موضوع خاص للأستفسارات المتعلقة بالأسنان

[دكتورة أسنان]

السلام عليكم


الله يعطيج العافيه دكتورتنا

الحمدلله انا اسناني حلوه و ما فيها شي ما عدا الناب اليمين ناط!! يعني طالع لي برة و مرتفع

و ودي الصراحة اعدله و ضروسي راح تصير صفة وحدة بعدها ..

شالحل؟؟ لازم تقويم كامل.. و اذا اي شنو البدييل؟؟



و شنو احسن انواع تبييض الاسنان الحين؟؟





و شكرًا مقدمًا حبيبتي

???????????????????????

???????????????????????


Hello

هلا حبيبتي سامحيني على التاخير

بالنسبه لمشكلتج مو شرط تقويم كامل في حل للناب يتركب عليه حلقه ووايرز اتنزله ولكن الموضوع يحتاج مواصفات معينه فانصحج تروحين لاستشاري تقويم علشان يفحصج .. بالنسبه للتبييض طبعا بغض النظر عن رايي فيه انواعه تختلف حسب حاجة المريض ولكن الاتجاه السائد هالايام نحو البرايت سمايل و الزوم .. حياج الله

 

[دكتورة أسنان]

دكتوره انا سويت تلبيس بعيادة الميدان بردو ضروسي الامامية نهائي والحين الشكل كلش مومضبوط السالفه في لها حل ولا لأ بليز ترى صاكه فيني الدنيا

حبيبتي مالج حل الا انج ترديلهم علشان يضبطونهم لان الاسنان اذا انبردت ماترد للاسف .. بس ممكن تتصلح ان شاء الله

 

[الغاليه نونو]

دكتووره واللي يرحم والديج ويخليج يمه انا خواافه واااااااااايد خوافه من طبيب الضروس تقولين ليش اقول لج مادري

قسما بالله يالخووف اللي ايينيييييييي من العيادات ماتتصورينه

الحين عندي ضرس ذابحني من العواار صار له سنين وكل جم شهر تطيح منه نتيفه وصل الضرس نصه وذاااابحني من العوار وماغير ابلع المسكنااااااااات ويطخ ولي صار باجر يرجع العوار شسوي قوليلي لاني سألت طبيبه المستوصف مالت الضروس لقيتها بتطلع خالص دوامها وسألتها بره بالسكه شفتها صدفه

قالت لي محتاجه جراحه نشق اللثه ونشيل الضرس ومن يوم قالت لي جذي وانااااااااااا فيني خرررررررررعه موووصاحيه ابد


الحين ابي الحل يمه انا بسال ماكوووووو بنج قبل الابره يحطونه مرهم والا بخاخ والا اي شي ابرتكم تخرع اشطولها والله احسهم بيقزونها بقلبي ههههههههههههههه


الحين قوليلي شنو احسن نوع مسكن اخذه؟ وابي واسطه منج يمه فديتج ابي طبيب زين وين اروح ناطرتج غلاتي تردين علي

 

[دكتورة أسنان]

السلام عليكم
دكتوره لحقي علي انا امس شلعلي الدكتور ضرس الطاحن اللي ورا الناب بضرسين واليوم خدي منتفخ وفي بقعه ورديه تحت بين الذقن والخد


حدي خاااايفه شسوي وعادي افرش على مكان الضرس المشلوع

وشكرا

وعليكم السلام ورحمة الله و بركاته ..
ان شاء الله الحين كل شي تمام .. و عموما لاتحاتين احيانا يصير الانتفاخ بسبب تجمع السوائل و لتجنب هذي المشكله في المرات القادمه حطي كمادات بارده بيوم الخلع و دافيه في اليوم الثاني من الخلع

فرشي اسنانج عادي بس بيوم الخلع لاتتمضمضين و اليوم الثاني عادي تمضمضي .. حياج الله

 

[دكتورة أسنان]

سلام عليكم

مشكلتي يا دكتوره عندي بروز ف الثه مو حيل لكن عندي ابتسامتي من الامام حلوه لكن من جنب يلاحظ الفرق بين الاسنان العلويه والسفليه

وقرر علي الدكتور تقويم وخلع الاضراس العلويه الثنين منهم

وانا جدا خايفه من الخلع ومن النتيجه الاخيره وخايفه اندم ع عمل التقويم من الاساس

شرايك يا دكتوره ف خطوره من عمل التقويم لاني سمعت التقويم له سلبيات
انا عمري23سنه

وعليكم السلام ورحمة الله و بركاته ..

حبيبتي بروز اللثه ولا الفك ولا الاسنان ؟ .. عموما طالما الدكتور قرر تقويم اذن اكيد اهو الحل المناسب و مافي بديل ..
التقويم له سلبيات اذا ما اعتنيتي فيه و التزمتي التعليمات اما اذا مشيتي على كلام الطبيب باذن الله مافي مشاكل و اللي يبي الشي الزين يصبر

 

[عود ومسك]

السلام عليكم
بغيت اعرف لما اسوي زراعة عظم هل راح يحطون لي ضرس مؤقت والا بيخلوني جذي من غير ضروس

 

[بنية ذربة]

السلااام شلوونج دكتوورة

بعد قلبي دوخناج لوووووول بس عندي استسفارين

اول شي عندي ضرسين العقل ورا بعض طالعين تحت اللثة وخربو الاسنان اللي جدامهم يعني صارت اسناني اللي تحت تتجدم

وشكلها وااضح ولما سالت الدكتور اليوم قالي لازم نشيل العقل !!

يعني بيفتحون اللثة ويطلعون الضرس واهو مايل اصلا !!

وسؤالي انا سمعت انها في حالات اذا انشال العقل يصير فية عدم احساس دائم اسمالله علينا!! فشنو الحل؟ انا مايعورني بس حرك الاسنان وخرب شكلهم ..

ثانب سؤال دكتورة اذا شلتة والله شافاااني وماصارلي اي اعرااض الاسنان اللي تحركت شنو حلها؟ اسوي تقويم للي تحت؟؟

والفينيرز تنصحين فية دكتوورة كتجميل للأسنان لامامية؟؟ خاطري اطول اسناني واعدلهم

تنفع الفينيرز؟ وشنو انواع التلبيس اللي ماتحتاج برد السن وااااايد ؟؟

والتبييض المنزلي زين ولا لا؟؟
وبس مشكوووووووووورة ويزاج الله خير

 

[دكتورة أسنان]

السلام عليكم
الله يعطيك العافية دكتورة
دكتورة أسناني الامامية من الاسفل شبه شفافه مو بيضاء وفيهن تكسر شو سسبب ؟؟ وشو العلاج ؟

وعليكم السلام ورحمة الله و بركاته ..
الله يعافيج حبيبتي .. اي حبيبتي هذي لها اكثر من سبب منها وراثي , او كثرة شرب السوائل الحمضيه و المشروبات الغازيه لانها تضعف طبقة المينا التي تحمي الاسنان بالتالي تضعف الاسنان .. طبعا احنا نتفاداها لكن اذا حدثت المشكله صعب نعالجها تماما ..ولكن لتجنب سوء الحاله احرصي على المعاجين المقويه لطبقة المينا و ابتعدي عن المشروبات الغازيه و الحمضيه ..

 

[دكتورة أسنان]

دكتورة بنتي عمرها 7 سنوات لعبت وطاحت على فمها وانكسرت وحده من الاسنان الاماميه( الثنايا ا) وما ادري شسوي الحين وشنو تنصحيني فيه
ومشكوره مقدما

حبيبتي وديها برامج صحة الفم و الاسنان يسوولها اشعه يتاكدون ان الي انكسر سن لبني غير دائم و من ثم يطمنونج ان السن الدائم سليم و ماتاثر بالطيحه .. و ماتشوف شر البنوته

 

[دكتورة أسنان]

دكتوره يعطيج العافيه على الجهد الطيب وعساج عالقوه

عندي استفسار بخصوص تركيب الاسنان الامامية

انا عندي ضرس وحد شالعته ومركبه جسر حق 6 الامامية والحين بشيل القديم وبحط تركيب يديد ابي يكونون صفتهم وشكلهم احلى

المهم شافني الدكتور وقالي بزرعلج مكان الضرش المشلوع ضس وعظم لان يقول العظم نازل

هل ضروري هالشي يعني اذا ما سويت زراعه راح يتغير شي بالنسبه للعظم انا ما اشوفه مبين وشكله عادي وقالي هم برفع شويه اللثه وبصراحه خايفه من الجراحه


وسؤال ثاني
شنو احسن الجسر او تركيب الاسنان سن سن منفصل؟؟

الله يعافيج حبيبتي ..
طالما العظم عندج نازل معناته اذا مازرعتي ماراح يتحسن الوضع هذا اذا ما صار اسوأ بعد .. بالاضافه الى ان الجسر بعد فتره ماراح يثبت فمردج راح تشيلينه ..

طبعا التركيب المنفصل احسن لان الجسر اذا كان ضرس واحد مو مضبوط تضطرين تشيلينه كله و تعيدينه .. و اهو سبب تاكل العظم عندج للاسف الجسر هذي مشكلته ..

نصيحتي تسوين الزراعه مثل ماقالج الدكتور طالما الوضع وصل لي هالمرحله لانه اذا زاد حتى زراعة العظم ماتنفع .. و ماتشوفين شر

 

[دكتورة أسنان]

السلام عليكم دكتوره انا رحت لطبيب اسنان وقالي بسوي الاسنان الاماميه فينيرز يعني قشور بورسلان وراح ابيض الاسنان اللي تحت بتبييض منزلي اقل اضرار الحين سؤاليي هل هي ابتسامة هولييود المقصوده وقالي راح تظل معاج الحشوات 10 او 15 سنه

وعليكم السلام ورحمة الله وبركاته ..
اي حبيبتي هذي اهي ابتسامة هوليود .. بس ماراح اتظل معاج 10 او 15 سنه مستحيل العمر الافتراضي للحشوات التجميليه يعتمد على عنايه الشخص فيها و اهتمامه بنوعية اكله .. مع هذا الحد الاقصى لها 6 سنين ممكن تزيد او تنقص لكن ماتوصل 10 سنين ..

 

[دكتورة أسنان]

السلام عليكم
دكتوره انا عندي ضرس الناب ملبسته قبل سنتين احس انه يتحرك
يصير اشلعه واسوي زراعه؟؟
وشرايج بالزراعه زينه ولا لا؟؟
وودي اسوي تبيض بالليزر ابي رايج بلييييز

وشككرا

وعليكم السلام ورحمة الله و بركاته ..
اي حبيبتي يصير لكن لازم الدكتور بفحصلج سمك العظم .. الزراعه افضل من التلبيسات ..
طبعا التبييض يسبب حساسية اللثه و الاسنان انا ما انصح فيها و لكن اذا عندج استعداد تتحملين الحساسيه و تهتمين باسنانج تالي و بجميع الارشادات توكلي على الله ..

 

[دكتورة أسنان]

مشكوره دكتورتنا وماقصرتي عساج على القوه يارب

حياج الله حبيبتي تسلمين

 

[دكتورة أسنان]

وانا دكتوره خفت من كلامج عن التلبيس والتبييض انا قالي الدكتور ان التبييض المنزلي افضل واقل اضرار وانه يقدر يسويلي بالعياده التبييض واغلي سعر بس اهو نصحني بالتبييض المنزلي وانه راح تسير حساسه بالبدايه وبعدين لا شرايج دكتوره

حبيبتي اذا قريتي موضوعي عن التبييض راح تفهمين قصدي

http://q8yat.net/showthread.php?t=227422

التبييض المنزلي اقل ضررا فعلا لكن ماراح يفرق معاج احتمال ماتحسين بالفرق ! فليش تتعبين اسنانج على فرق نص درجه باللون ؟ و فعلا الحساسيه مؤقته بس اضرارها ابديه انتي بتحسينها يوم او يومين تالي تروح بس اسنانج تضعف ..

 

[دكتورة أسنان]

دكتووره وينج ياقلبي لحقي عليناااااااا الخدامه ضرسها شب عليها مره وحده والحين ماااعندي احد يوديها الطبيب عطيتها حبتين بروفين 600 علشان تطيب وراها شغل باجر ياقلبي

وكلمتني اختي تقول لي موزين البروفين حبتين مع بعض لا يكون يصير فيها شي وابتلش مووو وقته كلش يخطوني بالجريده ويكتبون بالخط العريض( المعزبه التي ذبحت خدامتها بحبوب بروفينات



تكفين يمه ردي علي ترا قلبي يرقع من الخرعه

هلا حبيبتي والله ضحكتيني مع ان المنتدى نرفزني يومين علشان اقدر ارد على الاستفسارات بسبت انه كل رد لازم اطلع و ارد اسجل دخول !! المهم ..

حبيبتي مره ثانيه لاتعطينها جذي لان 600 وايد ماتنعطى حبتين و بعدين ماتدرين جان فيها ضغط ولا ربو لاقدر الله تتمغط عليكم وتصير لا من خيرها ولا من كفاية شرها .. يعني لو 200 مثلا ميخالف ..

لا تخترعين عدت على خير بس لاتعيدينها والاسلم تودينها الطبيب حتى لو العوار طخ وديها افتكي من حنتها ياينا رمضان مبارك عليكم الشهر باجر كل دقيقه بتقولج عوار و عوار ..

و اذا اكتبو اسمج بالجريده هذا الاقتباس راح يكون شاهد على حسن النيه :eh_s(6):

 

[دكتورة أسنان]

الغالية نونو لا تخافين انا استعمل بروفين حبتين لوووول وكاني شخصيا مافيني شي خليها تعض حبة مسمار عدلة=بهار القرنفل مومسامير حديد صدقيني ماكو ع الطب بالاعشاب عوار الضرس بيطخ لان القرنفل يخدر منطقة الالم وسوري اعتذر اذا رديت بدال دكتورتنا بس كسرت خاطري خدامتج

عسى الله يديم عليج الصحه و العافيه
حبيبتي بالعكس اسعدتني مداخلتج وكلامج فيه بعض من الصحه بس يحتاج دقه يعني عدل البروفين ممكن حبتين بس ماتكون الوحده 600 ميللي ديري بالج حبيبتي .. ال 600 قوي تكفي وحده بس .. و فعلا المسمار احنا نستخدم زيت القرنفل بالعياده مباشرة على حجرات العصب لتخفيف الالم ولكن هذا حل مؤقت طبعا .. و الله يعطيج العافيه على المشاركه الحلوه

 

[دكتورة أسنان]

دكتوره انا عندي التهاب في اللثه وصار فيه

ضمووووور

في اللثه عند الناب من الجهه اليمنى والحين جالسه اشوف شي بسيط من الضمور من الجهه اليسرى
وش اسوي؟!!

وش الحل وليه صار عندي ضمور باللثه نفسيتي دمااااااار:0bee2e8d89:

اي حبيبتي الالتهاب اذا اهملتيه يسبب ضمور باللثه ولكن مع العلاج في مجال اذا كان الضمور بسيط انه يتعالج .. الحل انج تروحين الطبيب يكتبلج على مضاد و غسولات و اذا راح الالتهاب تقدرين تحددين حجم الضرر و تعالجينه

 

[دكتورة أسنان]

دكتووره واللي يرحم والديج ويخليج يمه انا خواافه واااااااااايد خوافه من طبيب الضروس تقولين ليش اقول لج مادري

قسما بالله يالخووف اللي ايينيييييييي من العيادات ماتتصورينه

الحين عندي ضرس ذابحني من العواار صار له سنين وكل جم شهر تطيح منه نتيفه وصل الضرس نصه وذاااابحني من العوار وماغير ابلع المسكنااااااااات ويطخ ولي صار باجر يرجع العوار شسوي قوليلي لاني سألت طبيبه المستوصف مالت الضروس لقيتها بتطلع خالص دوامها وسألتها بره بالسكه شفتها صدفه

قالت لي محتاجه جراحه نشق اللثه ونشيل الضرس ومن يوم قالت لي جذي وانااااااااااا فيني خرررررررررعه موووصاحيه ابد


الحين ابي الحل يمه انا بسال ماكوووووو بنج قبل الابره يحطونه مرهم والا بخاخ والا اي شي ابرتكم تخرع اشطولها والله احسهم بيقزونها بقلبي ههههههههههههههه


الحين قوليلي شنو احسن نوع مسكن اخذه؟ وابي واسطه منج يمه فديتج ابي طبيب زين وين اروح ناطرتج غلاتي تردين علي

حبيبتي اسم الله على قلبج انتي ماعليج من شكلها .. الابره لازم تكون طويله علشان ماتدخل ايد الدكتور داخل خلج المريض المكان يالله مكفي ضروسه عدل ؟ و بعدين في حكمه من انها تكون طويله وهي ان الاعصاب لها مكان معين و تكنيك معين انج توصلين لها اذا ماكانت الابره ثابته خطر على المريض انها تتحرك ! وترى قطر الابره صغير حيل بس شكلها جذي انتي لاتشوفينها و مري الصيدليه اخذي معاج جل مخدر موضعي احتياط لان ماتوقع موجود حق الكبار بالعيادات و اهم شي علشان ماتحسين بالعوار ..

رخي عضلاتج ولا اطالعين الابره طالما تخوفج لان شد العضلات يخليج تحسين بالقزه .. و تالي خلاص من تتخدرين ماراح تحسين باي شي غير الضغط بس و بعدين يام نونو ترى احنا احسن من دكاترة الولاده :eh_s(6):

و نوع المسكن يعتمد على حالتج الصحيه اذا في اي نوع من الامراض لاقدر الله ضغط ربو سكر حساسيه من شغله معينه .. اما اذا كانت الحاله الصحيه تمام فالبروفين ممتاز بس الله يعافيج قطي بو 600 هذا مو مريحني :eh_s(6): وايد قوي ..

والله عيوني لكم بس انا دكتورة اطفال و احنا مالنا احتكاك بوايد دكاتره في مجال الشغل اللهم علاقات عامه يعني ماعرف شنو شغلهم و تعاملهم مع المرضى فانتي تابعه اي منطقه ؟ و بحالتج تحتاجين تحويل من المستوصف حق المركز التخصصي التابع لكم حق قسم الجراحه لان ماتوقع المستوصف بيشيلونه .. عموما انتي روحي المستوصف خل اسوولج اشعه و قوليلنا اشضار معاج تالي

 

[دكتورة أسنان]

السلام عليكم
بغيت اعرف لما اسوي زراعة عظم هل راح يحطون لي ضرس مؤقت والا بيخلوني جذي من غير ضروس

وعليكم السلام ورحمة الله و بركاته ..
حبيبتي زراعة عظم او حتى اسنان مايقدرون احطولج شي علشانلا يضغط على العظم و احنا نبيه يلتئم ..الا اذا كان الموعد بعيد و الجرح التئم او ماكان كبير حيل ممكن احطولج متحرك يسكر مكان الشلع

 

[دكتورة أسنان]

السلااام شلوونج دكتوورة

بعد قلبي دوخناج لوووووول بس عندي استسفارين

اول شي عندي ضرسين العقل ورا بعض طالعين تحت اللثة وخربو الاسنان اللي جدامهم يعني صارت اسناني اللي تحت تتجدم

وشكلها وااضح ولما سالت الدكتور اليوم قالي لازم نشيل العقل !!

يعني بيفتحون اللثة ويطلعون الضرس واهو مايل اصلا !!

وسؤالي انا سمعت انها في حالات اذا انشال العقل يصير فية عدم احساس دائم اسمالله علينا!! فشنو الحل؟ انا مايعورني بس حرك الاسنان وخرب شكلهم ..

ثانب سؤال دكتورة اذا شلتة والله شافاااني وماصارلي اي اعرااض الاسنان اللي تحركت شنو حلها؟ اسوي تقويم للي تحت؟؟

والفينيرز تنصحين فية دكتوورة كتجميل للأسنان لامامية؟؟ خاطري اطول اسناني واعدلهم

تنفع الفينيرز؟ وشنو انواع التلبيس اللي ماتحتاج برد السن وااااايد ؟؟

والتبييض المنزلي زين ولا لا؟؟
وبس مشكوووووووووورة ويزاج الله خير

وعليكم السلام ورحمة الله و بركاته ..

هلا حبيبتي بخير عساج بخير .. لا بالعكس تسعدني مشاركاتكم اي حبيبتي عادي ينشال مافي مشكله باذن الله و اذا تقصدين مشكلة فقد الاحساس فهي نادره جدا هذا اذا ماكانت مؤقته بعد فلاتحاتين اذا الدكتور شاف ان العصب قريب حيل اهو نفسه ماراح يسويها لج لاتحاتين ..

اذا شلتي العقل احتمال كبير ترد الاسنان بعد فتره ترتاح .. و اذا مارتاحت ممكن تسوين تقويم ..

انا ما انصح باي نوع من التلبيسات الا في حالات العلاج و ليس التجميل .. و الفينيرز هو اخف نوع بالنسبه للتلبيسات من ناحية البرد ..

التبييض المنزلي مايخلو من السلبيات طبعا ولكنه اخفهم من ناحية حساسية الاسنان و اللثه .. في المقابل ماراح يغير من لون الاسنان وايد و قد يكون الفرق غير واضح ايضا ..

حياج الله حبيبتي انتي