موضوع خاص للأستفسارات المتعلقة بالأسنان

[ربوع الحلوة]

شكرا دكتوره علي مجهودج وذوقج بالرد بأسرع وقت ممكن مع إنشغالج

أحب أستفسر بعد عن أفضل طريقه لجعل اللثه تكتسب لون الأحمر بالعياده طبعا وهل عملها يسبب تحسس

 

[بشابيشي]

مرحبا دكتوره
حبيت اسال عن ضرس العقل مسوس عندي هل لازم اشلعا ولا احشي تكفين دكتوره باجر بروح الطبيب وماني عارفه شسوي

 

[أمووررة الكويت]

اختي لثتي باارزه
اذا ظكت طلعت اللثه للعلم انا مسويه تقويم

شنو تنصحيني فيه

تكفين ابيفااجااء زوجي

سالت العياده عن رفع اللثه وقالت نرفه الزوائد بس بالاسنان؟

شتسوي

 

[غزال الرمال]

السلام عليكم و رحمة الله و بركاته

يعطيج العافية دكتورتنا على عطائج و مجهودج معانا جزاج الله خير

حبيت أسأل هالسؤال حاز بخاطري من زمان



أنا من أكثر من سنتين كانت فيني سوسه في قواطعي العلوية من الداخل ((الخلف))
رحت المستوصف و شالها و حطلي حشوة بالبداية كان لونها بالبداية أبيض و عقب جم يوم صار لونها أسود !!!!
انصدمت منها !! عبالي السوسة كبرت لأن بالأول أصلا مو مبين إن في سوسه و حجم الحشوة كبير و لونها أسود بعد
و رحت للطبيب أتأكد إن كانت سوسة فقالي حشوة سودة و إنها قوية !! مادري بغيت أسألج في حشوة سودة ؟؟؟
و أقدر أغيرها و أحط حشوة بيضه ؟؟؟؟ لأن لما سألت الدكتور قالي مو زين تغيرينها يعني ما نصحني مادري ليش ؟؟؟

أرجو منج التوضيح
أبي أعرف باختصار
هل أستطيع تغيير الحشوة السوداء إلى بيضاء ؟؟
و هل في أضرار ؟؟

أحس إني طولت بالكلام
و مشكووووووورة يا دكتورتنا عسى الله يحفظج و يوفقج دنيا و آخره

 

[دكتورة أسنان]

قوااج الله دكتووتناا

بسالج اختي تبي تسوي تلبيس السيراميك ابي اجود انواع السيراميك وافضل مكان يسوونه ؟؟

وو بعد بنت خالتي قبل جم سنه حطت تقويم ومااصاروو صف صف وردت الحين حطته وقال الدكتور راح تضبط وتسيير ميه بالميه بس بسالج خلاص الحين لي تعدلوو ما يتغيروون لما تكبر خاصه اهيا ما طلع ضرسها العقل بالمستقبل يتغيرون ولا لا وشكرااااااا وسوري عالاطاله ..

الله يقويج حبيبتي ..

بالنسبه للتلبيس فكل حاله لها نوع معبن مناسب لها .. يعني مثلا التلبيس المعدني مو حلو حق الاسنان الاماميه ولكنه جيد للاسنان الخلفيه .. مثال اخر .. السيراميك الكامل بدون بطانه معدنيه ممتاز للاسنان الاماميه و سيء للاسنان الخلفيه وطبعا نفس الكلام بالنسبه للاسنان الهشه و القويه ..عموما اذا كان الغرض تجميلي بغض النظر عن رايي فانصح بالاقل خساره فالاكثر بعني بعد الحشوات التجميليه افضل الامينيت ثم الزيركونيوم ( اذا تم تطبيقه بدقه ) ياتي بعدهما تلبيس السيراميك سواء ببطانه معدنيه ام لا حسب اختيارج ..افضل مكان ؟ انصحج تسالين احد مسوي لاني ما جربت

و بالنسبه لسؤالج عن التقويم فاغلب الحالات اللي كان لها سوابق بان الاسنان ترجع تتحرك غالبا راح ترجع مثل ماكانت اذا ما راقبها المريض عدل و حرص على التعليمات عدل + اتوقع و هذا توقع من وجهة نظري و ممكن مايكون صح .. طالما ماطلع ضرس العقل اتوقع لمن يطلعون راح ترجع الاسنان تتخربط فلازم تراجع من اول ماتحس بالم بمنطقة ضرس العقل .. حياج الله

 

[دكتورة أسنان]

السلام عليكم شلونج دكتورة ؟؟

انا عروس ومقبلة على حياة جديدة
ومشكلتى الاسنان الامامية .. ودي ابيضهم وهم فيه فراغ عند الانياب
وفي اعوجاج بسيط في سنين وسن اطول من سن .. رحت لدكتور اسنان قالي مو محتاجين تقويم
وابيهم صفه وحده ومتساوين واكيد ابتسامة حلوة ؟؟
ابي نصيحتج دكتورة .. ويعطيج العافية

كل التوفيق لج
.
.
.

وعليكم السلام ورحمة الله و بركاته .. بخير حبيبتي عساج بخير

اول شي الف مبروك الله يهنيج حبيبتي من رايي طالما الدكتور شافهم و قالج مايحتاجون معناته المشكله جدا بسيطه بس ابن ادم دايما طماع و يطمح للمثاليه .. صفه وحده مو حلو يطلعون وايد صناعيين طالما اسنانج حلوه و نظيفه لاتلعبين فيهم راح تتحسفين و اقري الاستفسارات اللي قبلج وايد ناس تحسفو خاصه اللي ماكانو يحتاجون مثل حالتج يعني .. انا رايي بما انج عروس وعلشان الميك اب يطلع حلو الطله تكون ناعمه سوي تنظيف لثه و بوليش و شوفي شكلهم اذا ماعجبوج سوي تبييض نص الشر ولا الشر كله بس غير جذي اخذيها نصيحة اخت لاتلعبين باسنانج ..

الله يعافيج و اجمعين

 

[دكتورة أسنان]

السلام عليكم دكتورتنا ويعطيج العافية 000استفساري بنتي عمرها 6سنوات وعندها ضروس تحتاج حشوات سؤالي يصير تشيل العصب ولا ماتتحمل لأنه في دكتور قالي حرام صغيرة أنظف السوس وأحشيها انتي شرايج دكتورة 00سؤال ثاني بنتي الثانية عندها جير وعمرها 3 سنوات شاون أشيله000وسامحيني ع الاطالة والله يحطه بميزان أعمالج

وعليكم السلام ورحمة الله و بركاته .. الله يعافيج حبيبتي
بالنسبه لبنتج اللي عمرها 6 سنوات .. اذا السوس مو واصل العصب ماتحتاج تشيله اما اذا كان واصل للعصب مافي اي مشكله انها تشيله و ترى العصب عند اليهال مو مثل الكبار كلش وااايد سهل مثل شيلة السوس لا تخافين عليها ابد بالعكس اذا السوس واصل للعصب انا افضل انها تشيل العصب علشان لا يورم عليها و ياذيها طبعا عقب ماتسويلها اشعه تتاكدين ان الضرس يتحمل و الجذور مو متحلله ..
اما البنوته الثانيه خلي الدكتور يفحصها اول يمكن يكون تسوس مو جير .. لان مافي تنظيف لثه للاسنان اللبنيه فحرصي انج تفرشيلها اياهم بايدج ووديها يحطولها فلورايد فارنش اهي و اختها علشان يقوي اسنانهم و خل الطبيب اراويهم شلون يفرشون عدل ومن يطلعلهم ضرس دائم على طول وديهم يحطولهم عليه حشوه وقائيه قبل لايسوس علشان يتمون اسنانهم العمر كله باذن الله بدون تسوس ..
حياج الل حبيبتي و مشكوره على الدعوه الحلوه

 

[دكتورة أسنان]

سلالالام دكتوره

انا حابه اسالج عن الزراعه

انا عندي تحت ضرس اللي وراء الضروس اللي تطحن

عندي الضرس الللي قبل الاخير ( راحه) اللي يطحن مخلوع من زمان وصاير مكانه فاضي

وانا سالت دكتور كنت اراجع عنده قالي احسلج تسوين زراعه بدل ما اخرب الضرسين عشان اللبس الضررس اللي طايح

وعلى فكره انا من الجنبين صوب اليمين واليسار كله طايح الضرس اللي قبل الاخير ( اللي يطحنون )

فا مسببلي مشكله في الاكل ما اقطع الاكل عدل فا ودي اعرف بالظبط شنو الزراعه ؟؟

لان خايفه اسويها يقولون لازم برغي داخل اللثه ؟!!

ياريت تفيديني

وعليكم السلام ورحمة الله و بركاته ..

عدل كلام الدكتور الزراعه افضل علشان لايخربلج باجي الاسنان .. والزراعه سهله الحين مو مثل قبل و ماتخوف تتم على عدة جلسات ..
الاولى يتم فيها فحص المريض و تقدير المسافات و تالي يكتبلج الطبيب الاشياء اللي لازم تشترينها ( بالنسبه للحكومه ) و يحددلج موعد لزياره اخرى ..
الجلسه الثانيه يتم فيها فتح اللثه مكان الضرس المفقود و غرس مسمار خاص في اللثه ( اللي اهو البرغي ) و اعاده اللثه لوضعها الطبيعي بالاستعانه بالغرز و هذي اصعب مرحله للمريض يحتاج بعدها الى مسكنات و مضادات حيويه ..
الجلسه الثالثه و هي الابسط يتم فيها اعادة فتح مكان المسمار و تركيب راس محدب ..
الجلسه الرابعه والاخيره يتم فيها وضع التلبيسه و تركيبها على الراس المحدب و هي ايضا زياره خفيفه جدا

اذا حبيتي شرح اكثر لا تترددين انج تسالين انا بس ماحبيت اطول عليج ..

 

[دكتورة أسنان]

عندي سؤااال
زوجي ظرسه طااح ومكااه مبين بالويه
شيسوي تلبيس والا شنوو ياليت بسررعه ابي رد عشاان باجر يروح الطبيب وابي عياده زينه ورخييصه تسوي

حبيبتي التلبيسه طاحت و لا الضرس بكبره ؟ اذا الضرس بكبره ماله الا الزراعه ام اذا التبيسه اللي طاحت فيقدر يسوي غيرها بالنسبه للعيادات ماعندي خبر عن الاسعار

 

[دكتورة أسنان]

عمري 14 والسن الدائم وبغييت اسال انا ابي احط تقوييم لانه عندي تعدييل بسييط حق اسناني ينفع احط التقويم المخفي

ومشكوره مره ثانيه​

العمر كله حبيبتي .. لا الدائم مايطلع بداله للاسف .. اي ينفع حبيبتي بس لازم الدكتور يفحصج قبل اذا التعديل حيل بسيط ليش لا .. حياج الله

 

[دكتورة أسنان]

تسلم ايدج وما قصرتي انا ودي اركب تقويم وحدي خايفه وما ادري وين اروح اركب التقويم
بليييز ابيج تساعديني و شنو لازم اسوي علشاان لاقبل اركب التقويم

الله يسلمج حبيبتي .. طبعا قبل لاتفكرين بالتقويم لازم تخلصين كل تسوساتج + تنظفين اللثه عدل و تحرصين على التفريش و استخدام الخيط مهم جدا .. ليش خايفه التقويم شي اختياري اذا ماتحتاجينه لاتسوينه التسوسات اهم منه و اي سؤال من عيوني حبيبتي

 

[دكتورة أسنان]

مرحبا دكتورة، عندي سؤال الله يخليكي، انا حاطه تقويم 8 شهور هذي، وسن الامامي بدأ يتغير لونه إلى رمادي مع العلم انه مافيه تسوس، يا ترى شنو السبب؟ وش الحلول الممكنة إلي تقترحين علي؟ جزاك الله خيرا

هلا حبيبتي .. اذا متاكده ان مافي تسوس كلش راجعي الطبيب خليه يسويلج اشعه لان مو طبيعي ان يتغير لونه بهالطريقه ! شوفي السبب يبين بالاشعه اذا مابين نظري و اذا عرفتي السبب تالي نحلها باذن الله .. حياج الله

 

[دكتورة أسنان]

السلام عليكم
دكتورة الله يعطيج الف عافية وماتقصرين
مادري إذا سؤالي مكرر
واذا مكرر فآنا آسفة وايد

دكتورة آنا ودي ألبس أسناني الأمامية تلبيس بحيث يبين شكلهم جنهم مرتبين طبيعي
لأنه أسناني الأمامية مومعفسين حيل ومأساة لأ
بس تقدرين تقولين إنهم مومرتبين عدل مدل يعني بس مو عفيسة إلي محتاجين تقويم
إن شاء الله فهمتيني
فبغيت أسئلج هل ممكن ألبسهم تلبيس حلو ويبين إنه طبيعي ولا لأ
وعادةا التلبيس هذا شكثر يكلف
بإنتظارج

وعليكم السلام ورحمة الله و ربكاته .. الله يعافيج حبيبتي
حتى ولو مكرر مافي مشكله وفي الاعاده افاده اسعدني مرورج ..

فهمت قصدج بس انا ما انصحج انج تلبسينهم راح تتعبين معاهم حيل ودايما حطي في بالج ان الطبيعي احلى و الاسنان الصفه شكلهم مو حلو و مكشوفين حيل فليش تبدلين اسنانج الطبيعيه باسنان صناعيه ؟ تدرين ان في ناس مضطره تلبس اسنانها بسبب تسوسها و اضطرينا نشيلهم العصب تدرين شنو كان طلبهم ؟؟ يبون السن اللي راح انركبه لهم يكون مغلوط .. بمعنى يقولولج مانبيه مثالي 100% علشان لايبين .. انحطلهم عليه صبغات من فوق و نغير من شكله علشان لايبين والحين الاتجاه السائد كله حق هالانواع لان خلاص المثالي صار مكشوف و موحلو .. تبين نصيحتي لاتسوين وراح تدعيلي بالخير باذن الله
والله ماعندي خبر عن التكاليف لانها تختلف من عياده لاخرى ..

 

[دكتورة أسنان]

شكرا دكتوره علي مجهودج وذوقج بالرد بأسرع وقت ممكن مع إنشغالج

أحب أستفسر بعد عن أفضل طريقه لجعل اللثه تكتسب لون الأحمر بالعياده طبعا وهل عملها يسبب تحسس

حياج الله حبيبتي

تقصدين تفتيح اللثه الداكنه ولا تنظيف اللثه التعبانه ؟

بالنسبه للثه الداكنه سواء وراثيا او الناتجه عن ترسبات المشروبات الداكنه فممكن عمل كشط للثه لاعاده لونها و تفتيحها سواء بالليزر او الطريقه التقليديه وطبعا الليزر اخف الم و حساسيه

اما اللثه التعبانه او الملتهبه فممكن عمل تنظيف للثه بالعياده وحسب حالة اللثه يحدد نوع التنظيف عميق او سطحي و المها بسيط و حساسيتها بسيطه و تروح بسرعه ..

 

[دكتورة أسنان]

مرحبا دكتوره
حبيت اسال عن ضرس العقل مسوس عندي هل لازم اشلعا ولا احشي تكفين دكتوره باجر بروح الطبيب وماني عارفه شسوي

هلا حبيبتي ..
اذا كان السوس قوي وواصل للعصب وصعب يوصله الطبيب شيليه احسن لان راح يعذبج بالعلاج و التلبيس راح يكون صعب جدا اما اذا السوسه صغيره ماتحتاجين انج تشلعينه .. لاتحاتين

 

[دكتورة أسنان]

اختي لثتي باارزه
اذا ظكت طلعت اللثه للعلم انا مسويه تقويم

شنو تنصحيني فيه

تكفين ابيفااجااء زوجي

سالت العياده عن رفع اللثه وقالت نرفه الزوائد بس بالاسنان؟

شتسوي

حبيبتي اذا اللثه بارزه مايصلحلج الرفع ماراح يسويلج شي .. بعرف اللثه ولا الفك ؟ يعني سمك اللثه كبير ولا الفك بكبره بارز ؟
اذا الفك بارز تحتاجين عمليه جراحيه في العظم اما اذا السمك اللي كبير ففي عمليات بس شوي مؤلمه و ما انصحج فيها ماتسوى ! تكون تجميليه يرفعون اللثه و يشيلون من تحتها علشان يقل السمك بس مؤلمه و مو مسهله ..
انصحج ماتلعبين فيها حرام راح تتحسفين ..

 

[دكتورة أسنان]

السلام عليكم و رحمة الله و بركاته

يعطيج العافية دكتورتنا على عطائج و مجهودج معانا جزاج الله خير

حبيت أسأل هالسؤال حاز بخاطري من زمان



أنا من أكثر من سنتين كانت فيني سوسه في قواطعي العلوية من الداخل ((الخلف))
رحت المستوصف و شالها و حطلي حشوة بالبداية كان لونها بالبداية أبيض و عقب جم يوم صار لونها أسود !!!!
انصدمت منها !! عبالي السوسة كبرت لأن بالأول أصلا مو مبين إن في سوسه و حجم الحشوة كبير و لونها أسود بعد
و رحت للطبيب أتأكد إن كانت سوسة فقالي حشوة سودة و إنها قوية !! مادري بغيت أسألج في حشوة سودة ؟؟؟
و أقدر أغيرها و أحط حشوة بيضه ؟؟؟؟ لأن لما سألت الدكتور قالي مو زين تغيرينها يعني ما نصحني مادري ليش ؟؟؟

أرجو منج التوضيح
أبي أعرف باختصار
هل أستطيع تغيير الحشوة السوداء إلى بيضاء ؟؟
و هل في أضرار ؟؟

أحس إني طولت بالكلام
و مشكووووووورة يا دكتورتنا عسى الله يحفظج و يوفقج دنيا و آخره

وعليكم السلام ورحمة الله و بركاته .. الله يعافيج حبيبتي و جزانا الله و جزاكم كل خير

الله يهديه على هالحركه .. والله يا اختي كل شي يصير بس ما انصحج خاصه للاسنان الاماميه لان هذي الحشوه قويه وعلشان تشيلينها اكيد راح يتبطل العصب يعني راح تحتاجين علاج العصب و عقبه لازم تلبسين الضرس و علشان تلبسينه لازم تلبسين ال 4 اللي جدام لان التلبيس يبين الا اذا كان انتي مايهمج الفرق بينهم .. هذي الحشوه قويه و زينه احسن من غيرها من ناحية الجوده بس مشكلتها شكلها موحلو .. اذا ماتبين وايد خليها لادخلين نفسج بمتاهات انتي في غنى عنها وهذا رايي

 

[love life]

السلام عليكم
شلونج دكتوورة
وعيدج مبارك
اذا ما عندج مانع ودي اتجاوبيني على هالسؤال
يوم كنت صغيرة صار حادث صغيرون وخيطولي لثتي من جدام وقتها كانت اسناني لبنية ومن كبرت وصارت اسناني دائمة
قال دكتور الاسنان ان من اكبر لازم احط تقويم
الحين اسناي في فجة من جدام ونفسه الضرسين شوي طالعين برا
بس الكل يقولي حلو لان اسناني الباجي عادي صايرين لو ما الفجة وطالعين شوي جان صار صفة وحدة وفي اللي تحت صفة وحدة بس فراغ بسيط
حتى لو بيعدلونه بالحشوات التجميلية و هالاشياء ما راح يتعدل
والشي الثاني عندي سوء اطباق <<< اذا كان اسمه صح
لمة اصك حلجي واسناني ما ينصكون على بعض عدل
غير لمة اكون صاكة حلجي عادي طبيعي اسناني نوعا ما ما تكون مصكرة وشوي لساني يطلع برا مادري فهمتي قصد ولا لأ
ومرة سألت دكتورة قالتلي ما يحتاي وشكله حلو جذي
والصراحة انا مابي اطول وايد بالتقويم وماحبه احس يشوه الويه
+ انا اخاف من دكاترة الاسنان
+ يحتاج اهتمام اكثر
فشرايج
؟؟؟

 

[غزال الرمال]

وعليكم السلام ورحمة الله و بركاته .. الله يعافيج حبيبتي و جزانا الله و جزاكم كل خير

الله يهديه على هالحركه .. والله يا اختي كل شي يصير بس ما انصحج خاصه للاسنان الاماميه لان هذي الحشوه قويه وعلشان تشيلينها اكيد راح يتبطل العصب يعني راح تحتاجين علاج العصب و عقبه لازم تلبسين الضرس و علشان تلبسينه لازم تلبسين ال 4 اللي جدام لان التلبيس يبين الا اذا كان انتي مايهمج الفرق بينهم .. هذي الحشوه قويه و زينه احسن من غيرها من ناحية الجوده بس مشكلتها شكلها موحلو .. اذا ماتبين وايد خليها لادخلين نفسج بمتاهات انتي في غنى عنها وهذا رايي

جزاااااج الله خير يا دكتورتنا

مشكوووووووووووورة و يعطيج العاااااافية


و عيدج مبارك

 

[ربوع الحلوة]

مشكوووره دكتوره علي إهتمامج وسرعة الرد ياقلبي الله يوفقج يارب ويعطيج علي قد نيتج

عندي سؤال : هل جميع الحشوات التجميليه الفينير أو ال lava أوغيرها يتم فيها برد الأسنان نفس الشيء ؟؟

وشكرا جزيلا لج