"يـــوم قــــــلبي اسيــــــــرك شـــــفت نــفسك ملك " روايتي الأولى

[جنى199]

اب اب اب اب اب اب اب اب اب اب ا ب وينج بنت ديرتهاعسى ما شر

 

[A7laa kuwaitia]

وينج بنت ديرتها عسى المانع خير

 

[غلا الخالدي]

Up
Up
Up

 

[جعلي فدوه لبوي]

اب اب اب

 

[بنت ديرتها]

حبايبي عذروني ما كتبت البارت الأخير
والله لهييت
وامي و ابوي سافروا و اختي صخنت حيل لهيت فيها و يه مدرستها النحس و الطبيات و امتحانات
انشاءالله بس يتعدل الوضع راح انزله
و ماراح اطول عليييكم
احبكم

 

[جنى199]

معذورة بنت ديرتها اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب لعيونج الحلوة بس يعني بس سوال كمان كم يوم البارت

 

[بنت ديرتها]

تسلمين حبيبتي البارت بيكون باجر ان شاءالله

 

[جنى199]

واي واخيرا حدنا ولهانين على البارت اب اسالج باجربكون اخر بارت

 

[lulu_q8]

Waiting

 

[انوار الكوويت]

حبايبي عذروني ما كتبت البارت الأخير
والله لهييت
وامي و ابوي سافروا و اختي صخنت حيل لهيت فيها و يه مدرستها النحس و الطبيات و امتحانات
انشاءالله بس يتعدل الوضع راح انزله
و ماراح اطول عليييكم
احبكم

عاااااااااااااااااااادي علي راحتج
سو ماي احم احم من قدنا هههههههههههههههه

 

[كويتية عز 93]

Up
Up
Up

 

[كويتية عز 93]

ناااااطرييييينج
حبيييييييبتي
لا تطولييين علييينا 

 

[بنت ديرتها]

جاري الكتابه

 

[كيوت--]

WAitingggg

 

[بنت ديرتها]

موجودييين ؟؟

 

[NFai$ha]

أييي بلييييز نزليه
شابكه من فوني وبباجر ورراي سسكول
وددااااااايخه
وناأطره تنزلينه أقرراه وأنام

نبيييييييي بأاااااارت :'(

 

[حنطاويه عسل]

وااااي القصه روعه
ناطرين البارت الاخير

 

[NFai$ha]

La :'(
Shaklich 6la3ty

Waiting ;**

 

[بنت ديرتها]

" البارت 50 "
الأخيــــــر


---------------


شيخه : اوله شخباري شتبي فيني
ردت عليها
هلا والله حبيبتي اي فاضيه امري !!

عقب دقيقه اتصلت عليها
شيخه : الوو
رزان : قوه شيوخ شخبارج
شيخه : والله بخير حبيبتي انتي شلونج
رزان : الحمدالله بخير حدي مشتاقتلج شيوخ عفيه ابي اشوووفج
شيخه : حبيبتي انشاءالله تشوف على يووم نطلع
رزان: اي بس قبلها ابييج تيين بيتنا و قلت اعزم البنات
شيخه : اي خووش فكره
رزان : اوكي انا اشووف و اعطييج خبر
شيخه : انشاءالله واي مسجج خرعني عبالي فيج شي
رزان : ههه لا ماكو بس استحيت ادق خفت تكونين مشغوله
شيخه : اي زيين اشوه عييل اشوووفج
رزان : انشاءالله يلا باي
شيخه : باي
-------------

شيخه عقب ما وصلت حق لجين قاعدين بدارها و يسولفون
شيخه : انزين يعني الحين كلش كلش ما تكلمينه
لجين : اهوا يبي جذي و احسن بس مو كلش يعني كل 5 ايام نسأل عن بعض و بتويتر ادري وين يرووج و ووين يرد
شيخه : هممم الله يتمم انشاءالله
لجين : وانتي شيووخ خلاص تعوذي من بلييس و ردي حق ريلج مو حلوه اسم مطلقه
شيخه : نعم حبيبتي انا ما يهمني لا اسم ولا بطيييخ انتي مينونه اقولج شفت موووتيي و انا عايشه مستحيل اردله عمر انسان مو طبيعي

لجين : مادري شقوولج بس الله يكتب لج الي فيه الخيير
شيخه : انشاءالله اقول لجون دقي على البنات خل ايونه والله معورين قلبي احسهم انكسروا و خصوصا ضيووو فيون خالد مو مقصر وياها و 24 ساعه معاها
لجين : اي الحين بقولهم بس لا تحاتين اصلن ضي صارت حبيبي ههه كل يوم نسولف قبل لا انام
شيخه : اي زيين اشوه
--------------
لطيفه بالصاله قاعده ويه ضي
ضي : يمه
لطيفه : هلا يمه
ضي : يمه انا ودي اتحجب
لطيفه : صج يمه الله الهادي
ضي : يمه موت ابوي فجأه ذبحني و حسيت انه الدنيا كلها ما تسوى و الحمدالله انا من زمان ماكو فرض اهده بس كان ناقصني الحجاب انتي شرايج
لطيفه دمعت عيونها : اكييد حبيبتي في احلى من هالشي الله يعطيج على قد نيتج و يوفقج
قامت ضي و لمتها

----------------

في منسدحه على سريرها
رن تلفونها
شالته : في : هلا خلود
خالد : هلا فيج ها شلوونج
في : الحمدالله بخير
خالد : عسى دووم اي فيون حبي امس كنت افكر قلت عقب 4 شهوور نملج و ما نبي حفله عشان اكون يمج
في : لا خالد انا ماراح اتزوج الا لما اخلص دراستي
خالد : من متى هالحجي شنو يعني 3 سنيين
في : هذا الي عندي و انسى مستحيل اتزوج قبلها
خالد : في حتى لوو هذا كلامج في اسلوب احلى تكلميني فييه
في : هوووه هذا اسلوبي عاجبك اهلاوسهلا مو عاجبك مع السلامه
خالد : مشاءالله كلام يديد اوكي في الي تبينه بيصير بس انتوا جذي الي يهتم فيكم و يحبكم من قلبه تدوسون عليه يلا الله يوفقج و مع السلامه !!
في بصدمه : مع السلامه

عقب ما صكته بجت حيييل حست انها خسرت كل شي بالدنيا
في " انا لييش سويت جذي بس والله ما اقدر ابوي كان يبيني اكمل مستحيل اتزوج قبل الدراسه و خالد حبيبي لو الف الدنيا ماراح القى نفسه بس ماراح اخليه ينطر الله يوفقه "


عقب شوي ضي دشت على في و اهيا لابسه الحجاب
ضي : شرايج
في : شنووو صج ولا عبط
ضي : لا صج
في : حلفي
ضي : والله
في قامت لمتها مبرووك الله يثبتج
ضي : الله يبارك فييج و الفال لج انشاءالله
في : انشاءالله
ضي : يلا بدلي لجين كلمتني نروح لها اهيا و شيوخ عندها
في : لا ضيون روحي انتي انا تعبانه مالي خلق
ضي : اوكي حبيي يلا باي
في : باي

و في بدلت لبست ترينق تحته قميص شوي طويل و لبست حجاب من امها

راحت و دشت عليهم الدار
لجين و شيخه شهقوا
و قاموا لموها
شيخه : واي ضيووووو اينن علييييييييج نشاءالله الله يثبتج انشاءالله
لجين : زوووغه وناسه حتى فيوو ؟
ضي : لا بس انا ترا ما شريت ولا شي ابي اطلع وياكم اشتريلي جم بدله و جم حجاب ما بقى شي على دوام الجامعه
شيخه : افا عليييييج من عيوني
لجين : ترا ملل دام قاعدين جذي قوموا نرووح
شيخه : اوكي
و راحوا افنيوز شرت ضي جم قميص و جم بلوزه
ضي : الحين من ويين اشتري حجابات
لجين: ويت اسأل لولو من وين تاخذ حجاباتها
و سألتها
لجين : يلا امشوا جمعية الفيحه
شيخه : اوكي

----------------


فهد : والله رزان ماراح انسالج الي بتسوينه طوول حياتي
رزان : شدعوه فهد انته اخووي و الله انا حاقده على نفسي شلون كنت اقط عليك نغزات مادريت انه السالفه جذي
فهد : لا عادي
رزان : بس فهد شالفايده انك تقولها و تخرب بيتها
فهد : رزان مادري بس انا مو قادر ارتاح و احس اهيه مو مرتاحه وياه والله هذا واحد مينون
رزان : راح الي راح بس غلطتك المفرووض ما تستسلم المهم اذا حددت اليوم وياها انا بعطيك خبر
فهد : انشاءالله و مشكوره مره ثانيه
رزان : العفوو
--------------------
لولو ردت شقتها

صقر : و اخيرا اليوووم اخر يووم علاج طبيعي صج افتكيت
لولو : اي الحمدالله بس شووف نفسك وايد احسن من قبل
صقر : اي الحمدالله وين الزييين كله
لولو : نايمه بالدار
صقر : بسها نووور لا تأذينا بلييل يلا يبيها الصاله خل العب فيها شوي قبل لا ارووح الدوانيه
لولو : ههه اوكي
--------------


عقب ما راحوا الفيحه خلصوا شغلهمم و ردوا البييت
شيخه راده البيت
و عمر كان يدق يدق يدق و اهيا حاقرته

دشت فريجهم و لحمت سيارة عمر ناطرتها عند فريجهم
خافت و اتصلت على ابوها
بوخالد : ها شيخه وينج يبه
شيخه : يبه انا راده بس عمر ناطرني بالفريج عفيه يبه اطلع انطرني بره والله اخاف يسوي فيني شي
بوخالد : يخسي و زين انا ابي اشوفه
شيخه : انا وصلت يبه يلا اطلع
بوخالد : انشاءالله
عمر شاف سيارة شيخه و لحقها و سفط و نزلها
راح عند دريشتها بس شيخه شافته قفلت البيبان

عمر بصراخ : شيخه فجييه قلت لج لا اكسر الجامه عليييج
على طلعة بوخالد : بكييفك انته
عمر بصراخ : عمي هاذي مرتي و محد له شغل فيها
بوخالد بدون لا يحس طقه طراق : لا تعلي صووتك علي يا جلب و اسمعنييي باجر تروووح المحكه تطلقها فااهم
عمر هدهم و مشا

شيخه نزلت من السياره و لمت ابوها : يبه سامحني
بوخالد : مسموحه يبه و انتي ما سويتي شي لا تفكرين الله بيعوضج انشاءالله

و دشوا داخل

مر اسبوع و خالد ما دز ولا شي حق في و لا حتى في دزتله


شيخه هالأسبوع راحت ويه خالد المحكمه عشان يكملون اجرأت الطلاق
و تطلقت و افتكت منه بتفس الوقت حست كلمة مطلقه حييييل كبيره عليها و اهيا ما كملت حتى 20 سنه !!!
بس هذا الي الله كاتبه
------------

شيخه قاعده تعدل كبتها و تسنعه رن تلفونها و شالته بسرعه بدون لا تشوف الرقم
شيخه : الوو
رزان : هلا شيوخ شلونج
شيخه : بخير حبيبتي و انتي ؟
رزان : الحمدالله ها شيوخ باجر تقدرين تيني
شيخه : انشاءالله اشووف
رزان : لا شيووخ ابي الأكييد بلييز لو بس تمرين تسلمين شدعوه
شيخه : خلاص حياتي تم ما يصير خاطرج الا طيب
رزان : بعد عمري على ال 7 انشاءالله
شيخه : انشاءالله
و صكته منها و دقت على في
في : لا والله ما قالت لنا
شيخه : غريبه يعني اهيا اقرب لكم مني
في : مادري تلاقينها قايله حق ضي المهم بتروحين ؟
شيخه : اي بروح شوي و ارد وايد لزمت علي كسرت خاطري
في : خوش عييييل
شيخه : يلا فيون خليني اكمل شغلي كبتي يلوع الجبد
في : اوكي حبي همم شيوخ
شيخه : هااا
في : شلون خالد
شيخه : نعم شنو شلونه انا الي اسألج
في بجت
شيخه : فيوووون شفييج
في : صارله اسبوع هادني
شيخه : جذابه
في : والله شيوخ لا تكلمينه بس كيفه
شيخه : الي يريحج !!
في : يلا باي
شيخه : باي
-----------

شيخه راحت دار خالد
و فجت الباب
خالد كان منسدح بسريره قاعد يشوف تي في
خالد : و ثول الناس تطق الباب قبل
شيخه صكت الباب بقوه
خالد : انتي هيييي شفيييج شالدفاشه
شيخه : خلوود ليش هاد في
خالد : شيخه تكفا مالي خلق اتكلم
شيخه : خلود انا قاعده اكلمك البنت ابوها توه متوفي مو ناقصه تزيدها
خالد : و انا ما قصرت و عارف شسويت حطيتها بعيوني بس فجيت موضوع الزواج لاتشوفين شسوت و انا ما قلت باجر قلت بعد جم شهر و نملج سكاتي شفاييدة الحفلات حاجتني بأسلووب زفر و قالت ماراح تتزوج الا لما تتخرج انا مستعد انطرها عمري كلهه بس في اسلووب احلى من جذي و انا اوريها لازم تعدل من نفسها

شيخه : اوف الله يهديكم بس
خالد : اهيا قالتلج
شيخه : لا قالتلي اني ما اكلمك من ما قدرت اسكت كانت قاعد تبجي
خالد قلبه عوره لمه سمع و حس انه وده يلمها و حيل اشتاق لها صج اسبوع بس جنه دهر مر عليييه

خالد : خليها وقت ما تتسنع خالتدق علي بس بقرصها شوي و ماني داق
شيخه : كيفك و طلعت
خالد : شيخوووو
شيخه ردت
ها !
خالد : اشق حلجج اذا تجحيتي و قلتي لها اي كلمه قلتها فاهمه
شيخه : انزين مالي شغل فيكم

-----------------

ثاني يووووم

شيخه بدلت عشان تروح حق رزان
لبست بنطلون بيج و قميص شيفن مشير بألوان الفاتحه السماوي و البيج و الوردي الفاتح
و لبست بوي فرند بيبي بينك و كعب ابيض و جنطه بيضه
و فلت شعرها

خذت العنوان من رزان ووصلت على الساعه 8 !!

ماكو سياير بره الا سيارتين
شيخه" غريبه معقوله محد يه ليلحين "

دقت على رزان
شيخه : رزووون انا بره
رزان : اوكي يلا الحين اطلع لج

و راحت فتحت لها الباب
و دشت و كان في حديقه صغيره في طاوله و كراسي
شيخه : شنو محد يه
رزان : ها اي كاهم ياييين حياج
و قعدوا بالحديقه
و قعدوا يسولفون شوي رن تلفوون رزان عن اذنج شيوخ شوي و راحت عند الباب

شيوخ قاعده تشرب العصير
حست بأحد واقف وراها
هالعطر مال علي اخ يا قلبي !!
لفت ويهه و انصدمت !!
شيخه : فهد
فهد : شيخه انا مابي منج شي بس ابي من وقتج ابي اتكلم تكفا لا اموت
شيخه تطالعه و اهيا منصدمه بدون اي كلمه هزت راسها يعني اي
فهد قعد بالكرسي
و قالها كل شي بالتفصيل
شيخه قعدت تبجي : ليش فهد ليش ما قتلي ليييش خليتني لييش
فهد : والله شيخه كنت خايف عليييج
شيخه : انته بعتني
فهد : والله ما بعتج والله بس خفت علييج فهمي و انتي تدرين اني عمري ما جذيت عليج الحين ما ينفع الكلام و ادري بحركتي هاذي صرت انسان حقير ماله داعي اقولج بس ما قدرت اسكت و انتي الله يوفقج بحياتج و يخليج حق ريلج
شيخه : انا تطلقت
فهد جنه احد كات عليه ماي بارد :ليش
شيخه : قعدت تبجي و قالت حق فهد كل شي
والله مينوون كان بيذبحني والله و
فهد : بس شيخه ذبحتيني مو قادر اشووفج جذي تكفا بس لو لي الحين بقالي معزه بقلبج لا تبجييين و قرب منها و مسح دمووعهاا
شيخه مسكت ايده : معزتك بقلبي ما تغيرت !!​

يا ما حاولت الفراق وما قويت
كنت أبي أنساه لكن ما نسيت
ما عصاني قلبي بعمره ولكن
الأكيد إني أنا اللي ما اشتهيت
-
التقينا بليله من ليل البعاد
والهوى والحب في القلبين عاد
قلت له : ما غيرك بعدي حبيبـي
قال : حبك ما تغير إلا زاد
--
صرنا نسترجع هوانا واللي فات
وابتدت ترجع لـ بسمتنا الحياة
قلت له : وشلون فرطنا بهوانا
قال لي : إنسى ترى اللي فات مات
-
مر طعم البعد وإحساس الغياب
الدقيقة طول شهر من العذاب
طالبك .. ما آبي نكررها حبيبي
ليه نفتح للحزن والهم باب


http://www.youtube.com/watch?v=d_EW5R7O4JE&feature=related

---------------​

شيخه عقب ما خلصوا كلامهم صارت الساعه 10 رزان يتهم

رزان : ما خلصتوا يلا ترا بعد شوي ردت امي و ابوي
شيخه لفت ويها على رزان
وقامت لمتها
شيخه : انا مو قادره استوعب ولا شي و انا الحين برد
فهد : و انا طالع ابي اسايرج لي البيت
شيخه ابتسمت

و سلمت على رزان
شيخه: مشكوره رزان والله حدي مفتشله منج
رزان : حبيبتي شيوخ انا الي منحرجه بس والله سويت هالشي لانه قلبي معورني على ولد عمي
شيخه : انشاءالله نشوفج مره ثانيه بس عاد صج مو تقصين علي
رزان : ههه انشاءالله

و شيخه طلعت

شيخه طوول الطريج تفكر و مو قادره تستوعب ولا شي من الي صار لها

وصلت البيت
و بدلت و بجت بجي ليين نامت

مرت فتره و فهد ما حب يدق يضايقها و لا حتى اهيا و حطت ابالها انه خلاص فهد ما يبيها


بعد 6 شهووور فهد خطب شيخه



بعد مروور 4 سنيين !!

خالد وفي رجعوا حق بعض
خالد وفي : رجعوا حق بعض و و خالد صبر عليها و كانوا وايد يهدون بعض و يردون لين تخرجت و ثاني يوووم ملجوا و سووا حفلة الملجه و العرس بيوم واحد
و كانت عيشتهم الحمدالله زينه و المشاكل حيييل قلت عن يووم قبل الزواج لانه كل مشاكلهم كانت عن هالموضوع ​

شيخه وفهد : تزوجوا من يوم تقدم لها و عقب 5 شهور شيخه حملت و يابت ولد سمووه فيصل كانت تتعب حييل معاه و كله تتشكى لانها مو قادره تكمل بالجامعه بس فهد كان يساعدها حيييل و كان يعصب اذا يابت طاري انها تهد الجامعه بس و اخيرا تخرجت بس طولت

ضي : ضي خطبها رفيج خالد خطبة اهل و ما يعرفوون بعض بس الحمدالله مرتاحه وياه بس كان شرطها انها تقعد ويه امها خصوصا من في طلعت من البيت و البيت صار فاضي ووافق على الشرط

لجين : تزوجت سليمان و سافروا كندا يكملوون دراستهم و كانت كله تشتكي حق لولو انه سليمان ما يقوول كلام حلو و الرومنسيه عندا صفر بس ماشيه الحياة وياه

لولو و صقر : الزين كبرت و صار عندها اخت سموهالجين و علاقة صقر و لولو وايد زينه و حلوه و لولو تخرجت و اخيرا

عمر : قطع علاقته بخالد لمدة سنه و حتى ماكان يزور عمه خصوصا يوم درا انه شيخه تزوجت بس عقب سنتين رد و اعتذر حق عمه
و خطب و تزوج وحده امه اختارتها له و مطلع عيينها ومينن بنت الأوادم

جاسم : تزوج وحده كانت وياه بالدوام و قاعد عند امه و ابووه بالبيت

​

" النـــــهــــــايــــــــــه "​

-----------------
ما احلل اي احد ينقل الروايه بدون لا يذكر اسمي و اسم منتدى كويتيات
تحياتي

بنت ديرتها


​

​

 

[بنت ديرتها]

رايكم حبايبي يهمني .. !!

وراح اشتاقلكم كلكم