موضوع خاص للأستفسارات المتعلقة بالأسنان

[دكتورة أسنان]

السلام عليكم
دكتورة أنا عندي ضرس شايلته من زمان المهم رحت الدكتور وأقنعني أقنعني أركب
يعني بيحط لي برغي بعدين يركب فوقه ضرس بس انا خفت لان فيني سكر وضغط فهل هذا الشي يؤثر وإلا عادي

ناطرة ردج

وعليكم السلام ورحمة الله و بركاته ..
عموما اذا شلتي ضرس لازم تركبين مانه علشان الاسنان الباجي لا تريح و تتفجج واللي فوقه لاينزل عليه .. لكن في حالتج انا مااحب مرضى السكر يسوون عمليات جراحيه الا في الضروره القصوى انتي عارفه خطورة هالشي من ناحية صعوبة التئام الجرح و ثانيا اي غلطه من ناحية التعقيم و النظافه راح تعفسج .. طبعا كل شي يصير اهو مو مايصير بس انا رايي لاتدخلين بمتاهات مو وقته الجرح مو زين حق مرضى السكر فما بالج عمليه و خياط ؟ هذا رايي و ماتشوفين شر حبيبتي

 

[دكتورة أسنان]

قوة دكتورتنا


يعيج العافيه على مجهودج .. في ميزان حسناتج انشالله

ابي اسالج سؤال اذا ماعندج مانع ... انا قبل 5 اسنين مركبه تقويم .. و عقب ما شلته اسناني صارو معفوسين واحد ماايل وواحد فو والثاني مادري شلون .. و من التقويم تغير لونهم الى الاصفر صار فيهم بقع صفر .. رحت بسوي ليزر تبيض قالتلي الدكتورة مايصير .. لان باعلى اسناني صاير لونه بني هش .. ف قالت راح يصير الضرس وايد ابيض مقارنه مع هذا راح يصير بني .. بغيت اعرف من شنو هذا ؟ يعني مثل الضرس المحكك من فوق ..

و قالي الدكتور اسنانج يبيلهم تلبيس .. ف شرايج بالتلبييسس ؟؟ انا بصراحه خفت من سالفه برد الاسنان .. لان اخاف اسناني وايد ضعيفه و هشه ف لمن يبردونهم بسرعه يضعفون .. و مع الايام ينكسرون اسناني .. كله افكر جذي ..

وهل صحيح ان يشيلون العصب من الاسنان لمن يحطون التلبيس ؟ و هل صحيا زين التلبيس ؟؟


وادري اني طولت .. و مشكورة مقدما انج استحملتيني ...... يعطيج العافيه

هلا حبيبتي الله يعافيج مشكوره
حبيبتي هذا اللون البني متى طلعلج ؟ من زمان قبل التقويم ولا عقبه ؟ لا انا ما انصح بالتلبيس مثل ماقلتي راح يتكسرون لانهم راح بسحبون منهم العصب بدون داعي ! حرام .. التلبيس زين حق الاسنان اللي مسحوب عصبها علاجيا فننصح المريض بالتلبيس لاطالة عمر السن فقط اما الاسنان مافيها شي تبردينها و تسحبين عصبها و تلبسينها ليش ؟ ماله داعي ..
بالعكس حبيبتي حياج الله الله يعافيج

 

[دكتورة أسنان]

السلام عليكم
و مشكوره دكتوره على هالموضوع المميز
انا عندي مشكله ان اسناني الاماميه فيها خطوط افقيه (بدون لون) يعني اذا حكيت ظفري بسني ما حس ان السن ناعم و املس احس فيه خطوط ..بس بالنظر ماتبين الخطوط لانها بدون لون..بعرف شنو سبب هالمشكله؟ هل هي تاكل بالاسنان و الا شنو؟

وعليكم السلام ورحمة الله و بركاته .. حياج الله حبيبتي
اختي خطوط ولا خشونه ؟ الخطوط مو تاكل هذي تكون مشكله بتكوين المينا مثل الاظافر بالضبط اما الخشونه فممكن يكون سببها تاكل من الاحماض و المواد الخشنه المستخدمه في تنظيف الاسنان .. استخدمي فرشاة ناعمه جدا و معجون الاسنان الحساسه

 

[دكتورة أسنان]

السلام عليييييكم
شلوونج دكتوووره
عندي استفسار ومادري اذا سؤالي مكرر ولا لأ
عندي فجه صغييييييييره بأسناني الاماميه بين الضرسين يعني اللي جدام
عاد انا ابي احط حشوه تجميليه ...تنصحيني فيها ؟؟؟
واهيا غير عن باجي التلبيسات يعني غير عن السراميك ؟؟؟​

وعليكم السلام ورحمة الله وبركاته ..
هلا حبيبتي بخير عساج بخير .. عادي حبيبتي حتى لو مكرر حياج الله اسعدني مرورج
اذا صغيره حيل و مصممه تحطين حطي حشوه تجميليه احسن من التلبيسات .. اي حبيبتي الحشوات التجميليه احسن من التلبيس لان التلبيس يحتاج برد للاسنان بكميه اكبر من الحشوه التجميليه ..

 

[دكتورة أسنان]

شلووونج دكتوووره
جزاج الله الف خيير
الله يعطيج الف عافيه على تعبج ويانا الصراحه


انا سؤالي اهو الحقيقه مو متعلق بالاسنان بس اتوقع اهو من ضمن اختصاصج لانه يتعلق باللثه



وايد تطلعلي بلثتي وصوب خدي من داخل مثل حبوب بيضه ,,تعووووووووووووووووور تذبح ,, تقعد تقريبا اسبووع وبعدين تروح ,,, ومالها وقت محدد يعني ساعات تتم اشهر ما تطلعلي ,,وساعات مثلا تطلعلي بالشهر كذا مره ,, يعني برمضان طلعتلي 3 مرات




بسالج من شنو هالحبوب؟؟؟؟ وشنو العلاج لها ؟؟؟ اذا تعرفين ادويه تطيبها بسرعه يومين جذي ياريت تكتبينهم سواء ع العام او الخاص


شريت دوا من الصيدليه صاير مثل غرشه فيها دوا بني واحط على الحبه منها ,, بس ما سوا شي ,, يعني لو الحبه تقعد اسبوع اهو يروحها ب6 ايام :eh_s(1):

هلا حبيبتي الله يعافيج بخير عساج بخير
على الارجح هذي قرح تطلعلج لمن تكون مناعتج ضعيفه .. في جل مادري اذا موجود بالصيدليات اللي بره ولا لا بس اهو موجود بالمستوصفات الحكوميه اسمه sorcoseryle استخدميه مرتين باليوم + betadine مضمضه و غرغره كل 3 ساعات بدون تخفيف و ان شاء الله ترتاحين معاهم و جربيهم و طمنينا عليج

 

[دكتورة أسنان]

يعطيج العافيه دكتوره على هالتعب اللي قاعده تتعبينه مع بنات المنتدى
بس اذا ما عليج امر بقيت اسألج بخصوص بنت خالتي عندها الاسنان الاماميه حدها خربانه
يعني عندها ضرس اللي جدام متحفر وشكله متاكله من جدام مو على الاطراف
واهي من هالشغله صارت منعزله عن الناس لان ما تقدر تتكلم او تضحك وتاخذ راحتها
واهي مستحيه اتروح الطبيب لا حكومي ولا خاص لانها متفشله
عاد بقيت افيدها شنو اتسوي شنو الحل زراعه والا تلبيس والا شنو ؟؟
وياريت اتفيدينها بكون شاكره لج طول العمر واسفه طولت عليج سوري

الله يعافيج حبيبتي تستاهلون الطيب
ليش فشله عادي دكتور الاسنان هذي شغلته و ياااما انشوف يعني مشكلتها بسيطه خليها بس تروح قبل لا يوصل التسوس للعصب و تالي راح تروح مضطره و متالمه خليها الحين تروح على راحتها و بكيفها احسن تنظف التسوس و تالس حسب كمية السوس تحدد شنو تحتاج .. لا تستعيل على الزراعه يمكن الضرس يستحمل بس خليها تروح افضل ضغطي عليها و فهميها ان الوضع عادي جدا و الطبيب هذي شغلته حياج الله حبيبتي

 

[دكتورة أسنان]

وينج دكتوره hello !!!!!!!!!!!!

هلا يا عمري :eh_s(6): خو بعد عيد ربوع شنو ماعيدتو :dddds:

 

[ربوع الحلوة]

الله يجعل أيامج كلها عيد يادكتوره ويوفقج يارب ويرزقج علي قد نيتج الخير كله يارب

سؤال أخر : شنو أنواع الزرعات للسن لأني سمعت إن في كذا نوع ؟ ومتي يتم إزالة الغطاء للمسمار وتركيب ضرس في كل الحالات ؟

 

[nazek_q8]

دكتوره

عندي سؤال ابي اعرف الحشوات التجميليه شنو انواعها وهل قوتها تتحمل خاصه في اسنان الطواحن؟؟ لان عندي ضرس معالجه عصبه وصارله 9 سنين بس انا مالبسته الدكتور بس حطله حشوه بيضه واللي يمه في حشوة سوده وبينها صاير فراغ يدش فيه اكل ومضايقني عاد انا قلت ابي اغيرهم واحط حشوه تجميليه واصكر هالفراغ مادري شراريج؟؟ والا اسوي تلبيس؟؟ وشنو احسن تلبيس للاسنان الخلفيه(الطواحن) اللي مع معدن والا الفينير بدون معدن؟؟

 

[nazek_q8]

دكتوره سؤال ثاني

انا سويت زراعه عظم وضرس بس للحين ماخلصت العلاج وصارلي 6 اسابيع

بعرف جم المده عشان ينمو العظم حوالين الزرعه ؟؟

 

[دكتوره دلال]

مشكوووووره دكتوره
ماقصرتي يعطييج الف عافيه

 

[eman79]

السلام عليكم

دكتورتنا عندي استفسار عن عيادة الخفجي اشرايج فيهم و مستواهم و سبب رخص الاسعار عن عياداتنا هل هو رداءة المواد و اذا فعلا رديئة شلون ماشية عادي باكثر من دولة مثل سوريا و ايران و تنصحيني ازرع اسنان عندهم او لا

 

[ربوع الحلوة]

حبيبتي دكتوره إخوي حاب يسأل سؤال: إهوا أسنانه الأماميه شويه صغيره مووايد بس تدرين يسمع بصرعة وموضة الحشوات التجميليه

أنا نصحته دام أسنانه سليمه لايبردها ويلعب فيها خصوصا عمره صغير 19 سنه بس حاب يسأل شنو الحل الثاني يكبر فيها شوي أسنانه

مثلا اللومينير ؟ تضبط وإلاشرايج ؟؟

 

[شكنوومه]

شلونج دكتوره ؟
عزيزتي انا ثاني مره اركب تقويم اسنان لانه عندي بروز بالفك العلوي ..بس مادري ليش الدكتور ركب لي تقويم
ويوم عن يوم احس انه البروز بلش يزيد مادري اتوهم ولا صج البروز يزيد

ودي اسوي عملية ارجاع الفلك العلوي لوضعه الطبيعي مع اني رحت حق عيادة الثريا اللي حاطه عندهم هالتقويم والدكتور قالي لا ماله داعي عملية ارجاع الفك العلوي انتي واضبي علي السيوور عشان فكج اللي تحت يبرز ليجدام :/
والله حسيت انهاعياده اي شي
مادري شنو اسوي

 

[! بــدويه وآآيــد !]

:~



انا حطيـــت تقويم من قبــل وشلتــه وقطيت المتحرك واختربت اسنآآني اقدر ارد تقويم مره ثآآنيه ؟؟




ومششكورهـْ~



:~

 

[ربوع الحلوة]

HeLLO !!!! وينج دكتوووره غاب القمرررر مره ثانيه ؟؟؟؟ ننطرج

 

[nazek_q8]

دكتوره وييييييييييييييييييينج ؟؟

ادري وايد اسألتي الظاهر من جذثي مختفيه

اسناني صارت حساسه بعد سحب العصب وواحد من اللي سحاحبه عصبه في التهاب داخل بالعظم او حوالين اللثه بعرف هل يروح بالمضادات والا لازم جراحه والا اشلعه وازرع مكانه؟؟

 

[نورعيونك]

دكتوره انا اسنانى كان عليهم جير ورحت عياده خاصه والدكتور سوالي تنظيف وقال الضروس يبيلهم حشوات عشان فيهم سوس 5 ظروس المهم سويت حشوات وعندى الاربع اسنان الى تحت فيهم حركه بسيطه حيل بس انا اخاف اكل عليهم اخاف يطيحون والدكتور قال من الجير الى كان موجود وللثه تعبانه بس ترتاح يردون يثبتون صج دكتوره يثبتون ولاخلاص ماكو امل زين دكتوره ابي شي يثبتهم لان الحركه خفيفه اخاف تزيد مع الايام ويطيحون اسنانى شسوى دكتوره تكفين ابي رد باسرع وقت صج مع الوقت اذا ارتاحت اللثه يثبتون الاسنان او لا وشنو اسوى الحين

 

[احلى غلا]

حبيبتي اشلونج؟يعطيج العافيه
انا الحمدالله اسناني اوكي بس بخاطري اركب حق اسنوني الي جدام الفوق والي تحت سراميك
تنصحين فيه ولا لا؟وابي اعرف ياثر عالاسنان الي تحت؟ولا يطيح مع الايام والسنين ولا لا؟

 

[دكتورة أسنان]

الله يجعل أيامج كلها عيد يادكتوره ويوفقج يارب ويرزقج علي قد نيتج الخير كله يارب

سؤال أخر : شنو أنواع الزرعات للسن لأني سمعت إن في كذا نوع ؟ ومتي يتم إزالة الغطاء للمسمار وتركيب ضرس في كل الحالات ؟

حبيبتي امين و اجمعين
انواع الزرعات اذا تقصدين المسمار نفسه فهو نوع واحد مصنوع من التيتانيوم لانه المعدن الوحيد اللي مايرفضه الجسم و ينمو عليه العظم بشكل طبيعي .. اما اذا تقصدين انواع التيجان فهي نفس انواع التلبيسات و قد يضاف لها التيتانيوم كناحيه جماليه .. غطاء المسمار يتم ازلته بعد التحام العظم على الزرعه و يستغرق فتره مابين الاسبوعين الى شهرين ..