موضوع خاص للأستفسارات المتعلقة بالأسنان

[دكتورة أسنان]

السلام عليكم وليعافيج دكتوره انا لثتي لونها غامج وابي اسوي توريد للثه , هل فيها ضررعلي اللثه ام انها عمليه امنه , وهل هي عمليه سهله
وبدون الم و وشكراا

وعليكم السلام ورحمة الله و بركاته .. اذا كانت غامجه وايد لا مافي ضرر و حاليا ممكن تسوينها بالليزر بس في العيادات الخاصه طبعا حياج الله

 

[دكتورة أسنان]

قوة دكتورتنا يعطك ألف عافية حبيت أسالك ماهي الحشوة لان اذا رحت أسجل تقويم نصحوني فية لأن رحت جم مره عشان ابي اسوي تقويم
الدكاتره يرفضون يقولون اسنانج مافيهم شي طيبعييين مايحتاج .. يقولون حتى لو سويناهم راح يردون على طبيعتهم بعد فتره
ودي لو اسكر الفتحات لان فتحات اسنان كبيره وتقريبا 8فتحات..اذا موأكثر بعد وصارلي اكثر من 7سنين وانا على هالسالفة .... اسفه اذا طولت عليج ،،،،،،،،،،،،،،،وافيدينا الله يجزاك خير والفردوس الاعلى

هلا و غلا الله يعافيج حبيبتي .. تقصدين الحشوه التجميليه ؟ الكومبوزيت نوع من انواع الحشوات التجميليه يكون لونها من لون الاسنان بس بدرجات مختلفه تستخدم اما لحشو الاسنان او لسد الفراغات الصغيره بين الاسنان .. اعتقد هي الحل الامثل لكي

 

[دكتورة أسنان]

اهلين يالغليه فقدناج لج فريه هال كبر

مبارك عليج الشهر و عساج من عواده

 

[دكتورة أسنان]

سلااااااااااااام دكتورة....

ياليت دكتورة ألقى ردك لي يوم السبت.... لأنه عندي موعد يوم السبت تلبيس الأسنان الأمامية الأربعة بالزريكون لأن السن إللي بالوسط انكسر وأنا صغيرة وحطو لي ماأدري وش أسمها حشوة أو تكميلة للسن بس مشكلتها صار حدودها بني يعني صار مثل الخط بسني لونه بني والسنين الباقيين فيهم تسوس جانبي...

صراحة الدكتورة ماأدري هل هي صادقة معي أو لا؟؟

قالت أسنانك ماتحتاج تبييض... وأسنانك الأمامية تحتاج تلبيس زريكون.... فسؤالي يادكتورة شلون طريقتها يعني تبرد لي السن.. وهل فعلا بيطلع ريحة بالقم؟؟؟ وممكن تطيح؟؟ وممكن تشوه شكل ابتسامتي؟؟

ورأيك أسوي تلبيس الزريكون أو أشيل السوس واحط حشوات تجميلية أحسن يعني فيه خيار لي ينفع غير الزركون ... لان تكلفة تلبيس الزركون بـ 5000 ريال سعودي للأسنان الأربعة...

وقالت لي إنه إذا اخترت خيار ثاني مثل تنظيف السوس وحشوات تكميلية وتجميلية بيكلفك 3000 أو 3500 ريال سعودي فأحسن لك الزركون..

ماأدري هل هدفها مادي أو فعلا صحيح إنه التلبيس أحسن لي؟؟؟؟ ياليت تجاوبيني يادكتورة والله أنا في هم خصوصا إللي حولي يقولون حرام تخربين أسنانك شكلهم حلو ويمكن التلبيس بدل مايحليك يشوهك.........

معليش الكلام ملخبط... بس من الهم إللي فيني

وعليكم السلام ورحمة الله و بركاته ..

والله حبيبتي انا ماشفت حجم التسوس لكن بما انج كنتي مسويه حشوه تجميليه من قبل و المشكله كانت بس لونها .. ما انصحج تلبسينهم لان التلبيس اذا كان زين في اوله فاكيد مرده راح يسويلج مشاكل فخليه اخر حل .. والله ما ابي اظلمها ما اعرف شنو هدفها يمكن هذي وجهة نظرها او طريقتها في العلاج لكن اذا تبين رايي خلي التلبيس اخر الحلول لانه راح يطلع ريحه و اساسا ماهو حل مضمون يعني مثله مثل الحشوات بتقطين فلوس منني و مناك فرايي انج تسوين الحشوات التجميليه اذا امكن و ابتعدي عن التلبيس هذا رايي الشخصي حسب وصفج بدون ما اشوف .. وطبعا حتى الحشوات االتجميليه لها عمر افتراضي وبعد 5 سنين لازم تتغير علشان لونها راح يتغير فحطي هالشي في بالج و اي استفسار انا حاظره من عيوني

 

[دكتورة أسنان]

نوني نجد

نصيحه نصيحه من اخت لاختها لا تلبسين اسنانج لان التلبيس راح يبردون اسنانج وتصير صغييييييييره بعدين يلبسونها صدقيني مافي احسن من الاسنان الطبيعيه
انتي بس عالجي التسوس وحطي حشوات تجميليه ولبسي ضرس واحد اللي اهو مكسوور وصار بني لونه

انا عندي نفس معاناتج ومتحسسفه على اسناني وعلى فكره الزيركون حلو وايد بس غالي واللي قريت عنه ان ما يطلع ريحه بالفم واللثه ما تلتهب منه عكس التلبيسات الثانيه مثل المعدن وغيرها

وشوفي الدطتوره شنو تنصحج فيه

دكتوره اسفه لاني رديت بس حبيت اقولها تجربتي مع التلبييس

حبيبتي بالعكس اسعدتني مشاركتج و ياريت كل الخوات يشاركونا بخبراتهم .. يقول المثل اسأل مجرب و لا تسأل طبيب وفعلا كلامج عدل و هذا اللي دائما انصح فيه الخوات خاصه اللي غرضها تجميلي .. حياج الله حبيبتي

 

[نووني نجد]

نوني نجد

نصيحه نصيحه من اخت لاختها لا تلبسين اسنانج لان التلبيس راح يبردون اسنانج وتصير صغييييييييره بعدين يلبسونها صدقيني مافي احسن من الاسنان الطبيعيه
انتي بس عالجي التسوس وحطي حشوات تجميليه ولبسي ضرس واحد اللي اهو مكسوور وصار بني لونه

انا عندي نفس معاناتج ومتحسسفه على اسناني وعلى فكره الزيركون حلو وايد بس غالي واللي قريت عنه ان ما يطلع ريحه بالفم واللثه ما تلتهب منه عكس التلبيسات الثانيه مثل المعدن وغيرها

وشوفي الدطتوره شنو تنصحج فيه

دكتوره اسفه لاني رديت بس حبيت اقولها تجربتي مع التلبييس

تسلمين ياعمري على ردك... أنا أسناني الحمدلله ماهي مشوهه بس عيبها شوي فيها صفار وكنت بأعدل شكل أسناني اللي قدام خصوصا السوس جاي على جوانبها والسن إللي بالنص وأنا صغيرة طحت على حجر فانشطف من تحت يعني ربع السن انكسر وسوا لي تكلمة للسن بس التكملة هاذي صارت أطرافها بنية.....


مشكلتي خايفة تطيح التلبيسة علي أو تصير أسناني حساسة وشكل أسناني يصير كبيرة... وبدل ماتحلى تخرب

 

[نووني نجد]

وعليكم السلام ورحمة الله و بركاته ..

والله حبيبتي انا ماشفت حجم التسوس لكن بما انج كنتي مسويه حشوه تجميليه من قبل و المشكله كانت بس لونها .. ما انصحج تلبسينهم لان التلبيس اذا كان زين في اوله فاكيد مرده راح يسويلج مشاكل فخليه اخر حل .. والله ما ابي اظلمها ما اعرف شنو هدفها يمكن هذي وجهة نظرها او طريقتها في العلاج لكن اذا تبين رايي خلي التلبيس اخر الحلول لانه راح يطلع ريحه و اساسا ماهو حل مضمون يعني مثله مثل الحشوات بتقطين فلوس منني و مناك فرايي انج تسوين الحشوات التجميليه اذا امكن و ابتعدي عن التلبيس هذا رايي الشخصي حسب وصفج بدون ما اشوف .. وطبعا حتى الحشوات االتجميليه لها عمر افتراضي وبعد 5 سنين لازم تتغير علشان لونها راح يتغير فحطي هالشي في بالج و اي استفسار انا حاظره من عيوني

تسلم عيونك يادكتورة.. وجزاك الله ألف خير.... صراحة فعلا أنا مو متحمسة للتلبيس لأني خايفة من مشاكله بعدين خصوصا إن الأسنان بتبرد يعني مستحيل ترجع أسناني مثل أول... بأتوكل على الله وبأسوي الخيار الثاني أشيل السوس وأغير الحشوة إللي قدام...وعسى الله يعوضني بشي أحسن

بس عندي سؤال يادكتورة يعني إللي مرة مضايقني في أسناني لونهم شوي مصفر ينفع التبييض أو بعد له مساوئ.... وفيه معاجين تنفع لحالتي يعني محتاجة افتحها بدرجة أو درجتين... وجزاك الله ألف خير على روحك الطيبة وردك الأطيب..

 

[arwaa3]

مشكورة وماقصرتي بس اللي بسأله أقدراسوي حشوة واشيلها وبعدين احط تقويم لأنة عندي فراغ بين الضروس وما اقدر اسوي تقويم الا بعد جم سنة الله يجزاكم خير

 

[**كادي**]

السلام عليكم شلونج دكتوره

بغيت أسألج انا شايله عصب صارلي سنه وركبوا مادري شتسمونها جسر او ضرس ؟ المهم هالضرس احسه يطلع ريحه وريحته مو طيبه مع انه بس صار له سنه حدي متأذيه مادري شالحل بنظرج؟؟



السؤال الثاني
بسألج انه الجير اللي يتكوون على الاسنان شلون امنعه نهائيا ...على كثر مااهتم احس يطلع لي ؟

 

[nazek_q8]

مشكووره دكتورتنا ودي اشوفج وتشوفين شنو مشكله هالعوار اهو عالج العصب مره ثانيه س احس بألم مادري يمكن مكان العمليه يعورني

صارلي اسبوعين للحين في انتفاخ مكان العمليه حتى الشق يبين والحين لما اضحك والا احرك شفايفي احس بالم مثل شي يششششد يضايقني الدكتور قالي العظم قاعد يلتئم مع الزرعه

وامبلا انا اخذت مضاد وامس خلصته احس الحين مثل النبض مكان الضرس ما اقدر احدد مكان الالم لان الزراعه والضرس اللي عالجت عصبه يم بعض فاختلط على مكان الالم

 

[نووووونا]

بعد عمرى دكتورتنا الغاليه


كنت مسافره فى ربوع ماليزيا ورديت حده حده على رمضان الله يعيده علينا

وعليكم بالخير والمغفره ,,

سامحينى عالقصور ,,,,,

 

[nazek_q8]

دكتوره يصير احد حشوات املي فيها الضرس و اسد الفراغات عشان لا يدخل في اكل وينحشر؟؟

اوضحلج اكثر مثل الانياب واللي يمهم او الضرس طبيعي يكون في حفره بس لما اكل يتعلق الاكل انا ابي احط حشوه عاشن لا تواجهني هالمشكله؟؟

 

[فْـلـيـكَهـ]

السلام عليكم

مشكوره على هذا الموضوع

بغيت اسالج دكتوره صراحه انا وحده اخاف من طبيب الاسنان
وعندي سن مسوس وطالعتلي يم السن حبه بغيت اعرف هذي الحبه من السن ولا لا وشنو الحل
وهذا السن المسوس يتحرك وبيطيح بغيت اعرف اذا بيطلع سن بداله لانه اخاف اشلع السن ومايطلع

ومشكووره

 

[سجايا العنود]

السلام عليكم دكتوره

عندي استفسار واستشاره

صديقتي تسال اذا تقدر تسوي تقويم لسد الفراغات بين الاسنان وهي عندها 7 اضراس متسوسه وبعضهم مدفون باللحم
شنو تنصحينها فيه هل تسوي زراعه وبعدين تقويم وجم المده تاخذ علشان تصلح اسنانها

مشكووره

 

[ربوع الحلوة]

أنا حابه أعرف رأي الدكتوره بتقنية lava الجديده للأسنان ؟؟؟ وهل لها أعراض جانبيه ؟؟ وعمرها الإفتراضي

 

[فطوومة الكويت]

السلام عليكم ورحمة الله وبركاته ، شلونج دكتورة ؟ والله سبحانه يعطيج الصحة والعافية انا من زمان كنت اقول حق خواتي ليش ما يشلعون ضرس العقل الموجود داخل اللحم ويحطونه بدال الضرس اللي شلعته يقعدون يضحكون علي والحين توني قريت من الاخوات اللي هني الله يعطيهم العافية انه يصير بس الاخت قالت الدكتور يجرب فيها هل فعلا فيه يا دكتوره جذي يشيلون الضرس ويزرعونه ؟ وشلون ؟ لانه عندي ضرس العقل داش عرض باللثة ولازم جراحة يشقون اللثة بس بدال ما اقطه استغله واحطه عندي ضرسين مخلوعين وبالنسبة حق التبييض هل فيه انواع وجم مدته هل فيه اضرار على قوة الاسنان ويعطيج الف عافية:tek:

 

[nazek_q8]

اول مره اسمع بزراعه الضرس من نفس الاسنان نبي نعرف منج دكتوره؟؟

 

[**كادي**]

وينج دكتوره طولتي علينا

 

[ZoOoz2]

السلالالالالالالالالالالالالالالالالالام عليكم دكتورة يعطيج العافية حبيبتي على جهودج الطيبة والواضحة

اتمنى يادكتورة انج اتردين على استفساري باقرب فرصة واسرع وقت الله لا يهينج

انا حاسة بعوار في اسناني الثلاث الأخيرين من جهت اليمين لداخل الفم وهذا العوار واصل لأذني فممكن اتفيديني بالسبب والحل

وهل تنصحيني بالذهاب للعيادة ولا في حل اقدر اسويه بالبيت

ويعطيج العافية وسامحينا على الأطالة

 

[دكتورة أسنان]

تسلم عيونك يادكتورة.. وجزاك الله ألف خير.... صراحة فعلا أنا مو متحمسة للتلبيس لأني خايفة من مشاكله بعدين خصوصا إن الأسنان بتبرد يعني مستحيل ترجع أسناني مثل أول... بأتوكل على الله وبأسوي الخيار الثاني أشيل السوس وأغير الحشوة إللي قدام...وعسى الله يعوضني بشي أحسن

بس عندي سؤال يادكتورة يعني إللي مرة مضايقني في أسناني لونهم شوي مصفر ينفع التبييض أو بعد له مساوئ.... وفيه معاجين تنفع لحالتي يعني محتاجة افتحها بدرجة أو درجتين... وجزاك الله ألف خير على روحك الطيبة وردك الأطيب..

الله يسلمج حبيبتي .. لا طالما انتي عندج حشوات اماميه ماا انصحج بالتبييض نهائيا لان الحشوات راح تبين .. و اقري موضوعي الخاص بتبييض الاسنان علشان تستفيدين اكثر و بتفهمين قصدي
حياج الله حبيبتي جزانا و اياكم