يا بنات ضايقه فيني الوسيعه ,, الشخص اللي احبه من جم سنه تزوج :((

[sweety_love2]

الله يفرج همج يارب
وايد مرو بنفس الي مريت في بس شنو تسوين عيشي حياتج ولا يهمج ووقطي كلشي وره ظهرج واستانسي وان شاءالله راح تلقين وتتزوجين الي احسن منه

 

[ba6bo6a1]

اختي الله يرزقج باللي احسن منه ماتدرين خيرة ياما ناس تزوجوا عن حب و تطلقوا ... ماتدرين باجر ربج يرزقج احسن منه و تذكرين هالايام و تضحكين عليها

 

[كويتيه مذهله 87]

ماعندج سالفه تبجين عليه

 

[zqertya]

حبيبتي الله يعينج ويفرجها عليج احسن شي تسوينه انج تبجين واطلعين الي بقلبج وتذكرين الي سواه فيج انه تزوج وخليج وبهالطريقه راح تنسينه وماتهتمين لاتذكرين الاشياء الحلوه ولاتحطين اببالج انه مايبيج او تزوج وخلاج لانه بالنهايه كل شي نصيب وكل شي بيد رب العالمين ويمكن يكون خيره لج والله يرزقج بالي احسن منه ومن اهله ويسعدج جذي فكري عشان ترتاحين وصدقيني هذا الاكيد لانه الله يحب عبيده ومايظلمهم

 

[الحلا^^مبتليني]

عزتيييييييلج الحب اقشر
بس حبيبتي شتسوين مالج نصيب معاه
دايم ادعي اللهم اجرني بمصيبتي واخلفني خيرا منها وارزقني بأحب الرجال اليك وكثري من سورة البقره
حبيبتي والله
الله يرزقج باللي يخليج لاذكرتيه تقوليه صج اني جاهل

 

[يا صغر الفرح في قلبي]

حبيبتي الله يعينج ويفرجها عليج احسن شي تسوينه انج تبجين واطلعين الي بقلبج وتذكرين الي سواه فيج انه تزوج وخليج وبهالطريقه راح تنسينه وماتهتمين لاتذكرين الاشياء الحلوه ولاتحطين اببالج انه مايبيج او تزوج وخلاج لانه بالنهايه كل شي نصيب وكل شي بيد رب العالمين ويمكن يكون خيره لج والله يرزقج بالي احسن منه ومن اهله ويسعدج جذي فكري عشان ترتاحين وصدقيني هذا الاكيد لانه الله يحب عبيده ومايظلمهم

مادري مو مقتنعه بسالفة النصيب
ادري ان كل شي بيد رب العالمين ,,, بس ما ابي احط النصيب شماعه نعلق عليها اخطاءنا ,, لانه باخر الايام كان كله يقولي بعد هذا نصيبنا يا فلانه شنسوي ((

كرهت هالكلمه والله

النصيب ما قال انه يقطني جذي ويروح يركض ورى كلام اهله ويشتري راحته ,,عشان ينحاش من المشاكل ,,,,من بعد ماكان مواعدني انه ما يتخلى عني ,, وانه يوقف بويه اهله عشاني ,, لانه كان يشوفني الزوجه المناسبه له ,, خصوصا ان اوهومن البدايه مو مقتنع باسباب الرفض مالتهم ويشوفها سخييييييييييييييييييييييييييييييفه ,, ولاخر لحظه يقول اني مظلومه وانظلمت من الكل من اهله ومنه اهو شخصيا
فلا تقولون لي نصيييييييييييييييييييييب بليييييييييييييييييييييييييز قولوا اي شي ثاني
لاني كرهت هالكلمه
النصيب ما قال انه الحين قاعد مع زوجته بغرفه وحده وانا هني بروحي واحتررررق((((((((((


ادري ان المفروض انساااااه واكرههه بعد اللي سواااااه بس مو قادره
ووالله مو قادره للحين احبه وابييييييييييييه

 

[نوره حبيبة أبوها]

وان شاء الله بتجبنا السنه الجايه بتحطين موضوع انج متحسفه على كل دمعه انزلت عشان واحد مايستاهل ظفرج
وقولي نوره ما قالت ... \

ترى كل اللي قاعد يصير غلط من لاساس غلط انج ظليي معاه بالحرام صوتج الي يسمعه حرام دامكم مو متزوجين وبتعرفين بيوم من الايام انه لعوب وبتحسفين على كل لحظه حرام عشتيها معاه لو بالتلفون بس

وبتعرفين انه الحب الصحيح اهوه حب الزوج ..يعني الحلل يا حبيبتي


<<<هالحجي مو من فراغ .....سلام

 

[ريف السعودية]

اختي وش رايك فيني انا كنت مخطوبه لولد عمي بعدين راح وتركني حتى احيانا امه توضح اني عانس وماحدخطبني حتى الناس الي حولي يدقوني بلكلام وكل يوم يقولون سالفة عانس بس والله ربك نصرني وتزوجتك واحد بعيد عنا بس غني وسيم الف مره احسن من ولد عمي حتى زوجت عمي ندمانه على زوجة ولدها لانها موحلوه معها بس انتي اصبري وقوي صلتك بالله وهذا ترى تطهير من ربك

 

["اسطورة العشق"]

يا بعد عمري عورتي قلبي ما تستاهلييييييين




اصلا مادري شلون متحمله تبعدين عنه كل هالفتره و ما تسمعين حسه و انتي جذي متعلقه فيه




الله يعينج و يصبر قلبج و يعوضج خير يارب ..

 

[حقوقيه زوغه]

ماكو شي اسمه حب

 

[Stylista_Q8]

ما عليه حبيبتي هذه الدنيا .. كل وحده تحب واحد خااارج اطار الزواج هذه نهايتهم


و الصراحة الريال ما يتأمن حتى لو كان ريلج .. عادي يروح و ينوخذ !!











يمكن يحبج بـــس

لو اهو كان صج يبيج جان خذاج و ما هموه اهلها .. الريال الصجي ما يتأثر براي حريم! صدقيني


و لو اهو يستاهلج جان ما لاج بالهحالة اللي انتي فيها الحين قلبج محترق و تبجين!

جان حطج على راسة و مشى



يمكن انه يحبج .. بس مو شاريج






و حطي ببالج شي واحد .. الله خذاه منج و شاله من طريجج لان الله يدري ان ما يصلح لج .. الله سبحانه أرحم على عبيده من رحمتهم على انفسهم
و لا تجزعين من رحمة الله







نصييييحة .. موعلى ابو انه تزوج تروحين و تكلمين واحد غيره .. علبو بتملين الفراغ و تنتقمين .. ترى انتي الحين بروحج و كل شي راد عليج .. دربالج و اسمحيلي .. الريال معرس و اهو الحين موداري عنج






حبيبتي .. اتجهي لربج .. و استغفري و قولي اللهم اجرني في مصيبتي و اخلفني خيرا منها .. صدقيني بريحج هالدعاء




و ادعي ربج بصلاتج و سجودج قولي يا رب اسألك انك تمسح هالريال من قلبي و عقلي و تخلفني باللي احسن منه و تهون على امري

لان على تجربتي حتى و انتي تطلبين ربج انه يعوضج بالريال اللي احسن منه تحسين ان قلبج يعورج و تحسين انها صعبة



























اذا انتي بوي فرند .. شلون عاللي ملجت و طار من ايدها؟؟؟؟؟؟؟؟؟؟؟؟؟؟؟؟؟

بصراحة معاها بكل كلمة قالتهـااا !!

والحين بس خلاص انسيـه والله يرزقج بالريال الصـالح ان شالله ،،

 

[-Bello-]

الله يبرد قلبج ..

 

[سأكسر القيود]

حبيبتي انتي حاسه انج مكسوره لانج توه عرفتي بس عادي مع الوقت تنسين
ونصيحه قولي الف الحمدالله
دام قلتي ادعي بصلاتي ان يرد لي وماصار نصيب خيره
ربي يحبج وبيعوضج بلي احسن منه
ان شاء الله الله يوفقه ويوفقج
ادعيله بالخير
ولاتخلين العاطفه تعمي عينج عن الحق
والله يسهل امرج

 

[م.بدوره]

الله يعينج حبيبتي ودامه رب العالمين ما كتبه من نصيبج اكيد خير لج (( عسى ان تكرهو شيءا و هو خيرا لكم ))

الله يجمعج بولد الحلال اللي ينسيج ويعوض عليج ونشوفج قبل السنه في بيته

 

[دانة العين]

قولي الحمدالله على الاقل ما خطبج وفركش الخطوبه ،،،انا ولد عمي تخيلي سنتين خاطبني وانا واااايد يتقدمون لي بث كنت ارفض بحجه انه يباني ،،وتخيلي الا من ثلاث شهور سمعت انه عمتي خطبت له بنت عمي اللي اصغر عني ولا بعد بنت خالتي بنفس الوقت يعني تقرب لي من الصوبين قولي الحمدالله وبعدين هذا النصيب وربج بيرزقج اللي احسن منه بالف مرة ،،انا معاج شعور مب حلو تحسين انج تعبانه نفسيا ومضايقه وتحسين بنوع من الخيانه تخلي انه ياخذج وامه تزن على راسه ويطلق،،ما تدرين نصيبج وين بيعرس خليه يولي الله يسامحه والله يحرق قلبه مثل ما حرق قلبج ،،وانتي بيجيج اللي احسن منه صدقيني ...وانا حاسه فيج ومقدره لانه اللي صار معاج تقريبا صار معاي بث انا انه خطبني وتعقلت فيه وحبيته واخر شي صار جيه والحمدالله على كل شي ...

 

[أسيرة_أحزاني]

مع الوقت بتنسينه وتنسين ام امه بعد
بالبداية دايما نشوف المشكلة كبيييييييييييييييرة وخلاص حياتنا انتهت ولايمكن نحس بالسعادة بس بعد فترة تخف الضيجة اشوي اشوي ليش تنسن كل شي والله بتمر عليج ايام بتضحكين علي روحج واشلون كنتي زعلانه وشايلة الدنيا فوق راسج علي واحد باعج
يا قلبي الزواج قسمة ونصيب وكل اللي قبل الزواج جذب x جذب حتي لو ميت عليج لا تصدقين اي احد لو شنو قال لج
واخذيها عبرة ونظفي حياتج من هالاشكال وتقربي لربج ودايما قولي اكيد ربي يحبني لان خاش لي زوج افضل منه ومفصل ومهندس علي كيف كيفي لاني طلبته من ربي وربي ماراح يردني لانه يحبني ولاني التجأت لربي
كل الناس تخطئ وانتي لا اول وحدة ولا بتكونين الاخيرة بس رجاء مني واسمعيني زين انسي هالمرحلة ومسحيها من حياتج وتقربي لربج وبعدي عن كل المغريات اللي تزين لج هالطريج ابعدي عن العلاقات والخرابيط تري ماكو احسن من الستر
ودايما ادعي بالزوج الصالح الهني التقي اللي يخاف الله فيج ويعزج وتكونين قرة عين له ولقلبه ولروحه
هذي نصيحتي لج واتمني تتقبلينها بصدر رحب

:eh_s(15):

والحين مطر ادعي ربج الله يمسحه من قلبج ان شاءالله وصدقيني الايام كفيله انها تنسيج ياه اذا مو اليوم باجر

بس بالبدايه تحسين الوضع صعب بس بعدين الله يسهلها عليج بنعمة النسيان والله يفرج همج

 

[..فروحه..]

من باعنا برخيص بتراب ينباع ومن عافنا كل الخواطر تعافه

انسيه وان شاء الله الله بيرزقج باللي احسن منه
وتعيشييين معااه طول العمر ولاينزل دمعه من عينج
اصلن هذا مو رجال لانه لو رجال جان صار قد كلمته مويتنحش
لهي نفسج بشي يفيدج لاتقعدين بروحج علشان ماتتذكرينه والله بتنسينه وبتتعودين على فرقااه
ونسي نفسج اهو الله بياخذ حقج منه وتشوفين الله ماراح يوفقه بحياته يوم ظلمج

 

[خفوق المشاعر]

ماتدرين يمكن خيره لج وصدقيني بتنسينه يوم من الايام
في كتاب حلووو اسمه نسيان . كوم اقريه تقول الكاتبه الحب أجمل أوهـامنا وأكـثرها وجعا < والله انها صادقه احس الحب وهم
في يوم من الايام بتنتبهين بتقولين شلون كنت مضيعه وقتي ومنزله دموعي على انسان باعني وتزوج وحده ثانيه وعاش معاها
وانا عايشه على ذكرياته وسوالفه قوي قلبج واستغفري وادعي ربنا ان الله يعوضج خير وينسيج هالماضي

 

[wawiya]

وعسي ان تكرهو شئ وهو خير لكم

 

[FiOnKa]

حبيبتي اذا الواحد بغى وحده صج و حبها ياخذها ياخذها ,, بس اهوو الظاهر انه ما اصر عليج , و يمكن حبج بس ما حاول

و عنده عادي الوضع دامه هدج 6 اشهر وتالي تزوج , و اللي نساج و باعج بيعيه و انسيه خلاص , و ان شا الله بيــلج اللي

احسن منه اللي يحبج من قلبه و انتي بعد تحبينه و ينسيج حبيبج القديم و طوايفه ,, و ما تدرين يمكن هالشي اللي صارلج خيــره

يمكن تتزوجينه و يقلب و يتغير عليـج دام امه و خواته كارهينج , و مايقين بأعمارهم , يمكن تصير حياتج تعيسه معاه و ما راح

تذوقين طعم الفرح , ادري انج و انتي بـ هالحالة بتقولين انه التعاسه معاه تسوى مليوون فرحه مع غيره , لانه باختصار الحب عمي , بس لا

عشتي هالشي بالواقع راح تشوفيـنه شي ثاني و راح تشوفين انه العيشه يمكن تكون مره ,, و الله سبحانه و تعالى اختار لج الاحسن ,

و ارضي باللي ربج اختاره لج .. و مثل ما يقولون الخيره في ما اختاره الله ,, و الله يمسح على قلبج و يشفي جرحج