"يـــوم قــــــلبي اسيــــــــرك شـــــفت نــفسك ملك " روايتي الأولى

[ام سدونتي]

نبي بااااااااااااارت بلييز !!!​

 

[a7la girl]

السلام عليكم شلونج انشاءالله تمام..
قريت روايتج وخلصتها 3 ايام الصراحة " مبدددددددددددددددععععععععععععععةةةةةةةةةةةةة" واكثر بعد مشاءالله عليج يعني هذا اللي اقدر اقوله
والشخصيات:
اكثر وحدة حبيتها "لجين" مادري بس حسيتها حبوبة وطيوبة على نياتها
وفي مسكينة وخالد بعد حرام
شيخة وعمر احس شيخة بتموت مادري ليش او اذا ماراح تموت عمر راح يقولها اللي صار وتطلقه
وضي ماكو شيء بس تونس
*تقبلي مروري*​

 

[بنت ديرتها]

" البارت 47 "
----------------
غريبه هالدنيا

متاهه ومالها اخر

تشابه صدقها بكذبها

حقيقه كسر الخاطر

~ ، ~ ، ~

نفوسنا صارت تشيل

وتنثرت مثل الرمال

واحلامنا اكبر دليل

نفوس البشر عتمه وسواد

~ ، ~ ، ~

بعمرنا ماخترنا شيء

حتى الزمن طبعه عنيد

كل ماقلنا انتهى

جروحنا يرجع يزيد

~ ، ~ ، ~

انساننا ياناكر المعروف

يمشي ويبعثره هالزمن

يبكي يمثل بالظروف

لاقيننا على ووووطن

~ ، ~ ، ~

بس يانفوس البشر

قلوبنا صارت حجر

من مثلنا تحمل صبر

ذاق المأسي والقهر

آآآآآآآآآه يالقهر..


من مثلنااا تحمل صبر

~ ، ~ ، ~

يادنيا وين القى الامان

والهم مامنه مفر

العيب ماهو في الزمان

العيب في نفوس البشر

~ ، ~ ، ~

بس يانفوس البشر

قلوبنا صارت حجر

من مثلنا تحمل صبر

ذاق المأسي والقهر

آآآآآآآآآه يالقهر..

من مثلنااا تحمل صبر
عمر :شيخه ردي علي شيخه قومي
و قام شالها و ركبها السياره
عمر " انا شسويت شلبلوه الي سويتها الحين اذا صار فيها شي راح ارووح فيها "
ركب السياره و قام يمسح الجروح الي بويه شيخه
عمر : شيخه حبيبتي قومي ردي علي الله يخلييج انا اسف تدرين اني احبج بس انتي ليش سويتي جذي
و عمر هستر قام يتكلم مثل المينووووون
و عقبها ظل بمكانه سااكت
----------
خالد كان يدق على في و في ما ترد
عقب شوي دق على ضي
ضي : الوو
خالد : هلا والله ضي شلونج
ضي : بخير الله يسلمك انت شلونك ؟
خالد : الحمدالله سامحيني على الأزعاج بس والله قاعد احاتي في ادق عليها ما ترد
ضي : اي اعذرها حاطته سايلنت و نايمه مصخنه تعبانه شوي
خالد : امس بليل مكلمها مافيها شي
ضي : اي عدل بس الصبح اعتفست الضاهر هوا التكيف مرضها
خالد : اها زين ماتشوف شر بس اذا قامت قولي لها تكلمني ضروري
ضي : انشاءالله
خالد : يلا مع السلامه
ضي : باي
------------

قامت ضي و نزلت لقت امها قاعد تسولف يتلفوون
لطيفه : اي خوووش حبيبتي انا اشوف اذا ما عندي شي اكييد بمركم
انشاءالله يالله فأمان الله

ضي : يمه منوو تحاجيين
لطيفه : مريم رفيجتي
ضي : ايهي
لطيفه : الي مره كانت يايه يووم كنه عند خالتج الي ريلها سفير
ضي : اي اي ذكرتها
لطيفه : اي راده الكويت و مسويه يمعه باجر بليل عاد عزمتني انا و انتوا
ضي : بتروحين
لطيفه : مادري
ضي : انزين يمه كلمتي ابوي
لطيفه : اي كلمته و تنرفز على و صعد و قالي لا تفجين الموضوع بس شنو بيدي اسويه بعد
ضي : ولييييه الحين شنو يتقولين حق ام شيخو
لطيفه : بقولها انه ابوها يبيها تكمل دراستها شبقول يعني
ضي : استغفر الله و في
لطيفه : خلاص خليها تصبر شبتسوي بعد نروح نطق ابوج انتي قولي لها انا ماقدر اشوفها تبجي
ضي : انشاءالله

--------------
عمر حرك سيارته ووداها المستشفى و قرر يقولهم انها طايحه من الدري
شيخه كان مغمي عليها
و صحت و اهما بطريج بس التعب كان مسيطر عليها و كانت تحس عوار بجسمها
لانه عمر كان قاعد يطقها بكل قوته

و داها و دخلووها الطوارئ

----------


عقب ما صقر مشا من لولو

لجين راحت لها و قالت لها كل شي
لولو : جذابه حلفي لجوون انج ما كلمتيه ولا حتى بينتيله شي
لجين : امبي لولو يا زفته انا اختج تشكين فيني والله ولا ما سويت شي بس الله عطاني على قد نيتي انزين لولو الحين شنو اقوله والله استحي
لولو : شوفي باجر قوليله انج موافقه عليه و اذا اهوا يبيج بينطر لما تتخرجين
لجين : و اذا ما يبي ينطر
لولو : كيفه مو انتي هذا شرطج
لجين : اي و ماراح اتخلى عن شرطي صج اني احبه بس حلمي من يووم كنت صغيره مابي يضيع
لولو : والله احسن لج شوفي انا الحمدالله على كل حال و صج الي صار مو بيدي بس راحت على سنه و وقفت قيدي و تأخرت وايد
و قوليله كل شي بخاطرج لجون هذي حياة زواج مو لعب و انا من ناحيتي اشوف سليمان خوووش واحد والله العظيم ريال اصلن ساعات احسه اكبر من صقور هههه
لجين : انشاءالله خير باجر بليل او عقب باجر اكلمه
لولو : اي زييين
-------

في قامت من النووم و كلمت خالد
خالد : ها بابا شفيييج تعبانه وايد
في : انا شفيك
خالد : ضي قالتلي انج مصخنه
في : ها اي شوي تعبانه
خالد : في فيييج شي
في : لا بس انا موصيتها تقولك مابيك تحاتيني
خالد : اها لا شنو هي ما تقوليلي المهم رحتي الطبيب
في : لا خذيت دوا شوي احسن
خالد : لا شنو بكيفج قومي خليهم يودونج
في : خالد والله اذا تعبت اكثر بروووح لا تحاتي
خالد : اوكي اخليج ترتاحين اذا حسيتي انج احسن دقي علي
في : اوكي
خالد : احبج
في : وانا بعد
خالد : يلا باي
في : باي
كل شي في دنيتي له طعم ثاني ..
الليالي طولها طول الثواني
والعمر مره وانا عمري معاك ..
ياعساني ما انحرم شوفك عساني
ابتدى عامي وشمسك ماتغيب ..
لو يغيب الكون كله ماتغيب
من خريف القلب لك ببني قصور ..
تآر وكل الأماني لك تجيب
في شتاء عمري ألاقي بك دفا ..
ياللي نظراتك تعلمني الوفا
وآخر فصولك ربيع مزدهر ..
مايل بغصنه لوردك تقطفه
يدري إن اسباب ضعفي نظرته ..
يدري إني ما أقاوم ضحكته
يدري إن الروح ماتغلى عليه ..
لو دعاها جت تلبي دعوته

--------

شيخه كان يرن تلفونها من لجين مره و مره من ضي و طبعا عمر ما كان يرد عقب شمايل كانت تدق تدق وايد
شمايل" وينها هاذي يعني قلنا مع ريلها بس ترد مو جذي تحقر "

نطرت شوي وردت دقت
و عمر كان لازم يرد لي متى بيتنحش
عمر : الو
شمايل : منوو عمر !
عمر : اي
شمايل : شفيك ويييين شيخه
عمر : انا بالمستشفى
شمايل قاطعته : وييييييين شيخه
عمر : مافيها الا الخير بس كنه ابيتنا و اهيا نازله من الدري طاحت و يبتها
شمايل : اي مستشفى
عمر : الاميري
شمايل : اوكي انا يايه

----------------


كانت الساعه 9 بليييل

شمايل راحت المستشفى عقب شوي
يه الدكتور : بخشمها في كسر بسيط و بجسمها رضووض متفرقه و بكل مكان احنا عطينها درب و اهيا نايمه الحين بس حبيت ابلغكم انه بس تصحى راح يدش المحقق عندها لانه الي واضح انه الي صار اكبر من طيحه
عمر توتر حييل
و شمايل منصدمه : انشاءالله دكتور
لفت ويها على عمر : عمر شلي صار
عمر : قلت لج طايحت من الدري الف مره اقول يعني
شمايل : همم اوكي
و ووخرت و اتصلت على خالد
و قالتت له كل شي و كلام الدكتور و شلون عمر متوهق
خالد : شقصدج يعني عمر خاش شي عنه
شمايل : خالد انا حاسه عمر اهوا الي طاقها
خالد : شدعوه مو لي هالدرجه شنو يطقها و يكسر خشمها انا و عمر عشره ما يسويها
شمايل : اوكي تعال و لا ادق على ابوووي
خالد : لا تدقين عليه ولا شي انا كاني ياي


و راحت شمايل صوب العموومي كانت شيخه مناك و عطت عمر خزه حقيره كانت شاكه فيه وايد
و قعدت يم اختها و عمر كان واقف بره

عقب شوي ووصل خالد
و راح سلم على عمر
خالد : ها خير
عمر : خير منو قالك
خالد : شمايل دقت على و كانت وايد تحاتي عمر شصاير في شي انته خاشه
عمر : ذبحتوني ترا كل شوي قايلين لي هالحجي خلاص انته ييت و اختك عندك انا ماشي و راح
خالد " شلي قاعد يصير هذا مو عمر الي اعرفه"

و اتصل على شمايل
--------------


في و ضي قاعدين
ضي : يلا فيوووون قومي ننزل ناكل والله يوعانه
في : مو مشتهيه و بعدين امي كلمت ابوي
ضي : ها لا اي
في : شفيج شنو الحين لا ولا اي
ضي : فيون حبيبتي انتي تعرفين انه ابوي عصبي و كلمته وحده ما عليه قولي حق خالد انه ابوي مو رافضه اهوا بس
في : خلاص خلاص فهمت يعني كلمته و ما رضا و قامت دشت الحمام و صكت الباب حيل و قفلته و قعدت تبجي
ضي راحت وراها
و اطق الباب : في فجييييه في كبري عقلج و فجيه لا تبجين جذي والله مو زيين هذا مو حل طلعي وكل شي له حل انا مستعده اكلم ابوي بس فتحي الباب!!!!!!!!!!!!!!!!!!
---------
​

 

[بنت ديرتها]

حبايبي
سوري ما رديت على وحده وحده فيكم
هذا البارت و ابي رايكم فيييييه و سامحوني على القصور

 

[جنى199]

لا حبيبتي اكيد كان عندك ظروف واحنا نقدر ظروفج والبارت وايد رووووعة ان شاء الله يعرفون انو عمر الي طق شيخة وسليمان ولجون يا حليلهم ان شاء الله يتزوجون اهم بعد مسكينة في وخالد اب اب اب اب اب اب لعيونج بنت ديرتها

 

[بنت ديرتها]

حبيبتي جنى مشكوره ....

بنات النهايه بتكون البارت 50
يعني باقي 3 بارتات كل يوم بارت و بعدها بفقدكم كلكم

 

[ام سدونتي]

البارت عجيب !!
الله يوفق لجين وسليمان ويحنن قلب ابو في وضي ويرضى على خالد
وانشالله شيخه ترد حق فهد ​

 

[bshbosha]

حرام فيووون تكسر الخاطر
حياتي والله حتى احنا بنفقدج :s
ويييتنق البارت الياي ​

 

[جعلي فدوه لبوي]

اب اب اب

 

[بنت ديرتها]

" البارت 48 "
------------------
ضي : في فجي الباب لا والله اروح اقول حق ابوي لا تصيرين ياهل
في بصراخ : ماراح افجه خلينييييي برووحي
ضي : مو بكيفج بعد لي الثلاث اذا ما فجيتيه راح انادي ابووي
فجت الباب في : كا فجيييته شنو تبيين خلوني الله ياخذني و افتك
ضي لمتها : بس جبب لا تقولين جذي اسم الله علييج و الي الله كاتبه بيصير
في : بس مالي ويه اكلم خالد اهوا وفا بوعده وخطبني و عقب كل هذا اقوله ابوي مو راضي
ضي : شفيج انتي ابوي مو رافضه اهوا رافض الفكره الحين و بعديين تو الناس توج و لاحقه خلاص قومي مسحي دموعج و قومي ناكل شي ترا والله مت يووع ذبحتيني
في ابتسمت و مسحت دموعها : انشاءالله
-------------
شمايل و خالد قاعدين يم شيخه
شوي و فتحت عيونها
شيخه : ااخخ راسي
شمايل : حبيبتي شيوخ الحمدالله على السلامه شنو يعورج
شيخه : راسي يعورني
خالد : الحمدالله على السلامه شوشو
شيخه تذكرت الي صار جان تقعد تبجي
قام خالد و قرب يمها : شيووخ شفيج ليش تبجين
شيخه : ما ابيه ما ابيه ذبحني كان بيذبحني اكرهاا ما ابيه
شمايل : اسم الله علييج حبيبتي هدي فهمينه شوي شوي
و شيخه قامت تصارخ و تبجي حيييل : اكرهاااااا ما ابييه والله كان بيذبحني والله والله
يت النيرس و عطتها ابره عشان تهدا
خالد حيييل انصدم ما توقع هذي حالة اخته
و راح كلم الدكتور
الدكتور : لما تقوم لازم يدش عليها المحقق فيها انهيار عصبي و الواضح انها متعرضه للضرب من كلامها
خالد : انشاءالله ماكو الا الخير !!
خالد قام و دق على عمر و عمر ما يرد !!
و يدق و يدق و هم مايرد
خالد : الحقير ما يرد علييي والله لو اتأكد انه اهوا الي مسوي فيها جذي ما اخلي فيه شي صاحي
شمايل : ادق اقول حق ابوي شوف الساعه جم اكيد بيحاتونه
خالد : لا ماله داعي دقي على امي قولي لها انه بندش فلم الساعه 12 ونص ختنام و لا تحاتي
شمايل : اوكي


شمايل اتصلت على امها
ام خالد : ها شموول وينج البيت فاضي
شمايل : اي انا و خالد و شيوخ طالعين و حجزنا فلم على ال 12
لا تحاتين اذا تأخرنا
ام خالد : اكيد وياكم خالد
شمايل : اي هو يما ليشج اجذب كاهو قاعد يحجز تبين تكلمينه
ام خالد : لا لا بس صدقت يلا حبيبتي ديروو بالكم على نفسكم
شمايل : انشاءالله

-------------


عمر دق على فهد من خطه الثاني
فهد : الوو
عمر : يا حقير يازباله يا--- يا ---
فهد : انت انت هي هي شتبي و شكووو تسب
عمر : انا عمر يا حقير ليش رديتوا مو قتلك لا تقرب منها ذبحتها لك بس للأسف ما ماتت بس لا تحط ابالك تاخذها لانها بتكون جثه اييي عبالك انت بتخوني وياها و اهيا تخوني وياك بسكت انا و عمر يصرخ و كل كلامه مو مفهوم نفس الي قاله
فهد : يالمينووون اي خيانه شسويييت فيها و الله ما خانتك انا دقيت عليها مره بالغلط و الله البنت صاينتك شسويت فيها يالمينوون
عمر : شنو يعني بالغلط
فهد : يعني لما شالته شيخه عفست الدنيا و كرهتني نفسي و قالتلي انها تحبك و مستحيييل تخووونك
عمر : لا لا انت جذاب و انا بس اصيدك راح اذبحك
فهد : شوف عمر انا وااايد سكت بالبدايه انا كنت غلطان و تعديت حدودي يووم كلمت بنت عمك ووفيت بوعدي و كانت كلمة ريال ووخرت عنها مثل ما انت تبي بس كل الي صار اني دقيت عليها بالغلط انه انك تهددني هالشي مو بكيفك انا اقدر اشتكي عليك اوديك ورا الشمس يالخسيس و صكه بويها

فهد" شسوه هالمينوون بشيخه اخ ياقلبي يا شيخه ليش عرفتج ليش حبيتج من عرفنه بعض و احنا بمشاكل حتى يوم تفارقنا"
أنسى الزعل أنسى الي راح


أنسى الألم أنسى الجراح


طمني بس ...


طمني بس ...


​

طمني بس خلني ارتاح​

​

طمني قول صبري راح​

​

طمني بس ...​

حبيبي أنا بانتظار يا حبيبي


حبيبي أنا بأختصار خايف حبيبي


​

تدري الهوا فيه الغروب​

​

وشموع نشعلها وتذوب ​

​

صمت وندم​

تدري الكلام له ألف باب


وبحر السكوت خوف وعذاب وألم


أنسى الزعل


أنسى الي راح


أنسى الألم


أنسى الجراح


طمني بس ...




--------------


في قبل لا تنام دقت على خالد
خالد شاله : هلا فيونه شلونج الحين
في : الحمدالله احسن
خالد : الحمدالله
في : وينك حبي
خالد : انا بالمستشفى شيوخ شوي تعبانه بس تكفا لحد يدري
في : شفيها
خالد : ماادري انا لي رديت اكلمج ديري بالج احد يدري
في : لا تحاتي بس تكفا خالد طمني انا ماراح انام بنطرك
خالد : انشاءالله

لي الساعه 2 ونص شيخه طلبوا من خالد انه يمشي لانه مايصير المفرووض من زمان طالع من ملاحضة النساء
و قرر يطلع و قال حق شمايل باجر انا اطمن امي و اي شي تبينه قوليلي


شمايل قاعده يم شيوخ شوي و فجت عيونها و شافت شمايل لاهيه بتلفونها
شيخه : شمايل
شمايل فزت : ها حبيبتي شنو تبين
شيخه : ابي ماي
شمايل شربتها
شيخه : وين خالد
شمايل : راح شصار شيوخ شفيج والله استخفينا
شيخه نزلت دموعها من عيونها و قالت حق شمايل كل الي صار
شمايل : الحيوان والله ما نسكت له لازم ابوي يدري و تتطلقين منه
شيخه : هذا الي بيصير والله ذبحني كان بيذبحني

راحت شمايل و سألت الدكتور اذا تقدر تطلع شيخه و قال اي
و ردت البيت و نامت شمايل عند شيخه و ما قالت حق خالد الي صار ماكانت تبي تسوي سوالف هالحزه بس طمنته انهم ردوا

----------------

في تسولف ويه خالد
خالد : والله في مادري و خايف انه يكون صج اهوا الي طاقها شمايل تقول انها ما تحجت و الحين نايمه باجر لازم تقولي كل شي
في : الله يستر والله قاعد احاتي اكثر منك
خالد : المهم شصار على موضوعنا ابووج شقال
في : ها
خالد : شنو ها
في : باجر امي بتكلمه
خالد :اي زين يلا حبيبتي انا وايد دايخ و تعبان مافيني حييل بس اقوم اكلمج
في : اوكي حبي يلا تصبح على خير
خالد : وانتي من اهله
----------------


ثاني يووووم الصبح
لطيفه قاعده بصالة مع ريلها
لطيفه : ليش مارحت الدوام
بوضي : مادري احس جسمي منمل تعبان شوي وين بناتج
لطيفه : نايميين
بوضي : قعديهم ابيهم يتريقون وياي
لطيفه : انشاءالله

راحت قعدت بناتها و قاموا عقب ربع ساعه نزلوا تريقو ويه ابوووهم

على الساعه 12 الظهر !!!

لطيفه بالمطبخ
و البنات كانوا ويه ابوهم
في : يبه يبه شفييك !
ابوهم: ---
ضي بصراخ : يبااااااااا !!!!!!!!!!!!!!!!!!!!!!!!!!!!!!!!!!!!!​

 

[جنى199]

اولا البارت روعة قلبي واتوقع انو شيخة راح تدري بالحقيقة من فهد وابو في وضي صار له شي ويمكن يموت ويا رب تتزوج في خالد ويا خسارة ما بقى الا بارتين واتمنى بعد ما تخلص هالرواية انو تنزلين غيرها لانو اسلوبك وايد حلو

 

[D_a_n_o]

عمر وايــد خآيسه الحركه الي سواها ببشخه مسكينه شيخه تسرعت وايد وخذته
يعطيج العافيه حبيبتي :*

 

[جعلي فدوه لبوي]

ااااب

 

[أحلاكم وأتحداكم]

امبيه روآآآيتج مؤؤؤ صج
مشآآآء الله كلمة ابدآآع شويه عليييهآآآ
أنآآآ كنت متآآبعتج بصمت
يلآآآ ننطرج بس مؤؤؤ تطولييين >>> طرآآآره وتشرط
أدري طولت بردي بس والله من التفآآآعل
تقبلي مرؤؤؤري فديتج ​

 

[^^ a7la w7dh]

وااااااااااااااااي بنت ديرتها البارت مو صج ...
وعفيه طلبتج طولي الروااية مَ نبيها تخلص :$

 

[ღرحت فيهاღ]

ولكم بااك تو مي لووول بناات بليييز ابي رقم صفحة البارت الي لمن في تتهاوش مع جاسم ما ادري خالد

 

[انوار الكوويت]

مشكووووووووورة علي البارتين
يعطيج العافية

 

[بنت ديرتها]

" البارت 49 "
-------------------
طلعت لطيفه و لقت ريلها طايح على الأرض و البنات حوله يصرخون
لطيفه : شفيه ابوووكم ردوا علي شصار
في : ما م ما ادري
ضي قامت و اتصلت على الأسعاف
عقب 25 دقيقه ووصلوا الأسعاف

و خذوووه
و راحت لطيفه وياه و في و ضي لحقووها بسياره
في خذت تلفوون ابوها و طلعت رقم عمها العوود و دقت قالتله و ياهم

عقب شوي ياه الدكتور و راح حق عمهم
لطيفه كانت قاعده على الكرسي و مغطيه ويها اب ايدها و يمها ضي
في راحت ويه عمها
الدكتور : عطاكم عمره الله يرحمه
العم : لا حول ولا قوه الا بالله انا لله و انا اليه راجعون !
في : !!!!
الدكتور : سبب الوفاة سكته قلبيه و ياريت بعد شوي تروح تكمل اجراءات شهادة الوفاة
في : عمي شنو قاعد يقول هذا !!
و قامت تصرخ عمييي قولي شيقووول هذااا وين ابوووي
لطيفه فزت من صراخ بنتها و راحت صوبهم
العم : يبه في هدي و ادعيله برحمه
ضي من الصدمه طاحت بألأرض
و لطيفه قعدت تبجي حيييل
في : جذااب جذاب ابووووي ما ماات ما مااات اهوا توه كان قاعد ويانه و تريق و سولفنا
شلون يجذب هذا و هسترت بجي و عمها لمهااا حيييل عشان يهديها


عقب شوي خذاهم عمهم ووصلهم البيت

-------------


شمايل دقت على خالد وقالتله ايي دار شيوخ

و يالهم علطول
و لقاهم قاعدين و شيخه قالت له كل شي
شيخه و اهيا تبجي : خالد تكفا ما ابييه والله ما اقدر اعيش معا واحد مينون
خالد : والله انا منصدم بس شلي يخليه يسوي جذي
شمايل : خالد شفيك يعني لو شيوخ خاينته جان قالتلك امبي قهرتني شالبروود
خالد : شمايل اي بروود سكتي اوكي انا بداخلي ناااااار بس منصدم والله ماراح اطوفها له
شمايل : انا اقول نكلم ابووي و يدق عليه يقوله يطلقها و بس نفتك منه
خالد : انا بدق علييييه


طلع خالد من غرفته و دق على عمر و هزأه تهزأ و قاله لو شنو اختي مسويه ما تسوي الي سويته و اذا ما طلقتها بياخذ تقاريرها من المستشفى و يشتكي عليه


-----------------

ضي قالت حق رفيجاتها عم وفاة ابوها الي كانت صدمه لهم و شيخه و اهلها
ماخلووهم بأيام العزا صبح و عصر و لجين و لولو و امها بعد


خالد ما كلم في الا ثاني يوم و مسج بس عزاها اهيا ما كانت تقدر تتكلم و طووول الوقت كانت ساكته
و عمر ما طلق شيخه بس كانت ساكت ووصلت السالفه حق بوخالد
و ام عمر دقت و اعتذرت و قالت الي يبونه بيصير

--------------------


عقب اسبوعين


عمر كان يدز يدز مسجات حق شيخه يعتذر فيها و انه متحسف و كان يحلف لها انه راح يعيشها احلى عيشه و الخ من هذا الكلام


شيخه ماكانت ترد كلش نفسيتها تعبت و بتفس الوقت حالة رفيجاتها وايد متعبتها كانوا منكسرين مصدومين مووت ابوهم الفجأه تعبهم و خصوصا انه كان اهوا ظهرهم


لجييين كلمت سليمان و بينت له انه موافقه بس بعد ما تتخرج ووافق بس قالها انه ما يبي يكلمها بالفون ولا واتس اب بس تويتر و يسألون عن بعض من فتره لي فتره لأنه بنظره هالشي غلط على ما يصير كل شي رسمي بينهم



عمر نفسيته تعبت و تحسف حييل
دز مسج حق شيخه

والله احبج تكفا شيخه سامحيني وعد اعيشجج احلى عييشه و انسيج كل شي صار

شيخه ردت عليه

عمر انساني و ابي ورقتي بأقرب وقت لو شتسوي ماكو شي يغفرلك الي سويته فيني و هذا اخر مسج راح يوصلك مني
يوم قلبي اسيرك .. شفت نفسك ملك ..
ولما حبيت غيرك .. توني الله اعجبك ..

ليش خلك كبير لا تنازل عشااني ..
دام غيري كثير حبك لك شخص ثاني ..

شوف غيري يحبك .. شخص لايق عليك ..
ولا انا مابي قربك .. لا ولا عدت ابيك ..

عندي الي احبه .. والي يعرف غلاي ..
لي مكان بقلبه .. كل همه رضاي ..


وفر الي تقوله .. مهما ناوي تقول ..
لا تظن بسهوله .. تلقى عندي قبول ..

وش علي لو تبيني .. حبني براحتك ..
المهم لا تجيني .. ما ابي جيتك ..





مرت الأيام و الوضع كان طبيعي روتين ممل قربت نهاية العطله
و في و ضي بوضع احسن و في تعلقت اكثر و اكثر بخالد كان ما يخليها ولا دقيقه و موضوع الزواج سكره !!


شيخه و اهيا بطريجها حق لجين

وصلها مسج من رقم غريب


شيخه شلونج
انا رزان ال--
حبيبتي اذا فاضيه ابي اكلمج !!

-------------​

 

[بنت ديرتها]

اولا البارت روعة قلبي واتوقع انو شيخة راح تدري بالحقيقة من فهد وابو في وضي صار له شي ويمكن يموت ويا رب تتزوج في خالد ويا خسارة ما بقى الا بارتين واتمنى بعد ما تخلص هالرواية انو تنزلين غيرها لانو اسلوبك وايد حلو

حبيبتي حياج الله
حياتي انتي احرجتيني

انشاءالله عقب هالروايه مفكره انزل روايه بس حقيقيه

عمر وايــد خآيسه الحركه الي سواها ببشخه مسكينه شيخه تسرعت وايد وخذته
يعطيج العافيه حبيبتي :*

يعافيج حبي

ااااب

:eh_s(7):

امبيه روآآآيتج مؤؤؤ صج

مشآآآء الله كلمة ابدآآع شويه عليييهآآآ
أنآآآ كنت متآآبعتج بصمت
يلآآآ ننطرج بس مؤؤؤ تطولييين >>> طرآآآره وتشرط
أدري طولت بردي بس والله من التفآآآعل

تقبلي مرؤؤؤري فديتج ​

انتي الي موو صج
حياج الله حبيبتي و لا طولتي ولا شي و مشكووره

وااااااااااااااااي بنت ديرتها البارت مو صج ...
وعفيه طلبتج طولي الروااية مَ نبيها تخلص :$

حبييبتي انتييي

جان زيين بس للأسف انها بتخلص بس البارت الأخير بيكون طويل
و انشاءالله قريبا روايه يديده :eh_s(7):

 

[بنت ديرتها]

ولكم بااك تو مي لووول بناات بليييز ابي رقم صفحة البارت الي لمن في تتهاوش مع جاسم ما ادري خالد

ولكم باك حبيبتي
اتوقع اول الصفحات

مشكووووووووورة علي البارتين
يعطيج العافية

يعافيييج حبي :eh_s(7):