يا بنات ضايقه فيني الوسيعه ,, الشخص اللي احبه من جم سنه تزوج :((

[أم حمد =)]

مع الوقت بتنسينه .. بس تقربي من ربج ..

 

[كيك وحلاوة]

الله يصبرك ان شاء الله
صدقيني اختي شوفي تمعني بالايه هذي وعسى ان تكرهوا شيئا وهو خير لكم
احمدي الله اللي فكك من حماتك يمكن تنكد عليك لاخذتيه وتحكم فيه واهو شخصيته من النوع اللي يسمع كلام امه احمدي الله حبيبتي وفكري بنفسك ومستقبلك وترى البشرة تتجعد من كثرة الحزن اهتمي ببشرتك وصحتك
خلاص اهو راح وشاف مستقبله حاولي تكلمين نفسك وقولي خلاص ماحبه مابيه الله يوفقه ترى العقل البطني يخزن اللي قلتيه وبترتاحين ياحياتي انتي وبشرينا عنك

 

[مجنونة بس عاقلة]

علااااج حالتك بالاتجاه لرب العالمين
ثم مع الوقت راح تنسين

 

[غدووور الكويت]

الله يفرج همج يااارب

 

[رشيديه نعومه]

النسيان نعمه من الله اشغلي وقتج بقراة القرآن وادعي الله يرزقج باحسن منه الدنيا ما وقفت مع واحد من الناس ,,

 

[Bent Ameer]

فتره صعبه حد الموت ,,
تحسين بالاختناق ,,
اتمنى يخف جرحج ويطيب بسرعه ,,
وصدقيني هالكلام دايم اسمعه بس من تجاربي عرفت معناه عدل ترى حياتج ماتوقف ع احد
والايام كفيله تداوي جروحج كلها
واذا قويتي صلتج بربج راح ترتاحين وتحسين كل شي يصير خيره يقلبي وتحسين ربج راح يعوضج
اتمنى لج النسيان ,,
والله يعوضج باللي احسن منه ,,

 

[أإلع ـشق دلع ـهـأإ]

.







حأسه فيج حيـأتي ..

لاتقولين ماراح استانس ماراح اضحك ماراح .. ماراح ..!!!


يـأمـأ نـأس فارقوا اهلهم فـأرقوا امهم ابوهم اخوهم ..

كأهم عايشين مستانين ..!!

الحيأة ماتوقف ع شخص وأحد ..

شوفي صدقيني تقربي من ربج ادعي ربج ينسيج اياه .. اشبكي بالنت لهي نفسج .. اذا جا اابالج ابعدي التفكير عنه فكري باشياء ثانيه ..

ادعي ربج يعوضج باحسن منه ..








.

 

[ميس لولو]

يمكن خيرة ياقلبي
الله يأجرج في مصيبتج
والله انا اقرا الموضوع والدمعه بعيوني

 

[الدوريف]

الله يعينج

 

[المتوازنه]

الله يعينج وتحسبي عليه كل يوم وربي ياخذ حقج منه ولاتزعلين حطي لنفسج كرامه وقيمه وتأكدي ان ربي راح يدزلج الي يقدرج ويصونج بس صفي النية وتكلي على ربج وهو حسبج

 

[ريف السعودية]

شوفي حياتي لاتحسبوه شر لكم بل خيراختي انا اعرف وحده كنت تحب واحد وهويقول انه يحبها المهم طلع كذاب واخذها تسليه المهم يوم من الايام ضحك عليها واخذها من بيت اهلها وغتصبها ورمها بشارع واقال لها انتي مصدقه اني تزوجك حنا رجال ماناخذ وحده تكلمنا انتي خنتي اهلك بكره تخونيني وهلحين بنت بسجن والولد هرب وطلع منها ولا همه يعني افضل انه تركي ولا سوى جريمها والله صدقيني بعوضك الله افضل بس جربي انك تكوني مع الله[/b]

 

[بسكوت بطعم التوت]

ياعمري وياروحي وياقلبي كسرتي خاطري مرة قلبي عم بيتوجع منشانك حيييييل
,<ياضايق الصدر باللة وسع خاطرك ..دنياك يازين ماتستاهل الضيقة>

 

[al-musk]

لا حول ولاقوة إلا بالله...من عافنا عفناه لو كان غالي خلي عندج كرامه هذي هزة ونفضة لج خلاص خليه يولي هو مافيه خير ومو رجال الي امه تحركه وباعج هو لو صاج وهامه راي امهوبارها جان تركج بالسنين الي طافت مو مقزرها عليج لي ماحظرته يتزوج...

اصحي ياقلبي ولاتزعلين عليه واعتبريها خيره من ربج ولو لج خير فيه جان ربج رزقكم لبعض ورزقج ناطرج وربج بيعوضج خير وخلي مشاعرج وقلبج مثل السماء ماتنداس والكل يتمنا يوصل لها..........وحوبتج مابتضيع وصدقيني العشرة ماتنسى وهو ماراح ينساج لأن هو البايع وهو الي لعب عليج والدنيا تدور بس انتي تنسينه لأن راح تلقين أحسن منه وراح تقولين شلون كنت أزعل عليه,, وأذكرج ..بس الأهم صفي النية وتوكلي على ربج وان خاشلج الشي الزين...

وفي بيت شعر يقول

وأني أرجو الله حتى كأنني أرى بجميل الظن ما الله فاعل

 

[بدرووووووووووه]

مع الوقت بتنسينه وتنسين ام امه بعد
بالبداية دايما نشوف المشكلة كبيييييييييييييييرة وخلاص حياتنا انتهت ولايمكن نحس بالسعادة بس بعد فترة تخف الضيجة اشوي اشوي ليش تنسن كل شي والله بتمر عليج ايام بتضحكين علي روحج واشلون كنتي زعلانه وشايلة الدنيا فوق راسج علي واحد باعج
يا قلبي الزواج قسمة ونصيب وكل اللي قبل الزواج جذب x جذب حتي لو ميت عليج لا تصدقين اي احد لو شنو قال لج
واخذيها عبرة ونظفي حياتج من هالاشكال وتقربي لربج ودايما قولي اكيد ربي يحبني لان خاش لي زوج افضل منه ومفصل ومهندس علي كيف كيفي لاني طلبته من ربي وربي ماراح يردني لانه يحبني ولاني التجأت لربي
كل الناس تخطئ وانتي لا اول وحدة ولا بتكونين الاخيرة بس رجاء مني واسمعيني زين انسي هالمرحلة ومسحيها من حياتج وتقربي لربج وبعدي عن كل المغريات اللي تزين لج هالطريج ابعدي عن العلاقات والخرابيط تري ماكو احسن من الستر
ودايما ادعي بالزوج الصالح الهني التقي اللي يخاف الله فيج ويعزج وتكونين قرة عين له ولقلبه ولروحه
هذي نصيحتي لج واتمني تتقبلينها بصدر رحب

 

[شابوره بالعسل]

شتقوليييييييين عن حب 6 سنين .. ودخل البيت وخطب بس حسبي الله على امه وعلى كل انسان كان سبب بهالفراق ..
واول مادريت بخبر زواجه حسيت الدمعه جمدت بعيني .. ابي ابجي بس ماكو دموع .. حسيت بضيييييم وقهررررررررر الدنيا

بس صرت ادعي ربي يبرد قلبي .. دعيت انه يعوضني خير .. كنت تخيلي وانا اتقلب بنومي ادعي من كثر مو حاسه بضيق وقهر ..
وكل مادعيت اقول حسبي الله هو نعم الوكيــل يارب تبرد على قلبي وتاجرني بمصيبتي ..
والحين اجذب عليج لو قلتلج نسيت او لما احط راسي عالمخده ماذكر بس بنفس الوقت قاعده احاول اطلع نفسي من هالجوو اتفاعل مع اللي حولي لكن لو تميت بروحي تردلي هواجيسي ..

عسا ربي يفرجها لج ويعوضج باللي ينسيج الدنيا ومافيها ..

 

[روح امها]

انتي من صجج هذا حبيتيه وهدج راح تزوج وحدة ثانية
عيل المتزوجات واللي يتزوج عليها او يخونها شنو تسوي
لا حبيبتي حطي في بالج اهو لو صج شاريج ومن نصيبج جان خذاج
لكن من البداية مو نصيبج بعدين الريال ما غلط تزوج خير يا طير على الاقل امسوي شي حلال مو حرام
المفروض تدعين ربج ان يشيله من بالج وتقربي من الله وعيشي حياتج خلاص اللي فات مات
محد يموت على فراق حبيبه

 

[Miss-LuLu]

الله يصبر قلبج

 

[جرح الليالي]

حبيبتي كلمة حطيها حلقة باذونج

اللي ما يعدج راس مال لا تعدينه فايدة

واللي يبيعج بيعييييييييييييييييييييييييييييييييييييييييييه

 

[يا صغر الفرح في قلبي]

مشكوووووورين بنات ما قصرتوا فديتكم
والله وايد بجيت لما قريت ردوكم
ما تتقصرون فديتكم واسيتوني والله


بنات شسوي مو قادره انساه ,, اضحك شوي وبعدين لما اقعد بيني وبين نفسي وافكر فيه يضيق خلقي ,, يعني امس كنت طالعه مع صديقتي بالسوق بس خلتني 10 دقايق راحت اتييب شغله,, تذكرته وتذكرت ايامنا الحلوه وشلون الحين اهو هدني وفضل وحده غيرى ,,,,,, جان تدمع عيوني


واللي اتقولي مع الوقت راح تنسينه ,,
انا صارلي 6 شهور من تركته ,, وتوه يالله تزوج
ومع هذا ما نسيته نفس العذاب ونفس الالم ,,ما خف لا بل زاااد ,,, وهم بعد الشووووق زااااد
والله لو احد يقولي شنو تتمنين بهاللحظه ,, والله امنيتي الوحيييييييييده الحين اني بس اشووووفه والا اتكلم معاااه لو بس مره وحده عشاااان يرتاح قلبي ,,,,,,,,,,ترى صعب على الواحد انه ينسى حب عاش معاه سنين ,, كل كلامه ولحظاتنا بعقلي ما نسيت ولا شي ,, العام نفس هالوقت كنا مع بعض ترى ((((((((((((((((((((((((


ودي اشوفه و يقولي انه ندمان ,,, ساعتها ماراح اخرب بيته صدقوني يا بنات ,, بس ع الاقل ماراح احس اني انقطيت هالقطه ,,,,, راح احس اني لي قيمه بحياته


وادي اساله ليش تزوجت ؟؟؟؟؟؟؟؟؟ ما حسيت باي تانيب ظمير وانت تسوي هالخطوه ؟؟؟؟؟؟ليش حرقت قلبي ؟؟؟؟؟؟
ودي اعرف زوجته شنو فيها زود عني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اللي باط جبدي انه خلال هالفتره ماحاول يكلمني او حتى يقولي انه بيتزوج الجبان ((((((((( يوم تركني من فتره قالي انا تركتج عشان مصلحتج ,, اثاريه تركني عشان يتزوووج يعني عشان مصلحته اهووو (

 

[القبله]

حبيبتي أنتي تبين الحل مالج ألا تقرين كتاب ربج و تتدبرين كل آيه فيه

أول شي هذا نصيب و لن يصيبنا ألا ما كتب الله لنا
ثاني شي تأكدي أنه الله لا يحمل نفسآ إلا وسعها

فــ لا تضيجين على نفسج الوسيعه يا عمري
و أنا أقولج أياه و أنا واثقه 100% أنج بتردين تفرحين و بتستانيييين و ابتنسين و بتكون ذكرى لأنه من رحمت الله علينا نعمة النسيان
يا حبيبتي ألحين الناس تنسى أهلها ووالدينهم و أنتي مراح تنسين واحد من عامة الناس
نصيحه وخري عن كل شي يذكرج فيه و عيشي حياتج مثل ما كنتي عايشتها من قبله
و تذكري من يتقي الله يجعل له مخرجا و يرزقه من حيث لا يحتسب

و لا تعيشين نفسج ابأمل لأن ماله داعي و أنتي مو محتاجه أمل أنتي محتاجه توبه نصوح ترجعين فيها لربجو تغسلين فيها قلبج من الهموم و الأثم
حبيبتي هذا الهوى من أشد أمراض القلب الله يشفيج منه و ترى حاله حال أي مرض و علاجه التوبه و النسيان

والله يوفقج و يستر عليييج يارب و يفرج همج