجاج او لحم اقلب الدجاج بشوية زيت حتى تطير الزفرة حتى اللحم وما يطلع دمهاواحط بالزيت شوية هيل حتى تروح الزفرة عدل وتصير الدجاجه او اللحمه خنينه.واذا تذكرت شء بقوله ان شاء الله.

 

[ايفيان]

ما شاء الله خوش اسرار وايد استفدت منها الله يعطيكم العافيه ....

وحبيت بعد افيدكم ..

اذا دخن العيش عندك وطلعت منه ريحه وحبيتي تروحين الريحه حطي على ويه العيش خبزه ايرانيه راح تمتص لك كل ريحه الدخنه أو على الأقل يخففها ...

 

[mrs_sugar]

اللحم المفروم لي حمسته اكثر الكمون و بعدين احط معاه زعتر .. اي زعتر ماغيره بو السمسم طعمه يصير خيالي

اخيرا عرفتوا سري الدفين

 

[العنونة]

مساءالخير كلكم آنا عضوة جديدة وحبيت أشارك معاكم بهالموضوع
بعد ما نقلي السمك نرش شوية سكر على حديد:eh_s(14): :eh_s(14): ة حارة ونخلية يقضي علي ريحة القلاي

 

[nono78]

يعطيكم العافيه بنات على هالأسرار العجيبه

وسبوج مشكوره عالموضوع المفيد جدا جدا جدا جداااااااااااااااااااااااااا

 

[زهرة اللوتس]

شكرا سباجة عالموضوع وايد مفيد

 

["الدرر"]

ياخطيرات يا أنتوا:eh_s(15):
ما شاء الله ...

والله أنا عندي سر صج صج شي عجيب مع أني مو ذاك الزود مع المطبخ ..

1))التسميه .. قبل لا أبتدي اسمي وأقول<اللهم لا سهل إلا ما جعلته سهلا ...> >>>> داشه حرب:eh_s(3): ---> بس جد والله الطبخة تضبط والكل يسألني عن النكهه.. عبالهم في سر خطير خاشته والسر في ذكر الله

2))الفلفل الأخضر ...كل شي يخطر ببالكم أحط فيه فلفل أخصر بارد يا أحطة بالخلاط يا مع الحمس (دقوس -مرق-تتبيل -عيش- كل أنواع معكرونيات-مجبوس.. )


3))شويييه شكر مع المرق أو الدقوس وورق العنب..يعطي طعم حلوووو


4))أكثر شي أستخدمه بالبهارات أهو:
الماجي >>ماأستغني عنه
اوريغانو والنعناع الناشف لكل شي
الهيل وورق الغار- وملح الليمون لمعكرونية الدجاج

 

[جاكليت]

اذا بغيتو تسوون روب مع خيار حطي وياه حبتين طرشي ثوم جبل يعطيه حموضه .... لذيذ

 

[ضحـاوي]

مرحبا بنات ,,,,,,,
تدورون اني لوطبخت ناااااااااااااااااااااااااااااااااادر ما احط بهارات لاني احس البهارات تعور المعده للكبار والصغار ما احط غير فلفل اسود وشوية هيل مطحون عشان يطير الزفرة من اليدام وانا احمسه بس مجربه لو نوعت البهارات او حطيت بس فلفل اسود مو ذاك الفرق عشان جذيه احاول ابتعد كثر ما اقدر وطبعا هالكلام حق المرق بانواعه وبعض الحمسات ,,,,,,,,,,,,,,,, مو البرياني طبعا لان البراني اساسه بهاراااااااااااااااااااااااااااااات