موضوع خاص للأستفسارات المتعلقة بالأسنان

[دكتورة أسنان]

مشكورة وماقصرتي بس اللي بسأله أقدراسوي حشوة واشيلها وبعدين احط تقويم لأنة عندي فراغ بين الضروس وما اقدر اسوي تقويم الا بعد جم سنة الله يجزاكم خير

حياج الله حبيبتي .. ما انصحج تسوين حشوات و تشيلينهم و مبين ان عمرج صغير فصبري لين تبدلين كل الاسنان و تطلع اسنانج عدل و تخلصين تقويمج اذا استمرت الفراغات تالي سوي حشوات

 

[دكتورة أسنان]

السلام عليكم شلونج دكتوره

بغيت أسألج انا شايله عصب صارلي سنه وركبوا مادري شتسمونها جسر او ضرس ؟ المهم هالضرس احسه يطلع ريحه وريحته مو طيبه مع انه بس صار له سنه حدي متأذيه مادري شالحل بنظرج؟؟



السؤال الثاني
بسألج انه الجير اللي يتكوون على الاسنان شلون امنعه نهائيا ...على كثر مااهتم احس يطلع لي ؟

وينج دكتوره طولتي علينا

هلا حبيبتي وعليكم السلام وحمة الله و بركاته .. بعد عمري اسفه على التاخير بس هالايام ماتتعوض من هالشهر الفضيل عساكم من عواده و تقبل الله مننا و منكم :eh_s(6):

بالنسبه لسؤالج الاول حبيبتي هذي مشكلة التلبيسات تحتاج عنايه خاصه بالتفريش و استخدام الخيط السني كل مانظفتيها عدل كل ماخفت الريحه بس ماتروح ..

اما سؤالج الثاني بالنسبه للجير .. اول شي سوي تنظيف لثه بالعياده كل 6 شهور و اهتمي بالتفريش الجيد من اللثه للاسنان لاتخلين اي بقايا للاكل بين الاسنان و استخدمي الخيط السني و المضمضات اللي راح يوصفها لج الطبيبب .. و اشتري معاجين الاسنان الي تحتوي على الفلورايد و اللي يكون مكتوب عليها انها تحمي الاسنان من تكون الجير و ماعليج شر باذن الله

 

[دكتورة أسنان]

مشكووره دكتورتنا ودي اشوفج وتشوفين شنو مشكله هالعوار اهو عالج العصب مره ثانيه س احس بألم مادري يمكن مكان العمليه يعورني

صارلي اسبوعين للحين في انتفاخ مكان العمليه حتى الشق يبين والحين لما اضحك والا احرك شفايفي احس بالم مثل شي يششششد يضايقني الدكتور قالي العظم قاعد يلتئم مع الزرعه

وامبلا انا اخذت مضاد وامس خلصته احس الحين مثل النبض مكان الضرس ما اقدر احدد مكان الالم لان الزراعه والضرس اللي عالجت عصبه يم بعض فاختلط على مكان الالم

حبيبتي حياج الله .. بعد عمري اكيد لو بيدي ماراح اردج بس انا دكتورة أطفال عموما يبين من الاشعه كل شي لاتحاتين طالما خلصتي المضاد تقدرين تسوين اشعه و تودينها حق الدكتور و يقولج .. مع هذا فعلا ترى العظم لي التئم على الزرعه يسبب شد قوي و عوار ..

دكتوره يصير احد حشوات املي فيها الضرس و اسد الفراغات عشان لا يدخل في اكل وينحشر؟؟

اوضحلج اكثر مثل الانياب واللي يمهم او الضرس طبيعي يكون في حفره بس لما اكل يتعلق الاكل انا ابي احط حشوه عاشن لا تواجهني هالمشكله؟؟

اي بس حبيبتي يصير شكل الاسنان غلط وبعدين الفراغات هذي مهمه حق التظيف و الحشوات ماتنحط على اللثه مباشره ممكن تسويلها التهاب ماعدا نوع معين من الحشوات التجميليه اللي ممكن تلامس اللثه و هالنوع من هالحشوات مافي منها الا لون واحد فراح تبين انها حشوه ..

اول مره اسمع بزراعه الضرس من نفس الاسنان نبي نعرف منج دكتوره؟؟

اي حبيبتي ممكن ولكن بشروط .. تكونين توج شالعه الضرس اللي بتزرعينه و يكون نظيف تماما و سليم و كامل النمو و الشرط الثاني تكونين توج شالعه الضرس اللي بتزرعين مكانه علشان تحافظين على اكبر قدر من الانسجه السليمه و مايرفضها الجسم طبعا تحتاج دكتور شاطر

 

[دكتورة أسنان]

بعد عمرى دكتورتنا الغاليه


كنت مسافره فى ربوع ماليزيا ورديت حده حده على رمضان الله يعيده علينا

وعليكم بالخير والمغفره ,,

سامحينى عالقصور ,,,,,

حبيبتي عليج بالف عافيه و الحمدلله على سلامتج :eh_s(6): امين يارب امين و اجمعين ..

 

[دكتورة أسنان]

السلام عليكم

مشكوره على هذا الموضوع

بغيت اسالج دكتوره صراحه انا وحده اخاف من طبيب الاسنان
وعندي سن مسوس وطالعتلي يم السن حبه بغيت اعرف هذي الحبه من السن ولا لا وشنو الحل
وهذا السن المسوس يتحرك وبيطيح بغيت اعرف اذا بيطلع سن بداله لانه اخاف اشلع السن ومايطلع

ومشكووره

وعليكم السلام ورحمة الله و بركاته .. حياج الله حبيبتي .. جم عمرج و السن لبني ولا دائم ؟؟ عموما بالاشعه يبين اذا في ضرس تحته ولا لا

 

[دكتورة أسنان]

السلام عليكم دكتوره

عندي استفسار واستشاره

صديقتي تسال اذا تقدر تسوي تقويم لسد الفراغات بين الاسنان وهي عندها 7 اضراس متسوسه وبعضهم مدفون باللحم
شنو تنصحينها فيه هل تسوي زراعه وبعدين تقويم وجم المده تاخذ علشان تصلح اسنانها

مشكووره

وعليكم السلام ورحمة الله و بركاته .. حبيبتي جم عمرها ؟ عموما انا انصح بالتقويم قبل الزراعه اذا كان العمر صغير و الفراغات صغيره و قبل كل شي لازم تعالج التسوسات و تكون الاسنان اللبنيه كلها تبدلت بالدوائم .. حياج الله

 

[دكتورة أسنان]

أنا حابه أعرف رأي الدكتوره بتقنية lava الجديده للأسنان ؟؟؟ وهل لها أعراض جانبيه ؟؟ وعمرها الإفتراضي

هلا حبيبتي .. والله لحد الان ماطلعت لها اعراض جانبيه لانه لم يتم تطبيقها بانتشار واسع .. رايي فيها حسب المواصفات اللي قريتها انها احسن من اي نوع من التلبيسات الاخرى من الناحيه الجماليه + التقنيه بسبب توفر 8 درجات من الالوان بالاضافه الى قوتها و متانتها و دقتها لانها مرتبطه بالكومبيوتر ( التقنيه الرقميه ) مما يجعلها اكثر دقه من غيرها ... عمرها الافتراضي اكبر من غيرها من التلبيسات اي اكثر من 6 سنوات ولكن لم يتم تحديدها بعد .. انا اشوف انها تضل تلبيسه و مافي احسن من السن الطبيعي الا طبعا في حالات العلاج فهي احسن من غيرها الى الان حسب الافتراضات الموجوده

 

[فجــر]

قوااج الله دكتووتناا

بسالج اختي تبي تسوي تلبيس السيراميك ابي اجود انواع السيراميك وافضل مكان يسوونه ؟؟

وو بعد بنت خالتي قبل جم سنه حطت تقويم ومااصاروو صف صف وردت الحين حطته وقال الدكتور راح تضبط وتسيير ميه بالميه بس بسالج خلاص الحين لي تعدلوو ما يتغيروون لما تكبر خاصه اهيا ما طلع ضرسها العقل بالمستقبل يتغيرون ولا لا وشكرااااااا وسوري عالاطاله ..

 

[دكتورة أسنان]

السلام عليكم ورحمة الله وبركاته ، شلونج دكتورة ؟ والله سبحانه يعطيج الصحة والعافية انا من زمان كنت اقول حق خواتي ليش ما يشلعون ضرس العقل الموجود داخل اللحم ويحطونه بدال الضرس اللي شلعته يقعدون يضحكون علي والحين توني قريت من الاخوات اللي هني الله يعطيهم العافية انه يصير بس الاخت قالت الدكتور يجرب فيها هل فعلا فيه يا دكتوره جذي يشيلون الضرس ويزرعونه ؟ وشلون ؟ لانه عندي ضرس العقل داش عرض باللثة ولازم جراحة يشقون اللثة بس بدال ما اقطه استغله واحطه عندي ضرسين مخلوعين وبالنسبة حق التبييض هل فيه انواع وجم مدته هل فيه اضرار على قوة الاسنان ويعطيج الف عافية:tek:

وعليكم السلام ورحمة الله و بركاته ..
اي حبيبتي يصير بس لها شروط و مقاييس يعني انتي شالعه الضرسين من زمان فصعب تحطين مكانهم ضرسج لازم تزرعين مسمار لان العضم التئم من زمان .. من شروط هذي الزراعه انج تكونين توج شالعه الضرس الل يبتزرعينه و توج خالعه الضرس اللي بتزرعين مكانه ولازم يكون الضرس سليم و مو مكسور ولا مسوس و كامل النمو .. بالنسبه للتبييض شوفي موضوعي المثبت فيه كل شي عن التبييض و اذا في سؤال انا حاضره الله يعافيج

 

[دكتورة أسنان]

السلالالالالالالالالالالالالالالالالالام عليكم دكتورة يعطيج العافية حبيبتي على جهودج الطيبة والواضحة

اتمنى يادكتورة انج اتردين على استفساري باقرب فرصة واسرع وقت الله لا يهينج

انا حاسة بعوار في اسناني الثلاث الأخيرين من جهت اليمين لداخل الفم وهذا العوار واصل لأذني فممكن اتفيديني بالسبب والحل

وهل تنصحيني بالذهاب للعيادة ولا في حل اقدر اسويه بالبيت

ويعطيج العافية وسامحينا على الأطالة

وعليكم السلام ورحمة الله وبركاته .. حياج الله حبيبتي
اذا مافي اي تسوس احتمال يكون من ضرس العقل بس حبيبتي انصحج تراجعين الطبيب لانج تحتاجين فحص و اشعه وحاليا اخذي مسكن لين تروحين ويفحصج الطبيب
الله يعافيج و حياج الله

 

[طفلة كبيرة]

السلام عليكم شلونج دكتورة ؟؟

انا عروس ومقبلة على حياة جديدة
ومشكلتى الاسنان الامامية .. ودي ابيضهم وهم فيه فراغ عند الانياب
وفي اعوجاج بسيط في سنين وسن اطول من سن .. رحت لدكتور اسنان قالي مو محتاجين تقويم
وابيهم صفه وحده ومتساوين واكيد ابتسامة حلوة ؟؟
ابي نصيحتج دكتورة .. ويعطيج العافية

كل التوفيق لج
.
.
.

 

[le3bah]

السلام عليكم دكتورتنا ويعطيج العافية 000استفساري بنتي عمرها 6سنوات وعندها ضروس تحتاج حشوات سؤالي يصير تشيل العصب ولا ماتتحمل لأنه في دكتور قالي حرام صغيرة أنظف السوس وأحشيها انتي شرايج دكتورة 00سؤال ثاني بنتي الثانية عندها جير وعمرها 3 سنوات شاون أشيله000وسامحيني ع الاطالة والله يحطه بميزان أعمالج

 

[le3bah]

uppppppppppp

 

[le3bah]

اب اب اب

 

[دروبي]

سلالالام دكتوره

انا حابه اسالج عن الزراعه

انا عندي تحت ضرس اللي وراء الضروس اللي تطحن

عندي الضرس الللي قبل الاخير ( راحه) اللي يطحن مخلوع من زمان وصاير مكانه فاضي

وانا سالت دكتور كنت اراجع عنده قالي احسلج تسوين زراعه بدل ما اخرب الضرسين عشان اللبس الضررس اللي طايح

وعلى فكره انا من الجنبين صوب اليمين واليسار كله طايح الضرس اللي قبل الاخير ( اللي يطحنون )

فا مسببلي مشكله في الاكل ما اقطع الاكل عدل فا ودي اعرف بالظبط شنو الزراعه ؟؟

لان خايفه اسويها يقولون لازم برغي داخل اللثه ؟!!

ياريت تفيديني

 

[om_jsoom]

عندي سؤااال
زوجي ظرسه طااح ومكااه مبين بالويه
شيسوي تلبيس والا شنوو ياليت بسررعه ابي رد عشاان باجر يروح الطبيب وابي عياده زينه ورخييصه تسوي

 

[فْـلـيـكَهـ]

وعليكم السلام ورحمة الله و بركاته .. حياج الله حبيبتي .. جم عمرج و السن لبني ولا دائم ؟؟ عموما بالاشعه يبين اذا في ضرس تحته ولا لا

عمري 14 والسن الدائم وبغييت اسال انا ابي احط تقوييم لانه عندي تعدييل بسييط حق اسناني ينفع احط التقويم المخفي

ومشكوره مره ثانيه​

 

[klnksa]

تسلم ايدج وما قصرتي انا ودي اركب تقويم وحدي خايفه وما ادري وين اروح اركب التقويم
بليييز ابيج تساعديني و شنو لازم اسوي علشاان لاقبل اركب التقويم

 

[ihssane200]

مرحبا دكتورة، عندي سؤال الله يخليكي، انا حاطه تقويم 8 شهور هذي، وسن الامامي بدأ يتغير لونه إلى رمادي مع العلم انه مافيه تسوس، يا ترى شنو السبب؟ وش الحلول الممكنة إلي تقترحين علي؟ جزاك الله خيرا

 

[.● Softiah ●.]

السلام عليكم
دكتورة الله يعطيج الف عافية وماتقصرين
مادري إذا سؤالي مكرر
واذا مكرر فآنا آسفة وايد

دكتورة آنا ودي ألبس أسناني الأمامية تلبيس بحيث يبين شكلهم جنهم مرتبين طبيعي
لأنه أسناني الأمامية مومعفسين حيل ومأساة لأ
بس تقدرين تقولين إنهم مومرتبين عدل مدل يعني بس مو عفيسة إلي محتاجين تقويم
إن شاء الله فهمتيني
فبغيت أسئلج هل ممكن ألبسهم تلبيس حلو ويبين إنه طبيعي ولا لأ
وعادةا التلبيس هذا شكثر يكلف
بإنتظارج