يا بنات ضايقه فيني الوسيعه ,, الشخص اللي احبه من جم سنه تزوج :((

[شمس 20]

خليه يوووولي وصدقيني انتي الحين مضاايقه عشان توج منصدمه بعدين يصير عاادي والله

 

[sweeta77]

حبيبتي الله يهون عليك مصيبتك
بس انت تقولين ان هدك من 6 شهور وهذي كانت خطوه منه ان ما يبيك
اللي ما يبيك لا تفكرين فيه وتذبحين روحك علشانه
المشكله تبدي كبيره وبعيد راح تصغر بعينك وتصير سالفه تقولينها بدون ما تتاثرين
انا قريت موضوعك ترى اذا الاهل ما يبونك وااله ما راح يخلونكم ف يحالكم والله يوصلونكم لما الطلاق
انشالله اييك اللي احسن منه

 

[خطيبة أوباما]

ياعمري أحس ان جرحج جنه فيني بس أقولج شي طالما تزوج غيييييييييييييييييييرك صدقيني هذا مافي بقلبه ذرة حب اسمحيلي ليييييييييييش؟؟؟؟ لأن الللي يحب مستحيل حتى مجرد ان يتخيل ان يعيش مع وحده غيرج اصلا بيكون هالشي شايله من باله شلون يفكر يعيش بدونج ومو معاج ولو فرضنا أهله لو يحب جان وقف بويه الدنيا مو بس أهله صدقيني الريال اذا يبي الشي يموووووووووت ويحيا عشان يحققه لوكان فباله ،فطالما اهوا تزوج عشان خاطر الناس اللي تحبونهم وعشان خاطر نفسج قبل كل شي انسيه ...
صح كل شي حاليا يذكرج فيه وكل الاشياء وكل اللي حواليج عادي لان ليلحين يحوس ببالج ..ادعي ربج بكل صلاة ان يبعد عنج التفكير فيه مثل ما وخره عنج بهالسالفه ؟ تدرين ليش؟؟؟ لأن الله سبحان وتعالى لو كاتبلج نصيب معاه واهوا زين لج جان جمعكم ببعض رغم كل الظروف ولأن الله سبحانه عارف انه موزين لج ومومن نصيبج وحياتج ماراح تكون زينه معاه وارتباطج فيه شر لج عشان جذي صارت هالسالفه وتزوج ... اللي ابيه منج تتوضين وتصلين ركعتين لله وتدعين ربج مثل ماقتلج ان يخلصج من ذكرياته والتفكير فيه مثل ما خلصج منه وتقولين الحمدلله يارب ويارب عوضني خير ...
وهذا دعاء لج :اللهم اجرني في مصيبتي واخلفني خيرا منها
وصدقيني حبيبت عمري انتي رب ضارتن نافعه وعسى ان تكرهوا شيئا واهوا خيرا لكم وعسى ان تحبوا شيئا واهوا شرٌ لكم فديتج واذا بغيتي أي مساعده لا تترددين أنا حاضره وموجوده وكلنا اهني بالمنتدى خواتج وانا صج صج مستعده أسمعج كل دقيقه اذا بخاطرج شي تقولينه لا يردج شي ابد
والله يريح قلبج ويهدي بالج ويرزقج باللي أحسن منه ويعوضج عن الدنيا كلها وهذا راح يكون اهوا اللي نصيبج بالدنيا واللي الله كاتبه من نصيبج وابتسمي مادري أحس ابتسامتج حلوة وخليها تزين ويهج فديتج :* :*

 

[نمله معصبه]

الله يصبر قلبج وان شاء الله تنسينه ويصير ذكرى حلوه بحياتج ويعوضج ربي بالزوج اللي ينسيج حبيبج ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

 

[هنـــــد]

عسى ربي يعووووضج باحسن منه حلالج بلالج

 

[مهفهفة]

نصيحتي لج

كتاب نسيان . com لاحلام مستغانمي تلاقينه بفيرجن وايد راح يساعدج بهالفترة + الوقت = بتشفين

الله يمسح على قلبج

 

[friends]

البنات ما قصرو
بس انا بجاوبج لاني مريت بمثل تجربتج
وانتي تهونين اصلا انا علاقة 6 سنين تعرفين
شنو يعني 6 سنين ؟؟ لمن تكونين متعلقه بأحد 6 سنين ويتركج تطلع روحج معاه صح
بالضبط هذا اللي حسيت فيه
لاني متعوده كل شي اسويه وياه حتى الوقت اللي ما نكلم بعض فيه يكون لاهي عني او لاهيه
عنه تخيلي ندق ع بعض ونخلي الفون يقول بس احس انج وياي هذا كافي
شرايج ؟
وعشان سالفة الاهل والنصيب
الله ما كتب لنا نكون ويا بعض وتزوج
اجذب عليج لو اقولج نسيته
ما نسيته ولا راح انساه وبيضل جزء من حياتي بس هالجزء ذكرى حلوه شي صار وانتهى
بيفيدج البجي ؟ الزعل ؟ لااا كلش اهو لاهي عنج حتى لو تذكرج ومو ناسيج ما راح يفيدج ولا يفيده
كل واحد فيكم له حياته الحين
حاولي تنسينه ادري صعبه بس دوسي على قلبج لا تقولين ما اقدر
صدقيييني احساسج صوبه بيبرد ما اقولج راح تكرهينه لان اللي يحب ما يكره
بس احساسج صوبه والوله والجرح وكل هذا راح يهووون يخف يبررررد
الحين انتي مصدومه
لو اقولج لا تفكرين فيه وانسيه بتصير عندج ردة فعل عكسيه بتفكرين فيه زيادة
عطي نفسج وقت .. الحين بتزعلين .. باجر بتزعلين بعد شهر شهرين
هذا كله بيروح
راح تردين الاوليه وراح تضحكين وتستانسين واحساسج ان الدنيا الحين ما لها طعم وما تحسين فيها كله بيختفي يا قلبي
كبريها تكبر .. هونيها تهون
فكري بعقلج شوي .. الحب هذا وكمية المشاعر اللي عندج خشيها حق زوجج ان شاء الله
الله يرزقج اللي يملي عليج حياتج وما يكون عندج وقت تفكرين فيه
وهذا ماضي ترى صار
عيشي يومج خلاص

 

[ليمونه حلوه]

ماقصروا البنات بالردود .. وتأكدى انها مسألة ووقت وتنسينة ..والله يعوضج باللى احسن منة .. وحطى فى بالج من عافنا عفناة لو كان غالى

 

[نثر الدموع]

عسالله يعوضج

حبيبتي الحين الزوج اللي ينام وياكل معاج ماله امان بعد واحد حبيتيه وحبج شلون اتأمنين فيه؟؟ ادعي ربج يهدي سرج ويرزقج الزوج الصالح بعدين راح تعرفين طعم الحلال شلون وتتحسفين على كل لحظه بجيتيها عشانه

ويمكن في اسباب اقوى منه وبالأول والأخير هذا نصيب ربي مو كاتبه لج

 

[يا صغر الفرح في قلبي]

مشكوووورين بنااات ما تقصرون
اشكر كل وحده ردت علي وكل وحده دعت لي وكل وحده ردت علي بالخاص

----
بقرى ردودكم ولي عوده ان شاء الله


وعفيه بنات ياريت كل وحده تدعيلي اني انسااااااااااااااااااااااااااااااااااااااااااااااااه

 

[Q8 EL 5ajolah Q8]

الله يعينج حبيبتي وانشالله تلقين الاحسن منه

 

[** باربي **]

لي عوده

 

[عزوبيه]

يابعد عمري والله عورتي قلبي الله يكون بعونج

سمعي يمه هذا قضاء وقدر كتبت ربج ياحبيبتي ارضي فيها ولا تعترضيه ويمكن هالشي خير لج لاتعترضين وصبر مفتاح الفرج صبري والله بكون معاج

 

[نورهـ]

اللي باعش بيعيه فديتش
وسعي صدرش وعزي نفسش

 

[@البتووول@]

شوفي حبيبتي الرياييل أغلبهم لعابين وياخذون البنات تسليه وإنتي اللي تعرفينه بالعكس صارحج وقال تركتج لمصلحتج وبين تركه لج وزواجه 6 شهور فتره طويله شوي وتقولين ما قالي الجبان بالعكس محترم مشاعرج تبينه يدق عليج ويقول تزوجت؟؟

إنتي وياه بديتوا علاقه غلط وإهو مو قادر ياخذ موقف مع أهله أو عاجبه والله أعلم عشان جذي مشى على رايهم..

الأفضل لج تقطعين كل علاقه فيه حتى خطج غيري لأنه راح يدق عليج بعد فتره ويقول أنا ماكان قصدي وبيحط أمه شماعه له ولا بيدق بعد كوكش عيال >>>وبيقول مغصوب صدقيني حبيبتي الرياييل إذا يبون شي يسونه محد يقدر يجبرهم على زواج إهم مايبونه إنتي الحين منكسر قلبج وشي طبيعي بس تأكدي إنه مو منصيبج والله مو كاتبه لج وعلاقتكم من بدايتها غلط تقربي من ربج وإدعيه إنج تنسينا وتنسين أيامه لأن إهو بعد بيعيش حياته وإذا ذكرج بيكون يا متهاوش مع زوجته يا زوجته نفاس لاتحطين نفسج سبير عند شخص ماعنده قرار نفسه
والله يمسح على قلبج ويرزقج الزوج الصالح اللي ينسيج الماضي وطوايفه قولي آمين

 

[خشف لندن]

انا كنت نفس وتخيلي انا 4 ايااام ماانمت ويااني انهياار عصبي بغيت امووت معن كنت احبه 5 سنوات بس للاسف راح والله يستر عليه والحين صارلي سنه مادري عنه ولا يدري عني واحس قلبي ماات مااكو احساس تجااه ومرات اذكره بالغلط عادي لاازعل ولا شي عكس قبل

والله رزقني وعوضني بواحد يحبني احبه وخااطبني الحين

 

[ღلولي الحسآويهღ]

والله هذا واحد مايستاهل مجرد تفكرين فيه
والسالفه بس يبيلها وقت وتنسينه

 

[Shasawi]

حبيبتي والله حاسة فيج
ولايظيق خلقج لاتحسين انج بروحج تره اغلب الناس مرو بتجربه فاشله بحياتهم
واللي يلعب باعراض الناس الله مايوفقه لا اهو ولا اهله اللي راضين بهالشي
ولايظيق خلقج وحاولي دايما تفكرين تفكير ايجابي واهو خليه حق ربه صدقيني ماراح يعيش مرتاح

 

[ترانيم انثى]

حاسه فيج والله بجيتيني..بس خلاااااص انسى المااااااضي وتقربي من ربج ..وعيشي حياااااتج الدنيا ماتسوى.. وكلها مسألة وقت وتنسينه ويعوضج ربي باللي احسن منه..

 

[درة أهل الطولات]

لو يبيج جااااااااااان جبرهم

لو يبيج جان اقنعهم

انسيــه ما يستاهل حبج