ملف أطباق المبتدئات بالطبخ تفضلوا ملف متجدد مقبلات - اطباق رئيسيه - حلويات

[Simply_Me]

يعطيكم الف الف الف عافية بصراحة موضوووع روووعة
أنا مبتدئه بالطبخ توني مسجله بالمنتدى بس من زمان كنت أتابع الموضوع وبصراحة تشجعون عالطبخ
تسلمووون =)

 

[<< أزيان >>]

حياج الله ياقلبي

وتشرفت بمعرفتج وان شاء الله دوم تكونين معانا

 

[ملاك بحار]

مشكوره!

 

[<< أزيان >>]

العفو ياحياتي حياج

 

[ام سلومd]

ماركية تعالي بيتي مسوية خوش حلو مخصوص حقج يا احلى ماركية
اشلونكم بنات شخباركم اليوم راح انزل لكم مجموووووووووووعة كبييييييييرة من الحلويات طبعا من ايدي


كيكة كور الكاكاو

المقادير:
2 كيكة سرالي الكاكاو
الخلطة:
2 دريم ويب
2 قيمر
2 كيس كريم كراميل
قفشة جاي قهوة بودر
للتزين: كاكاو مالتيز
و اشوي كاكاو بودر
الطريقة:

نقطع الكيك الكاكاو طولي و نصفة في البايركس

و نخلط الخلصة كلها مع بعض

و نحط نصف الكمية

بعدين نحطالصف الثاني و نحط باجي الخلطة
و نصف كاكاو المالتيز

و نزينها في الكاكاو البودرة

 

[<< أزيان >>]

عاشت ام سلوم

عاشت الغاليه

بعد قلبي ماتقصرين

دايم مبدعه ويسعدني اشوف كيكاتج المميزه

يعطيج العافيه حبيبتي

 

[العز انا]

ماركيه وام سلوم الله يوفقكم ويسعدكموين ماكنتومواضيعكم جونان وقاعدنستفيد منها والله ادعيلكم
كل حلوياتكم خلصتها ههههه الحين ببدي انقل السلطات وبعدها الاطباق


فدييتكم ...

 

[<< أزيان >>]

بعد قلبي حبيبتي

عليج بالعافيه

وحياج الله

 

[amoonaa85]

يعطيكم العافيه بنات

 

[^^ام ميمي^^]

حبيت اشارك بهالطبخة

مرق كفتة لحم وعيش مشخول


1 كفتة لحم خزان او اي نوع تفضلينة طبعا مثلجة ,,,

2 حبات طماطم مقطع مربعات صغيرة

معجون طماط


4 فصوص ثوم مهروسه


2 بصل كبير مقطع مربعات صغيره


بهارات مشكلة اي شيء تفضلينة من عندج بالمطبخ (( فلفل اسود ,, كمون ,, كزبرة )) مطحون كله طبعا

مرق كفتة اللحم :
تاخذين جدر صغير و تحطين فيه زيت تقريبا 3 ملاعق و تحطين الثوم مع بهارات حب عبارة عن مسمار و فلفل اسود و دارسين و ورق غار هذا سر الطبخ طبعاااا دائما وابدا لازم تحطين بطباخج هالبهارات الحب علشان الريحة والنكهه,

اول ما يحمر الثوم تحطين فوقه البصل ثم معجون الطماط و الطماط المربعات و البهارات يمكن اظافة الفلفل علوب حبه وحده واللومي الاسود حبه وحده .

عقب اتصبين عليه تقريبا ماي كوبين اكثر بشوية او اقل عادي و لا تنسين تحطين ملح واتذوقين طعمه على اشوي اشوي لما اتحسين ان تعدل الملح وكافي و اذا كنتي من النوع اللي ما يعرف يضبط نسبة الملح حطي بس مكعب ماجي واحد وباقي الملح لما اتقديمينة قولي للي بياكلون هذي المملحة اذا تبون ملح زيده حطووو <<<< احسن حل

الكفتة تكونين قاليتها بالزيت وتحطينها مع المرقة اخر شيء وتنطرين اشوي تقريبا 10 دقايق علشان تتشرب من المرقة
العيش :
تاخذين اشوية من الثوم تقريبا فصة وحده وتحمسينها بجدر باشوية زيت مع ملح و البهارات العدله (( فلفل اسود حب + ورق غار + دارسين + مسمار ))

وتكونين طبعا منقعة العيش وانا افضل عيش كنتري اكس ال تقريبا نص ساعه و مزهبة يمج ماي تصبين الماي على الحمسة اللي صارت وتخلينة يغلي اذا فاح الماي شيلي البهارات الحب و حطي عيشج

انا ما حطيت لكم قياس معين للماي والعيش بس يفضل ان لكل كوب عيش كوب ماي تقريبا او كوب وربع لانج بالنهاية راح تشخلين العيش عن الماي هذا للمبتدئات لان ما يعرفون او ما يضبطون قياس العيش وعقب ما تشخلين العيش حطيه بالصحن وحطي فوقة بصل جوانح مقليه او مقصص صغار يعني حشوو


ويقدم مع السلطة و بالعافيه



اتمنى يا بنات اللي اتجريها تقولي اشلون النتيجة

 

[<< أزيان >>]

امونه

الله يعافيج حبيبتي

ام ميمي

مشكوره حبيبتي ويعطيج الف عافيه عالطبخه الحلوه

تسلم ايدج حبببيبتي

 

[ملكة الليالي]

مشكورة

 

[فديت الاسمر]

الموضوع اكثر من روعيه يعطيكم الف عافية

 

[<< أزيان >>]

ملكة الليالي

فديت الاسمر

حياكم الله ياحياتي اسعدني مروركم

 

[miss_tn7n7]

مشكووووووووورين خواتي عالموضوع
والصراحه انا كنت ناويه ادش المطبخ واتعلم
بس كان مالي خلق
بس الحين شجعتوني وقريت الموضوع كله وببدي اطبخ طبخاتكم
يعطيكم العافيه يا احلى بنات بأحلى منتدى

 

[<< أزيان >>]

حبيبتي حياج الله

وان شاء الله بتشجعين اكثر وادشين المطبخ وتورينا ابداعاتج

 

[شاي مهيل]

يعطيج العافيه ام سلوم وماركيه

 

[78MariMar78]

يعطيكم العافية بنات

 

[Sparkle]

بيلي قعده وأطالع الموضوع عدل مشاء الله وايد حلو يبيلي أطبع جم وصفه

 

[<< أزيان >>]

حياج الله حبيبتي

نور الموضوع