"يـــوم قــــــلبي اسيــــــــرك شـــــفت نــفسك ملك " روايتي الأولى

[انوار الكوويت]

بنت ديرتي طلبتج ان تخلين البارت الاخير يوم الخميس او الجمعة عشان افضة
باي ابي اروح للمدرسة

 

[جعلي فدوه لبوي]

حبيبتي وينج وين غاطه عسا ماشر وترا انتي واعدتنا انا كليوم في بارت وينج

 

[ام سلمي]

وووووووووواااااااااااااااااااااااايييييييييييييييييييييييي
يسلموا الايادي اللي كتب القصة الرائعة
والله دخلت قرأتها بالصدفة
فعلا جدا ممتعة وتشد القارئ من البداية
عسى الله يوفقج
بس حبيت اقول ان عمر وايد نذل وحقير
ان شاء الله شيوخ تفتك منه الحيوان
وفي وخالد احلى حب بينهم عسى الله يهدي ابوها ويوافق
ولجين ان شاء الله لولوه تقدر تسوي شي تستاهل لجون كل خير
مشكوووووووووووووووووورة على القصة يا بنت ديرتي يا عسل​

 

[جعلي فدوه لبوي]

وينج بنات وبنت كاتبتنا اخاف فيها شي ولا تعبانه اشوف مو مبينه غاطه

 

[ام سدونتي]

Up
Up
Up
Nbii part​

!!!!

 

[بنت ديرتها]

" البارت 45 "​

​

-------------------​

​

​

نزلوا عبير و شيخه على نزلت ام عمر ​

ام عمر : ها يمه شفتي المكان الي بتقعدين فيه ​

شيخه : اي خالتي مشاءالله ما توقعته جذي كبير ​

ام عمر : تستاهلين حبيبتي و عاد الأثاث و الكماليات انتي و عمر اختاروها ويه بعض​

شيخه : انشاءالله ​

​

عمر :ها شيووخ يلا مشينا ​

شيخه : يلا اوكي ​

​

و طلعوا و كان الوضع طبيعي و عمر ما حط اباله منو هالرقم ولا جيك عليه ​

​

اول ما ركبوا بالسياره ​

عمر : ها ويين تبين تروحين ​

شيخه : مادري حياتي كيفك ​

عمر : افنيووز ناكل اب مطعم و عقبها نروح ايكيا نشري حق غرفتنا و الصاله ​

شيخه : خوووش الي تشوفه ​

عمر قرب منها و باسها على خدها ​

عمر : طوول ما انتي تسمعين كلامي و تطيعيني ماراح تتحسفين راح اعيشج احلى عييشه احبج ​

شيخه : و انا بعد احبك​

​

----------------​

​

في وصلت البيت ​

​

دشت لقت ابوها قاعد بالصاله ​

​

ابوها : ها عيل انتي مو ويه امج ​

في : لا يبه انا رحت عند لجين​

ابوها : اي زين تعالي قعدي وياي طقت جبدي من القعده بروحي و امج طولت ​

في : انشاءالله ​

5 دقايق و دشوا لطيفه و ضي ​

​

في : كاهي وصلت ​

لطيفه : السلام ها شنو كنتوا تحشون فيني ​

في : لا بس بابا كان يقول انج تأخرتي ​

و ضي خز في عبالها تدري و تسوي لها حركات في مو فاهمه شسالفه و تحرك ايدها تسوي حق ضي مينوونه​

​

في : يلا انا صاعده ​

ضي : نطري بصعد وياج ​

​

و صعدوا ​

ضي تلت في حيييل : يا كلبه ليش ما قلتي لي ​

في : شقول شفيج انتي محششه من توا تسوين حركات ​

ضي : بلا استعباط يعني ما تدرين انه ام خالد دقت اخطبتج ؟​

في @@@ شنوووو​

ضي : ما تدرين ​

في : و ربي ما ادري ما فتح وياي الموضوع حلفي ضي انه مو دقه ​

ضي : والله العظيم ماكو شغل اسوي فييج دقه​

في : امبي حبيبي و انا اشوفه اليووم صاير رومنسي و يقولي مفاجأه امبيييه ببجي ضيووو عسى بابا ما يفشلنا ​

ضي : انشاءالله امي بتكلمه بس هييي ما اوصيج اذا امي كلمتج دييير بالج تبينين لها انه انتي و خلود بينكم شي ​

في : لالا لا تحاتين اكييد يلا برووح داري خالأدق عليه ​

ضي : اي يلا اوكيك ​

​

------------------​

​

شيخه و عمر عند باب بيت شيخه بالسياره​

عمر : يلا متى يمر هالشهر يعني والله قلبي ييعورني لما انزلج ​

شيخه : يمر و احسن عشان تشتاقلي يلا خلني انزل ​

عمر : اوكي بس تبدلين و تخلصين دقي علي​

شيخه : اوكي و نزلت ​

-------------​

​

​

عمر قبل لا يحرك السياره تذكر الرقم ​

​

طلع تلفونه و دق على الرقم و هني كانت الصدمه الرقم مسيف !!​

​

عمر " فهد مستحييييييل شيخه تخوني يالحقيره يازباله تستغفلني انا عمر انخان و من منووو مرتي اخ اخ "​

و قام يطق على السكان بأيده حيل و شغل السياره و داس حييل ​

عمر" ماشي يا شيخه و ماشي يا فهد يا ---"​

​

-------------------​

​

لجين تسوولف ويه ضي ​

لجين : اخ يا قلبي والله اني كنت عايشه براحه بدون حب ولا شي يازيني والله صج حسيت فيج ضيون​

ضي : خليها على الله و حمدي ربج انه ما تعشمتي و بنيتي احلام حييل كبيره و تخططين لها و اخر شي كل هذا يرووح حق غيرج الله كريم بس ​

لجين : اي والله واي ما تحسين هالعطله ملل و ملييقه ​

ضي : وايد ماكو شي نسويه والله مال اسجل بمعهد انقليزي اونادي ​

لجين : لا تكفا شي في دراسه و تعليم مانبي نادي اوكي ​

ضي : خلاص اوكي واي شيخووو ودي ادق عليها بس احس قاعده تكلم عمر ​

لجين : ويت اجرب ادق اشبكها ويانا ​

​

شيخه دقت مرتين على عمر و ما رد عليها ​

​

ردت عليهم ​

لجين : اي اي الي لقا احبابه نسا اصحابه يا دنيا يا غرابه يا دنيا ياغرابه ​

شيخه : جب جب شكووو والله على بالي شبكتيني ويه منو ​

ضي : انا الحب القديم ​

شيخه : ضيونيي ها شلونكم ​

ضي : تمام شيخووو تدرين انه خلود خطب في امج اليوم كلمت امي ​

شيخه : جذابه لا ما قالي امبي حقيير شكو ما يقووول ​

ضي : ولا حتى فيووو تدري تفاجأت ​

شيخه :يعني رومنسي حلايه ويهه ​

لجين : ههه وناسه امبي بنات ترا كل ما كنت متوقعهانكم بتتزوجون بالهسرعه ​

ضي : ليحين في مو اكيد ​

شيخه : ليش ​

ضي : لانه ابوي ماتوقع يرضا يزوجها قبل لا تتخرج من الجامعه ​

-------------​

​

​

في دقت على خالد ​

خالد : الوو​

في : لا والله ​

خالد : شفيج ​

في : ليش ما تقوليييي​

خالد ضحك : عشان ابيها مفاجأه ​

في : هممم ​

خالد : عجبتج ​

في : اي اكيد ​

خالد : زين اشوه ترا قلت حق امي ماتقول حق احد حتى الدعله شيخوو​

في : لا حرام ​

خالد : لا احسن متى امج راح تكلم ابووج​

في : والله مادري انا ضي قالتلي حتى امي ما يت كلمتني ​

خالد : انزين اي شي يصير قوليلي انا ناطر ترا ​

في : اي اكيد حياتي ​

خالد : اي انزين بابا انا دايخ وايد بنام وراي دوام مو نفسج بطالي اول ما اقووم اكلمج و بسج سهر​

في : اوكي انشاءالله ​

خالد : يلا باي ​

---------------​

​

ثاني يوم ​

​

على الريوق لطيفه و ريلها ​

لطيفه : حبيبي بكلمك بموضوع ​

بوضي : امري صاير شي ​

لطيفه : لا لا تحاتي ماكو الا الخير بس امس اتصلت علي ام شيخه الي رفيجت البنات عرفتها ​

بوضي : اي شفيها ​

لطيفه : خطبت في ق ولدها العوود و متخرج و توا مشتغل و معاشه زيين و الباقي عليك انك تسأل بس الصراحه ناس ما يتطوفون و النعم فيهم ​

بوضي : و النعم فيهم بس لي تخرجت حياهم الله ​

لطيفه : الله يهداك ليش توقف نصيييب البنت حرام علليييك ​

بوضي : خلاص صكي الموضوع انا كلمتي وده و بنتي ليلحين ياهل ​

لطيفه : الله يهداك بس ​

بوضي : و بعدين انتي ليش ما قلتي انه شيخه عندها اخو و بناتج مطيحين عندها 24 ساعه و انا معتمد عليج و انتي امهم ​

لطيفه : وي وي شفيك كليتني و ترا البنيه من صغرها و اهيا ويه بناتك لا تصير جذي و الناس اياويد الله يهداك بس ​

بوضي: خلاص صكري السالفه و انا رايح الدوام ودقي قولي لها ماعندنا بنات للزواج ​

في توها بتنزل سمعت اخر كلمه قالها ابوها ​

وقف مكانها و غوووورقت عيونها !!!​

​

​

طلع الأبووو ​

و قامت لطيفه بتصعد و شافت في قاعده على الدري و دموعها تارسه ويها ​

​

لطيفه : يمه بنتي يمه في شفيج ​

و قربت منها و لمتها و في قعدت تبجي حيييل ​

يمه في تكلمي شفيج ليش تبجين ​

في : يم يم يمه ل ل ليش ​

لطيفه :اسم الله عليج لا تتحجين لحظه ايبلج ماي ​

و شربتها ​

----------------- ​

شيخه تدق على عمر ما يرد​

​

عقب شوي رد دق عليها ​

شيخه : الوو وينك ​

عمر : سوري حبيبتي بس كنت مشغوول شوي ابيي اشوفج حييل مشتاقلج ​

شيخه : امس شايفني شالعياره ​

عمر : والله يلا لبسي انا شوي و امرج ​

شيخه : خلاص اوكي ​

عمر : يلا باي ​

شيخه : عمووور احبك ​

عمر : و انا بعد يلا باي ​

-------------------------​

 

[بنت ديرتها]

بنات حبايبي والله كتبت البارت و عيوني تدمع من الدوووخه
و الله سوري بس جد هاليومين رفيجاتي كل يووم عندي و قاعد نطلع نزهب حق البارتي هالخمييس و حيل لووويه من الصبح و انا طالعه قبل شوي رديييت
ووعد اعوضكم بالبارتات اليايه
و باجر بس اقوووم ارد على وحده وحده
احبكم كلكم
و تصبحوون على خيرر

 

[انوار الكوويت]

تسلمين البارت حلو
ناطرة

 

[جعلي فدوه لبوي]

مشكووووووره

 

[غلا الخالدي]

اي
اب
اب
تسلم ايدج

 

[يافديت الدلع]

اخ ي قلبي لايطق شيخه هالمجنون ولايفضحها يمه اكره عمر اخ قلبي قام يعورني فديتج عقبال المليووون يارب كملي البارت اذا فضيتي

 

[كيوت--]

Up up up

 

[بنت ديرتها]

" البارت 46 "
---------------


ضي طلعت من غرفتها رايحه حق في

دشت دارها ما لقتها
نزلت و لقتها قاعده تبجي على حضن امها و تمس عليها
ضي ركضت شفيها في شفيج
يمه ليش قاعده تبجي
لطيفه : ابوج الله يهداه مارضا و قال توها صغيره
و في زادت بجي
ضي : يمه حاولي تكلمينه حرام والله هذا نصيبها ليش يوقفه
لطيفه: برد احاول وياه بس يرد الله كريم

-----------------------

عمر توه واصل ناطر شيخه

على طلعة خالد من البيت
خالد راح صوب سيارة عمر
خالد : ها بوعمر واحشني اوي متى يعني بتمرنا الدوانيه
عمر : انشاءالله اليوم انت وين رايح الحين
خالد : بمر جراحوو
عمر : اي انزين
خالد : انزين شفيك شكلك مو على بعضك
عمر : لا مافيني شي بس اختك زرعتني
خالد : يلا ماعليه انطرها شوراك و زين تسوي فيك يلا باي
عمر ضحك ضحكه متصنعه : باي

طلعت شيخه وركبت وياه السياره
شيخه :قوه
عمر : هلا
شيخه : وين بنروح
عمر : بطريج بتعرفين
و شغل المسجل و طول على الأغاني جنه يقولها سكتي
شييخه حست انه عمر مو طبيعي بس سكتت !!!!

-------------------


لجين منسدحه يم لولو بغرفة لولو
لولو : لجين وخري بحط بنتي يمي
لجين : اهووو لولو مالي خلق دايخه
لولو : هي شنو داري وخري
لجين : اوف و قامت انسدحت على الغنفه
خذت تلفونها و دشت على التويتر و لقت واصلها دايركت مسج فجته علطول ولا من سليمان !!
قوه لجين شلونج اذا مافيها كلافه بغيت رقمج بكلمج بموضوع !!

لجين : لولو لولو لووولوووووووه و صمخ
لولو : هي يا زفت صوووتج البنيه نامت ما صدقت
لجين : مو مهم سمعيني سليمان يبي رقمي
لولو : جذابه
لجين : والله امببي شسوي دزلي دايركت مسج
دق صقر على لولو
لولو : سكتي هذا صقر داق
شالته
لولو : هلا والله
صقر : هلا فييج انا ياي بالطريج تبين ايبلج شي وياي
لولو : لا سلامتك
صقر : ماشي يلا باي
لولو : باي
لولو : يلا صقر الحين ياي ذلفي دارج و غيري بجامتج فشله الريال يشوفج جذي
لجين : ماني طالعه من الدار بس قوليلي شسوي
لولو : كيفج لجون تصرفي بس لا تدخليني مالي خلق سوالف
لجين : مليقه
و طلعت راحت غرفتها
----------------

ضي : في قومي نرووح غرفتج ماله داعي ابووي ايي يشوفج جذي
في : اوكي
و صعدت ويه ضي
و تلفونها كان فوق
خذته و كان خالد داق 4 مرات
في : ضي شقول حق خالد الحين
ضي : لا تقولين شي نطري خلي امي تكلم بابا مرا ثانيه و يصير خير
في : اوكي انا شكلي بنام
ضي : اوكي
------------
لجين دقت على ضي بس ما ردت
اوف شسوي و شيخه بعد ماقدر ادق عليها اكيد ويه ريلها
دقت على في ما ترد
" شفيييييهم هذيل عسا مو صاير شي "

دزت دق سليمان
هلا والله لا عادي و كتبت رقمها

عقب شوي دش عليها بالواتس اب
سليمان : قوه
لجين : يقويك
سليمان : شخبارج
لجين : بخير الحمدالله انت شلوونك ؟
سليمان : الحمدالله ,, لجين مادري شقولج او اني شلون ابدي بالموضوع
لجين : عادي اخذ راحتك
سليمان : اهوا صح غلط الي سويته بس والله انا مو نوعي اللعووب بس كنت بعرف لو تقدمت لج بتوافقين !! و الله اذا لا ماكو شي بيتغير بتضلين اخت و على عيني و راسي

لجين حست يتمووت من الوناسه و توهقت حيل ماعرفت شترد مرت 10 دقايق و اهيا حاقرته ماتبي تبين له انه اهيه ميته عليه وبنفس الوقت ماتبي تقوله لا !!

لجين : سليمان انت احسن البنات يتمنوونك و مو ناقصك شي مشاءالله ليش ارفض بس تدري دراستي
سليمان : من هالناحيه لا تحاتين انا قايل اذا كل شي تمام ماراح اخذج الا بعد ما تتخرجين و حتى كلام ماراح اكلمج بهالفتره و اكيد الدراسه اهم شي و انا الحين مابي راييج فكري و عطيني خبر
لجين : انشاءالله

و من الوناسه قامت ترقص بروحها و تدق على رفيجاتها بس محد يرد و دها تتكلم تقول تصرخ بس هم لولو صقر عندها
يا بعيد وجابكـ اللهـ لينـ عنديـ وصلكـ

ما تمنيتكـ لانكـ كنتـ ابعد منـ خياليـ
ما خطر فيـ باليـ مرهـ انيـ ممكنـ اوصلكـ

كنتـ اشوفكـ مثلـ نجمـ فيـ السماء ساطعـ وعاليـ
يا بعيد وجابكـ اللهـ لينـ عنديـ وصلكـ

جيتنيـ مثلـ الشروقـ اليـ محا عــتـمـ اللياليـ
جيتـ فرحهـ للحزينـ اليـ منـ همومهـ هلكـ

جيتنيـ وانتـ يحبكـ الفـ محبوبـ بداليـ
سخركـ سبحانهـ الليـ فيـ عيونيـ كملكـ

هو صحيحـ احنا التقينا هو صحيحـ انتـ قبـاليـ
هو صحيحـ انيـ حبيبكـ كانـ ليـ حقـ اسألكـ

كاننــيـ احلامـ طلبتكـ خلنيـ هايمـ لحاليـ
خلنيـ بالحلمـ عايشـ فيهـ داميـ بهـ معكـ

ممتليـ بالحبـ قلبيـ وغير قلبيـ قلبـ ماليـ
اهدينيـ قلبكـ حبيبيـ خلنيـ فيهـ اعشقكـ

---------------

لطيفه قاعده و دش ريلها
سلم و قعد
بوضي : شفيج منفسه
لطيفه : مو منفسه بس ضايق خلقي على بنيتي يوم يه نصيبها وقفته و الولد خووش ولد مادري ليش هالعقد الي براسك
بوضي : انا اقول صكري الموضوع لانه ماكو زواج و ليش بنتج تحجت قالت شي
لطيفه خافت على بنتها : لاما قالت شي انا الي قاعده اقوول
قام و مشى
لطيفه : وين رايح ماتبي تاكل
بوضي : لا ماني ماكل برووح انام و بقوم القاج صاكه هالموضوع و راده على طبيعتج

-------------------



شيخه : عمر شفيك ساكت ووين رايحين احنا
عمر : عطيني تلفونج
شيخه : شنو
عمر بصراخ قلت لج عطيني تلفونج و سحبه منها و حطهه بمخباته
شوفي مابي اسمع صوتج فاهمه نوووصل و اوريج
شيخه : عمر شفيك شصاير والله مو مسويه شي
عمر : اكلي تبن لا تيبين اسم الله على لسانج انتي مو كفووو
صفط عمر ابراحه
و نزلها شيخه كانت ترجف و مو فاهمه شيصير فج الباب
و طقها حييل
و قعد يسبها يازباله يا حقيره انا تخووونيني
انا الغلطان شلون فكرت اخذ وحده زباله مثلج و كل جمله بطراق
شيخه : وخر عني لا تطقني يالممينووون و الله ما خنت
و زادها طق
عمر : قلت لج لا تيبين اسم الله على السانج يا القذره
عمر كان يطق شيخه مثل المينوون و بشكل اجرامي

عقب شوي شيخه راح صوتها ماقامت تبجي او تصرخ مثل البدايه شيخه ماترد !!
عمر : شيخه
شيخه طايحه ما ترد عليه !!!!!!!!!!!!!!!!!!!!!!!!


​

 

[يافديت الدلع]

الحقير ليش يسوي جذي لوانه رجال مايستقوي ع مره يع اكره عمر حقييييييير كملي ي قلبي فديت لجوووووون مستانسه الله يتمم لها

 

[جنى199]

الحقير عمر ان شاء الله تطلق منه ويا رب ابو في يرضى او خالد اذا دراى انو نرفض لا يياس يحليلها لجون

 

[Ms.MrMr]

استغفر الله اجرررااام مالت عليه عطها فرصة تبرر موقفها حيوان :s

الله يوفقها لجوون تستااااهل لان نيتها صافية .. وان شاءالله خالد يحاول مرة مرتين

لما يرضى بو ضي

نااطرينج :$ على احر من الجمر .. ماشبعنا بارتات ادري بطقيني الحين

اب اب اب

 

[نهاية حبنا]

waitting

 

[جعلي فدوه لبوي]

الزفت المعفن الرجاجيل كلهم وصخين

 

[غلا الخالدي]

يااااااربي حرام عليه والله ماتستاهل
ولجوووووون ياااارب تاخذ سليمان والله استانست لها هههههههههه
تسلم ايدج حبي وناطرين البارت الياي 

 

[كيوت--]

Waitiiiiiiing