موضوع خاص للأستفسارات المتعلقة بالأسنان

[فتاة الظل]

السلام عليكم دكتوره..

اولا احب اشكرك على جهودك وربي يعطيك على قد نيتك يالغاليه..

ثانيا ابغى اسألك سؤال لأني محتاره

انا امس رحت الطبيب ابي اسوي حشوه تجميليه للسن

وسواها لي وانا قايله ابي الحشوه تكون اصغر من حجم السن بالاساس

لأني ابي اسويهم الاسنان الاماميه طول بعض

وسواه لي كبير نفس الاول".

السؤال هل يمكن برد الحشوه التجميليه وتصغير حجمها..؟؟

جزاك الله خير مقدماا

 

[سيدة عربية]

وعليكم السلام ورحمة الله و بركاته ..
الله يعافيج حبيبتي .. اي حبيبتي هذي لها اكثر من سبب منها وراثي , او كثرة شرب السوائل الحمضيه و المشروبات الغازيه لانها تضعف طبقة المينا التي تحمي الاسنان بالتالي تضعف الاسنان .. طبعا احنا نتفاداها لكن اذا حدثت المشكله صعب نعالجها تماما ..ولكن لتجنب سوء الحاله احرصي على المعاجين المقويه لطبقة المينا و ابتعدي عن المشروبات الغازيه و الحمضيه ..

مشكوره دكتورتنا ... الحمدالله المشروبات الغازية ما اشربها وسوائل الحمضية ما اشربها كثير بس عاد مشكلة اذا وراثية

 

[احلى عيميه]

يعطيج الف عافيه حبيبتي على مجهودج,عندي سؤال ابي شي يبيض الاسنان وصج الملح والعسل يبيضون الاسنان, ومشكورة يادكتورة المنتدى

 

[دكتورة أسنان]

السلام عليكم دكتوره..

اولا احب اشكرك على جهودك وربي يعطيك على قد نيتك يالغاليه..

ثانيا ابغى اسألك سؤال لأني محتاره

انا امس رحت الطبيب ابي اسوي حشوه تجميليه للسن

وسواها لي وانا قايله ابي الحشوه تكون اصغر من حجم السن بالاساس

لأني ابي اسويهم الاسنان الاماميه طول بعض

وسواه لي كبير نفس الاول".

السؤال هل يمكن برد الحشوه التجميليه وتصغير حجمها..؟؟

جزاك الله خير مقدماا

وعليكم السلام ورحمة الله و بركاته .. تسلمين حبيبتي و الله يسمع منج
حبيبتي انتي سويتي حشوه ولا قصدج تلبيس ؟ .. اذا حشوه تجميليه يعني كومبوزيت اي ممكن بردها لكن اذا قصدج تلبيسه فملايمكن بردها لازم تنعاد ..
حياج الله

 

[دكتورة أسنان]

مشكوره دكتورتنا ... الحمدالله المشروبات الغازية ما اشربها وسوائل الحمضية ما اشربها كثير بس عاد مشكلة اذا وراثية

حياج الله حبيبتي

 

[دكتورة أسنان]

يعطيج الف عافيه حبيبتي على مجهودج,عندي سؤال ابي شي يبيض الاسنان وصج الملح والعسل يبيضون الاسنان, ومشكورة يادكتورة المنتدى

الله يعافيج حبيبتي .. بالنسبه للتبييض انا نزلت موضوع كامل عن تبييض الاسنان هذا الرابط اذا تحبين تقرينه
http://q8yat.net/showthread.php?t=227422

اما عن سؤالج ما انصح باستعمال اي ماده كاشطه او حمضيه و الملح يعتبر ماده كاشطه كثرة استعمالها تضعف طبقة المينا و بالتالي تسبب الحساسيه و تكسر الاسنان حياج الله حبيبتي

 

[nazek_q8]

دكتوره انا سحب عصب ضرسي الامامي وللحين احس بألم صارله شهر رديت حق الدكتور قالي في التهاب!! علاجه عمليه جراحيه باللثه وقص العصب ويعالجو الالتهاب ؟؟

بصراحه مو مقتنعه بالكلام انتي شرايج؟؟

اامس عادلي جلسه العصب وحطلي دوا وماصكر الضرس قالي راجعيني بعد 5 ايام اذا للحين في ألم راح اسوي الجراحه ؟؟

سؤالي ؟ اذا انا ساحبه العصب اللي كان اساسا ميت شلون احس بألم؟؟ وبعدين انا سويت زراعه حق الضرس اللي يمه صارلي اسبوعين يمكن يكون الالم من الزراعه مؤثر على لثتي واسناني؟؟
ياريت تردين علي بسرعه مابي اسوي جراحه لثتي الحين كلها شابه علي من اعمليه الزراعه

 

[nazek_q8]

دكتوره قريت لج رد على مشاركة الاخت ريحانه14 تقولين ان في ناس تشلع اسنانها الزراعه؟؟ بسبب خطا بالزراعه او عدم الاهتمام بها من قبل المريض؟؟

يعني شلون الحين انا زرعت ضرس ممكن تفشل الزراعه وتلتهب اللثه لا يمعوده انا قاطه شي وشويات اموت قهر اذا فشلت الزراعه انا الحينا سناني كلها صارت حساسه وماقدر اكل شي عليهم خاصه انهم اسناني الاماميه

 

[أيسكريم باالشطه]

يعطيك العافيه يا دكتوره انا اسنانيه الاماميه متقدمات ولبستهم واحس شكلهم ماتغير الا بس شي بسيط ودي اسوي لهم تقويم اقدر او مايصير بعد مالبستهم ومشكوره مقدما

 

[katoya]

قوة دكتورة اول شي يعطيج العافيييييية..
دكتورة شنو يعني تلبيس؟ اذا بسوي تلبيس حق الضرسين الكبار الي جدام شلون و شنو احسن شي؟

 

[Sama Kuwait]

السلام عليكم وليعافيج دكتوره انا لثتي لونها غامج وابي اسوي توريد للثه , هل فيها ضررعلي اللثه ام انها عمليه امنه , وهل هي عمليه سهله
وبدون الم و وشكراا

 

[arwaa3]

قوة دكتورتنا يعطك ألف عافية حبيت أسالك ماهي الحشوة لان اذا رحت أسجل تقويم نصحوني فية لأن رحت جم مره عشان ابي اسوي تقويم
الدكاتره يرفضون يقولون اسنانج مافيهم شي طيبعييين مايحتاج .. يقولون حتى لو سويناهم راح يردون على طبيعتهم بعد فتره
ودي لو اسكر الفتحات لان فتحات اسنان كبيره وتقريبا 8فتحات..اذا موأكثر بعد وصارلي اكثر من 7سنين وانا على هالسالفة .... اسفه اذا طولت عليج ،،،،،،،،،،،،،،،وافيدينا الله يجزاك خير والفردوس الاعلى

 

[نووووونا]

 

[نووني نجد]

سلااااااااااااام دكتورة....

ياليت دكتورة ألقى ردك لي يوم السبت.... لأنه عندي موعد يوم السبت تلبيس الأسنان الأمامية الأربعة بالزريكون لأن السن إللي بالوسط انكسر وأنا صغيرة وحطو لي ماأدري وش أسمها حشوة أو تكميلة للسن بس مشكلتها صار حدودها بني يعني صار مثل الخط بسني لونه بني والسنين الباقيين فيهم تسوس جانبي...

صراحة الدكتورة ماأدري هل هي صادقة معي أو لا؟؟

قالت أسنانك ماتحتاج تبييض... وأسنانك الأمامية تحتاج تلبيس زريكون.... فسؤالي يادكتورة شلون طريقتها يعني تبرد لي السن.. وهل فعلا بيطلع ريحة بالقم؟؟؟ وممكن تطيح؟؟ وممكن تشوه شكل ابتسامتي؟؟

ورأيك أسوي تلبيس الزريكون أو أشيل السوس واحط حشوات تجميلية أحسن يعني فيه خيار لي ينفع غير الزركون ... لان تكلفة تلبيس الزركون بـ 5000 ريال سعودي للأسنان الأربعة...

وقالت لي إنه إذا اخترت خيار ثاني مثل تنظيف السوس وحشوات تكميلية وتجميلية بيكلفك 3000 أو 3500 ريال سعودي فأحسن لك الزركون..

ماأدري هل هدفها مادي أو فعلا صحيح إنه التلبيس أحسن لي؟؟؟؟ ياليت تجاوبيني يادكتورة والله أنا في هم خصوصا إللي حولي يقولون حرام تخربين أسنانك شكلهم حلو ويمكن التلبيس بدل مايحليك يشوهك.........

معليش الكلام ملخبط... بس من الهم إللي فيني

 

[nazek_q8]

نوني نجد

نصيحه نصيحه من اخت لاختها لا تلبسين اسنانج لان التلبيس راح يبردون اسنانج وتصير صغييييييييره بعدين يلبسونها صدقيني مافي احسن من الاسنان الطبيعيه
انتي بس عالجي التسوس وحطي حشوات تجميليه ولبسي ضرس واحد اللي اهو مكسوور وصار بني لونه

انا عندي نفس معاناتج ومتحسسفه على اسناني وعلى فكره الزيركون حلو وايد بس غالي واللي قريت عنه ان ما يطلع ريحه بالفم واللثه ما تلتهب منه عكس التلبيسات الثانيه مثل المعدن وغيرها

وشوفي الدطتوره شنو تنصحج فيه

دكتوره اسفه لاني رديت بس حبيت اقولها تجربتي مع التلبييس

 

[دكتورة أسنان]

دكتوره انا سحب عصب ضرسي الامامي وللحين احس بألم صارله شهر رديت حق الدكتور قالي في التهاب!! علاجه عمليه جراحيه باللثه وقص العصب ويعالجو الالتهاب ؟؟

بصراحه مو مقتنعه بالكلام انتي شرايج؟؟

اامس عادلي جلسه العصب وحطلي دوا وماصكر الضرس قالي راجعيني بعد 5 ايام اذا للحين في ألم راح اسوي الجراحه ؟؟

سؤالي ؟ اذا انا ساحبه العصب اللي كان اساسا ميت شلون احس بألم؟؟ وبعدين انا سويت زراعه حق الضرس اللي يمه صارلي اسبوعين يمكن يكون الالم من الزراعه مؤثر على لثتي واسناني؟؟
ياريت تردين علي بسرعه مابي اسوي جراحه لثتي الحين كلها شابه علي من اعمليه الزراعه

اهلين حبيبتي .. طبعا انا راح اجاوب على اساس شرحج بما اني ما شفت ضروسج .. اولا بالنسبه للاحساس بالالم بعد علاج العصب فقد يكون سببه هو وجود بقايا للاعصاب في القنوات لم يتم سحبها جيدا اما بسبب صعوبة الوصول لها او بسبب اهمال المريض لاكمال علاج العصب ( و اتوقع هذا اهو السبب لانج قلتي يعورج من شهر و المفروض على طول من المستوصف تروحين التخصصي تكملين علاج العصب فاتوقع السبب انج مارحتي كملتيه علشان جذي التهب عليج ) وقد يكون السبب قلة خبرة الطبيب بمجال علاج العصب مما ادى الى تركه احدى القنوات بدون تنظيف ..

وممكن يكون الالتهاب بسبب الزراعه وارد جدا ماتكون الزرعه مضبوطه بس يبين من الاشعه منبع الالتهاب من وين .. راجعي الطبيب و خليه يسويلج اشعه و يقولج من وين الالتهاب و شنو السبب بالضبط .. من وجهة نظري طالما الدكتور شاف الالتهاب من هذا الضرس مو من الزرعه ان شاء الله راح يروح بس ماعطاج مضاد ؟؟

 

[دكتورة أسنان]

دكتوره قريت لج رد على مشاركة الاخت ريحانه14 تقولين ان في ناس تشلع اسنانها الزراعه؟؟ بسبب خطا بالزراعه او عدم الاهتمام بها من قبل المريض؟؟

يعني شلون الحين انا زرعت ضرس ممكن تفشل الزراعه وتلتهب اللثه لا يمعوده انا قاطه شي وشويات اموت قهر اذا فشلت الزراعه انا الحينا سناني كلها صارت حساسه وماقدر اكل شي عليهم خاصه انهم اسناني الاماميه

اي نعم حبيبتي الخطا في كل شي وارد و الزراعه تحتاج مهاره علشان جذي دااائما انصح بالدكتور المتخصص بمجاله + اهتمام المريض المضاعف بالسن المزروع .. لا تحاتين حبيبتي ان شاء الله مايكون الالتهاب منها اهم شي انتي اهتمي فيها و كملي علاج العصب و باذن الله مافي مشاكل لان لو الزرعه فيها عيب كان بين من اول اشعه يعني مو تالي .. يبقى الشي الثاني انج انتي تهتمين فيها و اذا كنتي مهتمه باذن الله مافي مشاكل

 

[دكتورة أسنان]

يعطيك العافيه يا دكتوره انا اسنانيه الاماميه متقدمات ولبستهم واحس شكلهم ماتغير الا بس شي بسيط ودي اسوي لهم تقويم اقدر او مايصير بعد مالبستهم ومشكوره مقدما

الله يعافيج حبيبتي .. حبيبتي الاسنان اللي متقدمه ولا الفك ؟؟ اذا الاسنان فممكن تتصلح بالتقويم لكن اذا الفك كله متقدم فمو شرط التقويم يصلحها ممكن تحتاج جراحه .. سوي اشعه راح يبين

 

[دكتورة أسنان]

قوة دكتورة اول شي يعطيج العافيييييية..
دكتورة شنو يعني تلبيس؟ اذا بسوي تلبيس حق الضرسين الكبار الي جدام شلون و شنو احسن شي؟

هلا حبيبتي الله يعافيج
التلبيس يتم فيه برد السن اما من جميع الجهات او من جهه واحده و من ثم يتم استعاضة الجزء المبرود بالسيراميك او المعدن او الزيركون او البورسلان .. انا ما انصحج تسوين تلبيس اذا ماكنتي محتاجه يعني اذا كان غرضج التجميل فقط .. لانه اذا بتلبسين ال 2 اللي جدام لازم تلبسين اللي يمهم علشان لايصير في فرق باللون خاااصه اذا غرضج تجميلي ..

 

[q8teya2010]

دكتوره..الله يحفضج
انا عندي مشكلة العصب..ورحت عند دكتور عصب اردني ..د. بو رزق وما ارتحتله..واسمع وايد مشاكل بطريقة علاجه
امانة..تنصحين بعيادة الميدان او الحكمة ؟