موضوع خاص للأستفسارات المتعلقة بالأسنان

[ربوع الحلوة]

وسوري دكتوره بسأل حشوة ال lava إهيا تكون مصنوعه من الزيركون ؟ وإهو نفسه الخزف

 

[نووووونا]

 

[سلطانة]

السلام عليكم ورحمة الله وبركاتة


لوسمحتى يا دكتورة ابى اعرف شنو الفرق بين السراميك و الزركون

وشنو الافضل للتلبيس للاسنان الامامية وشنو اللى يبين شكله طبيبعى واجمل

 

[طفلة كبيرة]

الله يعطيج الصحه والعافية واشكرج دكتورتنا على الرد
بس سؤال واحد شنو البوليش مو فاهمته ؟؟ وأفضل أنواع التبيض للاسنان ؟؟ اخاف يتحسسون اسناني بعدين ..
وشكرا مرة اخرى
.
.
.

 

[عبرة الأيام]

دكتورتنا انا شلت ضرس العقل بجراحة وكان الضرس ملتهب المهم صارلي 8 أشهر بس للحين أحس بألم تحت الضرس صوب الأذن فهل هذا الشي طبيعي ؟

 

[sun_light]

السلام عليكم
دكتورة أنا عندي ضرس شايلته من زمان المهم رحت الدكتور وأقنعني أقنعني أركب
يعني بيحط لي برغي بعدين يركب فوقه ضرس بس انا خفت لان فيني سكر وضغط فهل هذا الشي يؤثر وإلا عادي

ناطرة ردج

 

[fatma90]

قوة دكتورتنا


يعيج العافيه على مجهودج .. في ميزان حسناتج انشالله

ابي اسالج سؤال اذا ماعندج مانع ... انا قبل 5 اسنين مركبه تقويم .. و عقب ما شلته اسناني صارو معفوسين واحد ماايل وواحد فو والثاني مادري شلون .. و من التقويم تغير لونهم الى الاصفر صار فيهم بقع صفر .. رحت بسوي ليزر تبيض قالتلي الدكتورة مايصير .. لان باعلى اسناني صاير لونه بني هش .. ف قالت راح يصير الضرس وايد ابيض مقارنه مع هذا راح يصير بني .. بغيت اعرف من شنو هذا ؟ يعني مثل الضرس المحكك من فوق ..

و قالي الدكتور اسنانج يبيلهم تلبيس .. ف شرايج بالتلبييسس ؟؟ انا بصراحه خفت من سالفه برد الاسنان .. لان اخاف اسناني وايد ضعيفه و هشه ف لمن يبردونهم بسرعه يضعفون .. و مع الايام ينكسرون اسناني .. كله افكر جذي ..

وهل صحيح ان يشيلون العصب من الاسنان لمن يحطون التلبيس ؟ و هل صحيا زين التلبيس ؟؟


وادري اني طولت .. و مشكورة مقدما انج استحملتيني ...... يعطيج العافيه

 

[بحر الرمال]

السلام عليكم
و مشكوره دكتوره على هالموضوع المميز
انا عندي مشكله ان اسناني الاماميه فيها خطوط افقيه (بدون لون) يعني اذا حكيت ظفري بسني ما حس ان السن ناعم و املس احس فيه خطوط ..بس بالنظر ماتبين الخطوط لانها بدون لون..بعرف شنو سبب هالمشكله؟ هل هي تاكل بالاسنان و الا شنو؟

 

[دكتوره دلال]

السلام عليييييكم
شلوونج دكتوووره
عندي استفسار ومادري اذا سؤالي مكرر ولا لأ
عندي فجه صغييييييييره بأسناني الاماميه بين الضرسين يعني اللي جدام
عاد انا ابي احط حشوه تجميليه ...تنصحيني فيها ؟؟؟
واهيا غير عن باجي التلبيسات يعني غير عن السراميك ؟؟؟​

 

[دراما كوين]

شلووونج دكتوووره
جزاج الله الف خيير
الله يعطيج الف عافيه على تعبج ويانا الصراحه


انا سؤالي اهو الحقيقه مو متعلق بالاسنان بس اتوقع اهو من ضمن اختصاصج لانه يتعلق باللثه



وايد تطلعلي بلثتي وصوب خدي من داخل مثل حبوب بيضه ,,تعووووووووووووووووور تذبح ,, تقعد تقريبا اسبووع وبعدين تروح ,,, ومالها وقت محدد يعني ساعات تتم اشهر ما تطلعلي ,,وساعات مثلا تطلعلي بالشهر كذا مره ,, يعني برمضان طلعتلي 3 مرات




بسالج من شنو هالحبوب؟؟؟؟ وشنو العلاج لها ؟؟؟ اذا تعرفين ادويه تطيبها بسرعه يومين جذي ياريت تكتبينهم سواء ع العام او الخاص


شريت دوا من الصيدليه صاير مثل غرشه فيها دوا بني واحط على الحبه منها ,, بس ما سوا شي ,, يعني لو الحبه تقعد اسبوع اهو يروحها ب6 ايام :eh_s(1):

 

[ذكراك تكفيني]

يعطيج العافيه دكتوره على هالتعب اللي قاعده تتعبينه مع بنات المنتدى
بس اذا ما عليج امر بقيت اسألج بخصوص بنت خالتي عندها الاسنان الاماميه حدها خربانه
يعني عندها ضرس اللي جدام متحفر وشكله متاكله من جدام مو على الاطراف
واهي من هالشغله صارت منعزله عن الناس لان ما تقدر تتكلم او تضحك وتاخذ راحتها
واهي مستحيه اتروح الطبيب لا حكومي ولا خاص لانها متفشله
عاد بقيت افيدها شنو اتسوي شنو الحل زراعه والا تلبيس والا شنو ؟؟
وياريت اتفيدينها بكون شاكره لج طول العمر واسفه طولت عليج سوري

 

[ربوع الحلوة]

وينج دكتوره hello !!!!!!!!!!!!

 

[دكتورة أسنان]

السلام عليكم
شلونج دكتوورة
وعيدج مبارك
اذا ما عندج مانع ودي اتجاوبيني على هالسؤال
يوم كنت صغيرة صار حادث صغيرون وخيطولي لثتي من جدام وقتها كانت اسناني لبنية ومن كبرت وصارت اسناني دائمة
قال دكتور الاسنان ان من اكبر لازم احط تقويم
الحين اسناي في فجة من جدام ونفسه الضرسين شوي طالعين برا
بس الكل يقولي حلو لان اسناني الباجي عادي صايرين لو ما الفجة وطالعين شوي جان صار صفة وحدة وفي اللي تحت صفة وحدة بس فراغ بسيط
حتى لو بيعدلونه بالحشوات التجميلية و هالاشياء ما راح يتعدل
والشي الثاني عندي سوء اطباق <<< اذا كان اسمه صح
لمة اصك حلجي واسناني ما ينصكون على بعض عدل
غير لمة اكون صاكة حلجي عادي طبيعي اسناني نوعا ما ما تكون مصكرة وشوي لساني يطلع برا مادري فهمتي قصد ولا لأ
ومرة سألت دكتورة قالتلي ما يحتاي وشكله حلو جذي
والصراحة انا مابي اطول وايد بالتقويم وماحبه احس يشوه الويه
+ انا اخاف من دكاترة الاسنان
+ يحتاج اهتمام اكثر
فشرايج
؟؟؟

وعليكم السلام ورحمة الله و بركاته .. بخير حبيبتي عساج بخير و ايامج سعيده ولو انها متاخره :eh_s(6):
بالنسبه لموضوع التقويم انا عن نفسي عندي اقتناع ان اهم شي استعداد المريض التام يعني اذا انتي مو مقتنعه فيه مليون بال 100 لاتسوينه ! اما اذا كان سؤالج هل تحتاجينه ولا لا .. فاقولج اذا عندج سوء اطباق تحتاجينه بس اذا انتي مو متضايقه منه شكلا و مضمونا لاتسوينه خلاص لان الاهتمام بالاسنان اثناء و بعد التقويم اهم من التقويم نفسه و اهمال الاسنان يجعل المشكله اكثر سوءا .. لا تبدين فيه الا اذا كنتي ناويه تكملينه للنهايه باذن الله هذا رايي

 

[دكتورة أسنان]

جزاااااج الله خير يا دكتورتنا

مشكوووووووووووورة و يعطيج العاااااافية


و عيدج مبارك

حياج الله حبيبتي الله يعافيج و ايامج سعيده :eh_s(6):

 

[دكتورة أسنان]

مشكوووره دكتوره علي إهتمامج وسرعة الرد ياقلبي الله يوفقج يارب ويعطيج علي قد نيتج

عندي سؤال : هل جميع الحشوات التجميليه الفينير أو ال lava أوغيرها يتم فيها برد الأسنان نفس الشيء ؟؟

وشكرا جزيلا لج

حياج الله حبيبتي اجمعين مشكوره ..
بالنسبه للحشوات التجميليه فيتم فيها برد الاسنان على حسب حجم التسوس فقط و ان لم يكن هناك تسوس يتم برد كميه قليله جدا تقدرين تقولين ( خربشه ) مجرد برد خفيف لجعل السطح خشن فقط علشان الجشوه تمسك احسن ..
اما الفينيرز فاكثرها بردا .. يليها الافا .. و الاقل بردا هي الامينيت ..

عفوا حبيبتي

 

[دكتورة أسنان]

وسوري دكتوره بسأل حشوة ال lava إهيا تكون مصنوعه من الزيركون ؟ وإهو نفسه الخزف

اي حبيبتي مصنوعه من الزيركونيوم .. لا الخزف غير

 

[دكتورة أسنان]

و انتي بصحه وسلامه يالغاليه و عيدج مبارك مؤخرا :eh_s(6):

 

[دكتورة أسنان]

السلام عليكم ورحمة الله وبركاتة


لوسمحتى يا دكتورة ابى اعرف شنو الفرق بين السراميك و الزركون

وشنو الافضل للتلبيس للاسنان الامامية وشنو اللى يبين شكله طبيبعى واجمل

وعليكم السلام ورحمة الله و بركاته ..
الفرق هو الماده المصنوعه منها البورسلان يستخدم في السيراميك و الزركونيوم في الافا + التكنيك في البورسلان يستخدم التكنين اليدوي و في الافا التقنيه الرقميه ( الكمبيوتر ) والافضل الى الان من ناحية الشكل و الدقه هو الافا المصنوع من الزركونيوم ولكن لانه جديد في مجال التلبيس لم يتم تقرير عمره الافتراضي بدقه و مشاكله ..

 

[دكتورة أسنان]

الله يعطيج الصحه والعافية واشكرج دكتورتنا على الرد
بس سؤال واحد شنو البوليش مو فاهمته ؟؟ وأفضل أنواع التبيض للاسنان ؟؟ اخاف يتحسسون اسناني بعدين ..
وشكرا مرة اخرى
.
.
.

الله يعافيج حبيبتي وحياج الله
البوليش هي تقنيه يتم فيها تسليط ماده خشنه طعمها مالح على البقع الداكنه من الاسنان فتكشطها و تلمع الاسنان مثل بوليش السيارات يعني :eh_s(6): بالنسبه لانواع التبييض اقري موضوعي http://q8yat.net/showthread.php?t=227422 وطبعا كلها تسبب حساسيه الاسنان و اللثه ولكن تتفاوت حدتها حسب قوتة العمليه المستخدمه .. حيااج

 

[دكتورة أسنان]

دكتورتنا انا شلت ضرس العقل بجراحة وكان الضرس ملتهب المهم صارلي 8 أشهر بس للحين أحس بألم تحت الضرس صوب الأذن فهل هذا الشي طبيعي ؟

لا حبيبتي طالما شلتيه مو طبيعي يضل الالم ! يمكن مو منه سوي اشعه و جيكي على ضرس العقل المقابل له و ان شاء الله خير