يا بنات ضايقه فيني الوسيعه ,, الشخص اللي احبه من جم سنه تزوج :((

[دلوعه زوجها]

الله يرزقج بالزوج الصالح اللي يملي عليج حياتج حب وفرح وسعاده اللهم امين يارب العالمين
وتكتبين لنا هني وتقولين عرسي بعد شهر يااااااااااااااااارب

 

[فقدتك يانور عيني]

الله يكوون بعوونج

 

[سارووه الاموره]

حبيبتي السالفه سخيفه ومالها داعي باعج وتزوج الله يوفقه ياخيتي انسيه خلاااااااااااااااااااااااااااااااااااااااااص عنده مرته وانتي عسى الله يوفقج ويرزقج بولد الحلال الي يونسج ....

 

[تيتانيوم]

تبين رايي بكل وضوح ( انتي فيج مرض انج تعيشين روحج بدراماا ومسلسل مدبلج) يااختي اصحي هذي دنيا ... انا قريت قصتج شنو ريال اهله مايبوني اسمحيلي يطير اهو واهله اهم ماعلي كرامتي وعزت نفسي... والحين ازعل وتضيع حياتي عشان انه تزوج؟؟؟ اسمحيلي انتي عبيطه لي اقصى حد وانا اشفق على نفسج الي رخصتيها لي هالدرجه وضيعتي مده من سعادتها بهالدنيا عشان رجل.. رجل عاد .. في اشياء وايد بالدنيا تعور القلب فقدان الام الاب ؟؟؟؟ رجل طقاق يطقه متروسين بالشارع .. اشفق عليج

 

[اشتياق]

كل شي قسمه ونصيب

ربي يعوضج بالزوج الصالح

 

[Great-Chef]

رااااح تنسينه وتنسييين ابووو اللي يابوه

 

[foshia girl]

يابعد عمري الله يعوضج باللي احسن منه يارب ,,,

 

[حبيبة زووجها]

خلاص انسيه وهذي العلاقه من البدايه غلط

 

[أم خـــدود]

أمبيـــه من صجج انتي متضايقه عشان واحد مايستاهلج تزوج وخلاج

يمكن الكلام اللي بقوله يجرحج

بس هذا الصــــــــــــــج

والله انه الحين مايدري عنج وقاعد مع زوجته ومستانس واكبر دلليل انه مخليج صارله 6 شهور يعني من ملج قطع العلاقه
ونتي حارقه قلبج عليه

خليه يولي ولاتفكرين فيه حبيبتي

ونصيحه من اخت لاترخصين نفسج على شخص مادرا عنج

ومصيرج بتنسيناااااااااا وكل ماتذكرتيه تذكري انه خلاج من 6 شهور قبل الزواج يعني من ملج قطع العلاقه



والله يوفق الجميع

 

[Filakawyia]

يمكن ردي يكون طويل بس اتمنى تستفيدين و يستفيدون غيرج

هالكلام مو لج بس لان المفروض انج انقرصتي و عرفتي غلطتج و انتي ماشالله مو ياهل . . .

اول شي الحب " اذا في حب " . . . لازم يتصف بالعفة

و انج تكلمين واحد و طلعات و مواعد . . . حرام

لو هالشي شي زين جان طلعتي معاه جدام اهلج ؟؟؟؟؟ ليش من وراهم ؟؟؟؟ لان هالشي مرفووووض دينيا و اجتماعيا

الشي الثاني لو اهوه يحبج ما يرضالج بالغلط . . . مايرضى تطلعين معاه و مكالمات تالي الليل

والله فوزية الدريع طاح حنجها و اهيا تفهم ابهالبنات بس ويييييييييييين اللي يسمع

و المسلسلات اعيزوا و اهمه يوضحون عن مصير هالعلاقات . . .بس شنقول

البنت تشوف المسلسل من اهني و تحاجي رفيجها من اهني

محد يتعظ

شي ثاني . . . الواحد ألزم ماعليه أهله . . و الام لها مكانه عظيمة و الجنة تحت "اقدااااااامها "

يعني لو واحد يتقدملج و امج و اهلج مو راضين . . توافقين ؟؟؟ هاذي امج لازم ماترخصين فيها أبد ولا عشان خاطر اي احد

قولي اول توافق امي و بعدين انا الراي الاول لها و الاخير لي

امك ثم امك ثم امك

و الريال بعد نفس الشي . . . يعني يا يعصي امه ولا اهوه مو ريال ؟؟؟؟؟

و بعدين لازم تعز عليج نفسج و تقولين الريال اللي اهله مايبوني ما ابيه

و قبل لا يدش بيتنا يخطبني اول شي يدشون اهله

تبين تاخذين واحد يحبج اول الايام " لان مع الايام الحب يخف و تبقى العشرة " . .. و اهله ضدج و مايواطنونج و ضد اعيالج و مشاكل ؟؟؟

حلوة الحياة يعني جذي ؟؟؟؟

والله قطيه ورا ظهرج . . . باجر ياخذج واحد اهله اهمه اللي يشيلونج شيل و حلجهم ما يسكت من اليباب و يطيرون فيج و يعزونج و يرزونج

لان الزم ما على الواحد اهله و اللي ما فيه خير حق اهله ما في خير لج

و يوزي عن سوالف حبني و احبك . . . قولي هالحب انا بخشه حق اللي يستاهله ولا راح اخلي احد ياخذ منه فتفوته . . . و محد يستاهله الا ريلج بالمستقبل اهوه اللي بييج من الباب و اهله قبله

اسفة عالاطالة بس تنبط جبدي من البنات اللي رايحين و رادين مع شباب الله يستر عليهم

 

[غرور العاشقين]

حياتي ماكو حسافه
الا عالعمر اذا راح مايرد ..
اوكي انا مالوج ..
صح عوار قلب ..
والم مابعده الم ..
بس صدقيني يمكن خيره لج ..
والله سبحانه ما ابعده عنج الا ورا الي احسن منه
ويريحج وباجر الله بيعوضج بالريال الصالح الي ينسيج
اياه وتقعدين تضحكين على هذا ..

 

[المدينه]

الله يفرج همج

 

[miss_jamsheer]

يمكن انا رايي غير البنات اتوقع اهوه يحبج وشاريبج بس عشان امه مايقدر كسر كلمتها انتي ثل رفيجتي بالضبط بس رفيجتي اخبوها وبعدين امه ارفضته وزوجته وحده مايحبها وماقامت تاكل ولا تشرب بس عشان يتزو البنت اللي بالها وتزوجها وكاهو الحين يخونها مع مليون بنت بعد وكاهي الحين تزوجتو الهل يهنيها تموت بريلها ونسته ونست حبه خلاص حبيبتي مع الايام انشالله تنسينه والله اني حاسه فيج بعد عمري بس شتسوين

 

[قـہۈه فـرنسيـہ™]

سبحااان الله ,,, اممممممممم شقول لج ....أغلب البنات مروا في نفس موقفج ...وكلهم نسوا

والله والله بيجي لج يوووم بتضحكين على عمرج ...بتقولين حرااام هذيك الأياام راحت كلها بجي,,,

 

[The Boutique]

الله يمسح على قلبج حبيبتي
شوفي انتي الوحيده اللي بيدج انج توقفين على ريولج او تطيحين نفسج
خلاص سيطري على نفسج وقولي قدر يعيش بدوني اقدر اعيش بدونه
والزمن يجرحنا الزمن ينسينا مساله وقت
والاهم القناعه اقتنعي بان هذي كتبه الله وان الله يبي لعبده الخير دايما
عسى يكون لج الافضل بالمستقبل
الدنيا ماتوقف حبيبتي تمشي
وانتي امشي معاها لاتوقفين بمكانج
راح تصير هالاشياء كلها ذكريات
وراح تلقين من يحبج ويصونج وينسيج اياه .. صدقيني
واهو ماراح يكون بقمه سعادته لو مسك ايدها لو نام معاها لو شنو مدام انتي في باله لان الحب ماينسي لكنه ريال والريال دايما يفكر بعقله مو عاطفي مثل المره فبيكون عشان تكوين عايله برستيج اجتماعي
بس بعد مده بيخق ويدق هني ايي دورج لاتكملين غلطتج ولا تردين وتردين سيناريو مليون بنت غلطت وردتله وغفرتله وتضيعين حياتج بعد اللي فاتت واللي يايه
ماقولج انسيه بس سيطري على تفكيرج وطلعي قد ماتقدرين جبري نفسج وقوي شخصيتج​

 

[موت الحمر]

اذا تحبينه ادعيله ان الله يسعده

و هذه الدنيا محد ياخذ الا نصيبه

و اهوا مو نصيبج

ادعي ان ربج يعوضج باللي احسن منه

 

[SaD FaCe]

الله يسمح على قلبج يارب

 

[موت وميلاد]

اقري موضوعي وان شاءالله تستفيدين

http://q8yat.net/showthread.php?t=520760


انا نفس حالتج امه ماتبيني عشان سالفة الاصل والفصل

مع انه الحمدلله ماعلينا قاصر وعندنا خير من الله شركات واراضي وعقارات



بس اقدر اقولج اني تقريبا الحين نسيته وبردت من ناحيته



كثري بالدعاء ولاستغفار والصدقات وربي بيفرجها عليج

وتذكري انه بعد العسر يسرا



وعسى ربي يعوضنا بلي يستاهلنا ان شاءالله

 

[موت وميلاد]

تبين رايي بكل وضوح ( انتي فيج مرض انج تعيشين روحج بدراماا ومسلسل مدبلج) يااختي اصحي هذي دنيا ... انا قريت قصتج شنو ريال اهله مايبوني اسمحيلي يطير اهو واهله اهم ماعلي كرامتي وعزت نفسي... والحين ازعل وتضيع حياتي عشان انه تزوج؟؟؟ اسمحيلي انتي عبيطه لي اقصى حد وانا اشفق على نفسج الي رخصتيها لي هالدرجه وضيعتي مده من سعادتها بهالدنيا عشان رجل.. رجل عاد .. في اشياء وايد بالدنيا تعور القلب فقدان الام الاب ؟؟؟؟ رجل طقاق يطقه متروسين بالشارع .. اشفق عليج

حقيقه انج ماتستحين على هالاسلوب

 

[*سوسو ستار*]

ياحبيبتي هذا مايستاهل دموعج ومن باعج بيعيه بترآآآب بعد خليه يولي والله يعوضج باللي يحبج ويحترمج وينسيج طوايف اهله اللي مايتسما ..



فكري حبيبتي بعقلج طلعي واستاسي وحاولي ماتقعدين بروحج واشغلي نفسج بشغلات تحبينها اشتركي بنادي مثلا وقربي من ربج وكثري استغفار ودعاء وان شاء الله راح تنسينه مثل مانساج ولو دق عليج زفيه وطنشيه ولاتردين عليه وخلي كرامتج فوق كل شي لاتذلين نفسج اكثر من جذي والله يرزقج بالريال الصالح اللي مايتخلا عنج ولايبيعج أأأبد ..